批&撻專門店

营业中

休息中

呢間野幫襯過好多次! 亦都去過佢其中三間分店(荃灣地鐵站、愉景新城、美孚同屯門(唔知執左未))買過野黎食。以下係推介項目:1. (螺絲粉)肉醬薯蓉批好好食! 佢有茄汁撈左既螺絲粉響入面, 個批邊有d薯蓉伴住, 不過係無批皮既! 但係呢個組合真係好好味!2. 咖喱牛肉批都好食! 呢個係用批皮包到實既批, 入面有香濃既咖喱肉醬, 非常惹味!3. 意大利芝士杯都唔錯。佢係用隻布甸既膠兜裝住(你買果陣佢會俾埋羹俾你), 個底有d 蛋糕底(仲要係有d咖啡味), 上面有大量既忌廉芝士, 又食得方便又好味!以上每樣野都係$10左右, 以上既批個批底係有手心咁大架! 買批同撻有d分店可以加錢要罐汽水架! 不過唔知宜家仲有無呢個優惠lu。

它開業多年,現在才第一次幫襯剛好遇著出爐鮮奶tart熱辣辣又滑,好好味apple pie雖然是凍的但批皮好脆,味道唔錯不過友人話它的tiramisu就唔係咁得!

至愛!! 諗起都想食!! ^*^

臨放工突然想食鮮奶tart,就走上葵涌廣場三樓買番個;雖然都被旁邊即製可麗餅吸引到幾秒,最後都係維持原判。雞批外表金黃吸引,tart皮好香牛油味食落香脆;白汁及少量雞肉、火腿產生好大化學作用,加埋的確好味道!!加上香脆tart皮,成為漏但好食既雞批。鮮奶tart唔係新鮮出爐,面層有少少乾,形成一層奶皮,下面鮮奶就真係好滑,真係當燉奶食都得!tart皮都係好重牛油味,又係另一個一路嗌漏一路要食既tart。可能唔係出爐時間,所以呢間分店無荃灣地鐵站個種誘人香氣;店員阿姐都好有禮貌,重有餐具提供,細心!!

第一次見到依個Tart ar, 之前係Openrice見有人提過, 勁想食lor, 今日一見到立即try la.佢保持了一向鮮奶Tart的美味, 皮好鬆脆, 奶餡好滑, 但係我係expect佢個餡係木瓜奶, 不過佢只係奶餡加o左d木瓜粒粒, 我覺得如果係有木瓜味的奶做餡會正好多.不過都係我愛的tart tart o黎ge

每次在地鐵站出閘後都總要經過一番心裡掙扎，是吃還是不吃呢? 理智上明白不要吃得太多，否則多少運動也前功盡費; 但撲鼻的香氣像魔鬼，召喚雙腳越走越近…香氣是來自Beard Papa’s的puffs、Mrs Fields的muffins、還是Pie & Tart的批撻已不得而知了…最後都是敵不過誘惑，被魔鬼打敗…買了粟米批和雞批和別人分享(也把脂肪一併分享)，粟米批的批皮較薄，薯溶很香滑，有點點的火腿，最愛它有大量粟米粒; 雞批很香，內餡也OK，吃罷十分滿足。

每次經過都想買，因為那些香味是衝著嗅覺神經而來的！終於有日忍唔住去買，有人話雞批和磨菇撻好好食，不過小妹對芝士情有獨鍾，所以要了芝士鮮奶撻．顏色比鮮奶撻黃一點，心諗應該好有芝士味吧！點知佢只係在上面加了少少芝士粉，又或者我應該講只係面頭有些少咁多芝士味．．．失望！之後每次經過已經無引誘了．

10.7.06想食左個鮮奶撻好耐喇...仲記得對上一次食好似係2年幾前既事次次經過呢度都聞到呢間野既香味!今日終於買左喇,成家人一齊食!個撻皮好香,夠晒牛油味,正!d鮮奶好滑呀,真係好似燉奶咁!!夠晒甜+滑~好想試晒佢其他pies+tarts~

路過買個鮮奶撻做甜品但原來o係不知不覺下原來已經加左價雖然五蚊但仍然值奶餡香而滑甜度又適中皮仍然係脆又唔油食完一個好滿足服務亦不錯收銀姐姐好有禮貌p.s.去既係悅來酒店地下o個間

前幾日經過呢度~又比香味吸引住!!次次黎都好多人買野..今次買左個雞批之餘~仲買左個意大利芝士蛋糕試下~$10個..~不過個tiramisu整體上都係麻麻地...可能個底唔係用手指餅整..用海棉蛋糕..所以冇咁好味~.....所以下次都係買返批食算ｌu~

平時放學經過荃灣都會去買返舊撻黎食下~次次都比佢既香味吸引住~!!今次食左芝士焗吞拿魚批& 雞批~!!兩隻都好好味~最鍾意食面層既芝士~加埋焗左既吞拿魚~正!!仲有個雞批都唔錯~平時食開美心個ｄ都唔覺得好味..不過食完呢一間之後就改觀左..ｄ皮脆脆地甜甜地幾好味~仲有ｄ料好足~熱辣辣好正^^~仲有其他批都好吸引~下次一定要試埋其他個d ~!!

因星期六要上班，所以係途經牛頭角地鐵站果間批&撻專門店買了個牛肉批($8)。買的時候不知道係咖哩牛肉批。越食越覺得有點印度咖哩的辣味，味道好香濃！可惜本人不太吃得辣。可惜，可惜！

最喜歡這裡的粟米批(牛油味香濃，有大量薯蓉和粟米粒，再加些火腿絲，批面微焦的薯蓉十分香口，令人回味無窮)和鮮奶撻(曲奇皮加滑滑鮮奶，熱烘烘吃最滿足)。

琴晚食完咖哩牛肉批心思思又想再食今日早上選左雞批($8)賣相金黃色"拎拎地"即刻引起晒食欲批底係曲奇皮鬆化而且夠厚身牛油味又夠香濃餡今次反而少左d不過味道唔太甜或者太鹹個曲奇皮吸左d餡既味好正食完覺得好滿足雞批同鮮奶撻係我既必然之選

(14/3)回程前，當然路過要吃這間鮮奶撻，每次吃，水準沒有太大差距，都能夠有那陣鮮奶的滑，亦有少少奶粉的香，撻皮不算整得油立立，是企身的那種。甚麼聖安ｘ的那種，不能相提並論。由原本的$4.5加至$5，加幅合理。