慧食貓

营业中

休息中

係葵廣出左名好耐最近重開到mk🤨鹹牛肉手抓餅即叫即整餅係薄脆鹹牛肉加左好多汁無咩肉感汁就酸酸地重有生菜，蕃茄不過整體係餅夠脆香口救反😉#鹹牛肉手抓餅#慧食貓

同屋企人行旺中，發現呢度開左間慧食貓🤩，之前喺葵廣食過，一直好想食多次，緊係要把握今次機會，去買返件黎食啦😋～🌟B. 火腿雞蛋肉鬆手抓餅 $26一如既往超大件，餡料非常多，好似就跌出黎咁，啱哂同人share食😁～賣相好靚靚，d餡show哂出黎，好啱我地打卡😉～一咬落去，手抓餅好香脆，但唔油膩，真係要新鮮襯熱食🥰！好食到我一口接一口，之後就悲劇發生😂。。。因為我掛住食手抓餅，上面 d肉鬆冇左城牆保護，跌左d出街🤣，補救方法緊係食緊 d肉鬆佢啦，肉鬆嚼落有肉香，口感柔軟蓬鬆😚～除左肉鬆，蛋都好好食，蛋完全唔老，仲 keep到蛋汁，夠滑嫩😆！加埋塊火腿，口感味道仲豐富左，perfect match😍！每款手抓餅，都有塊生菜送，生菜大大減低左油膩感😊！整體非常好食❤️！

葵廣實在太多嘢食啦 因為住得近呢頭 呢間我地成日食嫁今次叫既蟹柳唔算最好食～之前叫火腿雞蛋煙肉 更好食！ 呢到嘅手抓餅都係即叫即整 酥皮底 酥脆香口 多種配料 任君選擇 餡料亦唔少嫁 加埋沙律醬 味道好好 份量都夠幾大 女仔既話可以食佢當一餐都夠的   推薦加 蛋 、芝士 、肉鬆    

葵廣必食嘅手抓餅喺旺中開咗分店😋🍳火腿雞蛋肉鬆手抓餅 $26呢間嘅手抓餅真係好抵食！大大個都係$26 裡面仲要好足料，落料完全唔手軟😆 個手抓餅係即叫即整嘅，攞上手熱辣辣。個手抓餅好鬆脆，好香口。今次叫咗嘅呢個有火腿、煎蛋、肉鬆同生菜。佢個蛋好嫩滑，加埋其他料同沙律醬，整體味道好夾好好食。佢嘅俾錢形式都好特別，佢係先落單，等佢整好先至俾錢，係自助找錢嘅😂 咁啱我去到嘅時候冇乜人，所以落咗order差唔多即刻有得食👍🏻整體來講，水準完全維持到同葵廣嗰間一樣咁好，啲手抓餅係一試難忘，店員嘅服務態度都好好。好推薦大家去試吓呢一間🤍味道: 10/10服務: 10/10回頭率: 10/10總評: 10/10💰人均消費: $26

旺中新店最強手抓餅 呢間良心店係葵芳好出名 之前試過都唔錯 而且滿滿人情味 呢排喺旺中開咗分店 又試試先.店面大大隻為食貓 真係同佢地logo好似點左佢哋招牌 ⭐️火腿雞蛋肉鬆手抓餅$26👍🏻手抓餅有烤到熱辣辣 金黃色 外層小小酥脆👍🏻最重要係中間爆餡 肉鬆多到爆出嚟👍🏻雞蛋係滑蛋feel 小小流蛋汁 仲有夾住菜.如果加芝士 體驗同影相 應該會唔錯但加左$30up感覺性價比唔夠開心依家點呢個 $2x 大大份 又足料 表示好評.如果人多 對住店員大嗌落單 店員話收到就OK出菜速度都好快 拎野食果時再收錢找錢仲隨意 店員會叫你 自己台面拎啦幾鐘意呢種 人與人之間 信任既感覺.#hkfunfoodrecord窮遊香港#hkfunfoodrecord_旺角#hkfunfoodrecord黃店.#慧食貓 (旺角)地址：旺角彌敦道688號旺角中心一期1樓F85號舖.⭐️評分：味道：4.5/5環境：-/5服務：-/5抵食：4/5.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfood

太耐冇去旺中 原來唔同哂發現佢有少少似葵廣 多左好多小食店 突然又可以掃下街🤤.開心到係連Bookmark左好耐既🐱慧食貓🐈都有‼️佢d價錢真係親民到不得了到底會唔會蝕架🥺店主好好人 而且記性太好口頭落單 12分鐘後返黎拎 先再比$ 自己找錢就得了佢又真係認到邊個打邊個😳餐牌會有A-G餐夾好左有d咩材料 好岩有選擇困難既小編.小編叫左個D餐蟹籽吞拿魚手抓餅 $27不過都仲係好貪心想加多幾樣配料....所以+$3 雞蛋+$3 肉鬆+$4 芝士視覺效果‼️好沖擊 勁多料 全部都一大pat咁放落去味道都係家庭式風味 完全冇落其他野 手抓餅好脆身 完全冇野可以挑剔.朋友就自選原味手抓餅 $15+$3 雞蛋+$4 芝士相比之下 呢個比較平實🫣 但係味道都係一樣咁正果然抵食夾大件.可以無限encore🤩.📍慧食貓📌葵芳葵富路7號葵涌廣場1樓B01C號舖📌旺角彌敦道688號旺角中心一期1樓F85號舖

旺中呢度咁多美食，手抓餅點可以唔試C.餐牛肉手抓餅賣哂，下次見到實要試吓係咪咁好賣慧食貓門面擺咗好多呢隻異短貓貓嘅靚相，可能佢就係嗰隻「慧食貓」喇🤣呢間舖頭都幾特別，走過去落咗單之後，冇號碼，唔會收錢先店員回應大概10分鐘返返去，你就自己攞食物同自行找續（枱面已備硬幣自便）😆我係堂食嘅，除咗面頭包住手抓餅嗰個紙袋仔之外，仲有幾張餐紙涉喺入面，相當貼心❣️手抓紙好咬，入面嘅配料都足夠，性價比都ok🤭

之前試過葵廣嘅慧食貓，雖然好多人都話佢地以前食過，宜家冇咁好食，但我就覺得已經好好食。😂最近佢地開咗旺角分店，非常方便就腳，於是收工就去撐一撐。💁🏻‍♂️一攞到個餅，嘩咗一聲，佢d料多得泥排得好靚好整齊！🤩靚過葵芳店好多！食材唔會壓埋一堆，可以好清楚咁食到每款材料嘅口感。☺️菜嘅爽口、少少流心嘅蛋、滿滿嘅肉鬆、溶溶地嘅芝士、一絲絲嘅蟹柳、腍身嘅煙肉、火腿。最後唔少得外脆內軟嘅餅！☺️旺角店出色，仲有好多Ivy So嘅應援卡，加分🥰Tips:1. 記得帶現金2. 閒日收工食，唔洗等咁耐

火腿雞蛋肉鬆手抓餅+ 芝士 🤌🏻老闆好nice落完單都唔洗 直頭記住你個樣等你返嚟攞🤣除咗葵廣之外，旺中都有分店。欣賞保持食物水準之外，呢個價錢30$ 左右真係親民，真係難得。餅底即叫即整，餅皮酥脆香口唔油膩，餡料食材方面雖然簡單但配搭豊富，大量肉鬆非常滿足，不過佢呢款肉鬆係偏鹹味比例多，加上生菜同酸甜嘅沙律醬可以平衡番，雖然份量唔算大但呢個價錢算係咁👍🏻 另外門面嘅貓貓都好cute 😽🚩慧食貓 (旺角)旺角彌敦道688號旺角中心一期1樓F85號舖慧食貓 (葵芳)葵芳葵富路7號葵涌廣場1樓B01C號舖#addifoodie #addifoodie旺角#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

最近旺中又有一堆舖頭執咗笠，然後又開咗幾檔新嘅舖頭， 當中就包括咗呢檔慧食貓。呢度嘅舖頭好得意，先落order，食物做完之後先至畀錢。 你只需要將錢擺喺舖頭面，自己自行找續就可以啦。 喺香港地比較少見到呢類型嘅舖頭， 唔知係老闆太忙騰唔出雙手去收錢，定係佢好信任咁多位食客會主自動自覺畀錢。 希望係後者啦。我點咗一個火腿蛋漢堡手抓餅， 手抓餅新鮮煎好，散發出陣陣酥油香味， 配上炒蛋，火腿，漢堡扒，沙律醬同埋生菜， 層次好豐富。 生菜啱啱好抵消咗手抓餅嘅油膩感， 滑溜嘅炒蛋同鹹香嘅火腿呢個經典組合配上漢堡扒，夾係手抓餅入面意外地好食。 一個手抓餅都係31蚊， 下次嚟旺中一定要試下啦。

之前每一次去葵廣都一定會食呢一間嘅手抓餅😍估唔到而家連旺中都有🤩最推介一定係火腿肉鬆芝士！真係超級抵食 $30唔使 就有爆多內餡！再加埋熱辣辣酥脆嘅餅皮 幸福嘅感覺❣️

之後好多時去葵廣都係為左食慧食貓，食左咁多年之後，慧食貓終於喺旺中開分店🥹從此去葵廣嘅吸引力就大大減少🤣旺角分店人流比葵廣少，今日6點幾去到好驚會好似葵廣咁一早已經賣晒。好彩仲有而且只需等20分鐘就有得拎。去到同老細講聲要啲咩，佢就會同你講幾耐之後返去拎。拎嗰陣先俾錢，自行找續！一切都係講個信字，依啲就係人情味。咁多年黎都係食B餐😋火腿雞蛋肉鬆手抓餅😋肉鬆配上手抓餅真係世一嘅配搭。每次食都覺得好好食。鐘意食手抓餅嘅一定唔可以錯過！

係旺角返工，前幾日話想食手抓餅，跟住無意中發現左慧食貓開左係旺中！！以前去親葵廣必食！ ❀F 火腿雞蛋芝士豬柳手抓餅 $31原本唸住食A. 因為鍾意食蟹柳，但係賣曬啦，所以嗌左個F. 。岩岩新開張，所以老闆都親自坐鎮。老闆依然咁有個性😂落完單後唔洗比錢住，佢會同你講幾分鐘後整好，跟住有得攞先比錢😂 因為老闆親自坐鎮所以水準都keep到同葵廣差唔多，餅皮香口酥脆，餡料口感豐富，如果可以再多d醬汁就好啦！不過都已經好好食👍🏻