意蠔屋 (城市中心)

营业中

休息中

這晚情人節，和朋友簡簡單單吃個晚飯。 香蒜烤雞翼（$30） 雞翼烤得香香的，香蒜味道尤為突出，外皮香，肉質鮮嫩，好吃！ 點了兩個不同的套餐。 一個人的浪漫蠔餐（$98） 羅宋湯 生蠔兩隻 生蠔非常新鮮，肥美大隻，鮮甜美味，輕輕加上少許檸檬汁已非常好吃！ 意粉3選1 白酒忌廉汁煙三文魚波菜意粉 意粉被濃濃的白酒忌廉汁圍住，非常creamy. 意粉掛汁力高，加入波菜更加清新，配合煙三文魚更加好吃！ 另外點了個晚餐推介。 包餐湯及飲品 忌廉湯 蒜香辣薄燒牛肉天使麵（$56） 蒜香味道香濃，辣辣的又香又惹味，天使麵幼身嫩滑，牛肉份量夠多，配合蘑菇不錯啊！ 飲品方面，凍飲加$3，特飲加$10 凍檸檬益力多 青檸檬金桔蜜  

夜晚純粹同阿媽出去食餐飯，就去咗一間食蠔嘅餐廳，點知去到就想食其他野，最尾就揀咗啲粉面。 石斑意大利粉$62意大利粉同埋汁都係普通啊，但係石斑都算唔錯，質感好滑而且外皮都算香脆。 芝士帶子蜆肉雜菌千層麵$78千層麵比想像中更加水水的，裏面嘅帶子好鮮甜蜆肉亦唔錯冇沙，不過芝士味都幾濃郁！ 是日餐湯加＄8我哋每人選擇左一個湯，分別係蘑菇湯同埋羅宋湯，我就覺得羅宋湯好味啲濃郁啲，蘑菇忌廉湯嘅忌廉太濃，同平時飲嘅有啲唔同呀。 凍青檸蜜加＄10熱菊蜜加＄10味道都唔錯嘅，如果當食餐便飯其實都冇咩問題。 意蠔屋地址 北角電氣道233號城市中心地下54-55號舖

北角電器道呢間真係幾好食，座位雖少試下個優惠套餐:一個人的浪漫蠔餐(生蠔兩隻)3選1蠔連蠔殼有些少鹹鮮海水味、嫩滑冰爽的蠔肉一併吞下 ...感覺好新鮮美味;另白酒忌廉汁煙三文魚菠菜意粉，連飲品仲要食埋蠔都只係（$98/Set)，抵另外還有叫多份"芝士焗蜆肉菠菜螺絲粉"$ 60+5配西蘭花+$10的以芝士加菠菜來蜆肉螺絲粉，食果陣充滿淡淡奶香，芝味十足，連一向不太喜歡焗的我都不知不覺間食多左啊咁抵又好吃，一定要再來

陪個朋友去炮台山買電氣 買完肚餓諗食什麼好 朋友話有間小店 可以食下意粉同有個蠔餐 咁更係去試下囉 去到餐廳都坐滿8成人 坐低睇下食乜好 就比個$98 蠔餐吸引 個餐包左生蠔x2隻 意粉三選一 湯二選一 忌廉湯or羅宋湯 加凍飲$3 真係ok架 忌廉湯濃濃 口感豐富 杰左d 先黎生蠔 賣相新鮮隻蠔還微反射 細心位係張生蠔嘅肉柱位界開方便人客食鮮茄牛柳天使面 味道都好再order芝士焗帶子大蝦尖意粉 呢間賣相一流 d cheese超多 拉絲超yummy 係香港島價錢合理不過服務態度真係有代改善

今晚去左北角接朋友收工，但大家又諗唔到食咩好，所以就四圍行下睇下有咩食，行到去意蠔屋門口見到都幾多人食，感覺上裝修都坐得舒服，所以就入左去試下，一坐低就睇到個幾吸引既餐 「一個人的浪漫蠔餐」，佢配有２隻生蠔，仲有可以３選１既主菜，芝士焗海鮮千層麵 / 鮮蕃茄牛柳天使麵 / 白酒忌廉汁煙三文角波菜意粉，再跟埋餐湯同餐飲，都只不過係＄９８，我地見價錢上都幾吸引，所以就嗌左一份配鮮蕃茄牛柳天使麵，再另加４隻生蠔＄１３８。等左一陣好快就有得食，生蠔一黎到我都嚇一嚇，估唔到又會甘大隻，食落既味道都好新鮮，之後上埋個鮮蕃茄牛柳天使麵，份量係夠我同個朋友２個人食，味道都算唔錯，之後我地一路閒談一路食飯，唔經唔覺就已經食完，環境舒服，食物質數幾好，性價比黎講係幾高，所以有機會再黎北角，我都會再食一次！真心冇諗過咁平民化嘅小店竟然食到咁好食嘅蠔

今晚去左炮台山果邊等朋友放工，大家都想食得經濟 d，所以黎到意蠔屋~坐低後，見到個menu有個餐好抵～$100 都唔洗就有湯、生蠔x2隻、主菜、餐飲！好抵～ 呢碟生蠔真係好正，估唔到佢咁鮮甜同肥美，而且仲好大隻tim! 朋友點左個鮮蕃茄牛柳天使麵～牛柳鮮嫩多汁、而天使麵的份量非常之多，食完好飽！ 而我就另外叫左個餐，係蜆肉意大利飯！意大利飯既忌廉白汁好香濃 creamy，食上口一d 膩既感覺都冇！ 另外，我地亦點左個煙牛芝士薯條，好香脆，食完一條又一條 =p雖然有d 熱氣，但真係堅好食！ Overall 埋單都只不過$192，每人$100 都唔洗~又平又飽肚，朋友同我都好滿足！

同好閨蜜久違食下野，咁岩係下午茶時間不過都幾多人下，好彩等左冇5分鐘就有位入^^兩個人嗌左3碟野食（飽到嘔.......）咖哩豬扒飯 + 熱檸水 (set)估唔到個咖哩係甜甜的...但份量看上很多...豬扒好好味😙仲有唔少薯角😍鴨胸白汁意粉 + 熱檸水 （其實唔係好記得叫咩名😣😣）閨蜜話次次黎佢都會嗌呢個黎食 Um..個人認為OK LA 可能不太好鴨胸的關係不過都係唔錯～～意粉好有口感最後仲嗌左個蒜蓉包加雞翼 不過唔記得影相普普通通，雞翼幾入味但有點點油埋單 99$ ^^。

晏晝出去北角做野，蛇蛇下又到食飯時間，北角有好多選擇，曾bookmark左唔少，但懶得搵路，隨機入左間，個名叫意蠔屋，似乎係以蠔為名產，我都好想豪一次，但豪唔起呀，食其他，除蠔之外，仲有焗、芝士都係賣點呀。 環境:餐廳地方比迫同窄。 食物:羅宋湯，好多菜呀。 巴馬臣芝士煙肉蘑菇意粉，煙肉蘑菇既材料多，幾足料呀，同有大量巴馬臣芝士粉，同芝士粒，感覺好hea，似未熟呀，有濃郁既芝士味，好正常，芝士粉味，味道普通唔特別呀。

好日都不入此店, 今日第一次試,雖然我得一位, 其實店中半數吉位,點解叫我坐正門口.結賬先討厭,找錢錢掉了在地上, 我知店員不是有心掉向地. 但是否像視而不見的走開,SORRY 都無聲!!! 係乜都無講當無事走左!好型WOR 你都! 好差態度!

平日LUNCH最多機會食外賣...今日仲好晏先食, 所以可以食下午茶...揀左焗盒焗豬扒飯, 好似係$40雖然下午茶都要成$40蚊, 但係焗飯, 個飯夠晒多汁, 個汁亦好好味, 成盒飯所以有野好好味亦幾足料, 推介...SIZE正常, 但絶對夠我食有餘, 我諗除左好大食既人, 一般人絶對夠飽!下次試下其他先...

以前吃過很多次了，質素一向不錯。下午茶時間要了一個芝士茄汁焗豬扒，一進去就見到好多人叫呢個餐。等唔算太耐，亦不會過熱。表面鋪滿芝士，睇住就開心，係可以拉絲個種。豬扒切開一塊塊，容易吃用。茄汁係甜的，較少酸味，吃落唔錯。