影片
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
仲以為佢同香港仔係同一間，不過經查詢之下，據知佢已經將香港仔嗰間賣咗比香港仔分店，因此佢呢間估計係原有東主出返嚟灣仔再開的吧。不過其實味道都差不多，份量都同樣非常多，即是我叫三餸，油麵份量相當多，都非常爽身，不會太過堅硬，豬大腸份量較多，夠煙靭，乾淨企理；齋的份量也不少，不過確實冇咩味，不像咖哩齋或酸齋，沒甚特色；腐卷夠硬，爽身，內裏質地也算是幾彈牙麻辣汁非同小可，辣得來非常之惹味，不過是辣到你身體冒汗的那種，唔除褸食得完的人真叻😂不過以灣仔區來說，$30-40可以吃飽一餐，而且不算份量太少，簡直難得
继续阅读
去灣仔食晏，要搵到一間價錢相宜，而且味道唔錯嘅餐廳，真係唔係太多選擇，呢間拱照車仔麵就係其中一間性價比唔錯嘅！價錢同埋食物質素都OK！佢每日都有四個款式唔同嘅精選午餐任君選擇，而今日我就食佢嘅黑椒薯仔牛扒雙腸飯，兩塊牛扒大大件，肉質又唔硬，配上黑椒汁更加帶出牛扒嘅肉味，腸仔就正常發揮，40幾蚊lunch係灣仔嚟講我覺得係比較相宜嘅餐廳。另外佢都有隻好可愛嘅貓店主叫做叮叮，如果大家真係去幫襯的話，你可以留意番隻貓，佢都好痴人㗎！
继续阅读
見客順便食早餐, 然後見到呢間餐廳最近又無及個人就自然行入去. 一入去打算坐入面卡位, 然後個阿姐就指住個門口位'謂'我示意我坐那邊.已經有點不高興, 明明得幾個人坐大把位係要逼曬一度, 然後即刻問'叫乜?' 我就看餐牌啦, 之後佢就'摺'一聲行開, 駛吾駛咁呀又吾係熟客點會即知.之後有個西裝佬入黎直接坐我原本的位置, 個阿姐無出聲然後直接等個阿叔點野. 之後我叫點野完全當我透明, 然後就無然後我直接行出去無食.
继续阅读
試咗佢個椒鹽豬扒飯，加杯紅豆冰。椒鹽豬扒真的唔錯，加上佢個秘製蒜蓉辣椒，性價比十分高，紅豆冰都幾好，雖然甜咗少少。現場環境就普通，但簡簡單單一個午餐，都係唔錯嘅選擇。
继续阅读
是日去食lunch，叫左一個牛𦟌麵同一個星洲炒米，牛𦟌好淋，但個麵幾難食。星洲炒米水準唔錯，足料夠火喉。飲品叫左熱檸蜜同凍檸茶少甜，就一般茶記水平。午市人多，會趕人，但店內侍應態度親切。但門口派位同收錢店員（疑似老細）冇乜禮貌，埋單125蚊，收左我地500蚊紙，找返75蚊... 然後同佢講找錯數，仲粗聲粗氣咁話“收左你一百蚊咋！”，解釋完先死死地氣找返岩數，全程冇講過一句唔該、多謝或唔好意思，間餐廳多得佢唔少。
继续阅读