扒王之王 (已結業)

食雞變豬，副經理睇都唔睇就唔肯換，差！本身係叫了carbonara 汁嘅火雞肉片漢堡蛋飯午餐，點知黎到變了豬肉片，我少食豬，而且而家食豬又驚中毒，所以就同副經理講，點解佢睇都無睇就話係火雞黎，唔換俾我！搞錯呀，咁嘅態度都做倒副經理！？

今晚試左銅鑼灣謝斐道分店2016年7月29日，D扒好一般，但價錢就唔合理，食完個主菜連前菜都未上，漏左單唔好意思都冇一句。埋單個陣個阿姐態度呼喝咁，好唔耐煩又冇禮貌，以後都唔會幫襯

今日同女友行街，肚餓就決定來這裡試下下午茶，邊知中嗮伏，點左餐蛋三文治同辣肉絲腸仔蛋公仔面。三文治唔卑烘底，公仔面入面既肉絲味好怪唯獨兩杯凍檸茶ok，下次唔會幫襯

今日係銅鑼灣行完街, 攰攰地就諗住隨便搵間餐廳醫肚啦. 咁啱見到扒王之王, 又好耐無食了, 就二話不說進去了.安格斯西冷牛扒: 大大份厚切牛扒, 見到已經食指大動. 入口腍香, 肉汁豐富, 牛肉味好重. 加上洋蔥汁, 薯條就變得更完美了.

我又打了一篇差評，這次差評的主角是這間擁有好多年歷史的「扒王之王」。記得以前初中時，吃過兩次，感覺都不錯，食物也很好。而且當時「扒王之王」是極受我們這批中學生推崇。事隔多年，真的想不到會變成這樣的一種田地。當日想同肥膏吃頓好野，所以想食一食扒。真是岩岩遇著剛剛，又行過「扒王之王」門口，神推鬼㧬之下，開始了萬聖節之旅。位於謝斐道的這間「扒王之王」是樓上舖，由樓梯行上一樓，直望，全店沒有人，而且燈光好暗，好像沒有開業似的…可怕的是…有個伯伯在暗黑的環境下與我倆對望，當堂個心離一離…幸好他聲音夠響亮，他示意我們望向左手邊，原來，這間舖是要節流，如果人客不多，會只開左邊的部份。因為當晚食客不多，我們被安排到左手邊的四人座位處。雖然是有開燈，但燈光是昏昏暗暗的，是令人不舒服而不是浪漫…好了，好不容易點好餐，再看看周圍的環境…其實裝修不差的，有舊式的扒房feel， 可惜的是比較污糟。地板有點痴笠笠，檯有點油，餐具也是痴笠笠…衛生情況真是慘不忍睹…首先來的是餐包跟餐湯。不得不說，餐包…這麼簡單的家頓牌餐包會這麼的難吃，還是第一次吃到。餐包的底部烘過應該不止一次，所以好硬…就是整個餐包上面是軟的，下面

今日同男友去食扒王之王一心諗住据扒好開心！本來叫左個牛柳餐食個經理就話呢期做緊推廣安格士牛佢係咁極力推介 講左幾次好食講到我覺得好尷尬唯有話好， 試下啦個前菜芝士蒜蓉焗青口唔知點解只係食到d羊so味個餐黎到， 我只係覺得好油， 仲要加埋薯條我覺得我成肚淨係得油我真係食唔落！完全唔掂！激鬼氣！以後唔會食扒王之王！

一個人去了銅鑼灣工作，一個人在銅鑼灣食飯，沒有人陪通常都不會去日式餐廳大洒金錢，可是，區內的茶餐廳我已經試得七七八八，一個人站在駱克道的街角，我竟然選擇了《扒王之王》。不用多介紹，來《扒王之王》當然食我們香港式的豉油扒餐，而豉油扒餐的開始，理所當然是麵包與羅宋湯，不過這兒就沒有麵包，只有一個感覺上比較稀的羅宋湯，味道可以說什麼，若以平常心去食，的確是可以的。牛扒，我選吃他們的牛肋骨扒。也許大家會問，值得來《扒王之王》食貴扒麼，我的答案是需要食貴扒，而不是值不值得食的問題。普通40多元一塊扒不是沒有，但我一看見該扒的賣相，我寧願吃貴一點，因為出來的牛扒，令我開心好多。夠厚的牛扒，有回肉的 texture，切開，有豐富的牛肉汁，肉感是實實在在的，只是香港式的牛扒點都會輕輕醃過的，不過，以肉味為皇，豉味為次，算是做得不錯。來《扒王之王》食扒，不是一個 Joke，不是好難食，只是你俾什麼價錢，佢俾什麼扒你食而已，肯花多一點，味道好一點。

標題呢句係同扒王之王講嘅。曾經經常幫襯扒王之王，後來價錢越來越貴但質素越來越差，咁就同佢分咗手。事實上，扒王之王分店數目都好似比全盛時期少咗。今日偶然路過銅鑼灣分店，見到set lunch 加埋一都唔駛五十，即管上去試吓！典型港式西餐格局，裝修普通但環境尚算乾淨。所謂穀飼牛扒食落同大家樂貨式分别不大，勝在有三塊，煎得唔燶，略帶肥油又有啲牛味。意粉唔太淋，紅湯正常茶餐廳貨色。五十蚊唔駛一個set lunch 喺銅鑼灣都算抵食，不過當年紅牌阿姑今日要同茶餐廳爭生意，真係有啲唏噓...

常常和同事來這裡食晏, 基本上當佢茶餐廳咁食, 講真, 比起佢樓下同對面果兩間"茶餐廳", $40 左右一個餐, 實在抵食.今日叫了個 F 餐, 蕃茄汁雞肉蟹柳焗飯, 飲紅湯, 熱奶茶. 羅宋湯很快便送上來, 雜菜很多, 足料有味, 再配上大大一個餐包, 真係唔慌會唔飽. 焗飯夠熱, 不過稍為乾左 d, 邊位部份飯粒被抽乾水, 跟本咬唔開, 茄汁係茶餐廳味道, 其實我也不清楚是怎樣溝出來的, 但茶餐廳的茄汁飯就是沒甚麼蕃茄味, 不怎麼酸, 總之是很獨有的味道. 雞肉雖然唔算嫩滑, 不過也不"鞋"口, 口感不差. 蟹柳就沒甚麼特別, 但也豐富了這個焗飯的味道. 芝士不算很香, 但份量適中, 以午餐來說, 整體味道合格有餘.

星期五晚上, 在銅鑼灣要找地方食飯絕對不容易. 尤其像我這種不喜歡把時間浪費在排隊上的人.在街上老遠看見扒王之王, 心想好像很久沒有光顧, 抱著但試無妨的心態, 再光顧一次吧.看見入口處還放著花籃, 猶豫了一下是新開的嗎? 經理熱情的招呼著, 也沒多想便順著樓梯往一樓走上去.剛走上去便嗅到一陣裝修味, 眼前的座位亦空無一人, 有總好像還沒開業的感覺, 正猶豫是否來錯了?侍應引領望向另一邊, 原來已經開始營業, 只是連我們在內, 才只有3枱.地面上裝修遺留下的灰塵, 還未有抹乾淨, 餐桌上仍有灰泥的感覺.不止如此, 連送上的兩份餐牌, 內裡的內容和次序都有點不一樣...... 這也許已經是扒王的一大特色了.直覺告訴我, 還是點一些比較簡單的較保險最後點了兩份$148的上西冷套餐.如何一個"上"法是無從查考的, 因為扒王餐牌中的用字, 長久以來都沒有實際太大分別.餐湯的味道重鹹, 帶辣, 很重的味精味, 湯中亦找不到很多的材料, 濃味完全來自味精.沙律的賣相, 令我第一時間覺得, 這絕對是比聊勝於無更差, 達到可有可無的級數.湯剛開始喝, 餐包還未吃, 七成熟的扒便從廚房中端出... 那是

原來想去全層食日本拉麵果個商場, 連名都唔知, 只知道大約位置, 不過去到搵唔到, 可能已經執咗...唯有一路行一路揀... 嘩... 銅鑼灣d野好貴呀!!! 下午茶餐冇咩食都幾十蚊... 最後決定去扒王之王...3點幾都未食Lunch, 所以要叫d飽肚d嘅...黑豚肉叉燒炒烏冬--第一啖... 好鹹!!! 第二啖... 好油!!! 撇除呢2個問題, 其實都唔錯, 係銅鑼灣32蚊有梳化位仲要包野食, 都算係咁...鮮茄焗豬扒飯--OK, Not Bad, 幾好食, 同埋d份量都好大...餐飲--熱檸茶, 茶底比較苦澀, 檸檬好夠酸...價錢超值...

今日同遊客朋友唻食lunch,貪佢個餐價錢唔貴而且知道扒王之王呢個名好耐,一直未試過,仲同朋友講呢間嘢有好多分店,應該唔錯.當時1點左右,唔使等位.我哋都點咗C餐($36),唔記得全名,簡單講係茄汁焗豬扒,一個要意粉,一個要飯.先唻餐包,又暖又軟,搽咗牛油,唔錯嘅.餐湯係白湯,亦都唔錯嘅.....咦!? ......(下刪幾十字,因為個食評會被彈回)然後繼續食主菜,當時已無心情食,只覺得味道一般.唔會再唻食.

食物: 朋友叫左份牛扒, 鵝肝.我叫左番茄汁帶子angel hair.兩份套餐包埋餐湯, 麵包同飲品.麵包: 好熱! 牛油都溶晒. 好味!份扒好厚身, 我試左少少, 覺得唔錯, 多肉汁. 我個angel hair就有d乾, 不過帶子好大粒! 但得2粒.我杯飲品係熱奶茶, 個人覺得好淡.服務: 我地坐得較僻, 想叫埋飲品/埋單都唔見有侍應. 佢地係另一邊行黎行去. 隔離檯情況都係咁. 環境: 唔錯, 好靜, 同隔離檯既人都有番d距離, 食野傾偈好適合.

CWB 依間真係差左好多...茶記都好過佢~~侍應冇禮貌:差,, D侍應完全唔識禮貌,, 行路對腳掃地好嘈,, 自己唔睇路撞到個同事,, 成碗湯淋到成地都係,, 差D 就淋到個客,, 重要呱呱嘈話唔關自己事,,,個侍應完全唔識拖地掃完個地面仲有 湯&油 。毛啦啦就咁行埋黎我後面問我飲咩,, ＂請問＂都唔講,, 都唔知點解會請D咁既人食物品質:一般... 我個西冷牛扒排 黎到同個名一樣,, 是冷的塊鐵板只係暖暖地,, 可以用手掂,, 薯條 好喊,, 塊扒 飛左出鐵板,,都唔知點解會請D咁既人~~問都唔問就收我我女朋友 份野... 毛啦啦就咁行埋黎問我飲咩,, 請問都唔講,, 衛生：差，，個位隔離 盤植物 上面有好多垃圾.... 有D仲要有水響入面...我嬲到想同個經理投訴,,, 但一見到個經理都十下十下... 心念講黎都係多餘.... 間野入面D侍應個個都係咁... 搞CHEAP 晒~~ 我唔會再幫襯

這間扒王專家曾經在香港可以說是風頭一時無兩，但近來就可以說是買少見少，很多分店到自經不見了。這次於銅鑼灣見到，真要會一會。因為是九點後入座，所以有特價鐵板餐。最後，當然仍是選擇牛扒，應該是牛柳才對。上枱時並沒有鐵板應有的「咋咋」聲，但仍是夠熱的。最喜出望外的，其實是牛柳夠腍。今次自己要了八成熟，但牛肉一點都不韌，而且很有牛味，一點都不會有鬆肉粉的味道，一贊。一百蚊以下就可以味嚐這美味，真的很開心。