想甜嚐甜

营业中

休息中

已經唔係第一次食，因為欣賞佢既yogurt好味今次再去 令我十分失望既係收銀女店員既態度因為朋友生日 我地叫左一人一杯yogurt 我地想加枝蠟慶祝一下（問完其中一個店員話ok但要加$20）我地都ok最後比錢既時候 我地想用coupon（商戶合作）但收銀女店員告知唔用得 然後就接住用一個質問嘅語氣「你地落單之前有冇同店員講要用coupon ？呢度寫明要講左先可以用」事實上因為我地加左$20蠟燭 佢話係零售既item所以唔可以用coupon，係我地理解緊既同時，佢又用一個我地聽落好差既語氣再講「你哋用之前無講 咁我地咪提唔到你邊啲item唔用得囉」我同朋友簡直o晒嘴 用唔到coupon事小 但佢既態度（judge我地既語氣＋怪我地錯）真係令到我地好唔愉快老實講 yogurt真係好好味 所以先會黎咁多次但係收銀女店員令我地真係唔想再黎了只係想係呢度反映返 最後員工態度有無改善我都唔care了因為唔會再幫襯

以前有人講女人有兩個胃,食完正餐 食甜品我諗佢個講法 -係真!!  因為我又再次遇到個女人係咁今次去大角咀食完正餐 就行到一間叫想甜嚐甜既鋪頭見OPENRICE 正評都算多 ,就諗都無諗入去全場都無人 包場,正佢就叫左中式糖水,我就睇完又睇個餐牌 對於一個唔好糖水既男人 真係都幾難擇~最後諗住擇個最正常既夾格雪榚SET就算因為製作需時,都等左15分鐘到先到一黎到,賣相先贏 ; 真係擺得好靚 有擺盤既 格仔餅味道厚實,唔算太脆 個雪榚應該係乳酪雪榚,同埋都幾唔易溶 食到大半佢都唔會溶晒 總結:糖水甜品都係女人好...佢地有兩個胃都真係比我證實左 哈哈 

🍊 餐廳名稱：想甜嚐甜🐝 味道：8/10環境：8/10整體分數：8/10/💰人均：$60———————————————————今次黎到大角咀平民美食天堂，黎到呢間都幾出名既甜品店。之前食過佢嘅心太軟，非常好食所以今次一於試吓佢另一個招牌一黑草。非常豐富材料，有芋圓、地瓜圓、紫薯圓、丸子、珍珠、西米、黑糖條、仙草，舖到滿滿。三色芋圓、地瓜圓同紫薯圓都口感煙韌彈牙，口感都好有層次香味十足。下次會再黎！

一行10人 + 3人喺餐廳只有 1/3 人並且冇人排隊 （約晚上十時）情況下獲安排坐8人枱，當時已經同收銀個呀姐講將會再有多三個朋友嚟緊就快到，但個呀姐都唔肯俾張大枱我哋。落單時黑面，態度差劣都算，仲要未食就同你講你哋得 45分鐘食。最後我哋13個人要逼喺一張8人枱，仲要果45分鐘佢一個客都冇都唔肯俾張合理嘅枱我哋。之後有多個朋友入嚟叫糖水佢樣樣都話賣哂，佢逗留咗3分鐘就話要收佢錢我哋都豪埋比佢，同佢講我哋13+1你收咗我哋 15碗糖水，唔岩數佢仲死撐，叫佢睇 CCTV 又唔肯。豪比佢唔會再有下次。

今晚帶同家人同幾位朋友於大角咀食晚飯，晚飯後家人意猶未盡，想食埋甜品。OpenRice揾到想甜嚐甜就喺附近。到達時餐廳滿座，等咗大約15分鐘就有位。糖水的質素令人滿意，難怪當附近左右的餐廳大部分都清晒無客時，想甜嚐甜係full house仲要等位。用餐的時間為45分鐘，其實都足夠，而事實上咁樣先可以轉枱夠快。另外亦要提提，餐廳規定最低消費係各人都要叫個甜品。職員說話可能較為直接，但服務大致上都係快捷及helpful。

甜品一直係人嘅第二個胃喺附近食完晚飯就去咗一間大角嘴嘅甜品店海鹽焦糖爆谷火炙香蕉窩夫配乳酪雪糕🍦香蕉上面嘅焦糖令口感好豐富焦糖爆谷同窩夫好脆 但個窩夫唔夠蛋香最鐘意佢嘅乳酪雪糕 酸酸地啱啱好 好好食阿華田心太軟配乳酪雪糕 佢哋嘅心太軟系列，除咗有阿華田，仲有朱古力、開心果同紫心薯味當日開心果同紫薯味都賣晒，所以揀咗阿華田阿華田粉極多！切開有超級多嘅華田醬流出嚟！ 心太軟外脆內軟，入口即溶而且甜度適中，完全唔會過於甜膩加上配埋杯乳酪雪糕食，冷暖交融，配搭得好好👍🏻

放假諗住去呢間野到食甜品其實落雨濕濕 但係都係好想食 所以都照搭車黎呢到食 等到下晝開舖就黎 入到黎坐低 諗住睇下有冇野飲 不過原來冇 都吾緊要 問店員有冇水提供 佢就話水要10蚊枝呢樣都吾緊要然後諗住點想食既開心果味心太軟 點知個店員話賣哂🌝個陣都好無奈 忍吾住問 仲有咩野係冇既 然後店員講左幾樣都冇 真心要乜冇乜。。。所以最後都忍唔住。。。（走人🚶🏻）服務態度方面： 面口都吾洗點講，令我感覺佢地吾似做緊生意，又冇咩待客之道，吾會再食～

一路都好想去呢間甜品店，今次終於有機會試，去到見到佢哋有勁多甜品選擇，睇到眼花撩亂，今次一於試吓佢哋嘅芋圓先🤓椰芋🥥$40佢睇落唔算大碗，但其實裏面都幾足料，有芋圓、地瓜圓、紫薯圓、西米、紅豆、小丸子、海底椰，佢嘅椰汁味好重，芋圓就係偏硬身嗰種好有咬口，小丸子都好煙韌，整體識落唔會太甜都唔錯🤤下次會試埋其他甜品

喺大角咀附近食完晚飯，來到想甜嚐甜食番個飯後甜品。是夜叫咗條芒果丸子香蕉木船配乳酪雪糕。香蕉船上有兩球乳酪雪糕，仲有半條被焦糖包裏的香蕉、芒果汁、小丸子等等。好鍾意呢度的雪糕係yogurt雪糕，食落酸酸的好fresh，而且無乜甜膩感，讚，下次值得再來試其他甜品！

喺附近食完飯，就過嚟食甜品。最近真係好想食心太軟。入門查詢，員工好熱情招待😍，知道有唔同口味嘅心太軟，就即刻搵位坐低咗。本身老公都唔想食糖水，不過因為每人最少叫一樣嘢，咁佢就叫咗楊枝甘露。1️⃣ 楊枝甘露 (0/5🌟)老公名為呢個楊枝甘露，叫「山寨版楊枝甘露」🤣 我問佢覺得點樣，佢就話啲西米一嚿嚿，完全都唔係一粒粒，好似係未煮完嘅狀態。味道亦都相當奇怪，真係講唔出嘅感覺。如果大家想挑戰黑暗/山寨版的楊枝甘露，不妨一試2️⃣ 經典朱古力心太軟 + 乳酪雪糕 (5/5🌟)老實講，呢個真係好好食，所以我會比滿分。心太軟係熱辣辣，同埋流心朱古力都係做得到。配上乳酪，平衡朱古力的油膩感，個人10分喜歡，滿足到我想食心太軟嘅慾望！呢間小店充滿人情味，心太軟必叫，可以em all all！不過其他就要小心叫啦😬

想甜嚐甜💛華田心 配乳酪雪糕 $60荔玫芭菲 $58*有得儲Mee積分💛 人均消費: $59 (2人)-華田心 配乳酪雪糕🍨阿華田心太軟 配雪糕雪糕好好味 係乳酪雪糕🍦唔會死甜 係有啲酸酸地嘅乳酪 心太軟一切開嘅時候 就係流心嘅狀態😍流心得好好 因為有啲會over咗 會硬咗 但佢呢個係軟綿綿嘅流心🤤佢即叫即整🔥偏係外皮烘脆嘅心太軟 乾乾地 但佢入邊有啲脆卜卜 好似焦糖脆脆嘅感覺 同埋好多熔岩🌋伴碟仲有啲脆脆同粉 好似有啲燶燶地嘅感覺 好香濃食落去 都幾濃華田味嘅😋但唔肯定啲粉係朱古力粉 定華田粉．荔玫芭菲🍧值得讚賞🤩🤩🤩👍🏼除咗有乳酪雪糕 仲有椰果 荔枝 同玫瑰醬 同埋 下面都會有啲cereal粟米片🥣另外Menu睇落去 張相以為好細 但嚟到嘅時候 都比較大碗👻比坊間普通嘅芭菲 食落去冇咁漏 因為通常出面下面嗰個層係cream 但佢呢個係用乳酪雪糕 都偏向酸酸地🤤所以食落去 就唔會咁漏再加埋粟米片 加返脆卜卜嘅口感😝佢上面嗰層嘢係荔枝同玫瑰醬係甜甜地 好香荔枝味 玫瑰醬都好香😋不過對我嚟講 甜咗少少🥺．另外 兩個甜品裝住雪糕嗰個脆皮 都脆卜卜🍦好香嗰啲新地筒 嗰啲蛋味·以上評價 同🦔一

「挪威的雪山」✨係好浮誇嘅甜品呢～雪山係由火焰蛋白霜組成，充滿焦糖香嘅挪威芝士被刨成薄片，灑滿整座雪山！濃濃嘅芝士香夾雜住鹹鹹甜甜嘅天然焦糖味，入口幼滑細膩，加埋焦糖爆谷，細膩嘅甜味伴隨奶香喺口腔溢出，係一場屬於芝士同埋焦糖嘅爆擊🧀而入面係乳酪雪糕，清新酸甜所以唔會太過膩～再用匙挖得深啲仲會見到忌廉泡芙添😋 好似尋寶咁驚喜～

今日7月3號去食糖水，原先諗住一家人開開心心食個糖水先返屋企。當時舖頭係冇乜客，全場得兩個客，入面好多枱 ，但一入舖個女店員就話未齊人？之後就幫我地泊咗3張二人枱，唔明點解唔可以安排張中間大長枱比我地5個人。個女店員態度好差，好晦氣，佢性格唔知係咪本身好鐘意同人坳🤔問佢擺啲係門店張枱度費時阻住用餐又話唔得，一定要放返係自己張枱。食碗楊枝甘露咁既甜品，問佢拎幾個碗Share，就話要比碟我用，因為冇碗⋯⋯What?咁佢用咩嚟裝呢個甜品比我做甜品店做到西口西面咁，一家人比佢搞到mood到冇。甜品質素就一般啦，如果飯後想食都可以去食。不過見到呢個女店員就真係請都唔食，服務態度真係趕客。有咁多負面評語關於呢間餐廳服務態度果然唔係浪得虛名。唔係黃店就大哂，一間食店就要有佢應有既服務態度。

員工上錯甜品居然閙客人"你唔知上錯咗嘅咩". 態度極惡劣。哇咩自己做錯野可以鬧返個客𨍭頭。真係聞所未聞。就算點樣好食都唔應該咁樣做生意下嘛。食完背脊骨落。絕對唔會有下次。

#搞串個pantry飯後甜品作為一餐之完結🔚，或者一日之終點🌅，一定要食完後可以令你解除一整日嘅辛勞🛀，同埋去除油膩。今次就去咗一間喺#西環 同埋#大角咀 都有分店嘅#甜品 舖🍨，而我哋覺得呢間舖頭主打心太軟，同埋#乳酪雪糕 。我哋今次嗌咗一個海鹽焦糖爆谷法式燉蛋配乳酪雪糕($58)🍿🍮，同埋嗌咗一個「榴金歲月」($59)。海鹽焦糖爆谷法式燉蛋，喺#焦糖燉蛋 上面鋪滿咗爆谷。爆谷算係幾脆💥，上面淋咗一啲海鹽焦糖醬，食得出咸咸地、甜甜地🍬。而下面個焦糖燉蛋，外層嘅焦糖脆唔會燒到變苦，燉蛋食落口相當綿密☺️。另外，乳酪雪糕🍦味道有啲古怪，但我哋相信佢係相當正宗嘅乳酪雪糕，所以有一種發酵嘅味道，但係呢個味道嘅感覺就有啲似嘔吐物嘅酸味🤪，未必每個人都接受到。而「榴金歲月」入面就有芒果🥭、榴槤、黑糯米、水晶珠🔮、寒天，配以芒汁椰漿底。榴槤肉嘅份量都相多，味道好夾芒汁底。整體嘅味道就係經典港式甜品嘅味道，無乜特別，幾好食😋。呢間甜品舖仲有好多唔同口味嘅心太軟🍰，例如開心果味，大家嚟到都可以試吓佢嘅心太軟💕！！