意粉狂熱 (雅蘭中心)

营业中

休息中

旺角逛街後喜歡到雅蘭中心尋找和洋輕食，當中我最喜歡意粉狂熱，坐得舒服，經常有新Menu推出，性價比較高。本來想試吓新出特選芝士牛油果漢堡包配薯角，太受歡迎，很快售罄，唯有下次再來。南瓜忌廉汁香草雞肉鮮製意粉人氣南瓜忌廉汁，估唔到加入意粉中營養價值變得更高，香草雞肉鮮甜多汁，再有特製自家鮮製意粉嘅加持，好狂野嘅風味。極濃郁的忌廉汁，鮮製意粉厚身掛汁度高，而且豐富有層次。芝士肉醬千層麵熱辣辣香噴噴，是濃郁的芝士配上肉醬，及以千層麵為主的美食，味鮮香濃，入口嫩滑。有豐富的香草味，吃來比一般小店更加惹味，肉醬增加口感，千層麵底吃來有輕輕的牛油香。蒜味芝士雞翼（4隻）（蒜味芥末醬）蒜味芝士香濃，雞翼外皮香脆，肉質嫩滑，加埋蒜味芥末醬超好味。法式芝士洋蔥湯餐廳的法式芝士洋蔥湯，回味三分。凱撒沙律（半份）沙律非常清爽，凱撒醬汁的酸味與芳香相得益彰，在悶熱的天氣中尤其讓人感到舒爽。香濃朱古力窩夫完美的甜品，朱古力香濃美味，窩夫即叫即整，新鮮香噴噴，外脆內軟。不會太甜，窩夫掌握得非常好，脆卜卜的炸酥，配上雪糕，多重口感。凍咖啡草莓番石榴乳酸梳打 飯後配上凍咖啡和草莓番石榴乳酸梳打 ，真正的享受生活呀！

今日同老公去開旺角，聽說"意粉狂熱"有好幾款二人套餐優惠呢！意粉我好喜愛食㗎！餐牌上款式真的好多選擇，價錢都好優惠，我哋都選一款二人套餐，再加多一份芝士牛油果漢堡包配薯角，真的超豐富。意粉狂熱套餐~(二人)法式芝士洋蔥湯和香濃南瓜忌廉湯~滿滿嘅洋蔥粒配一塊多士放在湯碗上面，好傳統嘅做法，老公就最愛。我就鍾意南瓜甜甜味，濃郁又香滑。凱撒沙律 (半份)~蔬菜新鮮配埋凱撒醬真是開胃前菜又爽口。蒜香白酒汁海蜆意粉~海蜆肉飽滿配蒜香味白酒汁非常夾，入口好大蒜香味，意粉不軟不硬，啱啱好。芝士肉醬千層麵~上枱已經有吱吱聲熱辣辣，千層麵軟綿綿，配蕃茄肉醬就係最夾，加埋芝士味好濃郁，切開係拉到絲㗎，有手工，入口酸酸甜甜好開胃呀。是日甜品~兩件tiramisu配甜果桃及忌廉好正。凍檸檬茶和熱咖啡~大大杯凍檸檬茶配熱咖啡就是我們的至愛。芝士牛油果漢堡包配薯角~成塊漢堡扒好厚啊！牛肉入口肉汁 juicy 又軟綿，而且有濃郁牛肉味啊！牛油果喺上面好吸引又健康，薯角炸到黃金酥脆，再配少許蕃茄醬進食非常夾，成份配搭好有睇頭，好豐富食埋佢好飽啊！

今晚在「意粉狂熱」吃西式晚餐，用餐氣氛不錯，很快也滿座了！三款開胃小食：意式炸魷魚圈配他他汁~爽滑的魷魚配香口脆漿，蘸少許他他汁，味道層次更上一層樓！香烤雞翼配檸檬蜜糖~香烤雞翼減少油膩感，配檸檬蜜糖吃，令開胃口大開！黃金四重芝士配蜜糖~集薄餅的香脆、多重芝士的濃香，由少許蜜糖的引領，吃到簡單中不簡單的美味！三款主菜：忌廉芝士雞肉千層麵 ~很濃郁幼滑的忌廉芝士掛滿每條千層麵，吃起來芳香馥郁。牛油果漢堡配薯角~肉味鮮嫩的漢堡，配搭營養價值豐富的牛油果吃，感覺滿足。烤北海道產香草豬扒套餐~嫩滑可口的豬扒，帶著幽幽的香草氣味，感覺清新怡人！香濃南瓜忌廉湯~香甜幼滑，南瓜湯顏色很悅目。芒果汁~輕輕微甜的果香。香濃朱古力窩夫~忌廉和雪糕伴隨脆脆窩夫，窩夫有著濃濃的朱古力香味，是很完美的甜品。

在旺角雅蘭中心的「意粉狂熱」，這家意粉專門店以合理的價格提供了一系列美味的意大利菜式，讓人忍不住一試成主顧。這裡的意粉口感彈牙，散發著濃厚的麥香，令人印象深刻。此店的特色在於堅持自家製作意粉和披薩餅底，這樣不僅保證了食材的新鮮度，還展現了廚師的巧手。每道菜的醬汁、調味料及湯底均為自家研製，讓每一口都充滿驚喜，提供非一般的意大利菜體驗。牛油果漢堡包配薯角這道餐點的牛油果漢堡包搭配薯角，令人期待。漢堡中的牛油果濃郁的奶香與清新的口感相得益彰，每一口都能感受到牛油果的細膩和醇厚。薯角外脆內軟，香氣四溢，恰好平衡了漢堡的豐富感。忌廉磨菇湯滑順可口，濃郁的香菇味道令人印象深刻，而南瓜忌廉湯則以甜美和濃郁的風味讓人心情愉悅。忌廉汁煑青口 - 味道鮮味，忌廉的醇厚與青日的鮮甜相得益彰。海蝦牛油果羅勒意粉 - 意粉的煮制恰到好處，搭配新鮮的海蝦和香濃的羅勒醬，味道層次分明。牛油果的加入使整體味道更加圓潤，增添了豐富的口感。最後的甜品，朱古力窩夫外脆內軟，搭配香草冰淇淋，絕對是令人難忘的甜蜜享受。整體而言，「意粉狂熱」的用餐體驗非常滿意。每道菜品都展現了廚師的用心與創意，無論是口感還是味道都非常出色。

因為訂位人數有差，臨時打電話去佢哋都可以安排到，服務係到位。入到去見到佢哋啲待應都係有禮同快手，慢慢擺低、 有好快收走吉碗碟，係抵讚！食物方面，真係鹹咗啲…我哋叫咗四個意粉，兩個薄餅…除咗圖入邊蝦嗰個薄餅冇咁鹹之外…其實其他嘢都好鹹…份量又唔多…我哋三男三女、如果只係每人叫一個main course，其實係食唔飽…沙律$48 來講份量少但正常兩友人話個抹茶梳打係直升機不過佢冇限時、地點又好，所以都考量下再嚟但好肚餓嘅話可能就諗諗先上載返張單證明返我係有俾錢食，唔係試食活動

雖然唔明點解有400幾個好評，但我個人嚟講真係覺得好唔掂！我本身對食嘅要求唔算好高，但呢間嘢確實難食！水果茶入面有大大嚿橙，但杯茶完全冇水果味，可能切片會出味啲？ 焗肉醬意粉，啲意粉撩起就爛，唔知食緊乜嘢，味道亦都係中下！焗日式咖喱雞飯，和民同一個集團，保持一貫水準，就係普通水準！個朱古力窩夫先攞命，個樣係朱古力味，但食落完全係冇朱古力味，食緊一種好原始嘅麵粉味😭見到有食評寫濃情朱古力窩夫？真係笑咗出嚟😂好少寫食評，sorry冇影相，因為真係唔值得👻

咁啱係旺角附近練歌又想食意粉就見到呢間都多人推薦我哋點咗意粉狂熱套餐🫧香濃南瓜忌廉湯🫧蘑菇忌廉湯我飲咗蘑菇忌廉湯都覺得湯好細緻，亦都好香🫧凱撒沙律感覺都幾大份🫧鮭魚牛油果和風鮮製意粉推介呢個鮭魚和風意粉 鮭魚好好味😋配上新鮮牛油果都幾健康🫧海老意粉配檸檬忌廉汁呢個意粉嘅海老就比較新鮮🫧朱古力窩夫熱辣辣嘅朱古力窩夫都幾好味🫧南非白酒好耐冇飲白酒只需要加10幾蚊就可以有一杯🫧熱日本抹茶牛奶呢個套餐除咗冇pizza之外，都有兩份意粉都幾抵食地點優越就喺雅蘭中心上面可以行完街之後上嚟坐喺舖頭不停都聽到有人叫外賣都幾受歡迎推薦🫧蘑菇忌廉湯🫧鮭魚牛油果和風鮮製意粉

✨意粉狂熱（旺角）係旺角附近好肚餓～近近地去左食呢間餐廳Menu都幾多選擇 ✨溫泉蛋松露油蘑菇鮮製意粉意粉彈性恰到好處而且好掛汁將溫泉蛋撈埋落去 好香口好好味～✨海蝦牛油果羅勒忌廉意粉有兩隻海蝦係面～蝦肉彈牙羅勒味道好香 食落都幾creamy同味道香濃兩個都升級左套餐包埋餐湯同飲品忌廉蘑菇湯好足料滿滿嘅菌粒 岩曬中意飲蘑菇🍄‍🟫湯嘅人香濃南瓜忌廉湯 口感細膩 濃郁嘅南瓜味 勁中意♥️熱柚子蜜柚子蜜梳打✨（細）明太子海鮮披薩上面有蝦同魷魚 千島醬汁都夠多 批底脆口 整體都幾好食！✨香濃朱古力窩夫窩夫🧇濃濃朱古力味 但出奇地食落唔甜 配埋雪糕食岩岩好～

和朋友經常來這裡吃午餐，自己最喜歡瑪格麗特披薩和雞翅，還有最喜歡日本抹茶牛奶。朋友最喜歡三得利啤酒🍺，多冰。這裡服務熱情，服務態度好，東西也很好吃，今天試了炸雞，發現也相當不錯啊！

新年假期話咁快就完結又係時候要返工勒🤪放工後同同事食咗間好味嘅西餐廳ღ 南瓜忌廉汁香草雞肉鮮製意粉南瓜忌廉汁質地柔滑，為意粉增添濃郁嘅風味，意粉口感彈牙，掛滿南瓜忌廉汁，雞肉嫩滑，令每一啖都充滿層次感ღ （細）明太子海鮮披薩 披薩底部外脆內軟，明太子醬料香濃，加上鮮嫩嘅海鮮，與明太子醬相輔相成，增添了海洋風味叫意粉同Pizza加$38可以升級套餐包餐湯同飲品-香濃南瓜忌廉湯｜忌廉蘑菇湯，味道濃郁-柚子蜜梳打｜抹茶梳打，梳打飲落清新解渴-ღ 香烤雞翼雞翼有4隻，香脆可口，點上檸檬蜜糖，清新juicy ღ 香濃朱古力窩夫窩夫🧇烤得鬆脆內軟 ，加上冰凍雪糕同朱古力醬，多重口感

叫做意粉狂熱，但係連意粉都未做好，叫咗碟千層麵，蕃茄勁酸，根本都冇調過味，肉就得嗰少少，但係唔知點解又有啲紅蘿蔔同西芹切得勁大粒放喺度，而家唔係茶餐廳肉醬意粉呀師兄😅另外仲叫咗個海鮮明太子薄餅，餅底根本唔係薄餅食落有啲似手抓餅感覺，跟住邊位燶晒，但中間完全Undercook, 好地地一個薄餅可以焗到咁樣 。上面嘅海鮮得兩款，就係蝦同蜆肉，一入口嗰浸雪藏味即刻衝出嚟，跟住成個薄餅都係冇咩調味，完全基本街邊任何一間連鎖薄餅店都一定好食過佢….

同埋朋友去旺角辦年貨，之後去咗雅蘭中心食飯，意粉狂熱主打地道義大利風味意粉和Pizza，多種款式選擇，烹調配方獨特，食材優質。海老忌廉芝士焗飯：搭配新鮮蝦仁，加入忌廉和芝士，經過烤製而成的美食。這道菜色澤金黃，口感層次豐富！升級套餐（湯+$28或以下飲品）+$38 忌廉蘑菇湯香濃順滑，有蘑菇碎增加口感。凍檸檬茶清爽透心涼。精選海鮮蒜香蕃茄意粉：海鮮有大蝦、青口、魷魚，海鮮彈牙好鮮味，蒜的香氣融入在意粉中，每一啖都非常惹味香口！（細）明太子海鮮披薩：披蕯係薄底批，明太子醬有著獨特的鮮味和香味，與海鮮的甜美味道相融合，增添了豐富的層次感！香濃朱古力窩夫：即叫即製嘅窩夫香脆可口，加上朱古力醬和雪糕，味道甜美！

意大利粉係家傳戶曉嘅菜式，今次同朋友揀咗呢間裝修比較親民嘅意大利餐廳，諗住試吓佢嘅質素😝🦀 軟殼蟹配海膽忌廉汁鮮製意粉 $138呢個咁豐盛嘅配搭基本上唔會輸～ 軟殼炸到酥脆，食到中間仲見到有dd蟹膏~ 意粉質地偏煙靭爽滑，海膽忌廉汁量多，入口好creamy 👍🏼🍫 香濃朱古力窩夫 $78有兩件tiramisu蛋糕，有酒香味～ 窩夫充滿朱古力味，但如果更脆身更crunchy 會吸引啲～ 配雲呢拿雪糕當然冇得輸，一熱一凍嘅口感好過癮食物份量大，容易飽肚，所以叫咗杯凍檸茶解膩

意粉&披薩狂熱套餐$338，包前菜，湯，主食同飲品，仲可以優惠價錢追加甜品。法式芝士洋蔥湯濃郁香甜，洋蔥的味道剛好，飲落真係好暖胃。香濃南瓜忌廉湯口感滑順，南瓜的天然甜味讓人一口接一口，好味。香草雞肉凱撒沙律沙律的醬汁剛剛好，雞肉嫩滑，搭配上新鮮的生菜，清新可口。蒜味芝士雞翼雞翼外皮金黃脆口，蒜味芥末醬令整體味道提升不少，令人難以抗拒。香煎鮭魚配味噌忌廉鮮製意粉 +$28鮭魚煎得恰到好處，外脆內嫩，味噌忌廉的搭配令意粉更添風味。明太子忌廉芝士海老披薩 10"披薩餅底薄脆，配上濃郁的明太子醬和香滑的芝士，味道有驚喜。朱古力窩夫 +$38外脆內軟，淋上濃濃的朱古力醬同加上冰凍雪糕，好滿足。

喺旺角行完街朋友想食意粉～就提議一齊嚟意粉狂食嘢我以為只有意粉出色點知其他嘢都一樣有驚喜🥰本身見其他食評話牛油果漢堡包配薯角好味所以未入嚟之前已經想試啦點知已經暫時售罄啦🥲～19:00入座都已經有好多食客食緊嘢穩陣啲都係訂定枱安全啲1️⃣🦀軟殼蟹配海膽忌廉汁鮮製意粉 $138Soft Shell Crab Fresh Pasta with Sea Urchin Cream Sauce 手工制嘅意粉好彈牙~好有咬口配埋濃濃嘅海膽忌廉汁～意粉每一條都做到掛汁嘅效果😍再配埋隻一開為二嘅軟殼蟹軟殼蟹炸到好酥脆～仲要都好厚肉食完一啖接一啖2️⃣烤北海道產香草豬扒 $148Grilled Hokkaido Pork Loin Chops見&聞到周圍枱嘅人都有嗌～真係好香！！冇諗過連豬扒都煮得咁出色🤩厚切嘅北海道豬扒上面仲有檸檬片同牛油香氣四溢豬扒充滿肉汁，一啲都唔韌 👍盤側邊有個圓柱形嘅位置～店員話係最熱嘅地方～可以將豬扒切完之後再辣熱&燶佢！！試咗一下，真係辣到滋滋聲同出晒煙🤪3️⃣香濃朱古力窩夫Chocolate Waffle食完兩個咁正嘅主菜點可以少咗甜品呢？我哋兩個都係朱古力狂熱分子當然就要叫埋個香濃