意樂餐廳 (新都城中心二期)

营业中

休息中

食過幾次，環境唔錯，幾工業風😄放假中午去食Lunch，係出面都等左一陣安排入坐蒲燒鰻魚炒珍珠飯🍚份量都算幾多炒飯唔會炒得太淋，上面有啲比目魚郁郁下鰻魚切得比較細，但都幾多整體味道唔算好咸，都唔錯🍝帆立貝海鮮意大利蕃茄濃湯扁意粉海鮮唔算好多，款色有蝦,帆立貝,青口,魷魚幾款海鮮,扁意粉幾有咬口,蕃茄湯濃郁同有少少蕃茄蓉下次想試炒意粉，見好似都好吸引阿白酒煮蜆嗌左份小食，白酒煮蜆白酒唔算好濃，蜆份量都幾多性價比高！

疫情緩和返啲，老公有車🚙，週末可以去唔同地方食嘢，早前就去將軍澳新都城中心食個下午茶（由於剛剛2:00所以可以食到下午茶😋）🥢意式鮮茄肉醬焗扁意粉🍝老公經常會叫一這款意粉，他說這間用咗扁意粉，較硬，佢鍾意普通嗰款意粉多啲，不過味道都唔錯。🥢日式燒汁烤雞焗珍珠飯🍚個日式燒汁幾好味，雖然係下午茶，份量都好粥，都差啲食唔晒😅呢間意式餐廳性價比高，下午茶兩位食完$100有找，仲可以飲到兩杯凍飲，唔錯🤩

星期日，輕鬆日，同太太出外食 lunch。地點在樓下商場意樂餐廳。由於疫情再度減輕，人多要等位。叫了2個set lunch，包括蜆肉白酒煙肉蒜香天使麵、日式燒汁牛肉丼飯，凍檸檬茶及凍奶茶。天使面味道鹹香及蒜蓉味濃，蜆肉尚算鮮甜，但有沙，整體味道尚算不俗，但份量略嫌少。燒汁牛肉丼飯味道帶甜，牛肉略薄但不肥，值得一讚是溫泉蛋煮得剛好，用蛋汁撈飯，味道好，整體水準之上。這裏飲品算大杯，奶茶甜度適中，但檸檬茶則非常酸，要侍應加糖水緩和酸味。埋單$120 ，以午餐價錢及食物水準來說，中規中矩。

原來成間舖頭都冇再提供檸檬，用晒濃縮檸檬汁代替，味道超級奇怪😖 明白你經濟不景要cut cost 慳錢，但係去餐廳想飲返杯檸檬茶都唔得，寧願你加$5俾返塊檸檬我😢

耐不耐都有幫襯呢間餐廳的, 貪就腳而且選擇多, 價錢都合理.今晚又入左去開餐, 餐牌轉變了, 加添了新款式, 於是我就叫了鰻魚蛋飯配咖哩汁, 但飯是不熱之余咖哩汁又過咸, 但個鰻魚同個蛋都正常.另叫了牛排餐, 配料有薯條. 加2粒番茄仔, 一舊仔瓜菜，但想講個牛排細舊到呢,真係如上一篇的人兄所講咁 (細)(但我個片就長而薄囉)..., 因我之前都有食開的, 故便同待應說一下, 說圖片與事實不附, 他說: (呢個係正常Size, 片片都係咁, 而且我目測都有8oz, 係同之前一樣, 之後便走開了....... )今晚呢塊又薄又難咬而且又多渣, 真係難食到呢...  嬲得濟, 都唔記得影相 另凍檸檬茶叫佢少冰, 但依然成杯都係冰囉, 但冇再投訴啦~ 一陣又唔知佢目測D咩了....🤣😂

1） 同行有兩個叫左呢個牛扒餐一塊就八達通咁大一塊就80%都脂肪 無吹大 Lunch都仲要收$69叫佢換過個部長仲要串串貢 語氣好差咁講 「依加叫廚房整過啦 咁你等唔等呀」4條友都係食飯 佢俾哂匙羹我地都由佢算啦 男人老鬼用叉食飯都無咩所謂2）檸水就轉左唔用檸檬個劑量又重手喎 酸到飲都飲唔到平時有得自己篤 都可以自己控制下個濃度3）d卡位又細 又焗 只係坐出左好少好少就話驚我地撞到佢d手推車 整跌佢d野食我心諗你唔係要關心d食客

午餐我最鍾意就係食常餐，喜歡意樂的常餐其中一個原因，係因為佢可以選擇配天使麵。而常餐的靈魂之一，便莫過於個麵包！呢度嘅蒜蓉牛油多士有好香蒜蓉味，而且仲係厚切，夠哂鬆脆。雖然呢度係茶餐廳，但坐得卻比一般茶餐廳舒服，唔會太迫，而座位亦算闊，裝修亦都比一般茶餐廳靚。而且呢度食物選擇非常之多，飯丶拉麵丶意粉丶包類丶扒類乜都有，有時如果同家人食野，一個想食麵，一個想食飯，呢度就岩哂，可以滿足大家不同的喜好。

我地兩個人因為未食午飯所以喺新都城周圍行吓睇吓有咩嘢食，跟住發現呢間兩點就開始有下午茶餐，而且餐牌上嘅食物賣相好似唔差所以入咗去食。我哋叫咗一個天使面同一個焗飯咁就可以share嚟食，下午茶餐仲包埋嘢飲真係好抵。-香辣欖油煙鴨胸炒天使麵呢個天使面一啲都唔辣完全比番茄汁蓋過，所以當佢係蕃茄汁炒意粉就冇問題😂我個人覺得天使面嘅軟硬程度啱啱好 成個炒意粉係好好味-西西里鮮茄烤豬扒焗珍珠飯好普通嘅焗豬扒飯但勝在夠平夠大碟。整體嚟講，呢個價錢食到咁大份同有質素嘅嘢食係好抵，下次會再嚟幫襯👍🏻

假日，行經商場，見到呢間集團式餐廳响門口有張貼兩個介紹午餐嘅menu，都幾多選擇，又有日本拉麵，西式嘅意粉等......平均都係六十元左右一個餐，於是趁餐廳人流又不多，就入座搵食。因為lunch 我唔想食飯，所以叫了九洲叉燒豬骨濃湯拉麵。一個大碗裝住熱辣辣嘅拉麵，湯底還可以啦！嚟得餐廳食都無預過好似日本食店咁專業好正宗好味，仲有一隻溫泉蛋和三片叉燒都幾入味，另包一杯飲品，算不過不失。

平時一直都有幫襯開，一路覺得哩間野啲野食唔錯，價錢亦都合理，但係服務真係有待改善今日再同朋友黎食野，企門口做接待員金色頭髮果個女仔態度極差，一上到黎佢已經黑哂面，其實唔想做生意可以直接講，我地唔係黎乞野食成晚只見佢掛住同坐喺佢隔離既男仔（可能係佢男朋友掛）傾計，完全冇理過我地哩間餐廳我每星期至少幫襯四次，直頭當左飯堂一樣，真心唔希望有啲咁既員工影響哂成間餐廳，由其是今時今日出街食飯既人已經唔多，希望貴餐廳可以為啲員工進行多啲培訓

食物味道良好，環境也不錯， 價錢也很大眾化點左份牛扒 5成熟，兩邊煎得香脆，口感林身帶有好重牛味，另配黑椒汁夠大份，配菜都夠多，性價比高塊豬扒煎好香口，不過就好乾身，個底係滑蛋飯，珍珠米

之前食過同一集團下既，韓式同越式餐廳，食物都ok，價錢唔貴。今次第一次食呢間西式，價錢唔貴，有d小食同湯加錢就可以加配。不過食物質素偏低，好油，唔好食。白汁芝士焗薯條，薯條焗到乾曬，食落得個咸味，碟底好多油。千島海鮮薄餅，餅底唔鬆軟又唔脆，海鮮配料有蝦仔，仲有其他既配料，不過全部好迷你好碎濕濕。千島醬佢係求其唧一撻醬落去。碟底又係一攤油。辣肉醬溫泉蛋焗意粉，味道正常，但係勁多油，食到一半見到碟底油淋淋，完全無晒食慾。酥皮黑松露忌廉湯，加10蚊就有一個，味道係正常，但個所謂既酥皮完全唔合格。一d都唔酥，就咁將塊麵包皮放上面，硬崩崩一塊皮。突破左酥皮呢個概念。呢一餐食完，除左覺得好濟好油，無咩味道可言。可一不可再。

超級好食既飯，以前聽朋友講過呢間好食，我試完真係覺得物超所值。佢有幾隻汁，有咖喱(spicy) 有蒜蓉汁 同tomato。我試左佢蒜蓉，真係好屈機。食得出佢係好有心去做食物。首先佢隻汁同出面食既完全唔同，佢應該加左牛油同唔知咩香料，超級香。唯一缺點係比較肥，但係我覺得就算肥都值得。佢個野菌滑蛋蓋飯都係好香滑，份量亦好多，完全可以補充營養同蛋白質。雞排方面亦係難以忘懷，唔算好大但係好新鮮既感覺，個皮係脆又厚。

🥓🥪🥚🍛🍝🍕早、午餐選擇组合，很多款式，🤔😋😋😆定期更换午及晚的餐單，應該是半年左右，如果找不到合心意，真的沒有幾個人會出現，收費尚算合理，比快餐集團大記等，貴10~15%，分别有没有人招呼，職員禮貌算不錯，午及晚餐，主打意粉，及pizza等為主，但是也有其他飯、湯麵類供客人選擇，只是部份位置，冷氣較不理想，感覺是商埸供應出問題！因為商埸在很多位置，加設了多部大型冷風機，在繁忙時間，是需要輪候座位，也不會出現等太久時間，一般约十五分鐘便可入座！🙏👍食物水準中级，味道也可以，份量亦很多！

同朋友黎食午餐，我叫左個雞肉雜菌意粉，意粉個汁非常「杰」身，令人覺得好口渴，味道唔算濃味，雞肉同菇本身味道都可以，只係個白汁太杰，我飲曬成杯凍檸茶都食唔曬個意粉，最後食埋d雞就算！