念味坊

营业中

休息中

早排同老公經過慈雲山見到間叫做念味坊嘅小食舖，所以就試咗佢哋嘅手工餡餅、涼麵、酸辣粉。價錢都好平好抵食。手工餡餅大大個漲卜卜，見到都想食🥰🥰。餅皮好似蔥油餅嗰種，好香好鬆軟！麻辣豬肉餡幾好食，唔會好辣好嗆，反而係味道甜甜地咁好惹味。涼麵有好多花生青瓜芫茜！酸辣粉都好唔錯。我哋兩個都唔食得辣🥵所以叫咗小辣🌶️，味道真係冇其他地方咁濃，好啱我哋口味😍😍😍。$28都有咁多餸真係好正好抵食😍。

平時出開去食嘢 每次埋單都幾百蚊都唔知道香港仲有一啲抵食又好味嘅街頭小食呢一間係慈雲山嘅外賣店 經過試下 即叫即整 係健康嘅味道 簡簡單單又一餐 埋單$80都唔使🤍手工芝士牛肉餅 $14有一絲絲嘅芝士可以拉到出嚟最驚喜個餅底脆卜卜 好香餡料味道好香 肉汁甜 絕對係滋味推介 🤍酸辣粉 $28 薯粉 酸辣湯 好過癮 有木耳 紅蘿蔔 火腿 生菜🤍涼麵 $22青瓜 肉鬆花生 麵好有彈性 有芝麻醬嘅味道 🤍自家製養生合桃芝麻豆漿 $12 無添加糖 一飲就知道係養生 仲見到啲材料係底 好似媽媽屋企整一樣

之前食過韭菜餅同牛肉餅都好食，今次叫左個外賣，手工麵唔得首先三餸麵有個手拍青瓜，佢將個手拍青瓜成個倒埋入個湯到，唔係分開上，手拍青瓜個青瓜變左暖既，而且浸左湯食唔到個汁。但係個湯就比個汁搞到奇奇怪怪，有啲酸味。 同埋個手工麵係一餅野，黐立立，成個粉餅，完全無咬口，會喺個口入面黐住，仲要我加咗落湯個湯變咗好稠糊，佢個麵係勁粉，而且酸酸地，但我唔知佢係索咗啲湯定佢本身係咁。但牛𦟌係好食既。佢本身都係外賣店無堂食，即係無關係咪我叫外賣既問題，我自己去買都係甘。手工麵唔推薦，牛肉餅同韭菜餅就冇問題👌🏻