悅東小食 (已結業)

諗住買糖水食，經過見到有芋圓仙草，即刻叫咗碗外賣。等咗15分鐘，我見到碗外賣，呆咗....究竟老闆點樣搵到個咁細嘅碗嚟放外賣。碗嘢28蚊，唔算貴，但都算正常糖水價，但份量會唔會少得太誇張！

話說放工返家前有d肚餓又仲有一段時間先食晚餐，而且呢幾日又天氣凍咗，就想食熱辣辣嘅雞蛋仔！咁街市近排新裝修之後，有一部份做咗好多小食檔出嚟，其中有一間叫悅東小食嘅有雞蛋仔買，所以我就去咗買啦！咁我見到佢啲雞蛋仔都係即叫即整嘅，所以都等左一陣，當然即叫即整嘅雞蛋仔一出爐就熱辣辣香噴噴啦，我都急不及待咁搣一粒出嚟食，食落去都算係外脆內軟嘅，都食得出有蛋香，不過味道同質素到一般嘅啫，而且一底雞蛋仔買$20我就覺得貴咗啲啦！