我想和你無所事事 (德福廣場2期)

营业中

休息中

嗰日特登上網搵黃嘅珍奶鋪，見到呢間，所以過去試下，鋪頭住好神秘，無招牌，就咁係beans隔離,感覺似係beans水吧部，順便做埋珍奶咁，但係就算咁，員工服務態度/講野都可以好少少嘅…… 我買嗰陣想要杯野飲暖，店員就一句duck埋黎:無，得熱。咁最後我都係要咗熱😂我叫咗gg黑糖珍珠鮮奶拿鐵，鮮奶味幾重，珍珠都幾煙韌，都ok。但係唔係話好突出，下次應該會試其他野飲味道: 6/10味精: 0/10價錢: 5/10環境: 6/10服務: 5/10

附屬於餐廳「荳子」門口旁邊，細小的外賣手調台式飲品部「我想和你無所事事」，「我想和你無所事事」手調台式飲品跟其他台式飲品店的最大分別，就是大部分飲品名稱都被精心設計，與其他飲品店有着天壤之別。例如本來味道清甜，適合在夏天享用來解暑的「冬瓜茶」，一落入「荳子」和「我想和你無所事事」之後，飲品名稱變成了「皇后大道冬瓜茶」，取「皇后大道東」裡面的「東」，與「冬瓜茶」裡面的「冬」字同音的創意效果。又例如「我想和你無所事事」裡面有一款手調鮮奶飲品「草莓鮮奶拿鐵」，就被食店另外改了一個比較有創意新名稱，叫做「好馬不吃回頭草莓拿鐵」。不過創意這玩意，其實不是你我以為那麼理所當然，好像從石頭裡面爆出來就可以隨時拿到，隨時都可以利用的東西。有時即使花盡心思，也未必能夠為飲品改到一個別出心裁，天馬行空的創意名稱。例如「我想和你無所事事」裡面的手調「白桃」梳打飲品，不曉得「我想和你無所事事」是否臨急臨忙創作「白桃梳打」出來，所以趕不及設計飲品名稱，只能夠把飲品名稱變回最原始版本的「白桃梳打」。我最初試飲「我想和你無所事事」第一啖的「白桃梳打」，只是從飲品裡面飲到感覺頗為濃厚的「白桃」甜味，還有大量來自「梳打

有同事話想叫嘢飲，真係一呼百應，個個都飲。 但係當佢地問飲邊間嘅時候， 真係有d老尷。。。。 你試諗吓同個同事講個店名。。。。望住一個人， 同佢講：「 我想和你無所事事」。。。。 簡直係表白一樣。 好彩我地成班同事都好玩得， 我地不停咁互相表白用外賣app叫外賣， 以前叫親都搞好耐， 收工先到or送錯送漏。。。。 但係經過呢半年嘅武漢肺炎悲慘生活，好多鋪頭都受到不停做外賣嘅磨練，而家真係好熟手，步兵都訓練有數， 好快送到.我今次飲懶過西柚沙冰， 好好飲， 好飲到我飲晒先諗起要影相。好多西柚， 仲有幾片西柚果肉， 就咁食又得， 當檸檬咁篤又得~ 篤咗~ 食埋我叫少糖啱啱好~ 正！！！其他同事都好滿意~ 係咁想同我無所事事添~

之前係尖東既時候，經過見店名甘搞笑，有買過珍珠奶茶雪糕估唔到甘快執左依家係九龍灣beans 隔離又新開番分店門口餐牌既藍底白字其實真係好難睇。。。轉轉色tone,睇到隻眼無甘累，本物d 名睇完又要諗下，又多款揀，望多陣，隻眼都覺得唔舒服買左三杯，一杯芝士奶蓋觀音烏龍，茶底唔算濃，奶蓋無芝士味，有淡淡既奶味，好一般，但勝在份量夠芒果梳打，芒果味都濃，梳打反而唔錯～～而且可以免費加一種$5 配料，椰果都有d 口感蘋果梳打就偏少少盒裝蘋果汁甘，蘆薈都ok整體梳打做得比奶蓋茶好

今日happy friday, 做咗成個week, 好辛苦， 攰到爆！！！ 終於捱到friday, 要叫野飲安慰吓我地嘅心靈。。。。響app見附近有呢間， 之前經過tko都想試，但係一直冇機會， 今次可以試吓喇~~~都有幾多嘢揀， 佢改d名都幾得意， 啱啱生完咁新鮮水果xxx， 終需有日龍穿鳳梨柳丁xxx, 三把火荔枝xxx, 乜得你咁馨香芋xx, 茫茫人生遇上人海芒芒果xx, 濃過特濃可可xx..... d名長到呢。。。。我叫咗茫茫人生遇上人海芒芒果梳打， 可以揀愛玉， 好好味， 好滿足， 真係令我有一個happy friday~~~呢間應該會入我地外賣menu, 真係好飲.

經過九龍灣突然想飲杯手調飲品，呢區手調飲品店選擇唔係太多，上網search到呢間係將軍澳其他地區都有分店既飲品店仲要係黃店💛😋 咁就order 左一杯珍珠鮮奶伯爵紅茶， 茶味都好夠，好香伯爵茶味👍🏻叫左個半糖少冰，味道都清香既，唔會太甜 💛

平時唔好bubble tra, 見黃店就試吓啦我叫左無糖珍珠奶茶，唔甜，good! 朋友叫左其他，佢哋都話ok，唔錯！Bubble tea平時2個月都飲唔到1次，因為本身唔太好，所以可能未必作準，有機會大家都可以去幫襯吓😉

飲品包裝真係好差, 本身3.4杯野飲已經重, 但紙袋好薄, 比車chok左一下手抽繩同袋既連接位成條連斷開(太狼狽影唔到斷個邊), 本身可以托住都冇咩,因為冇跌落地, 但係佢地既野飲杯蓋唔實,下面個托又唔穩, 托住都冇用,有一杯瀉晒成地,  其他幾杯都瀉左一半至3分1左右，2個袋全部又濕又爛, 真係好嬲, 第一次買奶茶會買成咁 ! ! 

#pigfoodiexhk_黃店#pigfoodiexhk_飲品 ==========📍玩味十足茶飲店 -- 我想和你無所事事🤗話說九龍灣新開左我想和你無所事事前排經過就去買咗杯支持下💛————⭐乜得你咁馨香芋拿鐵($29)呢間舖頭好多飲品嘅名都係玩廣東話食字,非常搞鬼😂😂我今日就叫咗杯乜得你咁馨香芋拿鐵🤣🤣其實就係香芋拿鐵哈哈🤣飲品賣相唔錯，層次分明😋最底層有好多芋泥，一啜係超滿足😛芋香濃郁而且唔係太甜👍牛奶亦夠香滑☺️最高一層係香芋嘅奶泡，飲落甜度比較高，有啲似雀巢香芋雪糕嗰隻味😂整體來說味道唔錯可以一試🤭————賣相：7.5/10味道：8/10性價比：8.2/10回頭率：7.7/10————店舖資料名稱：我想和你無所事事地址：九龍灣偉業街33號德福廣場2期平台P39 A號舖前往方法：九龍灣站A出口