意樂餐廳 (大興商場)

营业中

休息中

週末唔想煮飯但又唔知食乜好，諗起大興商場開左幾間新餐廳但係番左黎咁耐都未試過於是諗住落街行個圈周圍睇睇，最後見到意樂裝修偏工業風咁幾靚就入左去法式紅酒香茅燴牛肋肉配珍珠飯牛肋肉夠腍而且入味；紅酒汁有酒香味但唔會太濃撈飯唔錯；雖然用珍珠米煮比較易飽可惜份量太少男仔應該會唔夠食香辣欖油煙鴨胸炒天使麵味道微辛唔會太辣；煙鴨胸夠嫩配埋菇菌炒幾香浦燒鰻魚炒珍珠飯好鐘意佢有木魚同白芝麻食落好香可惜醬汁偏多偏咸

做野去到呢度，早餐在邨內搵食，呢間門面幾靚，店內像車站，有各地時間時鐘，木椅卡位多闊落！餐牌西式早餐套餐多！鮮雜菌蕃茄湯通粉（$25）賣相好靚，蕃茄湯香濃，酸酸地開胃，雜菇好多，主要係鮮冬菇同雞髀菇，冬菇滑，雞髀菇煙韌，坑通粉彈牙，仲有啲蕃茄肉！好味熱即磨咖啡☕️：有耳玻璃杯（始終覺得係瓦杯正宗啲）估唔到好香濃，又唔酸，有陣炭燒味，好熱好味！唔落糖都易入口店員有禮有笑容，上菜好快手！西式早餐好味，咖啡更好味

最近在各區都見意樂這餐廳，原來是百分百集團的，今次中午經過見沒太多人，就決定試一試因為已經是3點左右，所以坐位選擇多又可以選卡位雖然是星期六，但依然有特價下午茶，而且都很多選擇，有中西式；點了咖哩雞扒和忌廉磨菇意粉，飯和雞扒的份量也很多，咖哩夠辣，忌廉意粉不夠乾身，磨菇也不算少；凍檸茶和奶茶味道正常，不過不失的餐廳，正正常常的，下午茶時段也算抵食，如住附近的話也是個不錯的選擇；因大興真的沒什麼食店😅

呢間餐聽真係好難食 價錢同食物質素唔成正比 $60食碟意粉質素仲衰過超市買$1x既意粉 唔好介意我講一句：野食係唔合格 ！而且間餐廳既座位好逼 枱與枱間既空位係連我呢個瘦既人都覺得唔方便 同埋係聽到曬左邊和右邊兩張枱既對話 好似左右夾攻咁架 總結呢個價錢我會選擇大家樂 大家樂唔岩可簡m記/譚仔 感謝看完這篇食評的用尸！

極早在屯門做嘢！先去食個早餐，呢間門面幾四正！入內裝修型格，牆上有不同地方嘅時間時鐘，大部分都係木卡位，早餐選擇多，重量級或輕盈餐都有！店員落單後食物好快到！鮮野菌蕃茄濃湯通粉（$26）一碗蕃茄湯，夠熱又夠濃，酸酸地開胃，比好多雜菌片，菇🍄索晒湯，煙韌彈牙，坑通粉彈牙！椰菜好爽又唔澀！好夾蕃茄湯！好味！即磨咖啡：夠晒熱，唔落糖，咖啡好香濃，飲落甘香，有少少炒到好似燶嘅味！呢種係炭燒咖啡？不過嗰種甘可以接受！好味！好提神同事食：野菌炒蛋豬肉腸拼鬆餅（$34）熱檸水：外加火腿通粉（$7）Double煎焗流心蛋、腸仔、火腿、茄汁豆、蒜香牛油多士（$29）熱奶茶：食物好味又多料！店員有禮，又幾肯幫人！好像我一位同事想加碗湯粉（佢叫西式早餐）不過佢個餐唔可以，店員即刻話將個湯粉掛落我哋可以加嘅餐！識為客人唸！幾好！食物質素好！

之前開張嘅時候食過一次， 嗰陣都覺得幾好食， 仲好多人排隊幫襯， 見放假就早啲去食飯， 星期六嘅六點幾都冇咁多人。 我哋一行人有四位坐咗張大枱， 點咗啲嘢食，食完後 覺得同之前食嘅都有啲唔同， 味道上重左口味，尢其是個和風pizza，是比之前吃的時候咸，應該係隻醬太重，size細，但料都ok多。仲有個蒜蓉包太林，不脆，不多夠蒜蓉味，似牛油多士多啲。不過最欣賞是杯抹茶紅豆冰，奶味會重點，紅豆份量足夠而甜，味道配合的。

想試呢間好耐 而且特然又想食扒 即慶專程去大興村試試。鋪內裝修企理 乾淨。餐牌很多種類 當然 識食梗係食牛扒啦。餐湯：較為失色 賣相得 入口無味 金X忌廉湯好味過佢 失望。餐飲：加了11元轉特飲 抺茶啫喱凍飲和金橘檸檬凍飲 兩杯都淡味 唔夠甜 總之就麻麻。建議唔好加錢 飲凍檸茶算數。主菜：安格斯牛扒 誠意推介 牛扒超正 入口即溶 又有鮮牛味 配上牛肝汁 頂瓜瓜份量大 三成熟 啱啱好。配菜薯條新鮮 鬆脆。

開左一排都未食過，就提議屋企人一齊試下。最愛下午茶時間先食野既我地無失望！有下午茶餐😍😍😍 （有午餐feel既'下午茶餐'）😝一睇餐牌 有好多選擇呀！焗飯焗意粉，蕃茄湯粉，炸豬排等等我們3人點了：*焗豬扒珍珠米飯 👍🏻👍🏻👍🏻*焗巴馬芝士長通粉配蘑菇汁 👍🏻👍🏻👍🏻👍🏻*番茄濃湯扁意粉配雞肉蘑菇腸&鮮菇 👍🏻👍🏻👍🏻（加$3蒜蓉多士）👍🏻👍🏻👍🏻👍🏻蒜蓉多士好驚喜， ＄3有一大塊厚多士，熱辣辣！好味呀😍太想快啲食左佢 好多都唔記得影相😭另外加$6要左杯特飲：牛乳手抹茶紅豆冰冰 👍🏻👍🏻👍🏻啲野食睇落好似唔太大，食落好飽架☺️😋轉左兩杯特飲加埋多士，3個人埋單都係$108咋😍

下午茶 ～ 原茄烤豬扒焗珍珠飯＋即磨咖啡，豬扒飯多料好味有誠意，咖啡一般正常，忘了映相，裝修有型格，坐得舒適，服務五星級有禮貌十分好，$33平靚正Highly recommended !!!

前身是翠華餐廳，總覺得價錢蠻貴和質素一般，很少光顧。轉了意樂餐廳，反而光顧了二次早餐和這次晚餐。記得首次行入此間餐廳，店𥚃帶點美式餐廳粗獷的裝飾陳設，令我有種舒服的感覺。食品的價格都算“街坊”，質量平均。首次在此吃晚餐，分別點了大和圓板燒 – 意式芝士烤雞及加拿大安格斯牛扒。那份意式芝士烤雞，份量多到令我有點吃驚。有2塊雞扒，鋪滿了芝士，平日我比較怕沾滿芝士的菜式，但這次吃下去，沒有太大抗拒。還有一隻雞蛋、野菌炒飯，薯條、一嚿粟米、蕃茄和翠肉瓜。雞扒都幾入味，野菌炒飯，採用了珍珠米，軟硬度適中，還有不少的蘑菇粒。加拿大安格斯牛扒，有2塊厚厚的牛扒、薯條、一嚿蕃茄、粟米。牛扒的味道，屬於港式的口味。如果沒有另加錢點餐飲，這個餐的價錢相比佳記餐廳的扒餐平了一點，但沒有白飯跟餐。總之以“茶記”來說，這晚餐的價錢跟品質都令我滿意！

My second time in this place. Tonight we ordered two risotto take away! Very nice, flavour good enough! Won't be too salty! I will definitely come again. Price is reasonable, no service charge even dine in. Service are very good. Food are fresh and nice.