批&撻專門店

营业中

休息中

銅鑼灣行街，經過見到Pie & Tart，好耐無食過，想買個雞批食下，想買時，見到櫥窗多左好多款批，最後揀左美式螺絲肉汁批，上面脆脆薯蓉，下面有肉醬螺絲粉，啲肉醬好好味，酸甜岩岩好😋😋😋不過略嫌唔夠熱辣辣，我一買完已經即刻食😅😅

以前屋企附近或者九龍灣地鐵站都總會見到經過都會買鮮奶撻，成日食去到後期出埋紫薯鮮奶撻都有試過依家仲有薑黃鮮奶撻其他麵包都好食朝早仲會有三文治賣只係$10份不過最鍾意都係鮮奶撻

「批&撻專門店」我經常去買他們的雞批和鮮奶撻,這是我必買嘅組合,一鹹一甜的配搭每日新鮮出爐熱辣辣他們的雞批非常出色。外層酥脆金黃，內部肉質鮮嫩多汁。每咬下一口都能感受到那濃郁的雞肉香氣，配上香料的調味，口感更加豐富。雞批的大小剛好，自己食ㄧ個剛剛好其次，他們的鮮奶撻同樣外皮酥脆，內部則是濃郁的奶香味道。撻內餡滑順細膩，口感極為柔軟，帶給人一種奶油絲絨般的口感。鮮奶撻的甜度適中，不會過於甜膩，非常適合喜愛甜點的人品嚐。

呢間店既撻出咗名好食，新鮮又大件。牛奶撻係用曲奇皮做既，好香牛油味，店料係好滑既牛奶蛋撻，甜度適中而且充滿牛奶味。食過翻尋味🫡。佢啲撻買既時候多數都是暖暖的，會送一個匙羹，令客人享用時更加方便。

是日路過 Pie & Tart Specialists ，這間店曾經係小妹常常必到嘅店，佢地最人氣係鮮奶鐽，仲有雞批、海鮮批等，心血來潮嘅我便買了個紫薯鐽（$14），鐽餡充滿紫薯蓉，幼滑，鐽皮係曲奇皮，香脆，充滿回憶嘅味道

好耐無食過pie and tart，原來銅鑼灣都有，但唔知係咪分店有分別？所以我覺得難食左好多，以前好中意食牛奶同紫薯撻，但今次呢個好唔掂🥲唔好味，呢一個批都唔夠鬆，真係失準左好多🥲失望🥲

今日行過銅鑼湾女人街時見到久違的食店批 and 撻此店位置在渣甸坊內街，還記得此店出名製造新鮮美味嘅鮮奶撻及雞批(酥皮批)。批and撻專門店地址: 銅鑼灣渣甸坊30-36號地下7號舖看看我喜歡食芝士鮮奶撻$9好似好久沒加價(年幾之前在尖東買都是此價錢)另外出名嘅多款批，麵包和酥皮餅類我買芝士鮮奶撻好好享受這個芝士鮮奶撻，先吃面一層吃到淡淡芝士味再品嚐中間滑溜奶香最後食個撻皮，有牛油香少少脆，食過後很滿足

記得仲係學生哥時代，pie and tarts 開到mtr 都要定有間，milk tart, apple pie 好出名又好食。呢幾年分店越來越小，想食返學生時代陣味見到買返個肉鬆酥回味一下$13 一個現今物價好抵，pork floss 外仲有peanut butter ，好香口，且仲暖暖地。miss apple pie 好多果肉仲加入dried grapes ，曲頭pie 皮都好好食，味道咁多年來都不變，好彩銅鑼灣仲有一間，買想餸早餐或tea

今年爸爸生日就買左Pie & Tart嘅芒果天使慶祝🎉。原本逢親屋企人生日，幾乎次次都系買紅車厘麵包西餅嘅栗子蛋糕慶祝嘅，已經連續買左5、6年，平得嚟，份量又足，又多生果，又好味。但系個栗子蛋糕圍邊嘅杏仁片真系肉眼可見嘅越嚟越少，比起第一次買果陣至少少左三分一（應該唔止）。同埋入面蛋糕底都系年年縮水，反而D cream就越嚟越多😥。所以今年咪林住去第二間買生日蛋糕，試下新口味囉~咁啱係網上討論區見到有人話Pie & Tart嘅蛋糕係平靚正之選😍，咪去試下囉。本身住係港島區，屋企附近無Pie & Tart分店，要特登去銅鑼灣買（無記錯嘅話，港島區好似得銅鑼灣一間分店🧐）。之前係討論區見到有人upload咗d店鋪嘅相，見到鋪頭都會有蛋糕擺咗出嚟俾人揀嘅。因為係第一次買，就林住去到分店睇下d蛋糕款式先決定買唔買囉。點知，去到分店，淨系見到擺咗d撻同麵包，見唔到任何蛋糕，店員話蛋糕店內無現貨，要訂先有。銅鑼灣間鋪頭唔算大，唔知系咪因為咁樣先無可以即場買嘅蛋糕呢？定系因為平時都無咩人會去間鋪walk in買蛋糕？無論點都好啦，都決定左今次要試下Pie & Tart嘅蛋糕嘅。係官網睇左蛋糕款式，決

買左個mushroom tart 拎番公司食 點知食食下有成個膠蓋係度，會唔會離譜左d? 以後以後以後唔會再去買呢間野我想拎番去換 但點樣make sure 佢地其他野都係無事呢

一向有買佢地嘅野食覺得好好食,銅鑼灣分店開左一段時間成日落去買,佢地啲員工不嬲都唔好態度,我都算啦因為我太想食所以忍,直到今日買左半打鮮奶tart,返到公司全部倒瀉哂啲鮮奶出嚟，打返落間鋪個員工態度差到不得了話我咪提左你新鮮焗好,但佢冇話我知啲tart好似水咁會倒瀉,仲指責返我有問題冇主動提出換返,我問佢咁我點比人食,佢先勁差態度話你鐘意拎返落嚟換囉,之後仲call埋我線,真係一肚氣,以後都唔會再幫襯佢!!!

平時有食間pie n tart，每次經過都會買佢既tart或者鬆餅，有朱古力，藍梅，苹果三款口味。十二蚊大大個鬆餅，好抵食。味道都好好。今日經過銅鑼灣，見有pie n tart，如常買一個藍梅鬆餅，一個朱古力鬆餅。從外觀睇落，同平食開既無乜分別不過一咬落口，完全知道中左伏口感完全係乾到裂，有種擺左好幾日既感覺。藍梅無味，朱古力都無乜味。口感好差，乾口到爆，真係可以用"難食"黎形容，好失望下次唔會再幫襯銅鑼灣pie n tart