意堡

营业中

休息中

香蒜白酒汁帶子扁意粉大大粒黎自日本刺身級帶子，表面香煎入面半生夠哂鮮甜~ 扁意粉非常掛汁，微酸香醇白酒汁夠哂開胃，配上香蒜同洋葱帶出帶子既鮮甜。 意粉夠靭性有咬口。香草雞扒漢堡一大塊厚切雞扒夾係burger入面，油香十足，夾埋有小小辣味嘅千島醬，香脆既麵包加小小牛油烘，配埋生菜同蕃茄，好好味~肥牛金菇串呢個小食，相信人人都中意<3雞髀肉串啖啖肉外脆內嫰七味粉香蒜單骨雞翼外皮酥脆入面唔鞋口，七味粉+蒜蓉粒夠哂惹味無骨海南雞半隻雞肉肉質香滑嫩，唔洗點醬都好夠味!

#fatxngaotaokwok‼️ 牛 頭 角 西 餐 小 店‼️•① ［ 辣 椒 膏 肉 碎 扁 意 粉 // 白 醬 帶 子 意 粉 ］｜份量大，而且價錢合宜。呢度嘅意粉都幾好食(ㆆᴗㆆ)♡鍾意食辣嘅我一定比較喜歡 「 辣 椒 膏 肉 碎 扁 意 粉 」，其實都幾辣，但好過癮。「 白 醬 帶 子 意 粉 」亦都有驚喜(´ε｀ )♥好creamy !!!! |𓋪 8.5/10·② ［ 黑 松 露 醬 大 啡 菇 煎 蛋 漢 堡 ］｜一咬就爆哂汁₍ᐢ‥ᐢ₎ ♡好 juicy |𓋪7.5/10•③ ［ 沙 嗲 雞 髀 肉 串 // 七 味 粉 蒜 香 單 骨 雞 翼 // 椒 鹽 雞 軟 骨 ］| 最推介 「 沙 嗲 雞 髀 肉 串 」。其他都正正常常～相比起小食，我會更加推介主食～｜𓋪7/10·意堡 (觀塘)觀塘宜安街1-7號財利大廈地下F2號舖

牛頭角親民高質漢堡意粉小店話說朋友講貓店長好cute 食物質素性價比都ok 就去試吓牛頭角呢間小店，好可惜今次緣慳一面. 不過唔緊要，品嚐左美味嘅一餐都不失為好事.餐廳門面裝修走日系文青風，地方雖然唔大但好有家庭嘅感覺，睇住一腳踢嘅廚師哥哥熟練同用心準備食物嘅過程，幾有樂趣. PS 佢仲可以洗埋碗收埋錢😂真心勁坐低第一時間試左自家製薏米檸檬水，大熱天時飲落好解渴！足料薏米檸檬清新. #香蒜白酒汁蟹肉意粉蟹肉意粉好足料，食落口滿口鮮嫰蟹肉，而且配上芝士，香草同洋蔥香蒜等多種配料，更有淡淡白酒香味，Q 彈扁意粉沾滿醬汁，層次豐富而不膩. #和牛漢堡和牛漢堡嘅牛肉好大好厚好多汁肉味香濃. 最有驚喜係個包，外脆內軟棉棉質感. #忌廉芝士汁配炸墨魚肉外面炸得非常酥脆，內裡墨魚肉不失鮮味口感又爽又彈牙. 更有驚喜嘅係熱溶溶拉絲芝士，好好嘅配搭. #椒鹽雞軟骨炸鷄軟骨好香口同惹味， 椒鹽味剛好不會over. 好好𡁻口吹水小食必選. 下次可以再返兜希望有緣見到貓主子啦～

呢間小店比到人一種好入屋嘅感覺‼️主打食漢堡、意粉，價錢非常親民另外都有扒飯提供，$35就食到海南雞飯真係好抵🍝蒜香蜆肉扁意粉味道唔錯，好有家庭嘅味道，加左啲炸蒜，令香味更加突出。🍔自家制豬頸肉漢堡呢個burger係我嘅重點推介入口能感受到油香嘅豐富口感，但又唔會有油膩感豬頸肉肉質好爽嫩❤️搭配微辣嘅蛋黃醬，非常好味‼️麵包烘到微脆，完美地吸收左豬頸肉的油香&醬汁，真係勁好食🍟呢度嘅薯條係即炸的，口感非常脆卜卜，加左啲辣粉、鹽，真係令我食唔停口仲叫左份蒜香單骨雞翼，好欣賞呢度啲小食係即叫即炸

牛頭角近觀塘有間平民價漢堡意粉小店，吸引吾少人幫襯，小店系簡約木系裝修，去戈日都見到有熟客去幫襯。重點系全部意粉款式都吾超過100蚊，好抵啊😳✿ 芝士牛肉漢堡 $52芝味香濃🧀芝士控必定中意，但同時感覺吾會好膩。✿ 和牛漢堡 $72和牛漢堡比芝士牛肉漢堡多咗沙律醬，和牛肉汁鮮嫩。✿ 香蒜白酒汁蟹肉意粉 $88香蒜味沾滿意粉🍝蟹肉幾多同埋新鮮。✿ 墨汁墨魚肉扁意粉 $5050蚊食到墨汁意粉真系好抵😳🐙啖啖食到濃郁墨汁，墨魚肉新鮮爽口。

今日覓食去到觀塘宜安街街市，旁邊的”意堡”，小小的店舖，一推門進去，香蒜牛油味撲鼻而來，有多款意粉及漢堡可以選擇，眼多位街坊過來買外賣，相信味道好有保證，而唯一一位店員忙到停不下來。香蒜虎蝦意粉🍜大蝦，加入蒜香粉煎得剛剛好，帶一點焦香，意粉口感適中，同樣加入蒜粒牛油同炒。和牛漢堡 $72和牛，超級Juicy，程度係一咬爆汁嗰種(白色衫人士要小心注意)，加入生菜蕃茄芝士，好滋味。黑松露醬配薯條 $25薯條即叫即炸，條條金黃香脆。

餐廳係小店形式經營，但少量座位，但都坐得舒服😄 食物即叫即做，仲可以望住廚師🧑‍🍳煮食，係唔錯既享受😃😃 我叫咗香蒜白酒汁蟹肉意粉、黑松露薯條和檸檬薏米水😃香蒜白酒汁蟹肉意粉- 好多蟹肉😃😃😃😃 香蒜白酒汁炒意粉即叫即做，熱騰騰，份量仲好多😃😃 好飽肚- 黑松露薯條- 食緊意粉又好想食小食，食薯條就岩哂😄😄呢度有黑松露醬😃😃 正呀❤️❤️❤️一啖薯條一啖醬🍟 好滿足☺️☺️檸檬意米水- 正呀！ 健康又有益，仲唔貴😝😝我見到隔離位食漢堡飽，都好吸引呀😻😻 我下次都想試呀☺️☺️☺️意堡 (觀塘)觀塘宜安街1-7號財利大廈地下F2號舖

放工於牛頭角附近簡單晚餐，行經一條短巷發現一間唔太顯眼既漢堡小店，見價錢親民，而且即場看見烹調現場，一試之下食物質素有保證，特別既係唔知店員定老闆既態度非常有個性，欣賞佢用心烹調既個性！漢堡價格由$45起，既然去得漢堡店當然要試試最傳統既牛肉漢堡，見和牛漢堡都只係賣$72，呢個價錢食到和牛級數都已經相當親民。和牛牛肉大塊嫩身，煎得相當唔錯，配合埋生菜、蕃茄、芝士、特製醬汁，經典美味！除左漢堡之外，仲有意粉、飯類等主食，價錢由$35起非常貼地！但我就係被門口既期間限定Menu吸引，叫左一款香蒜白酒汁蟹肉扁意粉$88，呢個意粉真係好好味，濃郁香蒜味再湧出白酒酒香味，蟹肉一絲絲增加層次感，非常推薦！餐廳仲提供多款小食，$14起，值得一試七味粉蒜香單骨雞翼$22、椒鹽雞軟骨$25，平得黎炸得相當脆！意堡 觀塘宜安街1-7號財利大廈地下F2號舖

【觀塘區】【意堡】去牛頭角做嘢，聽一位朋友講話有間外賣店幾抵食，咁我就同個同事過去食吓嘢。我哋就費事外賣喇，堂食啦。佢嗰度就真係好似主力做外賣咁，堂食嘅位置唔多。我哋去到嘅時候係大約兩點半，都過晒嗰邊上班族食飯時間。同事都慨歎於我點知呢度斜路會有間嘢食西餐，哈哈，唔講咁多住，食嘢先。先試 $46 嘅「卡邦尼扁意粉」，佢哋呢款就真係得煙肉同扁意粉，夠晒簡單。不過呢，碟嘢個汁都幾惹味，食吓食吓又唔覺得佢單調，好快食晒。跟住到 $72 嘅「和牛漢堡」，兩塊包都見店員好用心咁煎過，外面少少脆邊裡面又夠軟熟。而塊漢堡扒都真係好香牛肉味，我冇考究過係咪真係和牛，不過食落味道係真係唔錯。個醬汁同配料都簡簡單單，咁先襯托到肉味。之後試 $14 嘅小食「沙嗲雞髀肉串」，真係成串嘢都係肉，好食。試埋 $22 嘅「七味粉蒜香單骨雞翼」，少少辣好惹味，都覺得好味嘅。飲埋 $7 一枝嘅「自家製檸檬薏米水」，一人一枝夠清新。夾埋 $168，食到飽晒喎。。。（地址：觀塘宜安街1-7號財利大廈地下F2號舖）@spanglewith#1amfoodie #foodie #hkfoodie #thatfoodiethin

呢間意堡餐廳位於牛頭角，係一間好唔錯既餐廳。我試過佢地嘅虎蝦意粉，芝士牛肉漢堡，黑松露醬大啡菇煎蛋漢堡同忌廉芝士汁配炸墨魚肉，質素值得一試。虎蝦意粉🍝虎蝦好新鮮，同埋佢嘅醬汁係好香濃，意粉彈牙，份量都幾大份。芝士牛肉漢堡🍔漢堡扒好juicy，芝士又好濃郁，令人忍唔住一口接一口。黑松露醬大啡菇煎蛋漢堡🤩黑松露醬好香，大啡菇鮮美，煎蛋夠軟滑，配上漢堡扒一齊食一流。忌廉芝士汁配炸墨魚肉🦑炸到好鬆脆，配上忌廉芝士汁更加加分。總括而言，意堡餐廳嘅食物係十分唔錯，每一樣都係令人回味無窮。服務態度亦好好，係一個適合同朋友同家人嚟享受美食同時聊天嘅好地方。

有時候返工唔知食咩，就會探索下同區有D咩新開既餐廳/小食店。最近就去左牛頭角既【意堡】食左個dinner。有漢堡、意粉同不同小食選擇。今次就叫左帶子白汁意粉、炸雞軟骨同自家製檸檬薏米水。帶子白汁意粉：帶子係用刺身級帶子，裏面半生好鮮甜。白汁意粉用扁意粉，非常挂汁。洋葱又可以帶出鮮甜。不過個人覺得個白汁唔係好食得慣，有少少酸味。 炸雞軟骨：非常香脆，加左黑椒好惹味，分量都算ok。 自家製檸檬薏米水：非常清新解渴，微甜完全唔會有負擔。

係觀塘、牛頭角既朋友呢個咁熱既夏天有口福啦位於牛頭角宜安街街市旁邊既意堡為你帶黎最清涼既意粉同漢堡體驗之旅！冷氣充足，味道好！今次我地就叫左以下食物:和牛漢堡 $72芝士牛肉漢堡 $52和牛味濃，牛肉漢堡肉汁豐富記得用店家提供既紙包住食呀單骨雞翼 +$14跟餐炸得香脆，喂餐幾抵忌廉芝士汁配炸墨魚肉 $30大大片墨魚肉，芝士味濃，好食自家製薏米水 $7消暑必飲夏季涼品，香港咁濕咁熱啱晒啦除左意粉同漢堡之外，意堡仲有提供無骨海南雞飯，香草雞扒飯等等碟頭飯類。款式種類豐富，做意粉漢堡做埋碟頭飯，完全感受到店主既用心同貼心

發現左一間係觀塘區既隱世平民西餐🤩 幾十蚊就有意粉/burger食，而且質素都唔差! 舖頭比較細，全部都係bar枱別有一翻風味🥢白酒帶子扁意粉呢個係新menu黎～意粉軟硬適中，白酒味都幾香濃又好creamy☺️ 帶子都有兩大粒 煎過既帶子好香口🤩🥢和牛漢堡漢堡包皮有輕輕烘過脆卜卜，加上好厚既真和牛肉排，一啖落去厚到食唔哂🥹 和牛排爆哂汁超juicy!! 中間仲有啲黑松露醬，配埋蕃茄同生菜超惹味😍必食！🥢黑松露醬配粗薯條好耐冇食過呢啲波浪紋粗薯條，即叫即炸，做到外脆內軟！ 面頭灑左啲辣椒粉增加味道層次，黑松露醬都好香😋-小店經營但味道真係唔輸一般cafe😍

香草雞扒🐥漢堡🍔煎雞扒勁大件，仲大塊過個漢堡包，完全超出預期🤩，超級抵食。雞扒即點即整，煎得金黃又酥脆，外皮油香滿滿但完全不肥膩👍，內裡雞肉嫩滑可口，肉汁勁多，再加上香草調味，令雞扒獨有的香味更加突出，超正🤤漢堡包有用心整，經預先牛油香煎，食落外脆內軟，加埋蔬菜配料口感一流🤭椒鹽雞軟骨🐤雞軟骨同樣即叫即炸，外表睇落有一點點燶，但勝在超級香口，食落外脆內爽，卜卜脆的質感令人食唔停口，加埋潵係表面的椒鹽，又鹹又辣非常過癮🥴餐廳環境都幾迫，睇落似prefer 人外賣多d😅但如果想同🐱老闆互動下，就值得一逼🙉

👩🏻‍❤️‍👨🏻意堡🐾地點：📍觀塘宜安街1-7號財利大廈地下F2號舖▶️牛頭角站A出口💰人均 ~$106#hkcoupleeatplaysleepfood🍔和牛漢堡--$72 ✨和牛非常Juicy！✨肉質鮮嫩✨成個Burger肉汁豐富✅麵包烘過脆卜卜(8.8/10)🐔沙嗲雞脾肉串--$14 (套餐價加小食送飲品)✅啖啖肉✅外脆內軟(7/10)🍝香蒜白酒汁帶子意粉--$88✨好Creamy✅意粉有靭性🤩有咬口！✅帶子煎過大大粒🥰(8.8/10)🐮肥牛金菇串--$14(套餐價加小食送飲品)✅份量足料！有3串🤩✅牛肉燒過✅有咬口(7.5/10)🍟黑松露醬配粗薯條--$25✅細心落埋調味粉🤩✅香脆可口✅經典黑松露醬(7.6/10)-----個人評評分❤️：8.3/10性價比💸：8/10環境📷：7.4/10回頭🤓：會總結：呢間係好似隱世小店咁🙈係隱世斜路位置，但好讚嘅位係佢樣樣野都係即刻整🤩所以burger、意粉、小食都係熱辣辣上枱🥰