悅心鍋 (已結業)

團購介紹呢間點心放題，餐單幾吸引，便諗住去試吓。點知......我地訂咗1200。1155去到都俾入座，地方尚算寬敞及亁淨。坐低後知客就一輪咀咁同我哋講放題90分鐘，超時每位另加20元。出面有炸物同甜品任取，不過大部份嘅盤都係吉嘅。點心就入紙，按人頭再配給。點心出得極慢。首輪入紙5個點心祗嚟3個，1224同1239再入紙直到1310夠鐘埋單，都祗係嚟咗2個點心，全程等候時間仲多過食。咪以為你可同侍應講追單，侍應會回應你：「平時呢度幾百元一餐茶，依家你哋俾咁平嘅價錢就有得食，仲想點？無得吹，吾食就算。」我祗係諗係尖沙咀區仲可以有咁嘅服務態度？？不如話你哋做吾到放題就吾好學人做啦！

去食前睇左好多D食評。。。好壞滲半攪到個心十五十六，但第一次團購本著試下唔好無下次啫所以買左!去到一睇環境好舒適心情即時放鬆了一些。到D食物上場啦! 海鲜非常新鲜大大件，不用沾酱料已夠味! 就算任食部分都好質素，尤其D蝦夠大隻又爽又鮮甜! 小食非常用心，炸物夠脆又夠味! 推薦八味豆腐，牛柳粒，雞翼，多春魚!招呼周到又好禮貌! 服務員哥哥好细心咁招呼我地5人逐樣幫我地蒸，攞完濕纸巾又换骨碟，仲要幫我地追單又同我地講解D海鲜品種產地(好專業)!我地9:15Pm任食3小時到就來11:30問我地仲加唔加嘢食就算唔加都無趕我地埋單(因加一服務費係要現場比)同走。第一次團購真心超值! 以後無得團購就算比正價都覺得物有所值!因太飽仲有好多款未試! 其實單係海鲜已夠饱!

海鮮超新鮮，炸物小食有誠意，火鍋食物好味，中蝦無限添食，仲有生果雪糕，連加一都只需300蚊，本人認為值五百蚊， 環境舒適，不嘈吵，不擠迫，物超所值，還有服務員雄仔， 非常照顧周到，服務一流，會再去。

今晚同朋友飲點任食火鍋，每人約$170，火鍋任點任食，有白鱔片，蝦，肥牛，脆骨腩等等，最欣賞是有日本到庭烏冬，亦有小食，香脆豆腐粒，牛仔粒，多春魚等等，汽水啤酒任飲，限時2.5小時，夠鐘都唔會趕我們走👍👍，酒樓唔算多人，坐位非常舒適，好闊，但位置唔算就腳，地鐵行過去約十五分鐘，員工真的值得低贊，每個都好好，欠什麼食品，同他們講聲，便很快送到枱上，呢個價錢，有呢D食品，服務，真的算係好好了！下次會再嚟👍

服務員冇禮貌，食嘢上速度很慢，海鮮不新鮮死了很久的，大家真的千萬不好去， 非常失望推介我們要什麼什麼，太過分了。價錢已經不是問題，服務質素真的相當差，食麥當勞好過。沒想到火鍋配料也不好吃湯底無味，招呼不再講，沒有人會招呼你的，只叫我們加什麼什麼海鮮，都沒所謂，全部也是梅的，我從未見過一間這麼差你哋餐廳應該快倒閉了看到這篇文字的朋友千萬不要去，所有很多蒸氣火鍋都是分開上的就^_^，他是全部一起垃圾給你的

第二次因團購再到此幫襯，這次是吃90分鐘點心放題。點心紙的款式選擇不算多，但衡量之下團購價錢不高，不能再多要求。喜歡吃蝦餃的人，可能有點失望，幸好還有蟹子燒賣皇。4人同行送半隻片皮鴨，份量似例牌，家人說外皮很脆。各式點心腸粉都做得不俗，最讚的是腸粉拉得很軟滑，另外紅糖馬拉糕很香軟，潮式蒸粉果雖然胡椒粉略嫌多了點，但外皮算很薄。另有春卷、鹹水角、炸雲吞、炆豬手、拍青瓜、白雲鳳爪和甜品以自助形式供食客任取，炸物和甜品的質素比較麻麻，反而豬手做得很入味。义燒都不錯，但白飯就。整體來說，算很抵食，而且環境舒服，一班人聚餐很合適。

在團講網見到，一直想試，平來打算搵齊4個人食埋佢半隻片皮鴨，但最後都係得3個人去。團購58，加埋茶錢服務費都係82蚊位，呢個價錢俾到咩貨式，大家真係要公平一點。1點左右去到，得3幾枱客，清清淨淨，坐得好舒服。3個人坐下坐下都食了廿籠有多，咩都回哂本。豬手粒，鮑汁鳳爪，燒賣，菜苗餃唔錯，重複點了。腸粉個皮唔得，唔夠滑，可以唔叫。牛肉球好似食舊粉團咁。咸水角雖然即叫即炸，但我分唔到係返炸還是個皮唔靚，感覺炸得唔夠透。其他都一般，對得住個價錢。

尖沙咀新店，睇到傳單就去試下，裝修環境典雅，座位寬闊舒適，服務尚可，這裡以優惠海鮮，蒸汽鍋十粥底火鍋放題為主，我們就點左蒸鍋B餐，海鮮有8寸長大瀨尿蝦皇、貝殼類跟住有10款海鮮選6款，重有燒物小食任點任食，多款韓國啤酒汽水任飲，生果甜品任食。約8分鐘海鮮到，嘩！好震撼D海鮮極之新鮮及夠份量，海鮮全部是蒸鍋清蒸的，不添加任何配料，食起來非常新鮮及原汁原味，夠晒健康。食晒蒸海鮮跟住就用吸左海鮮精華既粥底打邊爐，火鍋配料差唔多70款，都係真材實料，有安格斯肥牛、大海蝦、是日海鮮、白鱔、雞子、手打蝦丸、牛肉丸都係任食既，最回味無窮既係食埋所有精華既粥底咁多野任飲任食，真係物超所值！！下前一定會再食過

從訂位，到存蛋糕，一直到打緊邊爐既時候都係0服務。其實不嬲都唔信團購既餐廳，但係生日飯，就主角話事囉。上7:30入座，食完炸物都未黎。炸三文魚係腥到一個點。8:00先上菜，已經聞到生蠔臭臭地。食具清潔馬虎。成盤菜得龍蝦係可以食得...最後，幾經辛苦清晒盤海鮮，上打邊爐既料。本來好正常既粥，一加左水之後，燶味出晒黎。或者係個裝水既器皿污糟。我地見佢倒出黎既時候唔似係清水黎。最後，成盤唔食得。由於另一盤已經全燶，經理已經換左個湯比我地亦唔想再麻煩。我地拒絕左。上蛋糕既時候，佢大聲問：我幫你地清一清張台先切蛋糕下❗️全台靜矖.........

繼上次團購點心放題食過滿意之後，今晚再試團購海鮮蒸氣煱+粥底火煱放題。團購價錢每位$229+$49付加費包1）龍蝦半隻、2）貝殼類 （1份） 再加自選海鮮 6 款，我們選了1）蟶子皇 1隻 + 2）龍躉件1件 + 3）鮑魚1隻 + 4）黃金貝1隻 + 5）膏蟹仔半隻 + 6）元貝皇1隻 另還有一般火鍋料，在吃完海鮮之後，粥底火煱放題。海鮮是清蒸的，所以海鮮的新鮮度便十分容易被人辨別，亦是最重要的一環。吃慣海鮮的我，一吃便吃得出今晚的海鮮新鮮度不夠。但以這個價錢，可以食到這麼多海鮮，其實也是十分抵吃的。再加上現在人工貴、租金貴，出外吃餐飯，大部分付費都只是滿足人工和租金而已。所以，如果對食物質素要求不太高，比較注重價錢要經濟的，這個選擇是不錯的。但如對海鮮要求比較挑剔，便建議可能寧願付出多一點銀両，去找另一間可以提供更新鮮食物的餐廳。

每次食飯都係一種享受，自問都好少會質疑同批評餐廳，因為相信每間餐廳都會有拿手菜及特色。呢間餐廳食物不錯，海鮮蒸鍋來說真係好高質，海鮮都算係新鮮，而且都好鮮味的，每枱可以揀六款海鮮，而且每款都幾大份，所以都真係好滿足。可惜唔知係咪員工未做過蒸鍋呢？係服務上有很多錯誤的部驟，包括開蓋時將水蒸氣嘅水倒入海鮮中，其實很不衛生吧！之後又將鍋蓋蓋住未蒸嘅海鮮，看到龍蝦出煙真係嚇到我呢⋯⋯如果可以改善下基本常識會更好

今天想吃什麼做晚餐，在開飯睇下有冇啲好介紹，睇下就見到打邊炉，見到個價錢唔貴，咁就去試下，一入去見到地方乾淨，坐下就隨便叫，放題就冇所謂，都是吃飽就算，看見餐紙点了好幾樣，見到免費的(是日海鮮)就唔好蝕抵，一吃下，海鮮的味道媲美好多賣海鮮的店舖，越想越叫多吃，吃埋其他的食材就已經再吃不下，就只好点到即止，唔想浪費啲鮮甜美的海鮮，為有下次再吃過，店內的冷氣充足，店員的服務態度足夠應付現代人的要求，下次還可以約一班朋友出去吃。

今天想吃什麼做晚餐，在開飯睇下有冇啲好介紹，睇下就見到打邊炉，見到個價錢唔貴，咁就去試下，一入去見到地方乾淨，坐下就隨便叫，放題就冇所謂，都是吃飽就算，看見餐紙点了好幾樣，見到免費的(是日海鮮)就唔好蝕抵，一吃下，海鮮的味道媲美好多賣海鮮的店舖，越想越叫多吃，吃埋其他的食材就已經再吃不下，就只好点到即止，唔想浪費啲鮮甜美的海鮮，為有下次再吃過，店內的冷氣充足，店員的服務態度足夠應付現代人的要求，下次還可以約一班朋友出去吃。

喺間新網購買既，係食海鮮蒸鍋加粥底火鍋，CP值高，未食前都擔心會唔會好伏，一去到餐廳，環境感覺良好，位置夠闊落，有椰子香味，坐低後先叫海鮮，寫落單紙時，海鮮夠多選擇，有鮑魚，聖子，青口，龍蝦，大蝦，龍等，黃油蟹，食完海鮮後已經飽左大半，海鮮夠大件加鮮甜，推介龍蝦，like fb仲有三文魚刺身送，食完海鮮就食粥底，粥底火鍋料有接近60款，基本都好齊平時好鍾意打邊爐食響鈴既，不過原來響鈴配粥底係好怪怪的，整體黎講係好好食，會推薦朋友去同埋有機會自己再去

團購價連茶芥及服務費，才$82/位。估不到無論食物水準、或服務質素都物超所值。我們比預約遲了20分鐘才到，因為不熟路找不到餐廳所以行遠了。去到餐廳，不用等位，本來還擔心餐廳可能已把我的訂位取消了，但見帶位姐姐笑笑禮貌地帶我們入坐，沒有像其他餐廳因爲是團購餐便把客人降低身價，第一印象已經加分了👍餐廳坐得很舒適，檯與檯之間有寛濶空間、食具清潔，90分鐘點心放題，肚餓也不怕吾夠食😆，點了碟灼菜，居然是上湯的，不是普通的薑油水灼菜，很有水準！吃了兩碟！每個點水都是心機作品，估不到團購價可以有如此水準，沒有將貨就價，物超所值，值得推薦👍甜品叫了一客雪耳燉萬壽果，內裏還有兩粒紅棗，補一補、潤一潤，完美的句號！現在還有晚市海鮮蒸氣煱連粥底火煱團購，準備試埋佢！會再幫襯😋😋