慶吉家 (已結業)

睇左影片分享網站介紹去食，一入到去原本感覺好好，因為侍應廚房都好nice 。叫左滑蛋吉列豬扒飯同豬軟骨拼牛肉飯。食物賣相滿分 但老實講味道真係好普通，豬扒好薄肉同完全唔脆 其實入口唔知食緊咩的…問侍應想要碟沙律醬 諗住點下豬扒 埋單先知要收多$2 當然$2唔緊要，但係係唔係應該我問你攞時就同我講呢？餐牌又冇寫，咁埋單你收幾多都得啦⋯我好少遇到咁既餐廳…豬軟骨牛肉飯味道都只係正常 豬軟骨夠林偏甜 得一舊 牛肉冇咩味 其實餸既份量真心唔多..唔會再去！

經過灣仔搵地方食午餐，見到樓下有招牌介紹日本餐，啲相又幾吸引，就上咗去試試。一開電梯就俾店內全部都係學生(原來學生飯平$5-10，抵食)，可能都係因為多學生，我見每個餐都有啲菜配埋一齊。🌱雙拼飯 $67 吉列豬扒拼牛肉飯。豬扒炸得都算脆，食嘅時候都仲係熱，送埋沙律醬，另外牛肉就同「吉野喇」果啲差唔多，不過就冇汁的。而熱齋啡唔使加錢，正正常常🌱丼飯 $67滑蛋吉列豬扒飯。估唔到佢起個平常成日都食到嘅滑蛋吉豬，上枱時另外配多一碟生蛋俾你當汁咁淋上面，蛋漿都多喎。值得加分。凍咖啡+$2🌱丼飯 $55日式咖哩牛肉飯。最普通嘅日式咖喱汁配牛肉，最安全嘅選擇🤣 紙包飲品

這間日本餐廳是在灣仔商業區的樓上舖，中午時分也不太擠迫，坐得十分舒服，猜測因為外賣平十多元，有特價，所以大部份人都會外賣。此外，下午兩時後午餐亦會有特價。如果夾啱時間用膳就更加抵食！日式雙拼飯可選牛肉、魚餅、豬軟骨等等。我選了雞扒和吉列蝦。雞扒不會太肥，份量也多，吉列蝦即炸，熱辣辣脆口，最特別的是這間餐廳可因應你需要，加菜少飯，或加飯少菜/ 走菜等等。因不想吃太多碳水化合物，所以大多選擇加菜少飯。這個特別安排十分貼心，不是間間餐廳有。店內的收銀員姐姐十分友善，態度好好，見她與其他食客和光顧的學生也頗熟絡。每次來這餐廳，也有親切的感覺，感到一份暖意。

下午茶人流少，但質素唔差當日燒雞髀肉三串20蚊，係職員推薦，有燒烤味，唔似滷水完加熱燒出來的，真係抵食鰻魚飯的汁多係底，要撈勻先好味，鰻魚好似有再燒過，皮有d脆跟餐加10蚊有吉列蝦2只，脆骨餃子夠飽小食拼盤就唔多抵食，下次都係食返炸年糕小店係地鋪搬上樓上，服務態度熱情，連我媽呢個去茶樓飲開下午茶的師奶，都話會再幫襯

其實會提早落單揀外賣自取嘅人，都係想減少等候時間，想較啱時間一去到餐廳就即刻拎個外賣閃人，但結果….係我個人去到，餐廳先開始準備我個餐，最後比原定取餐時間等多10分鐘先拎到。其實10分鐘就唔係話超級耐，只係成件事違背哂外賣自取有得設定取餐時間個原意囉，如果唔係，咁我做咩要早成半個鐘去落單呢？就係想俾時間餐廳準備定，然後我一嚟到就可以拎個外賣走嘛😓依家變咗我嚟到你先整我個餐，咁同我嚟到先叫外賣有咩分別🤷🏻‍♀️咁我設定個取餐時間係用嚟做咩呢？

一直以來，味道以及賣相都是不錯，我公司在附近，所以也經常光顧，但近來等侯時間愈來愈長，我上次訂餐都過了十分鐘才能取到我經手機預先訂好的餐。而今次我同樣地已早在手機訂餐，12:45領取，都明白午餐時間會特別忙，但我需要等到1:10才拿到我原本訂好的餐，等了足足25分鐘(而且是我催過兩次的情況下) ，今次真是覺得太過份了，皆因我認為如果餐廳是太忙沒有足夠時間製作，可以不確認我的訂單，我也能預早得知可另作他選。而今次導致我回去後需快速進食，因我的午飯時間都是有限的，不愉快的經歷。

前幾日去睇 <大mk日>經過CWB,行下揾下野食，行行下見到有個易拉架啲食物賣相唔錯咁，一於上去試下先呢個小店係qr code下單的 ，不過當然真係下單有問題我相信佢哋都會樂意協助既呢度咁大杯啤酒都係$28 爽啊同埋order一杯凍檸檬茶 叫餐 就會有餐前小食 同埋miso soup兩樣都係開胃好幫手咖喱吉列炸蝦飯 咖喱幾香帶微辣 不會太杰 炸蝦外脆內爽口 而且唔會食到一口油豬軟骨拉麵 豬軟骨已經炆到鬆化 軟綿綿但可以保持𡁻口 而且肉唔會好乾而入味yummy!麵質係普通嘅拉麵但值得一題係流心蛋 蛋白好香濃嘅滷水醬油味 而蛋黃creamy而略帶漿口，最愛呢一種口感嘅流心蛋而且服務都好 喺銅鑼灣難得一見嘅家庭式小店

依然係放lunch同同事過嚟食今次一點幾過去 多啲人樓下見到佢地派傳單外賣自取三十蚊有個飯 都幾正咁今次嗌炸豬排拉麵 地獄湯(無想像中咁辣朋友嗌炸豬排咖喱飯食到好飽又係買左openrice劵最後每人埋單四十幾蚊

見食評介紹，試吓週六晚飯28-11-2020與家人慶祝生日。七點鐘到，幾枱都是一家大小，餐牌選擇不多，我們叫了三個餐和一個燒汁牛肉拉麵，加多一份燒鰻魚和牛脷，包4杯餐茶，埋單393元，他們不收加一，不收信用卡，幸好用到四張HK$100優惠卷。（好抵換，每張HK$76，每次結帳不限使用張數）有些失望是食物不夠熱，可能是廚房細，鰻魚較薄身，燒得唔夠香，還有鰻魚飯便當用了白飯，見到都唔開胃，係夠大份，但乾僧僧吃不下幾口！感覺上這家餐廳似家庭飯堂。

同朋友放lunch喺office附近搵嘢食見依間近近地 價錢又唔算貴 就嚟左係樓上舖 12樓間舖比想像中大因為係平日三四點時間入面得一枱客我同朋友可以坐4人位坐得闊落啲雖然係食日本嘢但係播緊kpop啲歌仲好新好啱我聽見到openrice有折扣卷落單前問定用唔用得佢話可以用 但只限嗌正價計過數 我地都係即場買左張劵用正價嗌左吉列豬排拉麵同吉列大蝦拉麵朋友跟餐要左碗麵豉湯奇怪係入面有啲椰菜絲 覺得唔應該放落去我就嗌左杯熱奶茶 正正常常一陣兩碗麵都上埋嚟大大碗 好多海苔仲有溏心蛋 都開心啲炸嘢好脆整體很不錯最後埋單每人$44(正價$56碗 兩個人就$112 用$76上網買左一百蚊劵 所以最後只需補$12 姐係實際比左嘅錢係$76+$12=$88)喺灣仔區 咁樣坐得舒舒服服 價錢又唔貴真係幾好

今天午餐在灣仔慶吉家黃店親民，很多學生來吃……同事選了豬軟骨拉麵$59今日湯味道比平時淡了，流心蛋有醬油味，豬軟骨很柔軟拉麵彈牙有70分我選了滑蛋吉列豬朳飯$60滑蛋是半生熟，部份蛋液和甜醬油另上，但味道也是偏淡。豬朳很大塊，肉厚質素不錯，cp值高桌上有甜豉油可放心加上就好了，桌上有炸蒜，很香脆不錯。食品都有餐飲，熱飲免費，+4汽水。這店外賣比較多，之前吃外賣也好好味，堂食反而味道淡了，除此之外一切都很好。

🤎灣仔話多野食唔多 話少野食又唔少同豬皇上瓹窿瓹罅搵到位於天輝中心既慶吉家地方唔算難搵 一出LIFT已經到喇入到去地方都幾大 仲有少少日式既屋企FEEL職員都好細心提我地要量度體溫拎起MENU 比想像中多選擇由於想食多D小食 所以就叫一個主食 幾個小食同豬皇上開心SHARE日式燒汁牛肉便當 $88個便當包左勁多野食!🤤🤤平時d便當邊可能有咁多野比你呀睇得出老闆幾咁錫d客仔!又有炸蝦又有炸餃子又有中華沙律最緊要係個牛肉有超多!!! 食極都仲有架!!🤤一個便當可以食到咁多款野 岩晒我依d鍾意每樣試d既人味付螺肉 (1份) $28、日式炸年糕 (4件) $28正正常常 同平時食既都差唔多不過年糕凍左就真係會爭少少所以一定一定一定要襯熱食!!照燒雞扒 (1份) $28個汁幾好味喎 同平時食開既有少少分別好鍾意個汁 而舊雞扒都唔細架 仲切左一條條方便客人食鹽燒牛舌串 (1串) $181串有6塊 勁多!!!! 好抵食!!!😍😍😍一d都唔un 仲好淋身 因為豬皇上唔食所以我一個人隊晒6塊🤫鹽燒雞軟骨串 (1串) $18、香酥雞皮串 (1串) $18份量少左D, 有少少貴整體黎講 依間野都幾高質! 仲

難得灣仔地段中有平民價日式料理 價錢合理最適合小資上班族及學生一入門口最有趣係部一機兩用嘅體溫探測兼酒精搓手液機 日式料理當中我最鍾意食吉列 同朋友各點一款主食再加一款小食 兩杯特飲份量剛剛好吉列大蝦拉麵炸蝦長度均一 外皮鬆脆 係新鮮即炸無任何油溢味滑蛋吉列豬扒飯飯量多過平時一碗 豬扒大塊炸粉厚度適中淋上滑蛋後吉列仍然脆口 最貼心係另配一碗滑蛋汁 吃到一半淨白飯底都唔怕乾蜜桃冰 芒果多多飲品多選擇 食物質素比起特飲出色

呢間位於灣仔同銅鑼灣中間嘅餐廳 位於一間商業大廈樓上店鋪雖然話地點方面唔係話非常之方便因為唔近地鐵站但係佢嘅食物價錢質素性價比屬於偏高首先入到餐廳入邊主要嘅裝修風格係溫柔色調日式感覺比較重餐廳枱同枱之間嘅距離亦都足夠我同朋友都坐得好舒服食物方面我哋今次order左- 豬軟骨拉麵🍜即叫即整，豬軟骨好入味好軟林林，仲要超級大嚿，大嚿之餘仲唔止一件 ✋🏻🤭 驚喜嘅係有我哋最鍾意食嘅玉子。粒蛋係半生熟添啊。好味- 吉列大蝦拉麵🍜呢個都係令到我哋驚喜，佢個吉列大蝦係分開上碟，仲要有四隻咁多！我都唔朋友一人兩隻。其實食完呢兩碗拉麵之後我哋兩個都好飽了🙈 - 蟹鉗（一份兩隻都係$18咋）😀真係超抵味道正常偏大粒。但係咁樣嘅價錢咁樣嘅質素去邊度搵 ？- 餃子（一份有四粒🥟）想點嘅時候餃子都係熱辣辣同埋都係大大件 呢個都幾好味- 飲品係柚子蜜同埋話梅柑桔🍊 套餐價加$5 「整體比分」環境舒適：🌝🌝🌝🌝/5味道： 🌝🌝🌝🌝/5價錢：🌝🌝🌝🌝🌝/5性價比：🌝🌝🌝🌝/5評價高，我會再去幫襯佢哋😆☺️

經過灣仔有野做，外賣左個lunch，個飯盒超好燒汁牛肉個量好多同軟😍好滿足！！ D飯軟硬啱啱好，個雞髀串好juicy 味增湯裡面有海苔椰菜同粟米，唔算咸lunch好抵食!