我想和你無所事事 (PopCorn 2)

营业中

休息中

山長水遠就係要飲杯茶。。為左個杯，同埋塊招牌。又唔係台灣過江龍乜乜乜。因為有我歡喜既本地畫家/作家謝晒皮設計招牌。本來唔感興趣既都馬上想試試！🤣謝晒皮先係我杯茶丫！！。。間野開係將軍澳咁山卡啦！都無阻我去潮聖架！我來了～門口勁大個謝晒皮丫😍飲品名稱方面用左大量廣東話的俗語命名，倍感親切，款式選擇都幾多。最後勇敢地落單了（google下餐牌就知咩一回事）up晒全名落單，不過店員無覆order🤣終需有日龍穿鳳梨柳丁龍井茶 $29GG黑糖珍珠鮮奶 $28GG黑糖珍珠鮮奶 $28奶味濃，有黑糖味，珍珠煙韌。。OK既！終需有日龍穿鳳梨柳丁龍井茶 $29正所謂唔信一世褲穿窿，終需有日龍穿，好名好名😂名改得好之外，味道都合晒我意，橙、菠蘿配合龍井茶，兩款水果好夾，而且水果同茶比例恰到好處。正丫雖然插畫先係重點，不過比我發現到杯靚茶，真係意外收獲丫🤣隻杯前後都靚丫，所以帶埋番屋企。。🙈呢D唔係毒。。係文青丫！

好耐無嚟將軍澳，行過商場見到一間新開嘅茶奶店，好大個嘜頭，再睇下個店名咁長，真係畀佢吸引到望多兩望。認真睇下個嘅menu，杯杯飲品都幫佢起咗個好特別嘅名。搞笑得嚟又會知個杯大概係啲咩嚟😂今次嗌咗3杯唔同類型嘅飲品分別係凍芝士奶蓋獅峰龍井綠茶、Cupcake 釀接骨木花葡萄柚梳打同凍GG黑糖珍珠鮮奶。當然，一個人係唔會飲得晒，外帶咗兩杯孝敬下家人😂(偷飲咗兩啖)首先講下凍芝士奶蓋獅峰龍井綠茶，茶味香濃清甜，好香滑厚實嘅忌廉芝士係面，鹹鹹地，茶底無完全走糖，所以係甜的，兩者match埋好好飲☺！飲落有淡淡嘅柚味，梳打味較重，仲有啲提子乾咬下。七彩珍珠煙韌彈牙，好似食緊果汁橡皮糖咁。咁講好似好奇怪，但尼個配搭几特別亦唔抗拒。一咬一口cake好match。cake上面嘅cream厚實唔流，個cake唔太甜好鬆軟，唔會食到成地碎。😂黑糖珍珠鮮奶，香濃香滑嘅奶味，鮮奶同黑糖嘅比例調配得啱啱好，本人怕甜，呢杯甜度我可以接受每啖都順滑😊珍珠好煙韌好好咬。總結呢一間係一間有特色而又唔會中伏嘅茶飲店

好閨密係謝晒皮既忠粉，所以佢專登約我去popcorn呢度睇戲，睇完就順手黎朝聖下woooo係戲院穿過天橋就見到大大個出自謝晒皮手筆既插畫logo唔單止啲插畫鬼馬，就連啲飲品既名都玩味十足其中一款飲品仲會插個cupcake係上面添不過我地都無要到呢款，我個日就要左個“GG紅火龍果”HKd$42，加左珍珠同雪糕火龍果既清甜混合香滑既奶蓋沒有違和而且味道不俗呀而另加既雪糕係海鹽牛奶味，味道都唔差啵而閨密就要左杯“三把荔枝六安香茶”HKd$36加黑糖珍珠佢話荔枝味都幾出，入面仲有原粒荔枝肉添

將軍澳popcorn 新開左一間台式飲品店，係第一間店，即出面係無其他分店的。加上佢個名好得意，我想和你無所事事，最岩就係星期六悠閒甘飲返杯野岩岩開既時候都好多人排隊，過左一排人龍少左，就係我試既時候喇！裝修都好特别，絕對係打卡既好地方飲品選擇都多，想試d比較特别，所以就簡左cupcake 釀蝶豆花青檸梳打，等左大約5分鐘就有喇賣相真係好吸睛！ 第一啖好奇怪唔知點解有d林林地既野，之後諗返起原來就係食緊個cupcake講真真係幾唔夾，淨係杯野飲就ok,不過真係賣相唔錯。下次都可以試下其他野飲

今日朋友家中開聖誕派對要自備飲品所以朋友介紹一齊係樓下商場popcorn買飲品位置在popcorn 1 同2 之間花左d時間先搵到買呢間100%係因為佢d飲品名好有趣我揀左岩岩生出來咁新鮮水果銀毫茉莉朋友揀左三把火荔枝六安香茶同埋好馬不吃回頭草莓玫瑰拿鐵我杯水果茶睇落好豐富一飲落去是百香果的味道其他生果味唔突出有輕微茶味唔算濃無得揀甜度但可以揀少冰我就覺得濃度剛好朋友叫的荔枝茶好香荔枝味比起我個杯甜但都唔算好甜清清地另外一杯係草莓玫瑰拿鐵我預計的味道是草莓奶味點知飲落去係玫瑰味好香反而唔係好有草莓味係有少少草莓果肉總括而言3杯都俾我預期好飲以為花巧野味道會遜色但意外地好味只係開係將軍澳比較少機會入來所以真係要有緣入開黎先飲到

最近成日見到foodie們去左一間店名好特別嘅茶飲店打卡，名叫做「我想和你無所事事」，位於將軍澳Popcorn。距離遠處已經望到店舖非常突出嘅特色logo同店名，設計非常特別餐牌上的飲品名都好盞鬼添，大家點野飲嘅時候要留意下鮮水果茶系列嘅飲品名嚕凍芝士奶蓋鐵觀音烏龍茶(+$6 extra 芝士奶蓋)本人係芝士奶蓋控，所以加多左$6要加厚奶蓋，奶蓋有三份一杯咁多，大滿足啊！除左忌廉芝士味濃郁外，質感細緻軟滑，仲帶有少少鹹味，甜甜鹹鹹好好味！而鐵觀音烏龍茶底採用蘇記茶莊嘅茶葉泡製而成，茶味好香濃，唔澀口，60年香港老字號絕對係品質保證！凍珍珠鮮奶祁門紅茶店員推薦珍珠鮮奶適宜配祁門紅茶，所以我揀左呢杯！紅茶同鮮奶比例啱啱好，珍珠煙韌彈牙，好有咬口，正啊！飲晒成杯都幾飽滯的哦

完全係被個店名同menu吸引見到d野飲個名古靈精怪，玩晒食字咁，忍唔住好想知佢到底好乜特別。諗左陣，就叫左杯小你阿芭樂鐵觀音烏龍。其實真係唔識分鐵觀音同烏龍，飲落係有茶味，幾清新既，入面仲有幾塊芭樂，相比其他店鋪既水果茶，水果份量都幾充足。不過我無特別要少甜，所以飲落去味道係偏甜。下次一定要試埋個與體液相近（海鹽焦糖雪糕），太有趣喇

趁假日有空, 我和朋友去了將軍澳逛逛。途中見到這間茶飲店, 它的店名好特別和有趣，它的logo亦很搞笑，飲品插住她的鼻孔！每款茶飲的名字也很長, 起初真的不知道那些飲品是什麼東東, 但原來只要只看最後幾隻字, 就會知道是什麼飲品了。我點了岩岩生完咁新鮮水果銀毛茉莉、懶過西柚銀毛茉莉、Cupcake釀蝶豆花青檸梳打。“岩岩生完咁新鮮水果銀毛茉莉” 其實就是鮮水果茶。鮮水果茶裏面有很多切片生果, 例如有香橙、西柚、藍莓、士多啤梨粒等等。飲落有很新鮮的水果味, 甜甜的, 茶底幾香, 帶淡淡茉莉花香味, 不會過濃。懶過西柚銀毛茉莉 - 我選擇了要綠茶做茶底。西柚味酸酸甜甜幾開胃。Cupcake釀蝶豆花青檸梳打 - 它的賣相非常吸引人, 上面有一件小蛋糕。

今日來到位於將軍澳的我想和你無所事事 😳喺將軍澳呢一個美食沙漠，終於搵到一間似模似樣嘅台式飲品專門店。一睇個名好有趣啊, 原來係BEANS旗下的茶飲店！由本地插畫家「謝曬皮」設計logo，難怪有一個咁熟悉的感覺！今次同朋友試咗幾款飲品，每一款個名都好特別，好盞鬼。香港人一定識笑。啱啱生完咁新鮮水果銀毛茉莉 （$36）唔想咁甜可以試吓呢一款水果茶，入邊有好多唔同嘅生果例如柳橙、百香果、西柚等等，好健康。查底原來係蘇記茶莊出品，難怪咁香咁濃。 千紅萬紫薯拿鐵 （$28）呢個紫薯拿鐵有漸層嘅效果，影相係一流。紫薯味好出，不過唔會太甜。 法蘭西芝士奶蓋鐵觀音烏龍 （$25）呢個價錢飲到芝士奶蓋來講都叫做好抵，芝士奶蓋一呷係驚喜的，好creamy .... 不過行緊返屋企嘅期間，奶蓋已經同茶混合左😭連外賣都裝得特別有心思！附近有戲院，如果覺得爆谷汽水已經唔再啱你口味嘅話，不妨買一杯台式飲品一路睇戲一路飲。

跟朋友逛了逛將軍澳，他說住了一個月都不知道有這間舖😂那好吧一起試試看囉 我們叫了柳丁鳳梨綠茶 ，體液相近（雪糕）和珍珠奶綠茶。 鳳梨和橙這個配搭就是解渴！特別的地方是蓋子可以這樣打開，好貼心，如果點奶蓋就可以打斜喝，3分奶，7分茶地入口，大口大口地喝都沒有問題，其他店的蓋要完全打開才可以喝，加分！下次一定要試奶蓋茶。（ 但是可能有小小測漏情況可能因為一開始飲品份量有點滿）還有，這裡的茶是中國茶 🤔茶的味道還是蠻特別的，有茶味。雪糕就是鹽味雪糕，不錯的。可以再來喔！

將軍澳超過癮茶飲店，雖然好隔涉，但佢啲design太過癮點都要嚟朝聖下😂 由於地址冇寫一定二期，結果我地響popcorn蕩失路搵咗成三四個字先搵到響邊，其實係響二期專業旅運隔離，真係唔係住呢頭都唔知點搵😗除咗graphic design之外，menu啲名都好好玩，孔融都唔樣咁香梨/好馬不吃回頭草莓/懶過西柚等等，堅過癮😂而我地飲果兩杯個名就正常少少，cupcake釀接骨木花葡萄柚梳打，由於真係成件cupcake插落去所以啜第一啖係食cake渣😂 不過成杯嘢都唔錯，接骨木花味夠香又同葡萄柚幾夾，仲有七彩珍珠𡁻下，而且件cupcake係真心好食，三十零蚊又飲又食其實幾抵✨至於朋友杯珍珠奶茶係用老字號蘇記茶莊出品，所以個茶底係幾香幾靚，不過可惜個奶唔係好夠濃，同埋唔知係咪太好生意，啲黑糖珍珠好似未熟咁個芯硬硬地🙈比起茶飲，我更鐘意係佢個雪糕，超爆嘅命名與體液相近，其實只係講緊流汗嘅你海鹽焦糖軟雪糕，淺藍色好夢幻，海鹽焦糖味都好香雪糕都好滑，仲有好似天使蛋糕上啲蜜糖脆脆粒，同埋白雲狀嘅蛋白糖，到底部就有返餅碎同士多啤梨增加口感同解膩，極度推薦喲✨

同朋友無所事事咁企喺店鋪一旁既企位 飲住野飲 聽住經過既路人不自其然咁講：「我想和你無所事事」就知道 大家都被店名吸引左🤡---------------------------綠茶控專用拿鐵 $28 + 黑糖珍珠（+$5）綠茶、牛奶、紅豆同珍珠平均分為三層 好靚好治癒💚店員提醒飲前要搖勻 將綠茶同牛奶融合成拿鐵 黑糖珍珠有嚼勁 唔會太淋或太硬 雖然黑糖有少少蓋過左綠茶既味 但仔細飲仍飲到綠茶既回甘 加上紅豆粒粒分明 甜度適中 正好中和綠茶既甘澀 唔錯😚評分：8/10.GG紅火龍果(法蘭西芝士奶蓋）芝士奶蓋由法蘭西入口既cream同cheese製作而成 口感軟滑 質感厚實結身 最開心係份量都比得毫不吝嗇 飲到最尾都仲有唔少奶蓋😍味道方面 忌廉香同芝士既鹹香配搭得好好 好想瘋狂食啲芝士奶蓋🤤至於茶底真係好清香 仲要有好多火龍果肉 成杯飲落勁fresh💕吸管由頂插到底慢慢飲到奶蓋再食到火龍果肉再飲到茶 真係好正😭😭評分：9/10

「我想和你無所事事」，呢句說話千祈唔好同你女友講，否則佢一定會覺得你唔進取、唔努力，到時受苦嗰個係你！但帶佢黎呢間台式飲品店間接表達你嘅心聲，佢應該吹你唔脹。😂///Cupcake 釀荔枝玫瑰梳打🌹1. 唔洗問都知呢杯係女朋友指定要點🤷🏻‍♂。粉紅色，非常少女，拎黎影相厄like 一流📸。2. Cupcake同杯飲品係冇咩關係😂。Cupcake味道唔錯，質感都幾綿。不過就油左少少。3. 梳打好夠氣，荔枝味非常fresh，每飲一啖都飲到玫瑰花瓣🌹。4. 飲品底部有荔枝肉、粒粒粉紫色、白色嘅丸子。丸子Size同珍珠差唔多大，但就冇珍珠咁煙韌，不過都幾好𡁻口。///乜得你咁馨香芋拿鐵1. 加左$6 芝士奶蓋🧀、$5黑糖珍珠。2. 本來以為係平時係賞茶飲開嘅芋頭奶綠咁嘅味，但呢度芋頭味好唔同，更Creamy。3. 奶蓋同香芋撈埋左，雖然飲唔出奶蓋嘅味道，但就令成杯飲品嘅質地變得更Creamy☺。///整體黎講呢間野由諗飲品名到飲品嘅配搭都好有心思，味道又唔錯，下次去將軍澳又多一個選擇。

有無謝哂皮忠粉？呢間飲品店系Beans旗下嘅，而logo 就系謝哂皮啲插畫🥰認真搞鬼cupcakes釀草莓洛神梳打就系因為貪佢個樣夠呃like而嗌嘅💓飲品上再加個cupcakes,做個下午茶都幾岩😂草莓洛神梳打就有粒粒草莓🍓粒，飲落有淡淡洛神花香，仲配有七彩珍珠，好美的💓屬偏甜嘅飲品！必飲嘅就系岩岩生完咁新鮮水果銀毛茉莉🥰水果茶都有分好吾好飲，呢杯就屬高質！生果有番石榴，西柚，檸檬🍋草莓🍓菠蘿🍍藍莓等👍幾足料，而茶味清醇甜度適中！試得過珍珠鮮奶祁門奶茶☕️茶味都算系濃，而且奶果順滑😊吾會太過稀，珍珠亦煙軔偏硬身

下班後到將軍澳的beans 吃晚飯，beans 對面有一家叫「我想和你無所事事」的飲品店，感覺很有趣🤗。•1️⃣ 熱GG黑糖珍珠鮮奶 $28 + 奶蓋 $6原來GG等於奶蓋🍼，由於我想它更Creamy 所以額外加了$6奶蓋。-不可以選擇甜度。-微䁔。可能是熱飲的原故，奶蓋與凍飲的不一樣，偏稀。-味道不錯👍，黑糖味很突出。珍珠很煙韌。•2️⃣ GG百香芒果🥭（配法蘭西芝士奶蓋）$42芒果🥭加百香果沙冰，可選少糖。-酸酸甜甜，非常Fresh。-喝到啖啖芒果🥭肉😋。-將沙冰和奶蓋混和後，像在喝芒果乳酪😃。-奶蓋雖然不及喜茶的美味，但也很Creamy，算很不錯了☺️。• 回頭指數：8/10 （本想試它的雪糕，但已售罄，很可惜🥺。整體來說是一家不錯的飲品店，飲品配搭頗有心思👍）-Pop corn 2 Beans 對面