我也愛你咖啡館

营业中

休息中

大大的落地玻璃，陽光在樹葉之間灑落在地上，微風輕吹，展開了一個優閒的午餐！每樣食物的份量都非常多！🍴🌶️白酒蜆意粉（$148）是一道有辣味的意粉！蜆肉鮮嫩肥美，有彈性的意粉在吸飽了海鮮的湯汁，散發出香濃的味道！🍝卡邦尼意粉（$128）流心溫泉蛋慢慢流下與奶香的芝士一起融合，意粉做到掛汁的效果，加上咸香的火腿肉和意大利香草！是有水準的卡邦尼意粉！🍳英式早餐（$138）雞蛋、培根、豬肉香腸、菠菜、烤番茄、馬鈴薯千層酥和吐司🥗南瓜布拉塔沙律 配 燒雞胸（$138）色彩搭配十分和諧，金黃軟糯南瓜與白色綿密水牛芝士形成鮮明對比，讓人賞心悅目。燒雞胸肉的鮮嫩，脆口的麵包糠，香口的果仁，為整道菜增添了豐富的口感層次。🌽香脆粟米球（$68）大大球，非常奪目！一粒粒的粟米被堆砌後，炸成球狀，有趣又好味！🥔千層脆薯配 荷蘭汁（$62）千層酥香薄脆，鬆化極富層次，與芝士荷蘭汁的順滑質感互相交融，口感極佳！Cappuccino☕️泡沫咖啡（$46）一層精美綿密的奶泡拉花，牛奶質感柔順如絲綢，將香濃咖啡融入其中，平衡得剛剛好！

每次帶朋友去都可以好安心的選擇！Waitress 友善介紹晚餐選擇，個蜆肉pasta真係好好食，d蜆大隻有肉地，食得出好用心做！蜜桃沙冰好鮮甜，羊架都好ok,5成熟剛好，蚝湯好濃郁，份量亦足，整體都非常滿意！

🍝大澳鹹魚茄香 $168意粉好大份，蝦又好多隻，仲好貼心剝埋殼🦐唔係好食到鹹魚肉，但應該打成醬，帶有鹹香同少少辣味🌶️入面亦有貌似話梅肉😂建議整碎少少撈埋食，唔係就會又鹹又酸😖🥪脆脆夫人 $128本身以為只係好普通既三文治🥪點知係特色野🤣外面芝士炸過所以好脆，入面有芝士+火腿，配埋隻流心蛋食👍🏻配上大量既沙律菜同粗薯條🍟🍎蘋果撻 $72依個又係估唔到既甜品🤩以為係撻，點知係千層酥作為底，上層為一片片既蘋果肉片，配上雲呢拿cream +粒粒朱古力，增加口感，表面有焦糖醬，成個組合好夾 😚🍹柚子檸檬梳打 $38好爽，偏酸，入面有果肉粒，增加口感✨整體，雖然lunch黎講百幾蚊一碟都唔算好平，但對得起個價錢，除左上菜快，服務幾好，環境大外，食物質素都好好，打卡都一流👍🏻同埋份量相當大😂如果係胃細既人唔好眼寬肚窄😂因為同男朋友shared 1碟意粉已經飽，再食三文治就食唔晒🥹另外要提提🔔最好WhatsApp 定book位，就唔洗等太多人

今早4月18日吃了早餐Egg Benedict 及 Yuzu Lemonade全部食物咸度十足 只有菜沙拉是正常味道 蛋黃汁 火腿 麵包全部都咸 飲品是柚子Lemon梳打水 同樣味道咸到一個點 要再加清水幾次才可飲 其實現代人很多病都是吃過咸或過甜 味道清淡些比較健康，希望餐廳注意，但餐廳環境是好的，店內放了鲜花，又有些本土食物售賣，店主應該都是有心去經營，服務員也很友善，但請認真制作食物才是最重要，味道清新些更能帶出食材原味道。🌮🥗🍳🍵🍽

經過大埔藝術中心睇展覽，點知發現咗間食物好好食嘅cafe，絕對唔喺嗰啲just for 打卡嘅一般貨色。環境有落地玻璃，有太陽嗰陣幾好feel今次食白酒蜆意粉。意粉質感有咬口，應該唔喺煮定好多放喺度，有order再落汁嗰隻。蜆大隻，同坊間應該唔同品種。再加咗herbs去調味，喺有心思嘅配搭。份量充足。雖然嚟過一次，開心老闆記得我。店員有主動serve plate for 蜆殻。最近仲多咗impossible burger for vegetarians 👍🏻旁邊仲有得賣農作物 / 醬料，overall應該喺有靈魂嘅cafe!

上年12月係呢度搞左個中午wedding party 到而家先有時間打番個好評！Overall 賓客都超級滿意 讚不絕口 食物質素高 份量又多 廚師KK好有心思 食物好食presentation 又靚！ 之前幫手搞既同事Norelle 勁helpful 又細心 負責沖咖啡既Koocy 沖既咖啡好飲拉花又靚 咁岩又搞緊wedding 一齊傾好開心！自己搵左鮮花佈置配合現場又高樓底同咁靚既自然環境真係覺得成件事好賞心悅目！總括而言係一個好好既memory! 好多賓客都話會再幫襯 可以同大家分享咁好既地方咁好既食物好開心！

星期六，專登由紅磡揸車嚟大埔食午餐，講真，真係有D遠，架車仔仲要泊喺附近嘅停車場，再行10幾分鐘過嚟，我哋都係好有誠意😉明明打電話嚟book枱嘅時候話唔使訂枱可以Walk in，但嚟到嘅時候又問我有冇book枱😏⋯⋯原來我哋打錯咗電話去另外一間喺同一棟活化學校嘅餐廳，真係一個美麗嘅誤會🤪等咗20分鐘就有枱，期間職員安排我哋飲住暖水等，服務貼心😘等嘅期間見到其他枱order嘅食物全部都好吸引，每一樣都好想食，為免眼闊肚窄，今次只係試咗幾樣，但每一樣都好出色，下次一定會再嚟🥰🤩非常美味嘅忌廉蠔湯😋不得不是嘅大澳鹹魚鮮蝦意粉🥰Mr Croqueete 巴西口味的手沖咖啡，nutty and good 👌

本身呢個意粉係辣，我哋叫咗走辣。估唔到有咁多隻蝦，粗略數過有12隻，仲好大隻添。個味幾特別，有好濃嘅蝦醬味，咸咸地配西式意粉嘅fusion。正正常常，唔知關唔關隔咗一陣先食，個蛋黃唔流心，瓊咗。bacon 好香好脆，可能因為坐室外，好快凍，變咗啲意粉好膩。兩碟意粉份量都好多。好淡朱古力味，對鍾意飲朱古力嘅人嚟講係完全唔夠味。餐廳未滿座，但上菜有啲慢，等咗20分鐘先有第一個意粉到。另外因為坐室外，好暗，越坐越眼瞓😴

難得平日可以放假~所以揾左間新開嘅cafe chill 下😆呢間位於大埔 cafe 環境好闊落，仲擺左好多好靚嘅花😍可以順便打個卡！🌟大澳鹹魚茄香蝦意粉店員話呢個係佢地嘅signature dish之一~好特別，因爲未試過食用鹹魚煮嘅意粉😂但我覺得味道好好，食落鹹鹹香香，同埋辣辣地好惹味😍d蝦好爽口彈牙😍🌟英式早餐呢個all day好有誠意！首先上碟嘅時候每樣食物都係熱辣辣嘅，個千層薯仔超好味，非常香脆，同埋鍾意佢地唔係用沙律而係熟嘅蘑菇同菠菜😍🌟Blackccino & S.O. Mocha兩款咖啡都幾好味，杯mocha仲有美美嘅拉花圖案🥰另外特別一讚就係服務態度好好😍所以呢間真係覺得值得encore😆cafe入面仲有鮮花、新鮮蔬果同特色產品賣添，認真多元化～

平日lunch見新開走去試吓啦,值得讚嘅係卡邦尼意粉係好食😋，樣都唔錯👍🏻但burger就堅難食,塊假肉偏鹹,薯條係熱嘅不過感覺係翻炸嘅😰最反感係匙羹可以痴滿上手食完嘢嘅漬🤢🤢影響食慾,即刻叫店員換過,男店員都係收起換過隻,不過唔好意思都冇😟整體而言，lunch人均消費$16x都幾貴,貴唔算係重點，重點係衛生同食物質素先係重點吧！服務一般冇特別,只係難接受餐具都可以咁污糟😵‍💫😵‍💫

餐廳：我也愛你咖啡館 (大埔) 地址：大埔安邦路12號大埔藝術中心地下G08號舖 大埔藝術中心地下呢間我也愛你咖啡館Cafe Je T’aime 2 @cafejetaime2.tp ，由被殺校嘅大埔官立中學改建而成，接近4000呎pet-friendly嘅室內外空間，以森林、木製品為主題🌴，配上花藝師設計嘅乾花擺設💐，比人置身大自然嘅感覺🌳。同時保留學校操場嘅地下、高樓底建構嘅空間感，加上落地大玻璃，充滿藝術氣息。雖然餐廳外圍做緊工程⚠️，但坐喺餐廳裏面已經好Cozy🥰，相信完工後呢度絕對更上一層樓 如果仔細發現，咖啡館其實充滿本土同環保️特色♻，例如由志記鎅木廠出品、有過千年歷史嘅長木枱，同回收舊木頭整成嘅牛角櫈🪵；由本地有機農場同海魚養殖場提供、竭力保持零污染嘅農作物同食材🥬；都喺希望推廣珍惜同愛護大自然嘅訊息，同時喚起更多人關注本地嘅出產同創作🇭🇰 而臨近聖誕，咖啡館將會喺平安夜24/12(星期日)推出只限一日嘅8-Courses Christmas Menu($798+10%)，由前大館餐廳大廚親自炮製Fusion咗本地元素嘅創意新派菜式，由湯到醬汁以致甜品基乎所有嘢都喺自家製，

之前在粉嶺裁判法院的添飲咖啡館 加上Cafe Je T’aime在大埔藝術中心開了新的咖啡廳·Cafe設有室外和室內位置 地方相當寬敞三面的大玻璃窗讓陽光充分地照進來用餐環境十分舒適𓈒𓏸此外 店裏的枱凳都是利用棄置木材從新造成保留了樹木的紋理 環保之餘既有特色·食物方面整體不錯 份量挺大最喜歡他們all day breakfast的千層脆薯外脆內軟 即便炸過亦能保留當中水份白酒蜆意粉味道很鮮甜 帶有陣陣酒香蜆肉也相當肥美呢!

作為三個細路既娘親，陪完其中一個排政府啲專科門診覆診後，想搵個位靜一靜抖下氣，就揀左嚟阿嬸既Cafe。本身係上水街坊，所以喺初始店就認識老闆，對於佢營運理念等都有好多傳媒訪問過，超有心既一位香港人，一定要去多啲支持。Cafe環境走文青風，非常Chill非常適合放鬆。位處大埔中心，主力係街坊客同特意嚟既捧場客，我試過就算爆場時多人一齊講嘢，都只會覺得熱鬧，而唔似中式酒樓既嘈雜。個人最愛下午時間嚟坐，太陽西斜照住梳化位置，捧住一杯黑咖啡或茶，聞住啡香或茶香既感覺非常放鬆。如果週末嚟都建議Book位，Walkin好有可能等好耐。

放假日朋友帶我到大埔試吓食新開餐廳，到達大埔藝術中心（聽講以前系中學改建成）🫣，一入到餐廳見到職員👨‍💼😝可能系老闆？米系以前粉嶺舊法院個間cafe,先知佢哋搬左去大埔😍～卡邦尼意粉 🔺超級好食😋 ～素牛肉burger 🔺不過不失😅正常 ～雜苺法蘭西多士 配 嘉寶果忌廉芝士 🔺有驚喜西多士好香蛋味😍見好多枱都有叫🫣 ～蜜糖檸檬愛玉 🔺普通😶 ～抹茶鮮奶 🔺咖啡黎😝～洋甘菊花茶 🔺一般花茶

呢間cafe前身系·粉嶺法院「添飲咖啡館」 ，黎到大埔都開咗幾個月，今日終於有時間黎試嚇。餐廳用上棄置嘅木材重新造出枱凳，嘅環保又可以保留多年樹木本身紋理，放上盆栽植物、乾花。餐廳主張與本地有機農作、魚作合作。🐟🥚🍞Egg Royale $98班尼迪 配 煙三文魚～呢個份量都算大，2個人share都可以。班尼迪蛋做得唔錯，蛋黃色的荷蘭汁味道好好👍🏻🍓🍞Mixed Berry French Toast with $92Plinia Cauliflora Cream Cheese 雜苺法蘭西多士 配 嘉寶果忌廉芝士～多士本身冇乜味道，加咗雜莓、cream cheese、果醬、糖漿，冇咁油膩，酸酸甜甜。🥤Long Black (Cold) $38～咖啡豆偏酸、苦🍫☕️Mocha $48～有拉花，朱古力粉偏苦，咖啡味唔夠濃，整體味道麻麻地😅作為咖啡館，一杯好飲嘅咖啡都幾重要，希望可以改善一下。