戀暖の初茶 (V Walk) (已結業)

店鋪走時下流行的ig風，白色金屬風，設有小量座位可作堂食之用。飲品種類算齊，奶茶、綠茶、果茶、抹茶同朱古力。仲可以追加配料，自定甜度，依點都好貼心。今次黎試左兩杯，飲左一杯宇治玄米抹綠、蔓越莓莓。莓莓個杯係奶蓋加上鮮士多啤梨同cranberry，酸甜好清新，芝士奶蓋令成個口感順滑。$36 一大杯，好消暑。抹茶走奶綠風格，有熱同凍，我呢杯係凍飲。奶味同綠茶算平均，唔會互搶，面頭有玄米碎粒，佢既香氣帶到個昇華層次，仲有野可以咬🤣

香港既飲料店真係愈開愈多，排得耐又無心機等，無人排又驚係伏，真係好矛盾。經過開見到呢度有間戀暖之初茶，又未飲過喎就嚐嚐鮮試下啦。佢有分幾個唔同既野飲系列，掙扎左好耐要特濃巧克力定珍珠奶茶，諗諗下出面好似好少鋪頭有朱古力特飲，尤其黑糖鮮奶當道好多鋪頭都係主打奶茶果類，所以最後都係點左棉花糖比利時巧克力。佢個朱古力味好濃，奶味都偏重，但飲落又唔會太甜平衡得幾好。之前飲過既棉花糖朱古力普遍都係好甜飲左幾啖就要飲水，尤其係熱飲就更加滯，但呢杯又唔會喎，飲晒成杯都唔會話滯到食唔到其他野。等緊果陣見到幾多人嗌佢杯鹽燒岩芋奶蓋戀茶，下次黎試下先

As I was in the area, decided to try this drinks joints.The taro milk tea with cream ended up really slushy as the ice was not blended properly.The taste was ok and palatable but there were just too many pieces of crushed ice which was annoying.

天時暑熱黎講，飲一杯凍飲係必需既。咁岩同三五知己睇完一套戲，口乾乾就想飲野。見到呢間戀暖初茶，就決定係佢啦！實在係太多唔同選擇既飲品，諗左一大輪都簡唔落手，最後決定我的最愛香芋味的手搖飲品。就係呢杯—鹽燒岩芋奶蓋戀茶。問了店員，呢杯野飲甜度不能調較，但飲左一淡，不算太甜，奶香味很重，所以可以不用一氣呵成去飲，慢慢地香芋的味道就會飄出來。假日來說，不算多人排隊，而且附近可以逛的地方很多，邊逛街邊等，時間很快便過。

南昌站上蓋新開嘅商場VWALK，除咗有一芳，仲有呢間暖暖初茶。$36一杯蔓越莓莓賣相唔錯，可惜店舖只收現金，唔收支付寶都算，連八達通機都冇，實在唔係咁方便。我見佢門口有牛油果沙冰廣告， 下次可以試吓。

南昌終於有嘢食有戲睇喇，好感動！落街就有個咁大嘅商埸俾我洗下錢，都算係咁！睇戲前就去咗戀暖初茶到買野飲，行到過去見到勁多人@@ 雖然多人，但我今日點都要試下！我同我朋友見到個menu真係花多眼亂，最後我叫左杯椿之牛油果，我個朋友就叫左杯鹽燒岩芋奶蓋戀茶！杯椿之牛油果堅出色！杯野飲唔會太甜同埋真係有果肉喺入面，每吸一下都有牛油果，對於我呢d牛油果迷嚟講真係大快人心！而杯鹽燒岩芋奶蓋戀茶我朋友話真係好飲，芋頭大細適中，同埋好香芋味！真心推薦❤️❤️❤️