意粉屋 (太古城中心)

营业中

休息中

同男朋友行完街，經過意粉屋見到出左夏日海鮮餐，所以一於入去試下，估唔到連鎖西餐廳性價比幾高，值得推介！羽衣甘藍帶子湯：真係有兩粒彈牙帶子，湯好creamy，有濃濃既甘筍香，配埋上面綠色blend好既羽衣甘藍，香濃得黎又清新。芝士蟹肉釀有機大啡菇：我男朋友非常歡喜既一道前菜，有機大啡菇非常厚肉多汁，而釀喺大啡菇上面既芝士亦焗得好香好惹味，配埋大啡菇一齊食好夾，啲芝士仲可以拉絲添。不就唔係好食到啲蟹肉，不過以哩個價錢都算係咁。香煎紐西蘭龍脷配薯菜：大大條龍脷上枱，夠晒金黃香脆。旁邊碟牛油檸檬汁最有驚喜，香濃得黎又帶點酸微微，沾薯條最正，檸檬又夠夏日，夠點題。西西利帶子馬蘇里拉芝士紐紋粉：非常清新既香草味，哩隻紐紋粉喺出面亦好少食到，帶子夠大粒彈牙。不過我地都係食慣紅白汁意粉隻味多啲~

已經很久沒有光顧意粉屋The Spaghetti House了。這裡的食物質素不算突出，但價錢合理。今天我這個午餐吃得很開心，其中一個原因為曾經接觸的幾位服務員都非常有禮貌。- @ The Spaghetti House

差唔多有成幾年冇食過意粉屋，自從知佢係大x樂集團之後，對佢都有啲避忌。今日見到門口好多人等位，我一望佢個下午茶menu有多款新嘅菜式，都幾吸引下。 反正已經搵咗咁耐都唔知食咩好，就俾次機會佢啦!原來門口有咁多人等位係一個假象嚟呀! 因為入到去見到好多枱都未有安排啲人入去座嘅。唔記得影餐牌，但係所有下午茶一律75蚊，如果要酥皮周打魚湯就要88蚊，每一個餐都會包一杯咖啡或茶。 雞翼都炸得幾香脆，鹹咗少少，春捲配黑松露醬都幾特別， 雞翼同埋春捲都覺得佢幾油膩， 巴馬火腿冇乜鹹味， 普通貨色，薯條都唔係特別好食。 依個豬扒意粉我覺得係好似肉醬意粉嘅高級版咁啦!不過個汁撈埋都幾好食嘅。檸茶梗係唔合格啦!澀嘅…即磨咖啡好苦，一啲都唔香。

在康怡個邊睇完戲，同朋友諗住食西餐, 行左一輪覺得都係意粉屋比較抵食，其他餐廳都偏貴, 又唔想去food court食。因為係星期六晚, 所以都要拎飛等位。一行人被安排坐sofa 位, 喜出望外啊~坐得很舒服叫左個套餐, 加錢UPGRADE 左兩杯特飲，紅豆抹茶和紅豆椰子冰仲要配HAAGEN-DAZS 雪糕啊!!超棒的! 好飲~!!叫左個PIZZA, 料很多, 芝士很足, 好食特別大推 無花果意大利火腿藜麥沙律!無花果很多，沙律菜也很FRESH!汁也很好~! 係健康既選擇!店內環境很好, 座位舒服, 侍應很有禮,應對很快。

去到太古城諗住食啲好safe啲既餐廳，最後就㨂左食意粉屋。一入到去都覺得都一般，唔會太迫人。但係慢慢就覺得真係有啲嘈，仲嘈到有啲頭痛，一來個background music個speaker太近我地枱，二來啲職員係度整理餐具，三來open kitchen裡面既員工講野都幾大聲。令到個環境都幾嘈雜。講返野食，我地叫左個 20cm法式焗忌廉菠菜田螺伴薯蓉，雙重芝士焗海蝦蟹肉意大利粉 同 珍實雜錦薄餅。20cm法式焗忌廉菠菜田螺伴薯蓉 - 感覺都穩陣無咩出事，田螺無沙無咩問題。雙重芝士焗海蝦蟹肉意大利粉 - 如果你係芝士控都會幾開心，因為佢落芝士既份量一啲都唔少，而且個味道都唔差。係有少少太過濃味有啲留。多啲人share就會幾唔錯。但係蟹肉既味道就可能比其他食材蓋過左。珍實雜錦薄餅 - 芝士份量都唔少，拉絲係唔少得呀啦。而且味道都好錯，同pizza hut果啲基本上係差唔多。

今日行過太古城附近，行到肚餓要找地方醫肚。未想好食咩時，路過見到The Spaghetti House竟然不用等位，立即入去放下戰利品開餐啦喂!坐下休息了一會，看一看menu有9款lunch set揀，一行二人選了4號及9號。上檯喇!!!烤大啡菇 · 鮮茄茸雜菜意大利粉 — $98 (連飲品)賣相和味道也不錯，一切開烤大啡菇就望到菇汁出來，好juicy呀!不知道是否因為雜菜熟了出水，茄茸變了茄湯的模樣，太水了...蘇格蘭煙三文魚板板薄餅 — $98賣相很別緻，三文魚舖滿了大半塊pizza加上少量檸檬汁之後，感覺很清新、很醒胃最後餐飲叫了凍檸茶，用兩條很幼細的飲管飲凍飲，個人覺得餐廳很有心思因為這個設計就不會飲到檸檬核啦~

襯會員卡未到期食返個early dinner 。會員意粉屋食下午茶餐第二客有半價，餐飲仲有得免費升級泡沫咖啡坐底叫待應check左積分可以換蘋果派伴雪糕今次order 左魚柳白汁扁意粉同海鮮抄飯。其實意粉屋d意粉麻麻地，冇咬囗，熟到好像茶記d咁，所以叫扁意粉就冇呢個投訴。今次意粉味道中規中矩，魚柳都幾夠份量，醬汁亦行多，多你點曬條魚柳。抄飯相對之下出色，很野味，令人十分開胃 蘋果派比我預其好，起碼個皮都脆，如果雪糕大球d就正。不過呢樣係免費，我唔應該咁多要求

冬天除了會想打邊爐，還會很期待吃芝士火鍋！所以今年的冬天又來到意粉屋喔！！極緻黃金芝士火鍋 ($498) - 除了前菜外，還有牛肉和一堆的配料來吃火鍋前菜的話有 - 蘇格蘭煙三文魚 ~ 煙薰味道頗重，而且也頗肥美。芝士 - 本來想試下單吃～但很鹹！意大利風乾火腿 - 吃落滿甘甜，肉質也很柔軟鮮果 - 除了草莓比較酸外，其他也甜的重點的「芝士火鍋」用上了四款的芝士混合而成～包括意大利Mozzarella、Parmesan及瑞士Emmental芝士和24個月熟成康堤芝士！整體來說的話～這個芝士比上年吃的更濃郁！！而且初頭好像有吃到蒜香(?)味紐西蘭特級肉眼 - 肉質很幼細～牛肉的味道亦很濃郁。還有9款的配料！其實全部吃光的話還滿飽肚的耶香軟的法包粒、香脆的薯條是最常見的。是說有幾條薯條特別長，沾芝士時有點麻煩呢。栗米很清甜、白菌吃落很新鮮～咬起來有點脆、車厘茄有點酸～這個配芝士來吃不太喜歡就是了菠蘿煙肉腸有吃到煙肉的鹹香、牛肉丸鬆鬆的，還有闊條麵很彈牙～和芝士很配呢！另外這個帶子的尺寸很大～說是刺身級的！頗為鮮美！沒想到芝士火鍋配海鮮也不錯這餐有配飲品～咖啡／茶。也可以+$18 將餐飲升級

Sunday lunch 係Spaghetti House 有special menu, 係for 星期六、日的。真係要好好噗個Sun lunch, 因明天又係公司附近的悶悶“美食”了！叫咗個set，因有几種加配既選擇。  個set係炭燒烤雞鮮果沙律，加配咗黑胡椒蜜汁雞翼沙律，都只係+42，加+15 又有自家制檸檬芝士餅。  由於有coupon在手，散叫咗個芝士焗龍蝦帶子天使麵，兩人食好夠。首先，沙律生果主要有菠蘿蘋果，味道配搭得好好，生果又新鮮，同時唔會太多沙律醬，portion都唔少！忌廉湯夠濃滑；而加配的黑胡椒蜜汁雞翼好juicy好野味，令人回味㗎！我哋既main course既烤雞好正，大大片雞肉好有炭燒感，肉質仍然keep到嫩。另一個main course的龍蝦汁鮮甜，芝士唔好蓋過龍蝦汁味，而帶子同龍蝦肉既份量都唔少，啖啖都有，所以好滿足！ 整體黎講好得！

同朋友去太古城行街, lunch 買圍都多人, 4個人都唔易搵位. 經過意粉屋見唔洗等, 大家都好耐無食佢, 就入去試下啦. 4個人叫左3個 set lunch. 應該都夠食既. 1. 意式燴牛肋條配闊條麵： 牛肋條好淋，但茄味未入到牛入面，呢樣差 dd. 但我超鍾意個闊條麵，超滑！好少食到咁滑既闊條麵. 最有驚喜係佢2. 香草豬扒配墨魚汁飯. 飯就無乜特別. 但件豬扒就好得. 夠淋有咬口又入曬味. 正！3. 芝士焗龍蝦汁海鮮墨魚汁飯. 基本卜呢個龍蝦汁係意粉屋既代表佢. 次次都會叫有龍蝦汁既菜. 味道如常，都係好味既. 本身想飲熱朱，但原來要加$18. 都係飲OT 算.

每年冬天， 總會和家人一起來吃一次芝士火鍋 。印象中並沒有哪間食肆的芝士火鍋特別好吃，所以一般也是選擇分店遍佈港九新界的意粉屋 (今年的收費是398元，另加10%服務費)。 對上一次知道其他地方有售芝士火鍋，就是荃灣區的Doodix Cxxx Bar，味道和賣相不錯，不過它是季節限定，所以不知道今年會不會再次推出。前菜的火腿鹹香適中牛肉很嫩，但味道略淡。 帶子是刺身級的，放進鍋裡不要等太久，不然反正會太靭。 肉丸很香，有點像IKXX的招牌肉丸，哈哈！ 麵包比較靭，不知道是不新鮮還是故意選這種的。 其他配料，也算不錯。另外點了寬條麵，但不好吃，也沒有拍照。ｰｰｰｰｰｰｰｰｰｰｰｰｰｰｰｰｰｰ太古城分店的服務很好，是非常好！偶爾會有粗心一點的侍應，但整體還是非常值得讚賞的。最後，就是等位的問題。因為沒有短訊提示服務，所以必須站在門外等候，這個有點麻煩，也有點累… 不想等的話，可能要考慮在平日或非繁忙時間才去。

我地日日都出街食LUNCH, 都真係食都揀無可揀..好悶家..成日都要諗食乜野...呢間又係想食西唔想等位既首選黎...咁大間..梗係唔洗等位啦..PIZZA HUT 個D 真係好恐怖!!!!我地見成日都黎食LUNCH, 咁就入左會.. 3個人夾份都有數計既...不過有D COUPON 要晚夜用就煩D LOR~~~

69蚊有一個下午茶， 81蚊可以叫埋個酥皮龍蝦湯， 同比cafe嘅價錢抵食。酥皮龍蝦湯明顯一早整定， 很快就上枱， 味道水準不過不失。點下午茶pizza， 有四件， 整齊的放在砧板上， 食完都很飽。下午茶時段不是太多人，相聚朋友來幾好。

今日舊同事媽媽特登過嚟同我哋食lunch一點去到太古城意粉屋舊同事已經坐咗係道等緊我哋因為食飯當日係初十五，所以呀媽點咗素食意粉而家身為海鮮怪，雖然好想食茄汁牛肋肉闊條面，但最後屈咗係呢個龍蝦餐上其他 set lunch都係飲紅湯或者白湯呢個set就會配埋龍蝦湯，味道尚可，但嫌太稀份量ok,我食都夠飽，唔知係咪太多芝士，膩住咗，夜晚成7點先開始有d餓意龍蝦肉都幾多，有珍珠帶子由於angel hair不是本人那杯茶，如果轉係闊條麵會更好

朋友一直都好鐘意食Spaghetti House而我其實不嬲都麻麻地再加上有得選擇既話我係香港不太喜歡食意粉個日2點到 到達但因為同朋友都肚餓所以就唔等下午茶照食午餐咁我就叫咗個蕃茄龍脷柳意粉蕃茄汁唔算多所以意粉唔係好夠味同有d乾而蕃茄汁個味亦都唔重蕃茄味個龍脷柳略嫌乾咗d所以combine埋我淨係覺得乾上加乾價錢上我覺得唔係好值再加上要加一我更加覺得貴我覺得意粉屋應有既水準都冇所以就應該唔會再黎食意粉屋㗎啦