怡和園

营业中

休息中

多年前朋友推介試下荃灣工廠既餅店，話有好多隱世民間高手，機緣巧合下試左Y2Cake 既拿破崙蛋糕，真係返唔到轉頭，餅皮夠酥脆，吉士好香甜，用料唔求其，會用當造新鮮水果，食落完全無油膩感，大人細路都好鍾意食！幾年前開始已經有得訂制字形造型，收到實物時真係覺得好靚，加埋色彩繽紛既鮮花，色香味俱全之餘，生日打卡一流！雖然坊間都其他可自訂字形既店舖，但餅底質素參差，唔係間間都好似Y2Cake 用心製作同性格比高。

住得近真係好，前排推出咗限定留港消費件裝既巴斯克芝士蛋糕即刻落order自取！•揀咗開心果同榴槤 (各$30件)只要唔介意一齊放佢仲會有個膠盒放好方便你拎走想分開都得，加多$3可以加多個會另外裝建議食前放出黎10-15分鐘，口感更佳👍🏼開心果味勁濃🤤🤤唔係嗰d死甜既味榴槤仲要有果肉！會唔會太正，香濃到呢！蛋糕口感好滑，鍾意食巴斯克芝士蛋糕既真係要試試☺️

◦•●◉✿✿◉●•◦ 今年👵🏻生日👴🏻就試左間新既小店🤤Y2Cakes係專門做拿破崙既小店💛今次試左日本香印提子芝士拿破崙🍇酥餅真係～超！鬆！脆！配香印提子好香甜夾左芝士吉士係中間 咸咸地感覺幾特別 又唔會好漏食完之後就覺得新鮮整既拿破崙真係好好味🤤真心推薦鐘意食拿破崙既朋友試試💛📝 訂過好多次拿破崙，從來無一間小店教我地點切，所以每次都失敗😆今次Y2Cakes有教👴🏻點切～我地終於成功切到無分開一片片喇🤣😋: 𝟟.𝟝/𝟙𝟘

拿破崙D餅皮鬆脆，不過中間D custard 略甜，有榛子味，中間層皮係脆朱古力，幾特別，但食完有D漏。砌開唔會散開，可以完整分四件，一定夠四人食，整體嚟講唔錯，性價比OK，不過個人喜歡tony wong 嘅拿破崙多D，甜味適中，餅皮再鬆脆D，但當然都貴D。

荃灣連鎖餅店就多 好想搵d小店試下💛今次搵咗呢間專整拿破崙嘅蛋糕網店💛🍰見佢有好多款揀 而11月menu最吸引莫過於呢個香印提子芝士拿破崙🤩 一共有三層 每層都鋪滿左香印提子😍面頭個d仲落左d金箔好bling bling! Cream cheese好滑少少咸香 個拿破崙餅過左十個鐘都仲好脆呀!!!😆唯一係個提子好似無香印個種甜味 味道淡d 不過食落又唔會好漏☺️👍🏻btw 中英文字都寫得好靚🥰🥰🥰

話說個陣食完Tony wong想搵間平d既又可能好食既代替就搵到呢間黃店又近我地食飯地方拎 就訂左一個芒果拿破崙試下價錢好似唔算平好多 但質量我覺得就差小小吉士都好食既 但個酥皮就偏厚同硬做唔到Tony Wong咁buttery 同flakey既口感芒果又冇咁多呢間自取要約時間同地點 有限制所以一試就算~~ 價錢係對得住佢既質素~

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗有少少失落，因為同事要調走啦😭今次搵咗一間網上店，態度勁好，Whatsapp 回覆得好快，地鐵站pick up，好方便呀～ 🍴 忌廉泡芺朱古力蛋糕5吋 （$320）朱古力牌（$10）外型好靚呀🤩有好多粒泡芺響蛋糕面，亦都有新鮮生果同少少糖霜，仲有絲帶圍住，睇得出係心機之作👍🏼切開蛋糕，發現中間都有夾住鮮果，蛋糕有香濃朱古力味但又好輕盈，唔係厚實type，唔會太飽，中間嘅cream 都唔係傳統咁厚實感，唔會好膩，食完都唔覺好heavy, 好味！😋價錢唔算太貴，但比起連鎖店精緻好多，亦都唔會食到悶晒！本身好想試佢最出名嘅拿破崙，不過考慮過響公司食，好難切得靚亦會飛到周圍都係，所以放棄了，下次要試～

黃店蛋糕都只能上網訂! 今次老婆生日, 聽到佢話想食千層蛋糕, 就即刻去訂啦!之前已經試過芒果拿破崙, 我覺得非常好味! 今次再試芒果千層, 果然無令我失望!一家大細食到不斷添食! 但最慘係我親自「操刀」切既時候....爛左好多.....哩下先係最困難.................

#06032020Dady既60歲大壽，就搵間有佢最鍾意食既芒果拿破崙。其實除左大集團有蛋糕買之外，有好多online cake shop好味過個啲好多。而且款式又多，唔洗次次都係食個啲一成不變既蛋糕。Y2 cake既拿破崙皮，我覺得同出面個啲有少少唔同。除左keep住都係好脆唔係實之外，你係食到佢由好多層酥做出黎既脆，好有層次感。即使已經雪左幾個鐘，因為佢地係即 日做既關係，所以仲保持到拿破崙既質感。而佢既cream唔會太甜，仲可以食到芒果既鮮味🥭（加左十蚊寫字牌😆）

平時好少買小店嘅蛋糕但係依家唔想買連鎖集團嘅蛋糕，所以就要去搵，咁岩又比我喺度搵到呢間。今次揀咗拿破崙蛋糕，係出邊嘅蛋糕店好少有得食，本身都有少少擔心，始終都怕中伏。點知喜出望外地，唔錯。雖然賣相比較平庸，冇出面咁花巧咁靚，但都好實在地幾好食的！叫咗蘋果玉桂味， 好鬆脆既餅皮。唔會太漏， 太滯， 仲可以食多幾件呀。急單一日都訂到，$290， 寫朱古力牌加$10， 有candles+ 蛋糕刀。交收準時，會有下一次。支持！

依間蛋糕小店開咗差唔多八年主打拿破崙和慕絲蛋糕等經典款式 ，店主係前酒店糕餅部同事。拿破崙係按客人取蛋糕時間嘅前數小時才製作，所以夠新鮮酥脆，並選用法國牛油酥皮，好食好食😋另外產品仲有加左牛油酥皮嘅千層蛋糕e.g.伯爵茶班戟千層、慕絲蛋糕、蝴蝶酥，但蝴蝶酥大量訂購才做。可選擇地鐵站交收或上門自取，自取有九折但店舖設於工業大廈位置偏遠，如果喺荃灣地鐵站步行去約要20分鐘；如果真係想上門自取建議喺荃灣西鐵站出好啲！⭐️留意淨係可以wtsapp落單預訂和付款，私人工場不設任何現貨即場買賣。💛黃店認證：8.5罷工，之前因支持罷工俾人攻擊。👓芒果拿破崙 280/1 lb 3-4人食一講起拿破崙梗係芒果絕配啦！選用法國牛油酥皮，有陣陣牛油香，酥皮鬆脆，餅底比平日出面食到嘅厚身唔係紙咁薄；為咗減少吉士和水果嘅水份整淋酥皮，酥皮焗後會塗上白朱古力雪藏，不過放心食落唔太覺有白朱古力味。芒果夠熟香不過唔算話特別鮮甜正正常常啦。吉士好香滑雲呢拿味反而出過蛋味，甜度適中整體成個甜品食落唔會好甜好漏。😋拿破崙即日食先香囗鬆脆，千祈唔好留待隔日食！餅底會塌哂變淋完全唔同口感。評分：7.5/10

菠蘿味蛋糕未必人人接受到，等到我生日可以揸 fit 揀味道，梗係把握機會試一試啦 🤣🤣🤣呢間嘅拿破崙試過芒果味同栗子味，對佢哋嘅拿破崙係絕對有信心，今次一試菠蘿味非常之有驚喜 😍😍菠蘿唔係罐頭嘢，好香甜，又平衡返吉士嘅甜，夾埋脆皮餅底，直頭係正正正 👍👍👍但拿破崙始終都係難切，下次問吓餅店可唔可以幫我哋切埋先 🤭

拿破崙是非常花工夫的一種餅，要做到鬆脆的酥皮，又要預備夾心的忌廉、吉士等，這次點的這個水果拿破崙，還有水果粒於夾心！咬下去感覺非常清新，吉士忌廉和酥皮配搭得剛好，不會太快飽，可吃多一兩件。不過可能餡料太多，比較難切到完整一件，切的時候很容易就塌掉。

喺網上揾到呢間餅店，第一次幫襯訂咗個芒果拿破崙，但嗰晚我出席唔到，只係負責訂蛋糕，後來問返朋友們都話好好味 😋😋第二次幫襯訂咗個栗子拿破崙，今次滿心期望試好嘢，點知連個天都唔鍾意我打 8 號風，店主好好人全數退返比我，因為過咗嗰日再攞個蛋糕都無意義，店主又唔會要我 keep 住條數下次訂，真心比 like 👍👍👍第三次訂主角揀返芒果拿破崙，今次終於試到啦，味道的確好香好滑，餅好脆身，食落唔好好甜，芒果夠熟夠香甜，成個組合好配 😋😋👍店主仲有其他蛋糕，但只有拿破崙先有半磅訂。期望下次有機會試其他味 😍

當晚，在荃灣工作的街坊食友很客氣呀！好多謝她送上購自荃灣 <怡和園> 的曲奇給我，賣相精美吸引！尊貴味道曲奇內有約17塊不同款式的曲奇，集合好幾種口味！檸檬曲奇入口鬆化，甜度剛好，散發牛油香及檸檬芳香！是所有曲奇中較為挺身的一款！紫菜曲奇看似伯爵茶曲奇呀！混合一點紫菜粒，可見真材實料！這款紫菜口味突出又特別！榛子朱古力曲奇入口超鬆化！卻是最容易散哂！帶出榛子的香脆感及朱古力的甜美，兩者是不錯的配搭！原味牛油胡蝶酥的骰精緻，滲出牛油香！ 甜度剛好！千層質感相當鬆脆！宇治抹茶曲奇質感好鬆化！抹茶的甘味突出而少甜，整體不甜膩！雙重朱古力曲奇 入口比預期不算甜，可可的香氣相當誘人， 夾雜朱古力粒增添口感！所有曲奇用的牛油並不濃重，所以手指也不算很油膩！所有曲奇唔算好甜又有水準呀！值得推介！