意情濃

营业中

休息中

📍意情濃✨小店系列✨元朗人可能都未必識呢間小店😌只做午市至下午茶時間😌呢個時間就是chill~~~有室外同室內位置😊位置有限要食就請早黎報到😌好多時黎到都要等位🙈🐂牛脷重是主角😋厚切煎牛脷外蕉香，內香淋軟滑😋趁熱食，啖啖滿足啖啖牛香😋鍾意食牛脷朋友千萬不再錯過😆我Like同牛牛打茄輪😋😘❤蜆肉蒜香炒扁意粉❤蜆肉新鮮，炒意粉蒜味岩岩好👍份量好豐富😆一定食飽你😆❤煎蝦餅惹味辣醬炒長通粉❤蝦餅好大塊😆好厚身👍蝦味濃😋彈牙好味😋呢個辣小小小小小辣好惹味開胃😆意粉炒飯都非常出色👍醬料口味+長通粉/扁粉...+主食=自由選擇好多配搭自由度好高❤唔好羅你對意大利式意粉style放落黎！小店意粉走港式風味😋同濃濃人情味😊老闆娘已經記得熟客朋友口味喜好直接落單✅好多熟客都會同老闆娘傾計❤老熟客（驕傲分享）：呢個係我第二個孫！😊老闆娘：甘快第二個😊老熟客同細孫講：第時大左自己過黎食野！☺老熟客女兒：嘩！大個個（孫）都未得！😂用食物傳遞溫情，一家三代同堂的溫馨❤就如同小店開放時間一樣✨一度冬天午間陽光，驅走了朝寒，成就了暖冬🌞🌞🌞🌞溫暖了午間，溫暖了人心❤❤❤店如其名《意情濃》❤📍意情濃元朗安駿里2號

一早830去到，大風有點涼，室内已經無位，睇緊餐牌糾結緊坐唔坐外邊嘅時候，同行嘅小朋友因為凍企咗喺門口縮下縮下，呀姐就好無禮貌咁話：「你唔好企呢度啦，我要閂門嫁」。小朋友就行開左，最後我地坐左外面，呀姐又問你係咪坐呢度，咁我話係，仲有一個人泥緊，呀姐又好掘咁問：「咁你都要叫野食格」 🤣 已經廢事睬佢….. 食物好一般，咖啡用粉沖，非常難飲。Ps: 最後佢道玻璃門係長開住，只係鬧小朋友個刻就扮閉一下呢位大嬸侍應喜愛黑面， 態度又差，諗唔到原因再幫襯🤣🤣

平日1415，入到去同個短頭髮戴眼鏡嘅阿姐講：唔該想叫外賣佢：唔唔唔（擰頭）我：即係咩意思？佢：我哋冇呢啲我：我見你呢度寫住外賣加三蚊，即係而家冇咗外賣？佢：哦～你意思係拎走嗰啲我：係………佢：我哋而家好忙呀………啲服務咁樣 唔做外賣就唔好寫出來啦

這小店已經幫襯第三次，強烈推介鹽煎牛舌外脆內暖，本身不好內臟的我，也吃得津津有味！而且三件的份量係超級大件！另外推介三文治、試過煙三文魚三文治、吉列魚柳三文治，三文治醬料配搭出色，令人垂涎三尺。小店雖小，但食品出色。只有一個樓面姐姐獨當一面。到來進食，了解其脾性．．多欣賞！多包容！食得舒服，食得滿足！

成個元朗最出名早餐會有牛舌食應該非呢間莫屬！今日有機會嚟到試吓佢嘅午餐，都幾多人排隊，加上佢唔做外賣，都等咗半個鐘先入到座。餐湯係粟米湯，細細碗都好滑$65牛脷雞蛋炒飯：見到三大塊厚切牛舌真係好興奮，外脆內嫩，呢個價錢食到咁嘅質素，我覺得非常抵食！雞蛋炒飯真係飯粒分明，陣陣蒜香$70鮮蕃茄牛脷焗長通粉：啖啖嘅鮮蕃茄味，唔係普通餐廳嘅濃濃茄膏味入面亦都有好幾塊厚切牛舌，但始終焗起身比起煎牛舌少一分脆香

此間位於元朗圖書館對面的小店, 見到餐廳細細, 座位不算太多, 室內約共12位, 室外可坐10位左右, 適逢天氣轉涼, 坐室外及有帶毛孩就方便了。是次是本人首次到來, 見到餐牌簡單幾款食物, 飯/意粉/沙律等等, 再配以不同的主菜, 聽到很多叫牛脷及蝦餅, 於是便叫了焗牛脷bin意粉同蝦餅蛋沙律, 食飽後, 非常感恩放棄叫2個焗物, 因為真係好飽。焗牛脷bin意粉, 好好味, 因為我本身好鐘意磨姑汁, 加上意粉咬口, 唔會淋曬, 所以好岩我口味, 再加上個3塊厚過我面皮的牛脷, 好淋, 好正。至於蝦餅蛋沙律, 沙律係薯仔同蛋, 蛋的份量不多, 不過凍凍的, 正好為濃味的意粉作個調和, 至於蝦餅, 又係三大件, 很厚身的, 有點像泰式的炸蝦餅, 所以這個配沙律就最匹配的了。見到小店人手不多, 應是自家小店, 下次會再支持

我唔明為何多人排隊這麼多posts說好吃我真的食了兩啖 難食到放棄侍應態度唔好食物淡而無味真的好難食 中秋節後 還說要加10%服務費但你這樣的服務態度完全不值得。🤮🤮🤮🤮🤮

認識意濃情已經有兩年的時間因為是小店的原因 只有大約12個座位 座位有限每次都要等位 至少30mins但我每次都會等因為覺得 值得最喜歡吃意濃情的早餐很有水準有一次和老闆娘講開：「每次都要等這麼久.」老闆娘回我一句：「好食嘅嘢就係要等㗎喇！」老闆娘的自信和高傲 實在是 有實力 才可以這樣說出來！今次和朋友 相約食午餐焗芝士肉丸長通粉份量很足 價錢又合理這裏的檸檬茶,不是港式的「苦」,總是帶有茶香每一次我都會飲一杯~最難得是 老闆娘從來不趕人客走完全沒有趕時間的感覺 下次再介紹 早餐

呢間小店比較低調，只有幾張檯，賣意粉、多士，幫襯嘅大多數係街坊。佢地嘅下午茶餐有呢份足夠兩個人分享嘅原隻蝦多士餐，只係我為食，永遠都係獨食成份😂😂🙈🙈。一份兩件，即係一份就有兩隻蝦，佢嘅蝦頭脆到可以成隻食晒，鬆脆嘅多士裡面嘅蝦膠份量十足，雖然略嫌有少少過實，但佢嘅吸引力足以吸引我間中來食下😋另外佢杯凍檸水算唔錯。呢個餐連薯仔沙律、餐飲，盛惠 $70，我每次吃完都飽到差唔多連晚飯都食唔落😂

人生第一次寫食評，呢間d態度真係極差，今日去到呢間意情濃試吓，去到唔駛排隊即刻有位坐，入面得一個女人侍應，當我地諗好食咩叫佢落單時，面色已黑口黑面，心諗態度咁差，下次唔會再幫襯，叫佢拎杯水又唔理我地，食食吓，我仔仔唔小心整跌咗支叉，叫個女侍應攞過支叉，佢居然呼喝問我地：要咩呀？我地又唔係無同你講唔該，駛唔駛咁呼喚我地，我都明得你一個人做，但你咁樣呼喚客人，會唔會過份咗呢？未試過遇過態度咁差既侍應，以後不會再幫襯😡😡😡😡

☆ 意情濃元朗安駿里2號怡康大廈15號地下有事去元朗國辦，唔熟呢頭，朋友介紹我去呢間小店試下，上網一睇，佢個蝦多士都幾吸引下，一於去試下。٩(˃̶͈̀௰˂̶͈́)و✦ 蝦多士雖然成$70蚊，但真係成隻大蝦係到，然後有一大舊厚厚嘅蝦膠，都好足料，不過略嫌個蝦膠有d實，唔夠彈牙。( ･᷄ὢ･᷅ )✦ 葡萄牙辣沙甸魚煎蛋 配番茄湯扭紋通粉好明顯我係因為個名誤會左，一心諗會有d咩特別，點知原來係分開嘅，係肉絲炒麵d fd(˶‾᷄ ⁻̫ ‾᷅˵)

網上見有人話呢間餐廳食牛舌好味過日本利久，就過嚟試試。坐低見餐枱紙有灰，周圍環境都幾殘舊，嚟招呼我哋嘅係一個中年女人，落order時已木無表情，我哋點左一個牛舌意粉、一個蝦餅意粉。等食途中，問個中年女人攞咗杯水洗刀叉，點知我唔小心整跌咗杯水，枱面同椅、地下都濕咗。嗰個中年女人只係幫緊我哋同枱隔離嗰兩個女仔點餐，完全好似睇唔到咁。我哋自己攞紙巾出嚟抹，最後都係叫佢幫手抹下，點知佢只係比左幾張廚房紙我哋，完全無唸過要幫我哋抹。今時今日咁嘅服務態度認真唔得，簡直係十分惡劣，真係唔會有下次，仲有佢嘅野食，賣點只係得個大字，同埋勁油，唔可以叫係好食，都唔明點解啲人會話好好味。未食過又想食嘅，奉勸各位都係唔好試，盞自己搵氣嚟受

我哋開開心心地帶兩個小朋友去幫襯，雖然己知其黑面惡相很多人見証過。排咗一輪隊，見我哋帶2個3歲和8歲小朋友在門口奔跑，她巳面露討厭之色。下一個輪到我哋時，竟説4位要叫4個餐！簡直過分！又冇告示。我哋永遠不會幫襯它！！！大家可以評評理！

其實在外面食嘢除了要求食物要有一定水準外，侍應的服務及餐廳的環境也會影響客人對食物的感覺。原本好心情及熱切期待的去食呢件蝦多士的我，就捱了那位身兼侍應的事頭婆兩嘢悶棍! 啊嬋無禮，但蝦多士無罪，我不會對食物不敬，還更要好好欣賞它! 我老遠由荔枝角來元朗食你，我一定比你一個好公正的評價!外表賣相非常好看，成隻大蝦舖在多士上，金黃鬆脆，急不及待想要大大啖佢。人就是好易被靚的外表誤導，雖然蝦和蝦膠都是真材實料，但蝦身太乾，蝦膠撻得太實了，整件蝦多士沒有汁液，冇咩蝦味，沒有多士香氣， 伴碟的蛋沙律也是一般的! 雖然有兩大件，但唔好食就一件也嫌多了，雖則我好尊重D食物，但吃了件半也要放棄! 70蚊再+10蚊凍飲是下午茶餐，究竟抵唔抵食就要你自己試過先知了。就算是抵食也不代表是好食，不要比大件夾抵食而誤導!

而家小朋友返學仲係1.5小時返屋企又唔係, 行街舖頭又未開門今日就去意情濃博下唔洗排隊, 食返個靚早餐 點知平日都要等4張枱～好！我等 😛今日揀左司華力腸蕃茄湯意粉爆腸界花, 界得好靚 佢地既牛脷同蝦餅都超正⋯但今日得我一個, 無人同我share 費是浪費食物🤪蕃茄湯好濃, 忍唔住會不停飲湯 但應該無味精、 因為我食完無好口渴如果呢間唔係食日都要等位我應該一星期會食幾次啊