恆香老餅家 (已搬遷) 新店位置

我係勁鐘意食老婆餅, 最勁一次過可以食三個, 食過銅鑼灣,旺角同元朗分店, 始終都係元朗個間最好味, 其實分店唔知係咪擺過夜, 食落硬係有"油益"味, 我試過夜晚8點係元朗大馬路間分店買老婆餅, 都依然係咁正咁軟熟, 搭輕鐵返屋企個時都忍唔住要偷食一個先!!

各區分店區域地址電話元朗大馬路64-66號24792141 元朗阜財街34號地下24745731 灣仔軒尼詩道174號地下25751661 銅鑼灣軒尼詩道祟光百貨公司地庫(美食廣場) 28318414 旺角彌敦道605A號地舖23947668 沙田新城市廣場1樓151D(向大會堂) 26090832 將軍澳欣景路8號新都城中心2樓2088舖31943836(By editor : you can also check from our database)p.s. 老婆餅入面既乜唔係冬瓜蓉黎架咩?!

誰知道恆香老餅家幾家在港島或九龍的分店地址?謝謝!

恆香老餅家最最最好食o既就梗係老婆餅啦！最重要o既係係自己鍾意o既人買俾自己食o既感覺完全唔同嫁^^^^^^

食過好多間餅店出品的老婆餅...但始終沒有一間及得上她,香,鬆軟,新鮮..我入元朗一定要來找找她其次是皮蛋酥,很鬆化,皮薄..,想起都流口水~~~^^

我食過SOGO,灣仔同長沙灣的恒香老婆餅,始終都係元朗個D最新鮮最好食，熱辣辣，就算成七點先去食都重熱架，好軟好甜，次次最少都要半打，一上車就即刻打開食件先，真係好好味!!另外佢的蜂巢蛋卷都好正，二十二蚊一盒，好鬆化，連碎都要食埋！

老婆餅好食唔洗講食左大幾廿年都係咁正另外佢d燒餅都好好食ga 有豆沙or吉士豆沙最好味煙"un" 又唔太甜熱食一流!順便一提佢d月餅愈來愈唔掂好油個黃又硬

男朋友去元朗玩,買左盒恆香老餅俾我食,21蚊,但得6件,唔係特別大件,只係一般size.食落覺得一般,佢d白蓮蓉好淋,唔壑,而且個皮好易散哂我去百佳買一盒5件10蚊同佢0既質素差不多

之前去工展會，見有恆香，半打老婆餅$19，平左，所以買，而且仲係熱tim。回家即食，個皮一樣咁鬆化，wa 但個冬蓉，就唔入口即溶，而且仲有"un "感覺，我唔係要食喱糖ar，鬼難食，失望。唔通學阿媽講，工展會d野無咁好。請他們留意下la，唔好做壞招牌。

記得以前去元朗郊遊都要記住幫人在這裡買老婆餅，仲要係一打一打咁買。這裡的老婆餅又係幾正的，新鮮熱辣，因為夠膽重手落豬油搓餅皮同餡，以前仲用木炭燒tim，所以可以做到咁鬆化同香口。不過而家唔使啦，事關分店開到全港九都有，幾時想食都可以買倒，至少唔使壓住坐個幾鐘頭車。不過入到大馬路就梗會買番兩件食的。個人覺得雖然這裡的皮蛋酥都唔莖，但始終以奇華的好食D。

同意!全港至正既老婆餅~

每次入元朗我都一定去買老婆餅,<br />半打$28，次次都熱騰騰的。<br />試過咁多種，老婆餅最正，一咬即碎，入口即溶，好香，又唔好似其他老婆餅咁會有好多椰絲，食到黏晒牙。<br />佢地既皮蛋酥都唔錯嫁。