快樂蜂 (國都大廈)

营业中

休息中

很久以前的某一個星期日途經中環，見到有一間擠滿菲律賓傭工的快餐店－Jolliebee，多人的程度直頭擠滿整間餐店到店外，心諗是好好食，還是思鄉？多年後的今日，終於在尖沙咀試一試這隻快樂的蜜蜂。平日午餐的時間，人數多但未至於無位，看看牆上的餐牌，原來這裡有炸雞、漢堡包、熱狗和飯，簡直是KCF和麥當勞的混合體，最後點了歡樂桶套餐。歡樂桶套餐有六件雞、兩個意粉、兩杯薯蓉、兩杯粟米、四個湯和四杯汽水，份量相當豐富，足夠三至四人的食用。脆雞的外皮又脆又薄，而裡面的肉質亦相當juicy嫩滑，還有肉汁流出來，調味方面，剛剛好，不會太咸，更值得一讚的是，附送的一個磨菇醬，點雞比茄汁比夾。最意外的是意粉，外表平平無奇，但茄汁酸酸甜甜，十分醒胃，令人食欲大增。值得一題，比錢埋單的時候，見到不少食客用手機show比收銀員，原來而家起快樂蜂在yahoo做緊團購50%off，認真抵食，有買趁手。

菲律賓出品，炸雞咁出名，全球都有分店，我都好想試，就買左團購，50%off 優惠，今晚去用下先。一出地鐵兩分鐘就到，店面都幾大，又多位。Cashier簡單乾淨整潔。出單後等電視出number就攞得，出食物都幾快。3人share食，係咁上下啦。Chicken joy bucket ($90/ 6pcs)終於聞名不如見面，雞件超大份，仲有過手掌！雞味濃郁，皮超脆，肉質又超滑，相當高質素！附上特色醬汁，似蘑菇飯個汁，配炸雞又幾特別喎。Jolly hotdog ($35/set)連fries & coke，熱狗有好多芝士！Aloha yumburger ($39/set) with fries & lemon tea，夏威夷堡有菠蘿、bacon、漢堡扒、生菜、cheese，好豐富！薯條唔會太油太乾，啱啱好！Peach Mango pie ($8) 桃芒果味濃郁，脆卜卜，細細個，食左都唔覺飽。coke, lemon tea

一向喜歡食炸雞嘅我，一早對Jolibee有所聽聞，之前只係得中環一間分店，無乜機會食。但近年港九地區開多咗分店，連早前菲律賓總統訪港都要專程去食，已經令到我好想試。咁岩尋日見到Yahoo有團購，雖然搶唔到"一蚊雞"，但見兩個餐都只係需要40蚊相當抵食，當然二話不說就買啦。適逢今個星期Sogo大減價，掃完貨就順路去尖沙咀分店，可能係團購關係，平日都幾多人，要等咗陣先有位。餐牌簡單一目了然，我地一行兩人除咗團購兩個餐外，亦加咗一份5件脆雞柳及一個香芒蜜桃批。食物好快就到，炸雞外皮香脆，炸粉唔會太厚，雞肉依然保持嫩滑多汁，配埋特製肉汁食更加惹味。脆雞柳雖然係用雞胸肉，但肉質唔鞋，啖啖肉好味道。而香芒蜜桃批味道特別，食完油膩炸雞後食返d甜食感覺清新。埋單每人都只係40蚊左右，非常抵食，如果聽日可以搶到一蚊雞就更好了。

重開後第一次食 😋我以為 #jollibee 仲係叫 #祖樂比 😂😂 不過同事話改左名好耐 🙈 而家叫 #快樂蜂 .雞脆到無話可說, 好味到連唔食雞皮嘅我都食唔停口! 同事一面食, 一面嗌: 。。。肯德X? 咩嚟㗎? 😂😂😂😂.套餐價錢平, 雞🐔超大件! 勁脆外皮完全唔厚, 毫無肥肉, 撕開外皮仲出煙, 但係又唔會 "辣" 口, 雞肉超嫩滑 juicy! 😋😋😋😋😋😋😋😋😋😋.一般人會配飯 或 意粉, 我要米粉! 蝦米粉不得了! 超特別仲堅好味, 個醬汁唔咸, 好香, 好濃蝦味, 仲有大量炸蒜舖面, 一試難忘 😋😋 大家記住要試下!

一時興起想食炸雞，星期六上完堂本身諗住同friend去KFC到啦。OpenRice睇到除咗KFC之外其實仲有好多選擇喎，其中來自菲律賓嘅jollibee 好似幾受歡迎，分店又多又近我上堂地點，咁一定要去食啦。其實望到個餐牌選擇唔多，但係呢度最出名就係食炸雞，炸雞呢只有一款好似KFC個隻香辣脆雞個Crust咁，分左雞鎚同上髀。配埋薯條同汽水都只係$43姐，要讚嘅係個炸雞咬落真係好juicy，雞肉好嫩滑唔會嚡口，佢本身個層crust 好well seasoned，仲好貼心咁有個蘑菇汁去點，係出面好少見有咁既配搭但又出奇地好夾。不過覺得個細薯條有啲唔係好夠，嗰個份量多少少就好啦。食完兩件雞都覺得唔夠喉，好想叫多幾件，但卡路里爆錶了。

呢間快樂蜂就在iSquare旁邊，好易搵。今日我點了一份C4套餐，有兩隻炸雞, 一小盒蘑菇飯, 加一杯中汽水, 盛惠$47。炸雞真係炸得好juicy, 多汁而且滑, 佢雞皮炸得好脆好香，好似魚皮咁, 其他快餐店真係無得比, 呢D才是真正的炸雞蘑菇飯亦幾好味，個汁唔錯。雖然佢價錢的確唔平，但佢勝在食物質素好，環境亦非常好。平日中午去都唔係好多人, 一定有位坐，仲有洗水的地方, 唔怕食到隻手好油。餐廳的員工好得閒, D人食完野佢地可以在30秒內收起D盤。不過唔知點解今日食完呢餐, 在回公司途中就肚痛, 番工司仲痾左兩轉。由於我食前有洗手, 真係好難唔懷疑係D食物.....令我對呢間餐廳大打折扣

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！記得細個個陣同屋企人會去上校個間食雞，初頭未識食，重量不重質，次次都叫家庭分享桶，除左有十件炸雞仲有兩枝氣水、薯容、飯、粟米，一家四口一定食得飽。到大個之後就再無去，因為其實你知道個雞好油，唔好食！無所謂啦，之後有三多炸骴代替都過得去，到最近我經開尖沙咀iSquare見到呢間快樂蜂，本著體驗菲律賓文化心態去試，結果自此我重新跌入炸雞嘅懷抱！快樂蜂炸雞唔知係用咩方法去造，個炸漿係薄薄一層，皮脆肉嫩，當你撕開舊雞係會見到出煙架！係每一次食都出煙熱辣辣，並唔係撞正咁啱炸起新鮮雞，呢點我係好佩服的，因為即使上校個間咁多人幫襯都無可能做到次次都新鮮熱辣，只能靠運，所以如果講雞，你食過快樂蜂就真係番唔到轉頭！隨雞附上gravy，食慣上校嘅我一開頭都唔知個gravy要

第一次食Jollibee 係中環個一間，中環個間比較大，好似去左菲律賓咁，尖沙咀新開，好乾淨，每次去都一定有位，上次在中環食覺一般，見到尖沙嘴開左，都食左好多次，今次終於寫食評🤣叫左2件雞嘅餐，上次黎見到D菲律賓姐姐係配飯，同自己講下次一定要配飯，又想配意粉，我好喜歡佢D意粉，但最後都係配薯條😆。 D雞都幾大件，皮超脆，又唔會覺得肥膩，入面D雞肉超滑同juicy, 好彩今次叫左薯條，薯條係剛炸的，好好味呀！ 點雞個gravy 好好味呀！又唔係好鹹，配飯應該唔錯，其實左Jollibee 真係唔會食其他炸雞！！

It’s so hard to think what to eat for lunch time .... today my colleague said jolibee is so famous and it got branch in tst now !! So we came here for our lunch !I ordered a combo , with 2 pieces of fried chicken, also fries and Pepsi light .The chicken are very good taste , I thinks it’s much better than kfc , the skin are very crispy , yum !!!! But the fries is normal , the pesis got too much ice.

如果沒有記錯的話，其實快樂蜂是多年前在香港也有分店經營，不過只是霎時之間，所有分店逐漸關閉而巳，所以後來看到它們的分店在香港又重開，感覺很開心。可分三方面來說：首先，以前菲律賓人在香港做女傭的時候給人的感覺很差，但是現在步入這間分店時，每個員工都會表現出一種尊重和親切的笑容，是現時大部份大型連鎖快餐店員工面上完全找不到的笑容 ，究竟是現時這些大型連鎖快餐店完全忘記了什麼是基本笑容呀?還是這些海外曉得進化呢?其次，價錢方面，也算不過不失，基本上現在一般連鎖快餐店食一頓午飯或晚飯也差不多，不論漢堡飽套餐還是飯餐，大家相差十元八塊而巳。最後，再講食物質數，先講炸雞，絕對俾其他以推銷炸雞為招牌的大型連鎖店的炸雞更加美味，先不要說有沒有選擇辣，起碼肉質很滑和很脆口，而且很熱，唯是沒有手套供應，可以的話更加好。還有就是漢堡扒飯一個人肯定食唔哂，勁大份超扺食，不過如果多一些汁會好一點。

環境：👣👣👣👣食物：😋😋😋態度：😊😊😊性價比：👍👍👍👍套餐：20蚊抱歉，我太趕時間，真係影得有d樣衰🙏🏻🙏🏻環境方面，其實比較難得唔貴之餘仲無乜人排隊，有好多位可以坐，而且望落都好乾淨，所以我比得比較高分。食物方面，我叫既係煙肉蛋班戟加咖啡，幾有驚喜，我第一啖入口就覺得新奇得黎幾好食。一開始食到楓糖味班戟既香甜，之後加埋煙肉，蛋同醬（我無認真研究個醬咩味），會淡化左楓糖味，出返d煙肉味出黎，感覺唔會唔夾。（唯一唔好期待佢好大個，大過杯蓋囉）比較遜色係咖啡，無乜咖啡味同無乜奶味，比飲水多左d奶茶色咁囉。態度方面，我覺得佢地幾nice，但都係唔係接觸左好耐，所以中庸之道。最後，我見佢大餐牌寫20蚊，但收銀前張卡仔寫26，我迷惘左一下，不過我無出聲，等佢話我知幾錢就算。我諗我會試埋佢既熱狗早餐既🤔#hkig#hongkong#hongkongfood#food#hk #breakfast #jolibee #pancake #bacon #coffee

放工後同友人到尖沙咀食飯，速食之下去了快樂蜂，講起來，好耐以前讀書時期，快樂蜂在香港曾存在過幾間分店，其後不停結業只有中環果間存在，果時返工經過中環時成日經過但冇幫襯，前年卻不知不覺開左咁多分店呀。 晚上7點幾好少人。 樂脆雞套餐，配薯條，$35。 炸雞好大件，皮好香脆，加上夠熱騰騰更好味，夠晒飽，仲有埋醬汁，隨你喜歡用唔用。 醬汁份量多又好味。 薯條夠熱幾好味。 餐廳職員多是菲律賓人，亦有不少姐姐幫襯，果然係友人傳聞中的女傭cafe，晚上唔算好多人，唔洗點排隊買餐同實有位，必快之選呀。

係尖沙咀食lunch有時真係多到唔知食咩好， 突然想食d熱氣野又行過isquare, 見對面有炸雞食就衝左入去。細個嗰時食過，估唔到佢再開返。 人唔係好多， 好似即叫即炸， d 雞熱辣辣唔干身， 感覺係好過上教好多，不過貴佢DD la

去開尖沙咀可以去試吓 快樂蜂佢哋啲炸雞出曬名係 即叫即炸 夠曬熱辣辣加上 新鮮熱辣嘅 薯條感覺 真係冇得頂配埋 杯可樂直頭係 完美無瑕 既選擇如果你真係 鍾意食炸雞 嘅朋友記得嚟 快樂蜂試吓

近日發現返工附近間日本餐廳已經結業，現在開左一間食炸雞的連鎖店，不過原來經同事得知係菲律賓當地好受歡迎的快餐店，所以中午就約埋同事大家一齊去試下。店舖門口好細，但間鋪位於地庫，入面就相當大，好多坐位，遇著中午飯時間，都幾多人幫襯。先睇餐牌，同另一間炸雞有d 唔同，呢間仲有意粉食，最後我地人多，決定要左兩個桶餐，每個有炸雞6 件，一客意粉，薯條及牛油粟米粒，炸雞無得揀辣唔辣，不過剛剛炸起，非常之熱，不過炸得唔乾身，雞仍然好滑，另外意粉配茄汁，加上小小香草，茄醬變得更香。至於薯條，粟米粒就無乜特別，再飲埋杯汽水，真係好鬼飽。除左本地人，發覺真係好菲律賓人幫襯😄，支持番佢地國家快餐