影片
开饭介绍
红磡的平民版意大利菜，菜式都在水准之上。主打多款意粉、薄饼及小食。
继续阅读
营业时间
今日营业
11:30 - 22:30
星期一至日
11:30 - 22:30
*最後落單時間: 22:00
以上资料只供参考，请与餐厅确认详情
有关奖赏计划
食家推介
招牌菜
相关文章
日前去理工探朋友，探完梗係要食飯，一場黎到無理由食頹can, 所以就近近地食都會。 好耐冇黎都會，好多野都變左一於去返以前成日去嘅意粉狂熱 以前窮要就住食，一於一於嗌多d!兩個人 嗌個2人餐 再加多個burger, 諗起都開心。 香濃南瓜忌廉湯又濃又滑，有南瓜味又有奶味 法式芝士洋蔥湯一梳梳洋蔥， 有芝士，有片多士， 係好傳統做法嘅法式洋蔥湯 凱撒沙律不過不失，有芝士粉，脆麵包粒， 兩個人食啱啱好 有得拎揀兩個pasta, 今次揀左手工意粉，同埋千層麵 溫泉蛋黑松露油蘑菇鮮製意粉大大粒溫泉蛋， 下面好多菇，有淡淡嘅黑松露味。 鮮製意粉係唔同d ,十分彈牙， 值得推介。 芝士肉醬千層麵好多肉醬，好多芝士， 拉到絲，正常演出 芝士牛油果漢堡包配薯角薯角香脆。一排牛油果， 厚厚的漢堡，大大塊嘅芝士， 彈彈地嘅包，食落好juicy, 對得起個價錢。 最後就係香濃朱古力窩夫個窩夫脆得黎， 有朱古力味， 有兩塊仔意式芝士餅， 朱古力雪糕又夠濃， 加錢都係值得的。餐飲正常演出
继续阅读
餐廳在紅磡“置富都會”商場內，經由紅磡站天橋直達，無懼烈日暴雨，非常方便。餐廳裝修雅緻，正中央掛著由幾百個不同顔色的麵粉棍砌成的裝飾，十分別緻。座位也寬敞舒適，燈光明暗適中，不俗的西餐廳情調。這裏用QR CODE 掃碼點餐，效率非常高，一按“確定”鍵，馬上便起菜。餐牌上有“意粉”、“披薩”、“漢堡”、“甜品”、“小食”、“飲品”......等各大類別，款式很多。主菜加$38元還有餐湯及飲品，相當實惠。「芝士牛油果漢堡包配薯角」，漢堡包包質香軟可口，非同一般漢堡包，中間夾著牛油果、兩塊芝士和一大塊漢堡扒。漢堡牛肉肉質腍軟可口，滋味多汁。新鮮即炸薯角，份外香脆。「香煎鮭魚配味噌忌廉鮮製意粉」，厚切三文魚柳，肉質不錯，但最有驚喜的還是意大利粉。鮮製意粉口感蔫靭彈牙，香濃忌廉加上味噌，尤其惹味。「香濃朱古力窩夫」，賣相講究，用薄荷葉、忌廉、雪糕等砌出一隻趣緻兔仔。主角是特濃朱古力窩夫，香脆味美，配上朱古力醬和朱古力蛋糕，是必食的甜品。「忌廉磨菇湯」，味道香濃，更有粒粒磨菇蓉，是必選的餐湯。「凍檸茶」，甜度適中，茶味與檸檬配搭得洽到好處。「芒果橙汁」，新鮮果汁，果味濃郁。這裏的環境、食物、服務都高質，是高性價比之選。
继续阅读
以為叫得做意粉狂熱就係主打意粉菜式但試過之後發現佢嘅漢堡包同窩夫都好有質素👍🏻🥣忌廉蘑菇湯 $28湯入面係滿滿嘅蘑菇顆粒，菇味濃郁🍄忌廉湯口感柔滑，奶油味道香濃配以香草點綴餐湯美味，令我對今餐有所期待🤤🦐海蝦牛油果法包多士 $38海蝦蝦肉豐滿而彈牙夾雜牛油果的綿滑與酸瓜清爽口感面包烘得穌脆配搭起來亦是一道美味前菜🐓蒜味芝士雞翼 配蒜味芥末醬 $38雞翼表面煎得金黃，灑有蒜味調料以及芝士蒜味微微刺激味蕾，味道不錯如果追求更濃味道仲可以點埋芥末醬🍔芝士牛油果漢堡包配薯角 $88漢堡配薯角，以木盤盛載，賣相精緻、擺盤吸引漢堡扒食落肉感十足，帶點juicy肉汁一片片牛油果食落清新，好有健康感覺🥑🧀仲有雙層芝士與蕃茄，經典漢堡包風味漢堡包食落乾脆，微微烘乾令麵包香味更加突出薯角輕輕炸過，表層唔會太唔乾食落內裡薯肉粉嫰，慢慢係口腔入面融化整理而言十分好味😋🍝鮭魚菠菜忌廉意粉 $88每一口意粉都充滿芝士粉，整體口感偏向乾身鮭魚肉味濃郁加$10可以升級，份量令人滿足🍫香濃朱古力窩夫 $78甜點賣相吸引，未食已經聞到陣陣朱古力香味窩夫表面烤得結實，內裡保持軟熟，單食窩夫都有香濃朱古力味微熱的窩夫配上冰凍雪糕＆忌廉，冷熱交融❤️
继续阅读
放假心情好輕鬆, 約了舊同學去紅墈 食晚餐. 今晚紅館無演唱會, 餐廳搵位會容易.看見那大吊燈, 用了 綠白紅 三色, 象徵系意大利餐廳. 真醒目.餐廳裝修實際舒適, 在這裡談天說笑, 無拘束感. 食堂面積大, 座位多, 燈光悠和. 拍拖, 聚餐好地方.桌面有自助飲水, 餐具, 及調味料. 好整齊. 食物選擇多, 有多款套餐, 也有散叫, 慢慢睇.我們用 QR Code 落單, 選定了 意粉狂熱套餐 $332, 現有優惠價$278 , 有餐湯, 沙律, 意粉,主菜,甜品, 餐茶, 好抵食又豐富. 侍應先送上餐茶, 凍檸茶, 有檸檬香味. 幫助夏日消暑降溫, 啱啱好. 蘋果汁, 味道清新 .凱撒沙律（半份）爽脆沙律菜, 鮮車厘茄, 鋪滿芝士粉, 配上麵包粒, 芝士, 食得健康又開胃. 每位一個熱餐湯, 香濃南瓜忌廉湯 , 湯夠熱.南瓜味道香濃, 入口順滑. 這個湯真係湯質綿滑.法式芝士洋蔥湯, 有齊芝士洋蔥和法包, 入口豐富更有層次感, 美味又健康. 我們喜歡的兩個主食到了, 大家分嚐, 海老意粉配檸檬忌廉汁.海老即大蝦, 肉質新鮮, 爽口彈牙, 有六隻啊, 每人三隻剛剛好.自製意煮得爽口, 軟硬度恰好, 每一條意粉都掛滿了濃稠適中的檸檬忌廉汁, 超好食.舊同學叫的 南瓜忌廉汁香草雞肉鮮製意粉, 雞肉嫩滑, 有雞味, 份量足. 扁意粉軟硬適中, 十分煙韌, 吃起來相當彈牙, 啖啖意粉都充滿香草雞肉味, 口感一流. 經店長介紹, 又看見這頁餐牌頂吸引, 我們再來一客 [芝士牛油果漢堡包配薯角], 上檯時, 感覺好豐富, 漢堡包食材滿滿, 還伴有熱辣辣薯角.大家眼金金注視那漢堡包, 厚厚的牛油果, 雙層芝士, 手打牛肉漢堡扒, 切成兩份, 大家分嚐. 漢堡扒牛肉嫩, 牛味濃郁, 肉汁豐富, 煎得到位, 不油膩. 牛油果, 洋蔥, 鮮甜蕃茄, 沙律醬, 夾在一起, 好食又健康. 薯角炸得脆, 熱辣辣, 點些茄汁, 好味. 餐後甜品, 朱古力窩夫配雪糕 Tiramisu. 朱古力窩夫有朱古力同蛋香, 配搭凍雪糕 同鮮忌廉, 冷熱口感, 吃得開心. 這個意大利菜式, 滿足意粉 fans, 食物質素非常好, 價錢優惠絕對抵食!!
继续阅读
依間係香港紅磡置富都會意粉餐廳，係和民集團旗下既餐廳，以價格合理提供融合左日式風情既意大利菜式，其中主打鮮製意粉採用「生麵」製成，口感彈牙、有濃厚麥香。此外餐廳亦自家研製醬汁、調味，可以係到試到啲另類既意粉，今次揀左最平既2人套餐 $278，可以選擇多款意粉，甜品飲品餐湯等。 軟殼蟹配海膽忌廉汁鮮製意粉 🦀🍝🤤 軟殼蟹炸得金黃香脆，而且仲有兩隻，份量十足！咬落去外脆內軟，輕輕切開，蟹肉鮮嫩，與香濃的海膽忌廉汁交織，口感豐富，層次分明 。意粉係打橫咁卷住放，賣相吸引，睇落去就好有食欲！個汁 creamy 得嚟又唔會太膩，仲有少少海膽嘅鮮味。 南瓜忌廉汁香草雞肉鮮製意粉 🎃🐔🍝 呢個意粉煮得啱啱好，唔會太硬或者太淋，煙韌彈牙，掛住滿滿金黃色嘅南瓜忌廉汁，每一啖都充滿住香濃嘅南瓜味，好似食緊南瓜湯咁，好香甜！雞肉嫩滑多汁，而且仲有陣陣香草味，同南瓜忌廉汁好夾！ 朱古力窩夫 🍫🧇😋 窩夫外脆內軟，朱古力醬香濃甜美，雲呢拿朱古力雪糕球香滑可口，另外有兩塊迷你tiramisu，質感綿密，每一啖都充滿住濃郁嘅朱古力香氣，真係好滿足！而且份量十足，兩個人食都夠飽！ #hkfoodie #hkfoodblogger #pastaholic #相機食先 #香港美食 #一路食一路post #食好西 #pastaoftheday #spaghetti
继续阅读