意粉狂熱 (皇室堡) (已結業)

叫咗個二人餐。首先有個南瓜湯，個湯係用南瓜打，所以好重南瓜味，加埋有忌廉一齊，好濃好滑😍！然後個三文魚沙拉啲菜好新鮮，面頭有3塊薄薄嘅三文魚刺身，都幾肥美，配上沙拉醬都幾搭😋。而意粉係一個香草烤雞雜菌羅勒忌廉意粉。個意粉份量都幾大，軟硬度適中，不會太軟，啱啱好。個汁唔錯，不會太稀，意粉仲會掛汁😝！意粉上面有好多菇，而啲雞肉幾大件。小食叫咗個魷魚圈，係即叫即炸，上到檯仲噴緊煙，炸皮唔會好厚，尚算適中。魷魚幾彈牙，配他他醬好搭。最後個一口牛係鐵板上，可以自己調整熟度。個牛都幾有口感，而且重牛肉味，仲要熱辣辣！😊最後甜品係tiramisu ，好creamy 同唔會太甜！

差不多聖誕🎄來到附近銅鑼灣食意粉狂熱 一開頭睇佢meau 同介紹 以為好好味又平又高CP值既意粉 但上菜後 發現得個樣 又吾好食 價錢又吾系特別平 啲意粉好乾 無乜味 好似食緊白灼意粉就算 🤷🏼‍♀️

/Pastaholic🇭🇰/➖➖➖早幾日同朋友聚會揀左pastaholic💕呢間pasta性價比幾高 多種口味選擇 加$10仲可以加大份量亦有Pizza揀款式都好多覺得都係粉類比湯同埋甜品出色➖➖➖1️⃣日本魷魚雜菌明太子忌廉意粉 $98賣相唔錯有紫菜碎同埋半溶嘅牛油喺短時間內都會溶消失左仲有微辣嘅明太子醬 有少少似蟹籽令我諗起去日本 充滿日本風情💝魷魚嘅份量都頗多 有嚼口🙆🏻‍♀️意粉口感雖然未去到好彈牙但都係滿意嘅口感～➖➖➖分數:7.5/10➖➖➖2️⃣芝士肉醬千層麵 $88朋友食嘅我都試咗一啖蕃茄味較為香濃 酸酸地芝士可以更多千層麵嘅口感滑溜不錯覺得份量可以多啲 唔係好夠飽➖➖➖分數:7.3/10 ➖➖➖3️⃣美式辣肉腸pizza $58 (small)Pizza係有分兩個size 因為我哋本身叫咗意粉怕會滯 所以就叫咗細嘅sizePizza嘅餅皮較薄身 中間位會較腍辣肉腸微辣 有少少拉芝🥰還好➖➖➖分數:7.2/10➖➖➖4️⃣特濃南瓜粟米忌廉湯 $28 口感creamy 飲到少少奶味同粟米味但係就唔太飲到南瓜味 似粟米湯有南瓜粒/南瓜蓉增添口感就更佳➖➖➖分數: 6.3/10 ➖➖➖5️⃣法式芝

終於都食到朋友一直都好想試嘅Pastaholic 平日晚飯時候去竟然超多人 好彩我哋早去先唔洗等位🤪雖然餐廳名叫 Pastaholic 但食物選擇不只限於意粉 我同朋友點了一個價值 HKD318嘅二人餐 有湯 沙律 前菜 意粉 pizza 甜品 對兩個女仔嚟講份量好多😋到最後我哋食唔晒要打包返屋企食🙈 咪以為食套餐就唔洗諗食乜 有好多食物俾你揀㗎 意粉/pizza 每款6揀一 都幾傷腦筋 因為樣樣都想食▫️南瓜粟米忌廉湯/法式芝士洋蔥湯▫️雞肉凱撒沙律▫️蒜味芝士雞翼 (4隻)▫️溫泉蛋蘑菇意粉▫️芝士牛油果烤雞pizza▫️兩杯飲品▫️甜品係Tirimisu棄用傳統落單方法 只要用手機 scan個QR code 就得 揀食物飲品自己搞掂 慳番要等侍應埋嚟落單嘅時間 甜品仲可以揀叫先上 呢方面又幾細心喎

點了一個套餐，先來兩個湯及沙律，分別係特濃南瓜粟米忌廉湯及法式芝士洋蔥湯，先講南瓜粟米湯，香甜綿滑，比例啱啱好。而洋蔥湯配上法包，法包吸收了湯既精華，不油膩之餘洋蔥亦有咬口。香草雞肉凱撒沙律 （半份）新鮮生菜同車厘茄，加上脆卜卜既麵包粒，再舖上滿滿既芝士，其實已經好好味，最值得一提係雞肉，嫩滑而唔肥膩。香辣蕃茄濃汁煮青口份量不少，辣味適中，青口煮得非常入味。蒜香白酒汁海蜆意粉果然係意粉專門店，意粉有咬口，加上蜆肉蕃茄炒過更香更豐富，蜆肉不明太子忌廉海老披薩這裡最特別之處係Pizza個餅底，焗得非常鬆軟，好香牛油味，食落口感似蘇皮，配料加上明太子汁十分配合，加上新鮮出爐，無得輸。是日甜品朱古力蛋糕，甜味適中，為今餐劃上句號。

今日收工想獎勵自己，係皇室堡發現左一間新開既西餐廳，個名好得意 之前無留意開，原來已經有好多分店。比佢既手制意粉同裝修吸引倒。裝修風格好似外國既bar， 好鐘意d燈用玻璃瓶再做，好有特色，打卡一流 餐牌選擇好多，樣樣都想試下，但人少少，只能叫個chef recommend既意粉pizza試下。一試真係覺得好食窩，pizza好脆，意粉面質更是一絕而且最重要係價錢平民，係銅鑼灣區性價比好高，環境安靜地同朋友坐好耐都得下次都會再黎試下其他款式既手製意粉! 另外個綠茶🍵soda幾得意，所以試下，結果都幾清新。值得一讚係服務員幾好人

聖誕氣氛越黎越濃厚，最近開始相約朋友出黎聚一聚。我同朋友都比Pastaholic的裝橫吸引左，細心一看，留意到餐廳係用不同的酒瓶做燈飾，黃黃的燈光帶來一點暖和感。呢度有3款2人餐選擇，性價比好高，我地揀左$318的套餐，包括餐湯、沙律、小食、意粉、薄餅、甜品及餐飲，成個套餐係超級豐富。特濃南瓜粟米忌廉湯，口感香滑厚身，同時飲到南瓜、粟米味，兩者味道亦好夾！而法式芝士洋蔥湯就係第一次飲，仲有一塊法包仔放係湯上面，賣相滿分。個湯咸咸地，洋蔥香甜，法包吸滿洋蔥湯精華，幾有新鮮感。再黎指定的雞肉凱撒沙律，雞塊大大件。最令我驚喜的莫過於係炸魷魚圈配他他汁，4件都炸得金黃色好靚仔，炸漿不太厚亦不太薄，口感香脆，肉質肥厚有嚼口。見到有不少人點左雞翼（望落應該都不錯），不過我真心推介大家要試呢個炸魷魚圈，有驚喜！溫泉蛋蒜香蘑菇意粉，蘑菇嘅份量好多，有2款蘑菇配搭，加上流心溫泉蛋，金黃色的蛋漿包裹著意粉，蛋香不會蓋過菌香，如果Pasta再硬身少少就正喇~美式辣肉腸Pizza，我真係好中意食Pepperoni/Salami呢d，批底唔算厚但脆身，上面鋪左辣肉腸、芝士、洋蔥，味道帶點Pepperoni的咸香

如果係銅鑼灣想平食Pizza意粉，依間絕對係好選擇😂😂性價比都唔錯，尤其係佢個二人餐，$318有哂湯、沙律、小食、意粉、pizza、甜品！！😋😋😍不過我今次就單點左，大家有興趣可以睇返個二人餐menu！法式芝士洋蔥湯洋蔥湯唔係周圍有，所以要試試佢🤤芝士蒜蓉包浸係帶小小咸既湯裡面，吸左湯既精華，而湯都有帶芝士咸香😎主廚精選沙律好Fresh既沙律菜～有雞胸肉同煙三文魚，仲有水牛芝士，雞胸肉做得唔鞋口，做前菜開開胃不錯喔香辣蕃茄濃汁煮青口依個青口平平地過下口癮都不錯，雖然只係$58，但份量都唔少呢，仲要用上藍青口，味道唔算太辣，但蕃茄既香味都出依到既意粉同Pizza好多配搭，主打就係依二樣🙈大部分都係$100內，真係試多幾款都ok🤣🤣意粉就簡左我最中意既明太子醬～配魷魚🦑明太子沙律醬佈滿哂意粉，好香呀😋仲有爽口既魷魚，不過要趁熱食，如果唔係醬會變乾左🙈最後係牛油果三文魚Pizza！依到既Pizza都係薄薄地，感覺都算近意大利個種架haha 批邊就厚厚地，有d咬口架都！牛油果配三文魚實係絕配🙂🙂pizza熱辣辣出爐正呀！

餐廳裝修充滿意式且狂野，用酒樽作為吊燈十分eye caughting。點餐係用手機搞QR CODE，方便快捷，唔洗舉極手都冇人應。我哋叫咗個 Pasta Holic set南瓜湯& 洋蔥湯南瓜湯南瓜味濃，略帶徵甜。洋蔥湯已浸有面包，個人更喜愛分開上。凱撒沙律新鮮疏菜，面包粒十分脆口。溫泉蛋蒜香蘑菇鮮製意粉蒜香味濃，搞拌溫泉蛋同意粉，令彈牙意粉每條都充滿蛋香，配上可口蘑菇，入口甚佳。香草烤雞雜菌羅列忌廉意粉味道較為清淡，烤雞肉質唔乾，入口香嫩。意粉配上雜菌入口不錯。日本有機蕃薯條配蜜糖餐廳有promotion, 只要叫杯$28以上飲品，就可以了免費獲得。蕃薯條比薯條更為硬身，咬感十足，充滿甜薯味。香烤雞翼(檸檬蜜糖)雞翼烤得香口，無任何雪藏味。內裏肉質香嫩，味道略帶酸甜。南非白酒估唔到有白酒供應，香醇可口，不過不失。

位於皇室堡既專賣意粉餐廳，之前食過一次好難忘，今次再臨同樣滿意。用apps落order, 有圖一目了然。被意粉既類別所吸引，配味較濃而不會重味精，一口氣點了小食，沙律 ，意粉，甜品和飲品。服務周到，有笑容很難得。烤雞cesar 沙律, 烤雞凍得黎都juicy. 蜜糖雞翼，甜一甜既脆皮，食到會連骨都想細味。海蝦牛油果多士，欣賞佢牛油果已經熟哂又香。烤雞菇basil意粉濃濃既basil口味，意大利粉又夠彈牙。意粉都可以加底，多50％ 只需$10，而我就覺得普通size 已經好夠食喇。松葉蟹特選：帶子蟹肉macaroni, 超香濃 必點。睇住滿滿既蟹肉食欲大增。芒果乳酪，喜歡佢多層既顏色和唔會太甜。香蕉朱古力披薩勁正，披薩很煙韌，香蕉幼幼的很甜軟，而個朱古力雪糕很美濃。值100分，提提你，食就要趁快，因為雪糕溶左會麻煩d.

今日一人行去左銅鑼灣食飯，女朋友好鐘意食意粉，早早之前介紹過我去Pastaholic試下。我今日收工就去食個early dinner等佢收工啦！餐廳好大好舒服，menu選擇好多。我見到肉食main course就捨棄左意粉啦！我叫左香烤羊排。羊排厚厚的用鐵板上碟，入口羊羶味突出，剛剛七成熟好香嫩，薯角脆口驚喜。我再叫左一個小食，香辣蕃茄濃汁煮青口。青口大大隻好鮮甜，辣度微微好易入口，蕃茄味酸甜好開胃。最後飲左一碗法式洋蔥湯，最面層的芝士麵包好正！

Pastaholic #銅鑼灣真心推介！又平又好食，勁多意粉 pizza risotto揀！琴日介紹咗千層麵同起抵食嘅pizza，今日介紹埋另外兩款！明太子海鮮披薩 $68有得揀大同細，呢個係細份size，但係都夠晒食！pizza係薄餅底，烘得好香脆。而且上面加上好多海鮮同明太子醬，真心抵食、惹味又好味！味道: 4.5/5性價比: 4.7/5忌廉芝士雞肉千層麵 $88同樣好足料！啲雞大件又嫩，配上海量芝士 忌廉，好入味。美中不足嘅係，佢嘅闊條麵應該係超市買得到嗰啲，唔係手制意大利粉，所以有少少硬，但係以呢個價錢來講絕對收貨。味道: 4.2/5性價比: 4.6/5香辣蕃茄濃汁煮青口 $58青口同樣非常多，本身以為香港嘅青口仲要咁平一定會好細隻好少，點知其實都幾有肉感，而且份量超多，仲有個香辣蕃茄汁真係好入味，除咗有蕃茄粒千場有啲洋蔥香草，酸酸地咁，的確唔錯！味道: 4.4/5性價比: 4.6/5香草烤雞雜菌羅勒忌廉意大利粉 $78呢個算係咁多個之中相對上冇咁突出，菇嘅份量比烤雞多好多，羅勒未算好香，整體來講普通，味道唔差但係其他更加突出，覺得可以唔使特別嗌呢一個。味道: 3.6/5性價比

講到意粉🍝新開有幾間分店既意粉狂熱一定在名單內，時代嘅演變，已經需要電腦入單，一個barcode 一部電話。PASTAHOLIC主要日式意大利菜，有多款意粉、 pizza、焗飯供選擇。而價錢貼地。銅鑼灣分店裝修不俗，內裡位置多，較開揚。二人餐$260-368，由頭盤沙律至共有8道。就算唔食Set ，由意粉到Pizza、牛扒都俱備，選擇眾多，食極都唔會厭。特濃南瓜粟米忌廉湯 （套餐）南瓜粟米忌廉湯真的超濃粟米味，夠creamy、濃厚，一點也不膩。煙三文魚凱撒沙律（套餐）沙律🥗菜夠新鮮爽脆加上脆麵包粒與芝士粉與沙律醬汁配搭三文魚開胃。香草烤雞雜菌羅勒忌廉意粉🍝自家製的扁意粉軟熟中帶點彈牙，没有平常的生硬口感，有雜菌片、烤雞肉、羅勒忌廉汁，每條意粉都掛滿醬汁。安格斯一口牛👈🏻鐵板上菜，有個升上來的位置，我猜是翻燒熱牛的位置，配半份有皮脆薯角，食起來牛肉味濃郁，五成熟度非常軟嫩，不要擺鐵板上太耐，真的會變全熟。蒜味芝士雞翼雞翼上面灑滿芝士粉，最鍾意點ja 係蒜味芥茉漿。最後兩杯跟餐飲品，可以揀蘋果汁、橙汁等。

Nice decor and it instantly gives you a warm feeling of this restaurant because of the lighting. The chicken wings are very tasty and crispy but better don’t eat it when it first arrives on the table as it could burn your mouth. Porcini and Cheese Fresh PastaThis is my fav of the night. The texture of the pasta is chewy and the sauce is yummy with just little bit chilly in it! Pepperoni PizzaThe dough is pretty thin and it is quite similar to the nann bread so it’s quite an interesting pizza Tir

今晚約咗朋友一齊食意粉狂熱，之前行街已經見到呢間意大利餐廳，人頭湧湧，好想試下，今晚終於試到啦！呢度環境唔錯，幾有氣氛，而食物有日式洋食嘅感覺。我鍾意法式芝士洋蔥湯，洋蔥香甜，裏面有 一個充滿芝士嘅麵包浸在湯裏，美味。豪華三色拼盤有檸檬蜜糖雞翼，西班牙火腿及鮮蝦牛油果法包。我喜歡法包嘅牛油果醬夠惹味，多士脆卜卜好味。我哋嗌咗兩個意粉同一個 pizza分享，日本魷魚雜菌明太子忌廉意粉，夠曬香少少辣，好開胃。海蝦牛油果羅勒忌廉意粉，牛油果味清新，pizza叫咗三文魚牛油果羅勒pizza，感覺健康。 喜歡這裏的菜式可以選份量，我哋就鍾意細細份，試多啲味道。呢度好適合家庭客, 同埋一大班朋友聚餐!