怡苑燒鵝酒家 (已結業)

見到酒樓有邊爐打就去試下...我飲的有竹蔗水.好甜....千祈唔好試.之後就飲可樂的火鍋材料十五分鍾先上一次選擇不多....但都新鮮.貴的要加錢最欣賞九肚魚.好大條...我覺得一試無妨...

我只在這酒樓吃過一次午茶，食物普通，唔夠熱，用料、手工都一般，加上聽過些朋友講，千祈唔好去，所以就少去。食品方面：但我外家住瀝源邨，聽屋企人及D街坊講，個個食完都口we we，無論飲茶、晚市都一樣，吃完後都話以後唔好再來，但佢哋會繼續去，因為瀝源邨缺少酒樓(娛樂城的皇城已結業，等下個月有新的再開番)，老人家習慣每天一茶，見吓D舊朋友，所以話唔去，又去！服務質素：員工態度一般，唔沖茶，唔執枱，十問九唔應，呢D都係屋邨茶樓的寫照，尤其對老人家，聽屋企人講，有次見到個侍應用粗口鬧個亞婆，即係用問候你亞媽的五字粗口，另一次個部長叫D客，如果唔滿意，咪唔好嚟囉！我覺得在任何情況下，做服務行業的，有些說話是不能講的！可能對年青的一群，態度會無咁惡劣卦。雖然係屋邨，沙田區的人的消費力絕不弱，老人家或者有錢但唔捨得比錢，但他們後生的仔女，多數已成中產，同父母吃時，肯捨得花錢在食上，但必須是物有所值，你看新城市廣場的人流及消費就知了，點解美心酒樓貴過人，常常排長龍，因為食物及服務質素都是沙田之冠 (雖然比起外區的仍有一段距離)。其實沙田區(包括新城市廣場一帶)有很多食肆，但能使人吃完回味的店舖不多，本人

本來打算去的一間火鍋酒家已結業,見到附近有呢間酒家門面寫住燒鵝酒家,在一個門面玻璃的小角落找到張很小的紙話這裏得打邊爐,本來諗住間野應該主打賣燒鵝,打邊爐應該質素普通點知食落都唔錯,食物好好吃而且當日裏面差唔多個個都係打邊爐,這應該就是有麝自然香的道理吧?叫了豬骨湯,底，裏面個湯真是有一舊好大有肉的豬骨蟹柳墨魚丸好吃到想哭，其他食物的感覺都很新鮮，一個字：正！好耐無食過咁好食的打邊爐～叫肥牛卻給了我們一碟山！嚇到我們Ｏ哂嘴啖啖肉，最後碟肥牛山食佐好多輪都係食都係食唔哂，從來未試過食肥牛食到唔願再食下去千祈不要以為下面有菜墊住，裏面真係全部都係肥牛我見裝修都幾新,應該開業不久。坐落都幾舒服,又有空檔。不過可能D阿姐有點忙,要叫多幾次先會應你值得推介~D野食真係好好食任飲任食,結賬一百元（第一次打食評,打得唔好請各住原諒）

母親節前夕一家人到此食店試菜, 門面裝修不錯, 由於是平日的關係, 人客不多,尚算寬敞~我們本想點那大海班兩味,可惜部長已一早沽青我們最後點了:馳名燒鵝半隻--新鮮,味道不錯,新開張關係還送啤酒一支豉油雞半隻--味道一般美味蝦--味道不錯豉汁蒸大鱔--新鮮美味魚湯浸時蔬--味清尚可接受整體還可以再光顧~

　　下午茶時間竟然得幾十台客人左右 , 本來仲擔心點心唔掂先至咁少人 , 好彩我地點左幾樣點心都好食過潮家 , 可惜唔知係咪早茶市個陣太好賣 , 到左下午茶時段所有腸粉都暫停供應 , 咁大間酒家連腸粉都可以冇得比客人食真係搞笑。怡苑蝦餃皇 ~ 皮好薄蝦亦好新鮮蚧皇蒸燒賣 ~ 外形同材料味道都唔錯鮮竹牛肉球 ~ 食落唔會又粉又"淋" , 夠爽口入味蠔油鮮竹卷 ~ 入面既蝦好彈牙 , 個汁又好唔會太咸柱侯金錢肚 ~ 芋頭入味 , 金錢肚唔會好韌千層馬拉糕 ~ 雖然同我想像中唔同 , 不過口感好鬆軟蜜汁叉燒包 ~ 細佬話呢度既叉燒包好正 , 一口氣食兩個翡翠花枝餅 ~ 炸成金黃色脆口上素腐皮卷 ~ 夾完之後見到隻碟超級油 , "淋"哂韮王蝦春卷 ~ 一睇就知道係機製現成買黎炸 , 唔掂　　四個人食左$123 , 又唔係特別平 , 食物質素總括黎講都唔差 , 不過冇令我有一種想再光顧既衝勁。

　　又到一年一次掃墓拜祭祖先既清明節啦 , 今年樓下開左一間新酒家 , 生意仲一日好過一日 , 所以舟地都唔執輸要試返下 , 但係第一個食評竟然唔係寫飲茶或者晚市 , 而係用黎拜神用既燒肉 , 望落去顏色有d焦黑 , 但係食個陣就唔會有燒焦味道 , 雖然外皮夠脆 , 可惜d肉質比較乾身 , 冇咩一層層既肥膏 , 始終個名都係叫燒鵝酒家 , 出名好食既應該係得呢樣掛 , 哈哈哈哈^^都係快d搵日黎試下飲早茶先得 , 聽聞d點心好細碟唔知係真唔係!?