影片
营业时间
今日营业
11:00 - 01:00
星期一至日
11:00 - 01:00
以上资料只供参考，请与餐厅确认详情
呢間餐廳位置喺街市入面，原本以為只有雞煲食，但原來都有唔少飯同埋米線選擇！我揀左麻醬酸辣米線（$25） +雞肉+冬菇+豬軟骨（$7+7+9）（自由揀配米線定係白飯）湯底係濃厚既麻味，非常吸引！豬軟骨有三大舊、冬菇好入味、雞肉如果可以多少少就完美
继续阅读
原本去到叫咗麻辣米線走芽菜豬軟骨同蘿蔔本身其他舖頭都冇位死死氣過嚟食好迫仲要好污糟豬軟骨入面又硬嘅骨蘿蔔好硬冇走芽菜之餘兜湯有啲黑色一點點叫咗杯凍檸茶入面有好大點白色嘅嘢唔知係乜食完第二日個肚勁痛但係前一晚食完呢間之後就冇再食過任何嘢而家屙到九彩😅隔離啲人鬼死咁大聲都冇人理啲枱枱凳凳全部立痴痴筷子都係極唔乾淨 甚至污跡係未洗乾淨份量尚算正常但係完全唔跟order 啲餸仲要極低水準食完第二日仲要咁樣真係冇機會再嚟
继续阅读
呢間街坊米線店朝早做點心，晏就做米線，夜晚做邊爐，3樣都食過，都係米線最出色。米線湯底夠味得黎又唔會太油，底下有啲辣肉、碎酸菜同芽菜，令個湯底味道豐富。啲餸都好抵食，豬軟骨、腩肉呢啲全部大大舊，面底都好大份，嗌一餸女仔都未必食得哂，唔似宜家啲連鎖店份量越黎越少，我咁多年黎食都係咁大份。夜晚會有好多伯伯黎飲啤酒食烤魚/雞煲，我試過雞煲，個醬幾惹味，而且百幾蚊有得任食菜呀腸仔果啲好抵食，係啲雞肉鞋少少。早餐點心就應該係出面攞貨正正常常。
继续阅读
平日去開油塘都係去大本營搵食，今日地膽朋友介紹咗一間地道嘅街坊米線俾我去試吓，身為米線控嘅我梗係要去試啦餐廳以食雞煲，小食等為主，仲有得叫點心🤤🤤主要做街坊生意，除左米線之外，仲有任食雞煲，烤魚等😍我今晚一個人食，所以揀左米線，餸菜選擇都好多，我㨂左豬大腸，牛腩，雞翼，魚蛋，菜心秘製腩肉酸辣米線-小辣，飲品加$6就有得跟埋，價錢好抵😍米線湯底好足料好好味👍🏻而且每款餸料都好入味，豬大腸清洗得乾淨，夠淋👍🏻雞翼大大隻，仲有2隻架💁🏻♀️整體食物質素高👍🏻而且地方乾淨企理👍🏻下次人多啲要食雞煲先👍🏻
继续阅读
某日去行油塘「家興超市」行完好肚餓 見到隔離有間米線店 就去左試一試 坐底之後 見到隔離檯碗麻辣米線好吸引 所以我都叫左一碗 至於食材就平時食開米線既都有齊～我就叫左雞翼尖、雞翼、墨魚丸我想講下雞翼同雞翼尖 兩款都都好入味 雞翼有三隻 雞翼尖反而都幾多 食極都仲有咁😂湯頭好有睇頭 麻辣湯底好似加左少少椰漿 食落有少少似食緊叻沙 即係麻辣叻沙 如果你鍾意食麻辣同叻沙 一定要試下 因為好惹味同幾特別🥰因爲湯頭好正 粒墨魚丸都特別好味 本身無期望之下 今次碗米線好有驚喜😂
继续阅读