影片
以上资料只供参考，请与餐厅确认详情
路过观塘港铁站，闻到好香嘅味道，原来批&挞专门店有挞新鲜出炉，闻到真系忍唔住要买番几个返去。店铺虽然细细间，系以外卖店形式经营，但批同挞嘅款式都有唔少选择，所以都不断有客人帮衬。鸡批 $13 - 啱啱出炉，热辣辣。鸡批面层好脆，充满牛油香味同甜味。入面的鸡肉混入左白汁整成，鸡肉饀亦好多，唔错。鲜奶挞 $7.5 - 挞皮松化，淡淡奶香味，甜甜地，口感好香滑，真系食多几个都得。芝士鲜奶挞 $8.5 – 其实都系鲜奶挞，只系面层加多左芝士。挞皮同样松化，但芝士味浓而显得奶味好淡，两者我会比较钟意鲜奶挞。
继续阅读
Pie&tart 唔开系港岛，对于系港岛觅食既我黎讲，每次我过海见到分店都系必买必食既舖。难得去到观塘，买返两个至爱既鲜奶挞食先。即买即食一定系热辣辣既，不过归家路途遥远，返到屋企都冻晒😭第一次冻食，其实都唔会话好难食，而且阵奶味仲非常香。发现冻食都唔错架！今次仲试左苹果酥，入面有齐苹果同提子，不过就冇咩特别。今次仲留意到原来有鳗鱼酥同吞拿鱼酥，下次就会想试埋！如果港岛都有，我一定每日都买黎当早餐或者下午茶😭
继续阅读
成日经过观塘地铁就会被Pie and Tart 嘅香味吸引🤤 搞到每次都会去食😂😂然后又见到好多好好食嘅tart 就会好想食😆而且价钱唔贵 食一个鸡批都几饱可以当下午茶😋😋要介绍呢个鲜奶tart！我最钟意都食呢个 薄薄一层鲜奶cream 入面 好好味😆 系好幸福嘅感觉 所以每次经过就一定叫一个😆而且价钱唔贵 only 7.5$😍如果你想食芝士 又可以拣8.5$ 嘅芝士鲜奶tart 浓厚芝士融合鲜奶 好有口感🤤 🤤
继续阅读
每次喺地铁站经过pie and tart都会俾佢阵阵嘅牛油香吸引住 点都会因为咁而买翻个 但今次唔系买鲜奶挞 而系买咗肉松酥邪恶肉松酥🕺🏿❤️愈邪恶嘅食物愈吸引🤤❤️Pie n tart嘅左招牌鲜奶挞之外 佢哋嘅肉松酥都好唔错🤘🏿其实系我嘅童年回忆来的仲记得细个逢星期六去观塘学完野都一定会扭计买个食🤤肉松酥大过一个拳头少少一直放系柜入面保暖 所以通常都系微暖酥皮好浓牛油香 食落软软地好易入口最欣赏嘅系肉松嘅份量好多 食落唔会dry🤤钟意食肉松嘅朋友一定大满足不过记得细个买个时新鲜出炉 酥皮外脆内软 食落更加脆身仲好食 而家已经退步左希望有机会食番个个口感😭
继续阅读
次次经过pie n tart都会闻到阵阵出炉挞gei香味搞到我成日都忍唔住买来吃,前排佢地出左流心紫薯挞,仲要唔系贵,唔食真系对唔住自己!开头我以为佢同普通饼店卖的蛋挞size差不多原来大好多,而且无论你几时买,个挞都系热辣辣,真系好正!职员有比个匙羹我,开头我都谂食挞点解要羹呢,原来系因为佢坚流心+好热,所以你好难拎上来直接食.而且挞身都比较硬,所以一般都系"不"到咁上下先食不得不大力称赞流心紫薯部分做得太出色,因为佢奶味好浓,但你依然食到紫薯味,馅料有甜味但唔会过火,如果流心开始渐渐冷却呢个时候同挞皮一齐食更正!因为挞皮有牛油味好似曲奇饼,一齐食就好似点了紫薯酱,呢个配搭好完美~~之后我有试过基本的牛奶挞,我觉得都唔错,都系好香浓奶味,但由于紫薯挞太出色,所以下次再去食我都系only紫薯~~
继续阅读