意粉屋 (已結業)

今晚OT到9點，唯有同女皇去屋企附近食晚餐填肚！可能今日夜左，沙田新城市間意粉屋，竟然唔洗排隊。還掂開業至今都沒有來光顧過，便來了這家店一試。一坐低女皇就話要減肥，所以點了田園沙律而身為芝士控的我當然是點了焗芝士肉醬闊條麵！1) 田園沙津 ($72)田園沙律的蔬菜十分新鮮，沒有怪味。比較可惜的是配上沙津醬，而不是日式芝麻醬！女皇唔洗15分鐘就食晒成碟，仲話好飽，大讚份量十足。2) 焗芝士肉醬闊條麵($138)焗芝士肉醬闊條麵份量剛好夠一個人，芝士給的也是分量十足，配合闊條麵，一點都不覺得膩。唯一要彈既就係芝士雖多，但芝味不夠，而且肉醬略酸，下次應該不會再點 

早餐遲食,到午餐時自然食唔落,最後變左食下午茶,而且仲平左,D野又會抵D😁。叫左煙三文魚忌廉飯下午茶套餐,只需$61而且亦保持意粉屋的質素,不會因價就貨。煙三文魚雖略咸,但加在飯裡是天作之合,飯的忌廉味亦很濃郁,而且煮得夠「淋」,連小朋友都食到(很多意大利餐廳煮的意大利米心都吾太熟)。另外在飯上加上幾滴檸檬汁,令忌廉飯食極唔擠。仲有個餐仲包杯飲品,而且環境舒適,正

今天7月1日來到沙田意粉屋，人超多🤔等了一會兒就可以進去餐牌除了一般的食物還推出了特別的特選波士頓龍蝦套餐($398)和是日星級套餐($348)我們一行5個人分別叫了一個龍蝦套餐和星級套餐先等了一會兒 龍蝦湯先上來龍蝦湯湯汁味道較為濃而且湯身算滑內裡摻了幾隻龍蝦之後飲品也上了熱飲和餐湯都是用同一套杯子所以量比較大四樣食物中先上來的是黑松露烤檸檬厚切豬扒配蘑菇森林忌廉飯外表比我想像中的差很多🤔飯身呈現忌廉身 比較黏身摻了檸檬汁的它基本上粒粒也酸酸的口感不錯豬扒的份量也不少可是說好的黑松露味是完全沒有的🙁吃完好一會兒都不知下一道菜向waiter催了催後大約10分鐘後才有下一道芝士焗原隻波士頓龍蝦．自家製巴黎牛油汁花邊意大利粉看起來真的好壯觀😎😏全家人立即拿出手機拍照耶龍蝦部分吃下去比較老身亦沒有龍蝦本身的鮮味而意大利粉本身比較乾身 味道不過不失比較值得稱讚的是認蝦本身也有一點肉，而非完全作擺設而已👍🏻過多一會兒時就上了星級醬燒珍寶原條豬仔骨味道就真的不算太差就是燒烤醬下的太重有點蓋過了豬仔骨本來的味道😔豬仔骨是9成熟至全熟的可是肉身比較軟熟易入口👍🏻👍🏻不用太擔心最後大約再等多10分左右才

星期日無煮飯同屋企人出左新城市行街街，跟住就去左呢間意粉屋食晚飯，我叫左個皇牌芝士焗煙肉、雞千層麵。在下乃芝士控，一見到個賣相真係興奮到震，好多芝士啊！！！芝士汁裡面有好多蘑菇、火腿、雞肉……好多料。千層麵入面一層層都係呢d料，真係好足料呢。食千層麵最怕就塊麵皮係爛容容，呢到個麵皮唔會太厚，又唔爛容容，有d咬口至於雞肉就好滑，唔會太大舊，方便入口雖然價錢唔平，不過真係有返咁上下，都算值得。

前日(22-3-2016 Tue)病假中,男同事DN同女同事CP 過o黎同我食lunch,由於要戒口,由佢o地發辦去邊間,佢o地揀呢間.Lunch time,呢間出面冇人等位,入到去重有卡位坐,我o地三人決定share o野食,叫o左三個lunch,而且三個人都揀飲湯,湯係蘑菇森林忌廉湯,配欖油意大利香草軟包.個湯幾深色,蘑菇份量唔少,所以蘑菇味濃,湯底本身都叫做滑o既.味道: 4分而欖油意大利香草軟包呢,好似食到啲粒粒,味道比較濃.味道: 3分之後我o地點大概$72.00o既橄欖油香煎魚柳香草醬海蜆鮮茄茸意大利粉先到,由於唔知係咩魚,同蜆我係唔食得,所以呢個我只食意大利粉,由於沾滿鮮茄茸,所以我只食到酸味.味道: 3分之後到$78.00o既地中海開心果特色薄餅(巴馬臣芝士片,馬素里拉芝士,煙肉,開心果醬)DN一見咁細件同薄批就凸一凸,呢個開心果醬味道有啲怪,煙肉唔多,由於醬汁唔多,所以感覺幾乾身.餅底亦都好脆.味道: 3分最後$88.00o既慢煮厚切豬扒鮮蘋果墨魚汁飯都到o黎,豬扒唔算厚切,口感係鬆,汁o既味道似茄汁不過有生果o既甜.而墨魚汁飯o既軟硬程度幾好而且濕潤, OK.味道:

今晚星期日係沙田食晚餐，一落地鐵心諗，死喇咁多人！食飯排隊排死人了！五點三去意粉屋食薄餅，等左兩分鐘就有位，太好啦！雖然未到五半，但已經冇曬下午茶。我同爸爸胃口唔大，於是僅係叫左一個歐陸極致拼盆同一個黑松露蘑菇三文魚薄餅歐陸極致拼盆（94蚊）：總體ok，有炸春捲四舊，兩隻雞翼，兩片三文魚，兩片巴拿火腿，兩舊麵包同細細碗黑醋色拉。炸春捲入邊係野菜，ok，但冇點醬所以總覺少了些什麼，雞翼真係麻麻，同出邊平平地既餐廳整既果d冇乜區別，色拉配黑醋唔錯，爽口，三文魚同火腿偏鹹，但味道唔錯，就住色拉一齊食岩岩好，兩塊張條麵包ok，熱既時候食就很香同埋好鬆軟，但凍左之後就淋左，總體ok，主要係因為尼個拼盆令到我地兩個人試到咁多種唔同既野，雖然質素麻麻黑松露蘑菇三文魚薄餅（158蚊）：小小貴，之前仲擔心會唔會好大，我同爸爸食唔洗，但上黎之後覺得ok，唔大，適合兩三個人食，味道唔錯，薄餅既邊好似餅乾，脆脆地，薄餅一共6舊，每一舊上面都有一片薄薄既三文魚，就住生洋蔥同義式獨有既菜一齊食真係一種享受兩個人全部食係，覺得好飽，可能係因為我地胃口唔大喇，277.2蚊，還好；下次有機會我想試下其他，比如墨魚汁飯或

每年冬天都推出芝士火鍋，今年依然唔例外！我當然亦唔例外，要繼續食啦！繼續點個芝士火鍋套餐！仲點多左個煙斗粉😍😍😍入味忌廉汁今年套餐依舊豐富，有大大粒帶子好新鮮好厚肉，有西冷排好夾芝士，有麵包粒吸晒濃味既芝士，薯條😍😍😍變身成為芝士薯條！仲有好多好多貝殼粉，肉丸，辣肉腸！三個人都食唔晒！😂😂😂眼寬肚窄！

我同ball仔同ball媽一行三人到屋企附近食午餐。 我地叫左2個套餐加一個散叫，但係其實叫套餐好似重多嘢食～下次都係叫反套餐好d～套餐中2個餐湯都轉左龍蝦湯，餐飲2個熱檸水。午事時間都比較忙，有時舉手想叫嘢都冇人睇到

最喜歡就係Spagehetti House既tea, 又平又好味!同好姐妹叫狙2份tea 一齊share...魚柳濶條麵...絕對無呃人, 真係有好大塊既魚柳!而且魚柳煎得二邊金黃, 賣相已經拎滿分了!!一般魚柳都會好大陣雪藏味, 而宜個就食落好香,一d雪藏味都無!!!盡顯廚師既功架!!另一個黑椒薄牛扒相對比較遜色, 牛扒薄所以食落無乜口感!但黑椒汁味道調較得好好, 夠香辣!!龍蝦酥皮湯絕對唔可以錯過!!!酥皮好香脆, 牛油味十分豐富! 另外, 材料亦都好多, 真係貨真價實!!!仲附送餐飲, 食tea都飽到晚餐可以唔洗食了!!

今年情人節要食團年飯, 冇得撐枱腳, 所以提早一日慶祝, 話哂係西方情人節, 於是食西餐~其實呢晚未夠七點到, 已經要等位, 但其實入面係有位, 只係未得閒安排入去, 所以都等咗差不多15分鐘先被安排入去~原本我諗住散叫, 但老公話想飲湯, 又見個餐包湯好似抵d, 於是叫個二人餐~  黑松露周打海鮮忌廉湯黑松露只有面頭果少少黑松露碎+油, 撈勻之後係唔多覺, 而且唔係好食得出有黑松露味, 但佢d海鮮真係超多, 又大舊, 有魚、蜆、青口、蝦、薯仔等, 真係食渣多過飲湯, 不過d湯就唔夠熱, 比室溫暖少少~  香煎日本北海道帶子龍蝦扁意大利粉個menu寫住話個帶子係"刺身級", 老公誤以為係帶子刺身tim~ 到上枱先知唔係, 可能佢所講的刺身級, 即係大粒d, 唔係細細粒果d掛? 所以只係得2粒, 1人1粒, 但龍蝦就比較多d, 但切得太碎, 冇乜口感, 最好就係佢用熱鍋上, keep warm好好多, 到添食第2碟時, 唔會咁快凍哂~ 而個意粉質地唔錯, 軟硬適中~  紅酒燴大啡菇牛肋條配花邊意大利粉非常抵, 因為大碗係裝餸, 細碗係裝意粉, 牛肋條都好似有4舊, 仲好林tim~

相信好多人都食過spagetti house,所以我今次想特別推介佢lunch set既頭盤，芒果汁三文魚沙律～佢每款lunch set都有湯或沙律二選一，我雖然未試過個湯，但如果大家同我一樣二選一揀唔落手既時候不妨先揀呢個沙律！女士們最驚平時既沙律用有好多fat既沙律醬，今次呢個好有驚喜地改用芒果汁，酸酸甜甜，令成個沙律變得格外清新，更加配合夏天既時令～面頭既三文魚係厚切魚腩，但比平時細塊，方便配合其他材料一齊食，令整個沙律加入咸味。雖然係用左螺絲粉做底，但冰涼既螺絲粉吸收哂芒果汁既精華，食完一D都唔覺得飽，而且佢既酸作為頭盤更可以令人胃口大增～賣相睇落都好有心思，番茄切開三份，適合櫻桃小嘴既女士們題外話，一個lunch set係$62-110,除左沙律之外再有一碟意粉或飯，包一冷熱同價既餐飲，未計加一。但我叫左杯凍檬茶就加左兩蚊另外，用會員卡比有9折優惠不過位處開放式既廣場，就嘈吵左D啦

openrice 仲要唔俾post出黎~隱藏餐廳的不好~但還有各大平台可以告訴人的諗唔到食乜，同事有會員卡就去食門口接待同落餐既職員都係黑口黑面 上菜既連最基本講係咩黎都冇，放上枱就走左去，可能生意太好，根本唔憂做以上都算啦反正求其搵野食之後返工點知食到一半發現有頭髮係入面 我拎左條頭髮出黎間餐廳老實都唔平，點解各方面都咁差可能生意真係太好，你唔黎大把人黎其實本身都好少事，我亦冇投訴之類反正投訴都冇用 但幾樣野加埋令到我唔想再食碟意粉

假期。屋企家庭聚會，我們多數會係沙田食飯。今次去咗「意粉屋」食lunch！環境方面，今次坐出面卡位，座位舒適。叫咗：🔸「假日二人餐～ 珍寶燒豬肋骨套餐$288」（包2杯飲品）自選㨂咗：🔺星級醬燒珍寶燒豬肋骨配美國瘋薯條 & 🔺芝士焗三文魚帶子牛油果特色飯另叫咗「假日精選」：🔸黑椒蜆肉意粉$99（+ $6 包湯及飲品）散叫🔸招牌炸雞伴瘋薯條$96 <<<<<<<<<<<<<<<<>>>>>>>>>>>>>>>>>>「假日二人餐～ 珍寶燒豬肋骨配套餐」自選：🔺「星級醬燒珍寶燒豬肋骨配美國瘋薯條」燒豬肋骨個醬汁無上次咁咸，正常返。燒豬肋骨和以前一樣，烤得好香及夠入味！🔺「芝士焗三文魚帶子牛油果特色飯」並不是一般意大利飯有汁及杰身個種（一般意大利飯係生米炒過後，再用上湯去燴熟），這特色飯因係芝士焗，所以比較乾身，食法唔同。三文

返來第一餐！味道無功無果，上海都有呢間食肆。味道有點淡淡滴，不過環境不錯喔。服務態度很一般，上菜速度好慢。不過食材都咁新鮮，要了一個白醬意麵，醬汁很濃，很好吃。紅醬海鮮就不是我的菜～

放工會合往意粉屋食dinner，由於朋友有東亞信用卡，用優惠價點了一個二人餐及一人餐，套餐包括:三文魚沙律(味道好食，三文魚好好味，菜好新鮮!)三文魚炒飯(炒飯飯底好香，三文魚和炒蛋都好入味，唯獨size較少)墨魚汁意粉(畢魚汁好入味，而且墨魚彈牙)龍蝦湯(好濃好香好好飲)牛肋骨(燒得好香，肉汁鮮甜)整體套餐樣樣都好好食，唯獨可能廚房太忙碌關條，搞到d主菜上哂，而d龍蝦湯最後先送到，有點怪怪!