批&撻專門店

营业中

休息中

尋日(20-1-2018 Sat0朝,老公參加佢公司活動集合前,同佢食個早餐先,由於佢被人攪到好趕,連麥當勞都唔敢去,食pie & tart.可能我好少朝早o黎,原來有好多種批&撻,有啲花多眼亂,最後我o地揀o左四種食物同要兩包維他港式奶茶,合共$63.00.買完搵個地方坐住食.1. $14.00o既咖哩牛肉批呢個由老公一人食晒,老公話唔辣.2. $13.00o既駝鳥肉批呢個好特別,但呢個竟然係辣,而且內裡有薯仔,蘑菇甚至疑似炸菜o既物體,呢個對我o黎講係幾辣,所以我食o左一半就俾老公食埋佢.3. $7.50o既鮮奶撻相對o黎講,呢個清淡同舒服得多.4. $8.50 o既芝士鮮奶撻所謂芝士原來只係o係鮮奶撻上洒芝士粉, 芝士粉o既芝士味道唔係好濃.呢個食評o既味道分唔計老公o既咖哩牛肉批,分數係2.67分,抵食係2.3分,因被$10.00一包維他港式奶茶拉低o左.

老公幫我約o左友人尋(22-9-2017 Fri)晚,o係荃灣唱K,同我同佢男友人RK慶生,女友人DC 拎住Pie & Tart o既盒,我估買撻?我o地攞o左房後,即時打開睇,原來係蛋糕,估唔到呢間有做蛋糕,呢個係紫薯蛋糕,我o地問職員攞碟分,切開睇,分成兩層,食落,味道唔太濃,蛋糕夠鬆軟,紫薯味只源自唧o係側邊o既忌廉,味道唔算好濃,成個蛋糕比較清淡.價錢:今日行經Pie & Tart睇,呢個蛋糕o既價錢係$98.00.

想當年，我對這店的鮮奶撻著魔。。。年紀大了，太高卡會避一避。久違了的pie and tart。。。現在很多款式，有咸有點。今次仍有鮮奶撻，另加紫薯和煙肉批。鮮奶撻仍有水準。紫薯偏甜，但軟滑的。煙肉批料足，味道夠，但皮不夠脆，很粉。

今日經朋友介紹認識左一個響綠楊坊開新店既舖頭既老細，同佢傾吓計學吓野。飲左杯咖啡，同佢傾完計我就要趕去老人院探公公，有少少肚餓，就去揾小小嘢食。 見到泡芙店，但一個成20蚊，點捨得食吖。。。我都係食返撻算了。去到Pie and Tart,我竟然被個狗仔蛋粒吸引住❤❤有好多撻既選擇，有甜有咸，見到都有新既紫薯撻，但我未想試，想食朱古力撻，但得返個唔靚，唯有要返最普通既奶撻。奶撻新鮮熱辣，有陣微香既味道，撻皮脆脆地，中間奶嗰part好滑，滑到吸入口時，撻撻聲,味道就甜左少少。食完都飽左啲，下次希望有機會試新嗰個紫薯撻吧！

一直很喜歡『Pie & Tart』的「流心芝士撻」，覺得是平價芝士撻首選，早前它更推出了「流心紫薯撻」，最近終於有機會試試看！紫薯撻的賣相本來非常吸引，但可能因為實在太過流心，小女子稍一不慎斜放了紙袋，紫薯醬就蜂擁而出！！ 還好大部分都留左撻內，沒有影響到味道......紫薯流心醬的紫薯味濃，不過個人覺得有點偏甜，而且過稀，過於容易流出，不過以這個親民價來說味道已很不錯！十分抵食！------------------------------By alvahana

朋友生日，當然要聚下，諗好地方食生日飯跟住有個朋友話買個蛋糕，好似開心啲，由於放假前都比較忙，所以諗住放工先去買蛋糕。睇左幾間又問下朋友意見，最後決定join 埋去食飯地方附近再睇，點知呢個時候朋友見到個生日蛋糕，就買左紫薯蛋糕。真係估唔到呢度有賣蛋糕，而且都唔錯，蛋糕鬆軟，紫薯味香，又唔會太甜，價錢仲好親民，壽星女都好鐘意。

今日經過pie & tart,突然好懷念細個成日食嘅鮮奶撻，於是買左個返屋企食原來而家已經加價加到$7.5鮮奶撻熱辣辣，好香牛奶味，好滑身，有d燉奶feel, 好好味呀，食完想再食多個。

真的失望和後悔了！呢個一啲都唔好食🙊啲紫薯餡太甜、大稀，都唔係撻黎既😭仲要成$12，真心唔抵食，So sad👎🏻之係唔會再食呢個！！都係食返鮮奶撻開心啲！！！

因為經過地鐵站，見到有pie and tsrt，我又行到有d餓，所以買左個鮮奶tart。鮮奶tart好夠熱，鮮奶味好重，而且仲係流心咁。個皮又脆脆地，質感好好。個tart十分香口惹味。

五點多經過地鐵站，買下小食。平時都幾鍾意食朱古力，見到一個咁高大既蛋糕就比佢吸晴。眼見好似紙包蛋糕咁，應該好唔錯。不過我的媽呀，孖鬆一點也不鬆，是比較硬身的。如果軟軟的一定更加好食。當中，朱古力味都唔係好突出。唯一可取係佢咁大舊，硬硬淨咁，可以好頂肚既。

Pie & Tart 只有部份地鐵站有分店。出閘咁啱見到有Pie & Tart 。二話不說走過去。有新產品。「 紫薯Tart 」好靚丫。姐姐。要一個紫薯Tart 丫。唔該。嘩。一（筆）溜心架。食落好似食緊蕃薯糖水咁。幾特別。如果（杰）身小小會好d !!咁始終係Tart 嘛。

前日(2-1-2016 Sat)同男友返荃灣整頭髮,我先整,整到3:00pm男友o黎整,佢o係o度買o左啲兩件雞批同兩件撻o黎食,原本其中一件雞批俾髮型師,但髮型師唔食,男友就食一件雞批先.然後我都食,先食一件面上有芝士粉o既撻,芝士粉味道唔太濃,蓋唔到蛋白撻o既味道,蛋白撻口感好滑,融和o左芝士粉,口感厚o左味道亦增強,唔錯.味道: 4.8分之後食蛋白撻,好自然,呢個變得單調,蛋白味清香.味道: 5 分最後食雞批,呢個雞批餡有火腿,洋蔥,忌廉,口感厚實,唔過鹹,舒服.味道: 5分連兩支飲品,男友話$7X.00.

心咁岩經地鐵站間pie&tart，就見到一個個撻新鮮出爐，為食之下就叫左個$7既鮮奶撻。一開始先挖d鮮奶餡出黎，嘩 牛奶果陣奶香味真係超濃郁，係口腔之中徘徊，真係唔捨得吞佢落去。而且甜度適中，無話俾甜味蓋過左奶味 ！之後第二啖就唔止食餡料啦，連埋個牛油皮、底一齊食。唔好講笑，又香、又甜、又滑，認真無得彈 ！簡單講，7蚊一個鮮奶撻，平平地，唔係伏已經偷笑，估唔到仲咁好食 。一個字，抵啊！

之前已經試過鮮奶撻 今次一於試下鮮奶以外的撻首先是藍莓撻 賣相很不錯 不算太甜 感覺有點像吃藍莓曲奇呢哈哈然後是非常受歡迎的雞批 餡料真的挺豐富的 味道很好 很感恩裏面的不是肥雞肉！好像會有些許紅棗？再來的蘋果撻真的大推介！有蘋果果肉 真係好正餅底又好味 比m記賣的好吃多了 左面的唔知咩蘇(提子？)都好味唯一有伏的是上次買的葡式海鮮撻 入面係冇任何海鮮 只有火腿螺絲粉 我仲以為係員工比錯 後來聽人講先知係超伏！雖然味道不差但感覺超氣 被騙了一樣的feel！

放工必經的一家店，因為就在地鐵站出閘位，不過大約９點的話就已經所剩無幾的選擇，十多元一個撻同樣是省錢既好幫手，女生來說吃２個都應該夠飽了，特別是鮮奶撻還可以當作甜品，真的不錯喔！鮮奶撻是我最愛的曲奇皮，非常鬆脆，而裡面的蛋是９成熟，吃到中間有點半熟溶溶的，售價７元雖然比蛋撻貴，低以甜品相比的話還算非常便宜。薯蓉螺絲粉唯有一個缺點就是薯蓉沒有調味，雖然螺絲粉已經有茄汁肉醬的味道，但味道偏甜，亦不足以帶動薯蓉的味道，有點少失策。