愛爾蘭瘋薯 (已結業)

酸忌廉、 蜜糖芥辣薯條好多SAUCE 係TOP呀...酸忌廉比較淡淡的...不過食落就真係有D酸酸喎...蜜糖芥辣甜甜地...都好味...不過...唔係好夠芥辣...冇左個感覺...唔係好夠濃...D薯條...是即炸的嗎?我又覺得食落暖暖地...幾岩溫度喎...唔係就會HURT 個咀喇!!!連埋薯皮架...喜歡那外邊脆...裡面充滿薯仔呀~有氣果茶-芒果綠茶個味道好熟呀...好味...唔係好甜...淡淡的~好FRESH...仲有D蘆薈粒粒~ 爽口~食左熱氣的薯條~ 飲啖就好正了~企係街度食...真係好'呢HEA'...好彩有叉咋....

肉醬薯條$25 ~ 此款薯條肉汁多,肉醬少. 一杯250g,起碼要有兩個人先好走去買,因為實在幾飽肚. 薯條即叫即炸,新鮮熱辣.個人較喜歡美國粗身薯條, 比幼薯條更有咬口, 食落粉粉的, 如連皮食更原汁原味.

從來一窩蜂ge熱門店舖都冇太大興趣去試 , 一來排隊都排餐矇 ,二來間舖咁忙時出品都會比較參差。今日黎到銅記 , 個心都未決定去邊 , 就開始落雨 ,街上ge人都紛紛就去有瓦遮頭ge地方避雨。我都唔另外 ,咁岩 , 就走左去ireland's potato門口 , 見倒佢冇人排隊 ,又落住綿綿雨凍凍地 , 令我突然有衝動去試佢ge薯條 ...餐牌好精美 , 見倒都開始流口水 , 炸薯係減肥人士的大敵 ,我認我輸了 -_- 我被它誘惑了。瘋蜜芥辣薯條$25雖然等左唔係好耐 , 都期望佢d薯條係熱辣辣。但係一食 , 不過又唔似剛剛炸起果d wor , 只能夠話係熱熱地。我地認為醬汁唔夠 , 又加多左好多茄汁&芥辣難怪風靡一時了 , 的確令人越食越想食。我想 , 會覺得佢份外滋味 , 是因為能夠和肥瓜爭住食 , 你一條 ,我一條 , 到喉唔到肺。有人會覺得一兜薯仔條就廿幾三十蚊好貴 ,或者 , 佢貴就貴在能夠留低一幕幕與好友 , 情人爭食薯條的回憶 ...

尋晚同女友行sogo之後, 到後街掃街去, 其中一站係愛爾蘭瘋薯曾經好欣賞佢地出品的炸薯條, 一嚟薯條好脆, 二嚟醬汁或配料的味道都係做得好好, 所以我間唔中都去買嚟食, 不過, 這一次的招牌芝士薯條, 好似無之前咁好食了一如上次的, 招牌芝士薯條加煙肉粒, 今次的芝士唔係半溶的, 而係到我手的時候已經"琼"哂 仲"醬"住啲薯條, 要我慢慢一條一條拆出嚟食, 薯條唔係好脆, 只有三至四條比較脆, 其他都好"粉", 食一半就放棄了這間薯條都越嚟越少人食, 唔知係唔係因為味道退步了, 真係好懷念初初開的時候呀

見今日有d風,,涼涼地~~就梗係想買d熱辣辣GE野黎食下~~即刻就諗起瘋薯!!嘩~個舖面多左好多新野呀!!又有新MENU,,又多左個DRINK LIST係度~~仲要整得幾靚~~見到都想食XD叫返食開果隻先~~招牌芝士配肉醬~~都係咁有水準~~GD!!薯條即叫即炸,,熱辣辣,,好味XD芝士個味又夠濃,,再加上肉醬有少少辣,,配埋一齊食真係唔錯XD兩個人食一個好似有D DRY咁,,雖然飽飽地,,但身為眼寬肚窄GE香港人梗係要試多樣野LA~之後叫左個薯球~~好似好少見到有得食呢樣野~~等左一陣,,都係熱辣辣~~脆卜卜~~點埋茄汁一齊食~~GD!!!之後半價叫左杯熱情果芒果GE薯冰~~飲到有D薯仔係中間~好得意XD熱情果同芒果GE味好MATCH!!下次試埋其他味先XD

終於可以寫食評啦﹗小妹本身係上年食過瘋薯好几次，其實覺得好好味，但食過几次後又開始覺得厭厭地，所以有成半年冇食過LU。噚日因為係銅鑼灣同朋友路經此店，然後望一望，發覺多左個飲品MENU 企左係度，然後再向上望一望見到有個牌寫住買任何野食半價飲品，咁當時行完街10點几又有D 肚餓，又想回味下，又想試下佢d 新野飲，所以就停低買番個食開ge 蜂蜜芥末配酸忌廉，再經過好好禮貌ge 收銀妹妹介紹我飲咩咩雜莓薯冰。大約5分鐘後有得食啦，我地即刻第一時間將條薯條沾兩邊醬然後一口咬落佢，嘩﹗水準keep 到，真係做到外脆內軟，同埋薯條都几乾身，而醬汁方面係我係外國時最鐘意ge sour cream, 凍冰冰sour cream 加熱辣辣薯條，好有口感，而蜂蜜芥末果隻都係我上几次食開，味道冇變好正。好奇怪食左一陣杯沙冰先到手，岩岩食左薯條緊係第一時間飲一啖先，0衣，好飲喎，跟住比我朋友試下，佢都覺得好飲，覺得冇咩藥水味，d 味一d都唔假，好滑，大家不約而同話好似好飲過star 記，係咁熱天時，又食咁熱氣薯條，飲番杯沙冰真係咩都降晒温。食緊时同朋友吹開水話呢間野其實都好多好野食，感覺用料又几足下，但呢排

與友人吃過了晚飯後，仍然不是很飽足，約了女友在老銅吃個薯條溝貨吧，一定飽。去到門口，是一個人也沒有的，與之前要排隊等上十多分鐘是天淵之別，這就是香港的生態，新鮮的新事物，就一窩風，但大都是三分鐘熱度，所以食店永遠也有一個蜜月期，要在之後捱得過去，才是皇者。也如初時來吃的一樣，點了芥末蜜糖醬，另外加了八元，買了杯大號的綠茶芒果梳打來喝，由於沒有與我們爭，所以也很快的有得吃了。薯條是如一的粗身及脆口，但內部的薯肉粉粉的，滿有薯香，很是不錯，比上老麥的要好上很多倍，而芥末蜜糖醬也是甜味主道，芥辣味則只有一點點，所以當然也完全不攻鼻，但吃起來有點酸酸甜甜的味道，平衡了薯仔的飽滯感，個人認為比下芝士更為合適。吃了對版的薯條，滿口熱氣，就來一杯凍飲吧，這杯大號的綠茶芒果梳打，其實如比較起台式飲料店的大小，又真的不是很大，喝起來綠茶味欠奉，芒果的味道有點點，但就是甜味居多，香味極薄，加上喝起來又不是很有氣，似乎店家汽水機的打氣系統有點問題吧，總括來說，只是一杯有點芒果味的水而已，不大對版。怎說也好，也是填飽了肚子，而今次的經驗，就告訴我以後來買東西吃，也不要幫襯其飲料了，到七仔買汽水吧！

7-9-09今天到了cwb, 友人未到, 便忍唔住到了呢度買薯條叫了一個蜜糖芥末味, $25等了約10分鐘多鐘, 終於食到呢個未食過的味瘋薯真係好食過NYF, 起碼佢都真係做到脆卜卜呢個好重要, 咁先似新鮮同埋正常的薯條加埋佢個少少酸和甜甜的, 仲有香香的~真係好吸引不過我成7點先食, 仲要食左大半, 友人又唔多幫手食搞到今晚都食唔到野...好可惜唔記得影相, 因為佢個賣相都真係好吸引, 好靚!

估唔到我既開飯食評俾左愛爾蘭瘋薯~~之前叫左個sour cream+蜜糖芥辣+一杯白玫瑰飲品都等左5-10mins先出黎..d 薯條係好熱辣辣!!!! 有d感覺hot air初時食落唔係話有咩感覺d 薯條係幾好味..食食下...愈食愈覺d sauce好味.以為食唔哂, 點知企起條街, 行下又食幾氣..咁就食完..食食下仲有個商場女secure問我係邊到買~~

$30一客薯條能如此受歡迎使我一直想去試試這次出銅鑼灣特意買來吃但發現, 不外如是先說服務我去的時候前後也只是有2個客人但我等這個薯條足足等了十分鐘!環境悶熱使我更不耐煩但的確他們的薯條是新鮮炸的但這只是使其更脆更熱, 造成外脆內軟的口感味道並不會有甚麼特別始終薯條是薯條, 頂多只是薯味較重這次我單買芝士薯條,$30, 其實很不化算我一直期待著的香濃薯味並沒有出現相反出現的只是很咸的味道, 以及少許的芝士香煙肉粒的味道也被咸味完全蓋過同時芝士將薯條黏在一起, 使其變得怪怪的見有套餐, 附有熱狗及飲品但計起上來, 這個價錢我寧可去吃freshness burger

夜晚食完飯, 唔夠飽, so去食下小食, 便諗起愛爾蘭瘋薯今次我們買左酸忌廉薯條和肉醬薯條, 我都係第一次試, 都OK但我都係喜歡芝士和蜜糖芥末~~下次再食~~~~

之前次次經開見到好多人都無0羊意欲想買，因為自己一個人等好無聊最近同d fd經過，有人陪住等，終於‘的’起心肝等下la叫左蜜糖芥辣，3個人飯前食剛剛好d醬好惹味，good good good醬淋系底可以令到薯條無甘快‘淋’，但一開始唔知d醬系底，搞到一開始無0羊醬，但最後d醬勁多如果有人陪住等，一定會再食過

知道愛爾蘭瘋薯好出名, 分店都越開越多, 之前食過炸薯條, 今次食洋蔥圈, 但係好失望!洋蔥圈睇落好似唔錯, 一嚟等佢炸都等左十分鐘, 見店員好似好認真咁等佢熟, 唔敢離開, 但係原來炸到燶哂同乾哂, 咬落去入面啲洋蔥都已經乾到縮哂水.. 脆皮就炸到有油益味, 同上次食薯條的感覺好唔同!今次真係好失望, 仲有洋蔥圈要廿五蚊一盒, 下次再幫襯, 可能都係食番薯條穩陣

打完邊邊同CACA行街,見頭先D可樂唔夠飲, 又行經呢間野, 仲要冇乜人塞住條路,於是試左佢杯半價$9既薯冰.我同CACA一人一杯, 又係佢請, 些些!大家都叫左白桃玫瑰, 因為有少少特別又應該唔會難飲...結果等左5分鐘多, 到手了, 呷一啖, 嗒一嗒...有薯仔粒, 不過好少... 冇乜薯味, 只係似普通沙冰.$9就唔好高要求了.

想試成半年都有，但平時一個人行過一個人買都食唔曬，依家同埋另外兩個朋友係到，哈...係要試一試。見到佢有個Bacon & Cheese有discount廿幾蚊，就叫左依個。D bacon就普通左D，不過D芝士就正lor...又熱又melty的cheese，I love it!不過一個人食曬成個的話真係會好濟，濟到唔想食飯。