意粉屋 (已結業)

如果唔係要換麥兜我唔會去食飯囉。企響門口兩分鐘都冇人問吓,到我朋友行入去先死死氣問我地幾位。吹脹。點左個二人餐成二十分鐘先有得食。隔離枱嘅芝士火煱仲走單添!!!!!有排都唔會再幫襯!!!!

味道很好．但有點貴呢．．間唔中一次便可．食了一個二人套餐個套餐好像大約是二佰多元．

daddy極力推薦~想食好耐架喇,呢餐大約1個月之前去食架咯~次次去親都太多人,今次終於比我等到啦!要有心理準備都等得幾耐,,之後坐係玻璃窗邊位,好多人經過+望住你,但為左食,我忍!散叫左4樣野食(個名係大約,因為我都唔係好記得)<img src="http://i19.photobucket.com/albums/b197/lowbwinki/DSC03315.jpg" width="400">海鮮寬條麵睇起黎好細碟,但係可能個汁,都黎飽肚,好好味,d海鮮好新鮮,蝦爽脆架! creamy,岩哂我口胃<img src="http://i19.photobucket.com/albums/b197/lowbwinki/DSC03316.jpg" width="400">豬助骨拼脆薯daddy推薦~好夠份量,我覺得ok,唔算好好味,d燒烤汁都幾惹味,反而個薯仔好脆!我鐘意薯仔多d<img src="http://i19.photobucket.com/albums/b197/lowbwinki/DSC03317.jpg" width="400"

28/8因為有張75折coupon, 食左先講.三人行, 一開始比出面的位比我地, 同個侍應講話想要入面, 佢話未開, 點知轉個頭佢就帶左兩個客去入去坐, 吹脹! ! ! 同另一個侍應講話要坐入面, 佢就話無問題. . . 叫左個香草忌廉海鮮闊條麵, 意式海鮮炒飯, 焗蝦、蟹、蘑菇芝士意大利粉同醬燒豬仔骨配香辣薯角.個香草忌廉海鮮闊條麵, 份量就少左D, 而且個汁鹹返些少會更好食. 至於焗蝦、蟹、蘑菇芝士意大利粉, 成個粉都幾濕下, 原因係汁多. 另外兩個就無問題, 醬燒豬仔骨配香辣薯角都係咁好食; 不過最好改一改名, 叫醬燒豬仔骨配香脆薯角吧, 薯角根本就唔辣, 何來香辣呢! ! !

本人一直都是沙田意粉屋的fans,但此餐廳令我再三失望,之前幾次去已經覺得食物的味道比以前差很遠,而且越來越貴,但次次經過都想比多次機會佢,但今次我決定放棄了因為23-8-07再惠顧此餐廳有以下感受:a-雞翼一陣雪藏味雖然已熟但裡面很紅,分明是未解凍即炸b-海皇湯-好似飲水咁好稀c-龍蝦天使粉-D汁好似一PAT嘢咁令D粉黏埋一堆只有麵粉味d-蜆肉意粉唯一保持水準,但埋單2人一共$260,價錢ok但此價錢不能接受如此水準的食物,環境亦越來越不潔,卡位牆壁很多污漬,杯又很花像茶餐廳,杯邊有漬,所以決不再去!!!

已經轉左用渣打咭先有PROMOTION DISCOUNT。尋日同班朋友再去哩間鋪頭食晚飯:唔駛半個鐘已經清左四個餸:龍蝦墨汁天使麵,OKAY,龍蝦尚算新鮮。薯蓉焗田螺,好幸啲田螺有沙,仲成陣味。火腿煙斗粉冇驚喜,可以唔食。肉醬闊條麵一PAT野,如果唔係自己叫,仲以為o黎錯野。最後叫左個自選PIZZA,選錯料,因為要左吞拿魚．菠蘿同蝦,攪到個PIZZA O黎到O既時候出哂水。可能個PIZZA焗得唔夠耐,食O既時候林林地。唸住再叫O野食同O野飲,點知個經理二話不說走個MENU!!!!

d意粉爆好味呀！天使麵、焗芝士肉醬意大利粉......好"也"味！

星期日晚上, 記起男友的匯豐卡有優惠, 便到了意粉屋。8時多到達,幾乎不用等便有位。我們點了$234那個餐;有龍蝦湯/ 三文魚鮮果沙律/ 羅馬pizza / 墨魚汁意粉/ coffee or tea＊意粉屋那個龍蝦湯是平價中的水準之作＊鮮果沙律下面是螺絲粉，有點奇怪＊羅馬pizza的芝士不錯，但如果你愛口感豐富的話，便會失望＊最正是這個墨魚汁意粉，超好食。ｄ汁不多不少，剛好每一條意粉都有且不會有剩基本上，羅馬pizza (價值$138) & 墨魚汁意粉(價值$108),加起來已超過那個餐的價錢。所以真係抵食架～不過，有個別侍應的態度極差；有改善的空間。

因為就腳所以尋晚去左意粉屋食晚飯,等左一陣先可以入去。叫左洋蔥圈點知涷O既。磨菇天使麵都好好味,有蒜蓉味。肉醬闊絛麵啲肉醬多過闊絛麵.勁咸。焗田螺薯蓉就不過不失。最後仲要自己斟水。

今日突然想食pizza...就叫左個拿波里...order左要薄批...waiter黎到黎既時候...即刻聞到好香!!睇到好多芝士...^^食落口...薄批好脆口...芝士好正..個蘑菇又好味...我突登挑左粒黑水欖黎食...發覺就咁食都唔好食既..都係連埋一齊食好食D...同埋個pizza regular size岩岩好兩個人食都飽!!

Food quality is ok but is lesser amount on quantity. Price is ok!

難得親戚請客,就黎呢度食...六個人,因為唔太肚餓,所以只係叫左四樣野,焗芝士肉醬闊麵,煙三文魚鮮果沙律,小食拼盤,同燴海鮮??麵(唔記得左個名)焗芝士肉醬闊麵:賣相唔靚,成舊野咁...芝士味ok重,幾香,肉醬ok,但闊麵就一般煙三文魚鮮果沙律:大碟,有好多生果,ok新鮮...三文魚都係ok新鮮,點左d醬汁幾好食小食拼盤:有雞翼,洋蔥圈,薯角,春卷,豬肉腸...雞翼入味,洋蔥圈,薯角ok,但春卷麻麻,d皮唔脆,腍哂同海鮮??麵:麵係黑色的,有咬口,入味,海鮮都算係有d味的,但蝦果d就冇乜味...價錢唔平,成$70,80個意粉,相信埋單都唔少錢...但整體味道一般,感覺有d唔值...

諗住聖誕前去食個聖誕大餐, 點知訂左位都要等, 開頭仲要比個門口位我, 我當然要換啦, 之後比個個好迫既二人枱, 叫左個肋骨, 意粉, 兩個湯, 當我男朋友叫個經理換碟個時, 個經理一路同同事講野一路换我男朋友個碟之後, 仲換埋我個碟(我仲切緊野的!), 我望住佢,我都仲係咁講野, 呢間野服務真係不知所謂!食物都唔錯, 但侍應叫極都冇人黎囉,經理又不知所謂!!

我們兩女士自選配搭一個素菜午餐, 因我個朋友是素食者. (1) 田園沙律- 生菜, 紅椰菜, 青燈籠椒, 西芹, 青瓜等新鮮又爽脆, 個沙律醬好好味(2) 松子醬鮮冬菇及磨菇少linguine好香松子味, 我地叫走蒜都好香(3) 素菜pizza - d餡地味, 個皮太似新鮮的太平餅乾, 不太正宗, 如果可以效法Al Dente或Pepperonis Pizza Cafe會perfect! 我的朋友覺得Moccachino不錯, 但我覺得它不夠朱古力及咖啡香, 不過合格!

朋友一定要去意粉屋食飯, 其實不是太想, 不過見咁耐沒有食過, 算啦。去之前食了下午茶, 仍然很飽, 哈。3個人, 叫了什錦芝士火鍋, 肉醬意粉, 蒜蓉包。一開始先來蒜蓉包, 都不過不失啦, 但不是太脆, 又沒有pizza hut咁多蒜蓉味。然後就是肉醬意粉, 我以為這個會是最好, 肉醬汁好稀, 同埋有少少淡, 真係大家樂好食過佢\。芝士火鍋, 冇芝士味, 料有少少肉片(雞肉, 牛肉等等), 其他都是菜, 我個人覺得這個鍋不值百幾二百蚊囉。因為去之前真係食了太多野, 所以食得3樣野。總括都是一般, 沒有特別囉。但侍應服務都ok, 加水都快。埋單270蚊。