意樂餐廳 (良景廣場)

营业中

休息中

放假又肚餓都以落樓下意樂食下午茶，價錢又經濟又好食，但呢間野好得意，千祈唔好去食晚餐，因為佢哋個晚餐超難食😂雞扒包配薯條雞扒包啲包外面脆卜卜，入邊有鬆軟，薯條好好食雞扒包入邊嘅雞扒做得好好，外面脆入邊鮮嫩有肉汁檸檬茶呢度嘅檸檬茶同外邊嘅檸檬茶唔一樣，因為佢哋呢度嘅檸檬會預先打好，所以飲檸檬茶嘅時候係唔需要再另外督檸檬🍋，啱晒我哋呢啲懶人餐廳嘅裝修都坐得幾舒服㗎呢度用咗工業風嘅風格，放假嚟食返個下午茶都幾好幾寫意

今日唔想出街食 去左買個外賣返屋企食見到佢啲午餐都唔貴 所以叫左個外賣因為用app既關係 Order完就預時間落去就可以啦去到都仲有啲早 咁我就等左一陣啦咁個app show夠鐘我就問下得未啦門口個四眼佬就唔應我機 咁算啦我就去買啲野再番黎番到見到個餐係度 想拎個餐就問佢係咪我既我係咪拎得 佢望一望我電話個Order No.野都唔講句就擺手示意我拎 咁我以為佢拎起俾我啦 但佢又無拎wor我咪問佢我拎得啦？佢就話：你咪拎囉叫左個鰻魚炒飯 我覺得炒得幾香既 但服務態度真係差 唔會再食啦

9月5日下午14:30左右二人到良景分店，由於星期日，入去之前無見人排隊，第一時間問櫃面嘅四眼男要唔要按票排位？佢話唔使可直接入去自己搵位，我掃完安心出行就坐低咗一張卡位度，由於張枱太污糟，舉手叫侍應抹下枱，未幾條四眼男叫咗3位入嚟要求我讓枱要求我哋去搭已有2人嘅4人枱，憑乜嘢？而家新冠疫情未停㗎情況下，任何人都唔願意去搭枱啦，意樂想要做多D生意但有冇諗過人哋感受？全場爆滿咁逼，係都要人讓枱，乜道理，今時今日咁嘅服務態度，真係激死人，所以選擇罷食佢，之前次次叫杯凍齋啡走甜，每次都要換兩三次，水吧都唔識冲，太離潽都算啦，今次咁，以後免了🤬🤬🤬👎👎👎

約咗朋友去良景交收啲嘢順便食埋飯。佢話呢間啲嘢食都唔算差,一於入內試試。我哋分別叫咗咖喱牛腩飯+蕃茄肉醬豬扒煎焗流心蛋飯(仲包餐湯和飲品)呢個咖哩牛腩飯份量都幾多, 牛腩肉質軟滑, 炆得入味咖哩汁夠香濃之外仲夠辣,送飯食一流焗飯焗得幾靚, 面有隻太陽蛋豬扒大塊又厚身, 茄汁酸酸甜甜,非常開胃

8號風球下照常營業，呢個早餐都算抵食，雙蛋、火腿、腸仔、薯蓉、沙律菜，加熱飲都只係$33，出餐快，味道正常，杯齋啡都香，唔會太苦太酸入唔到口，食完可以頂到lunch time。

疫情下習慣了買外賣返屋企食，而意樂係我幾個首選之一。佢有一個二人餐，好多野好抵食。另外佢地有一個鰻魚炒飯，只係50蚊左右。佢地所有嘅食物基本上都幾好食，價廉物美

今早和老婆去開良景, 就在意樂坐下食早餐, 叫了一個蒜香豬扒及一個千島魚柳一齊SHARE食,  餐飲熱檸水及熱奶茶。食物飲品不久便送來, 我在拮檸檬時, 不小心把檸檬水整杯倒到一枱一地都係, 唯有叫侍應過來清理, 女待應過來, 我還諗住會挨駡啦, 怎知她第一句竟是問我有無淥親, 我說沒有, 也跟她說唔好意思, 她又說不要緊, 跟住她收拾完。野又倒了沒東西喝了, 我老婆說一陣出去再買野飲啦, 怎知過一陣子, 他們再送上一杯新的熱檸水給我, 整個服務真是無得頂, 值得表揚, 而且意樂野食真係份量足夠, 味道也不錯的說。

星期日下午茶來了良景邨，諗住揀間熟悉的餐廳食Tea好d，門口好多人等位，好彩等一張都好快，仕應帶我們入去座，見到有板隔住d格都好似幾安全，點知我們坐果度係冇板隔住，坐得十分近，一定冇1.5米，算，自己用餐牌隔住。因坐近水吧所以見到仕應好忙在包外賣，因為餐廳坐得好迫，所以嘈到拆天好啦，叫嘢食，叫了幾次不同仕應，全部說等一陣，但咁就搞了5分鐘。。。我們叫了公司三文治，芝士茄子焗雞飯，意式忌廉野菌天使麵，見到話加6元可以有特飲，係檸檬蜜桃梳打，張圖都好靚的。來了三杯飲品，嘩，同張相都唔同既，係一片檸檬，一些冰，下面一pat唔知咩的糖䊢，甜到呢。。。好難飲個焗雞飯正常的，天使麵好多汁，似湯多d，份量不多。最正的係那公司三文治，看上去勁厚身。但麵包唔係脆，係咬唔開的，入面d料就有蛋，火膼，蕃茄之類，有d蕃茄醬同千島醬咁樣，好怪的。總之唔好味。餐廳好混亂又嘈又只顧住做外賣，食物質素差，服務冇的。

我從來未見過公司三文治果3塊面包係可以好似多士咁厚，仲要係連埋個勁硬包皮，一份公司三文治只係可能食到一半都唔夠。諗住打個電話去投訴，佢話佢哋餐廳嘅特色就係連埋個包皮，如果飛邊要同佢地講。咁點解客人落單時你唔問？一個香港人嘅正常認知，公司三文治啲包係好似多士咁厚架咩？自問成日去茶餐廳都真係未見過一個連皮出嘅公司三文治。包外賣嗰個包兩杯奶茶，比兩包啡糖我，係乜嘢意思？打電話去投訴，仲要死撐係佢特色，你啲特色真係好特別。特別到人哋以後都唔想再食。上次食堂食，又係唔知嗌乜嘢包，個包邊係有啲綠色膠喺度，用心啲做食物啦。

今天中午在意樂點外賣，在拿到外賣時，服務員說：袋子一邊重一邊輕，要小心拿。其實為什麼不弄好再遞給顧客，而且點了面，飯，奶茶，很容易倒泄出來，拿回家後，袋子裡全是湯汁和奶茶，根本拿出來都全是濕滴滴的，無法很好的吃飯，心情都很差。另外，飲品點了一杯抹茶紅豆冰，但是在袋子裡給的飲筒確是細的，根本無法喝，紅豆卡在飲管裡，這是服務員的遺漏疏忽。希望以後不要出現同樣的錯誤，影響顧客吃飯的心情。

今日唔洗返工，就同屋企人落樓下既餐廳食早餐，去到餐廳已經有午餐了，但侍應姐姐好好人，可以仲比我地點個早餐黎食媽：芝士焗流心蛋多士+鮮奶燕麥我：照燒巨人雞扒飯雞扒真心好大塊，外脆內嫩，加埋隻溏心強，撈埋啲汁一齊食，真係冇得輸而且佢份量都好足，絕對夠一個成年人飽肚。但可惜既係跟餐既野飲只可以半價

happy new year新一年起身第一件事要做咩? 緊係食啦!!所以拉左呀媽一齊食個快樂早餐選擇好多, 量小至一份toast, 到量多既重量級全餐都有呢個呀媽既, 真係好重量級, 咩都有咁有焗牛角包, 牛油粟米, 漢堡排, 餐肉, 火腿, 炒蛋我偷左少少蛋黎食, 都ok, 雖然唔叫滑蛋, 但唔會過火我揀左煎雞排+煎焗流心蛋+煙肉+蒜香多士+牛油粟米,好鍾意煎焗流心蛋, 唔怕有太陽蛋未熟既蛋白, 又唔會似荷包蛋2面都要煎咁油,蒜香多士係厚多士,  但蒜味唔太出, 牛油味就好重新一年第一餐就食咁飽lunch都慳番luuuu

早幾日去意樂食早餐，早餐有很多選擇。喜歡飲有咖啡粉在上面的意樂凍咖啡，但奇怪的不是次次都會有，今次都係無，有次試過問侍應，佢話用曬。雞肉腸淋身，餐肉薄切，煎焗流心蛋個人不太喜歡，比較似蒸蛋，蒜香牛油厚多士蒜香牛油少，包不夠鬆脆，有沙律菜感覺上無咁肥膩。火腿濃湯通粉，通粉份量少，湯底偏鹹。$35+$3凍飲。

因為工作的關係，不時都會係尼間餐廳食下午餐。今日機緣巧合之下，第一次去食佢嘅下午茶，食完就拎起決心佢寫篇食評。下午茶的選擇都幾多，少至厚多士、公司三文治，大至焗飯、意粉都有。因為本身唔算好肚餓，見到隔離枱叫咗一份西多士，賣相十分吸引。忍唔住我都叫咗份西多士，加檸檬水，平衡一下自己嘅罪惡感。西多士一上枱，厚度及大小令人嘩然。佢份西多士目測有4厘米咁厚，而且新鮮整起，熱辣辣，見到塊牛油放係中間都溶左一半。加上，佢可以自己加糖漿，中意幾邪惡都冇問題！正！

記得之前食過沙嗲牛肉麵味道麻麻所以對佢印象不太好。但係家人習慣在這裏吃早餐所以決定俾多次機會。今次帶咗扒餐。雞扒+焗流心蛋+煙肉+ 蒜蓉厚多士+粟米配即磨咖啡。今次有驚喜雞扒幾厚肉，焗留心蛋比起平時食嘅煎蛋冇咁熱氣。最好味嘅係蒜蓉厚多士，烘到好香脆，配合蒜蓉醬一流。咖啡都幾香，下次會再黎