影片
以上资料只供参考，请与餐厅确认详情
【油尖旺区】【捌加廿陆】识饮识食嘅同事多次介绍我食呢间，但系我好唔争气，一直都冇时间去食。直到有一次放饭，有多少少时间，又见佢冇人排，就入咗去。佢喺尖沙咀一兰隔离，唔算好难揾。入到去就发现原来里面都唔系好多个位，难怪有时经过见到食呢间都要排吓队啦。佢主要系食天妇罗嘅，有唔同嘅丼饭做选择，但系佢啲组合我都唔系好中意，就要咗 $30 嘅「自选天妇罗定食」。当中包括「主食」、「龙虾味噌汤」同前菜，个前菜我 ignore 咗，碗汤有龙虾味，几好，主食个五谷类我加 $8 转「冷酢橘乌冬」，冻得嚟唔错㖞。天妇罗我就要各 $20 嘅「鳗鱼」、「鲜带子」同「原条穴子」，加埋各 $13 嘅「那哥鱼片」同「半熟蛋」。贵啲𠮶堆都系真系海鲜嚟，炸完都仲保留到食材味，平𠮶两样系鱼片同半熟蛋，比较一般啲。加 $12 饮埋「日本苹果汁」，加一夹埋就 $150，略贵。。。（地址：尖沙咀缅甸台8号凯誉地下17号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #尖东 #尖沙咀 #捌加廿陆天妇罗居酒屋 #捌加廿陆 #天妇罗 #居酒屋 #自选天妇罗定食 #主食 #龙虾味噌汤 #前菜 #冷酢橘乌冬 #鳗鱼 #鲜带子 #原条穴子 #那哥鱼片 #半熟蛋 #日本苹果汁 #1am1812 #1ambackup
继续阅读
友人知道我喜欢食天妇罗，叫我经开呢区可以去试吓。店内面积精致，似系以日式海产市场作主题装饰，天花挂上鱼网，墙上贴满海产图画，座位多面壁而坐。架上提供多款调味料，食冷热乌冬/荞麦面可自加调味。食厌咗普通煎饺子，又可以试吓鸡皮饺子 ($48)。用鸡皮代替饺子皮，开初都担心会否一咬就会好多油，其实经过炸后，本身嘅鸡油已经”迫”咗出黎。点埋个饺子汁食，入口系外脆中又带点嚼口，而馅料就系饺子馅，夹住一条黎食都几过瘾。每款定食，都包埋龙虾味噌汤及前菜主菜系蒲烧鳗鱼丼 ($88)，份量相当大碗。半条蒲烧鳗鱼，两边围住蛋丝及几片腌萝卜，卖相不俗。梗要将蛋丝，鳗鱼及饭结合，一啖放入口先食到蒲烧汁嘅甜味，继而系烧鳗鱼嘅软嫩，再有白饭嘅满足，多少少蒲烧汁捞饭就好味。呢度仲有自选天妇罗定食 ($30)，可以选择白饭/冷热乌冬/荞麦面，加少少钱可另转香葱牛油饭/冷酢橘乌冬。可选食材主要为海产/鸡肉/牛肉饼及蔬菜类。每款都吸引，尤其系海产类，配以冷荞麦面，所以就叫咗广岛蚝 ($20)，鲜带子 ($20)，黑虎虾 ($13)，半熟蛋 ($13)，皇帝蟹棒 ($13)及四季豆 ($9)。趁热食就由鲜带子起动，唔算太大粒但几厚身，无渣仲几鲜甜。只广岛蚝炸完都仲咁大只，$20只相当抵食，蚝身够饱满几有蚝味。天妇罗蛋印象中比较少见，呢度仲要入口系半熟流心状态，蛋黄汁好creamy。所有天妇罗嘅炸浆都够薄身，唔会食到一口粉都未食到主角，仲要即叫即制，入口够热度同唔油。虽则佢呢度系有炸菠萝伴雪糕呢客甜品，但就成日都将呢客芝士年糕 ($38)，由小食变为甜品。入口热辣辣，炸至外香内软，香甜软滑嘅芝士配合烟韧嘅年糕外皮，食得快先可以食多一粒，哈哈………仲有其他特色天妇罗如龙虾，九肚鱼，花尾龙趸，活虎虾等，有待下次。
继续阅读
餐厅：捌加廿陆天妇罗居酒屋地点：尖沙咀棉登径菜式：天妇罗居酒屋餐牌：自选天妇罗定食，天妇罗丼，丼饭，小食，饮品，期间限定，酒水。晚市有加一。自选天妇罗定食呢度有自选天妇罗定食，好flexible。白饭/冷乌冬/汤乌冬/冷汤荞麦面底$30，有加料主食要加钱，然后就加钱加料自选啦。冷乌冬好大碗，个汤够清而乌冬有咬口又滑溜，可以拣葱同日式芥末份量，好体贴。面头有好多京葱同葱花，我拣左多葱。鲜带子 加$20带子肉真心鲜美又嫩，好香带子味。帆立贝 加$13帆立贝比带子细只少少，连裙边。黑虎虾 加$13黑虎虾虾肉鲜甜。鸡肉 加$13鸡肉好大件。莲藕 加$9成个餐包清淡龙虾味噌汤一碗，渍青瓜一小件同鲜橙半件。三文鱼籽紫菜天妇罗 $68另外点左个期间限定，紫菜一客三片，好特别，炸得好薄脆。另上一满兜三文鱼籽，爆汁鲜味够新鲜，份量超多，多到紫菜唔够𩠌。尝试一啖有紫菜又有三文鱼籽，要少少技巧。芝士吉列猪扒 $58芝士吉列猪扒一大块，已经切开5件方便食用。吉列皮好脆，入面猪肉好嫩口，加满热融拉丝芝士，热辣辣上枱，垫有椰菜丝沙律。伴有沙律酱令入口更滑溜。呢款炸物正！唐扬炸鸡 $48唐扬炸鸡一客五件，正常size。加有大量沙律酱同啡色酱汁令入口更滑溜，炸得皮脆肉嫩，有肉汁。垫有椰菜丝沙律。炸菠萝伴海盐雪糕 $28一大片炸菠萝面头加上一球蓝色海盐雪糕球，再加上脆脆。香甜多汁热辣辣炸菠萝配少少咸嘅融化海盐雪糕，味道口感超正！总括而言，天妇罗皮够脆，入面食物多汁好味，不愧为天妇罗专门店。吉列炸物就好抵食！座位全部都系吧位，好似日本小店。枱上面有七味粉，同多款调味料，连樱花虾仔同鱼仔都有，跟餐都有天妇罗汁。
继续阅读
我都几钟意尖沙咀讯号山😆⛰️ 劲近市区行十几20分钟就可以见到靓景😙💕 打卡一流⚡️入口附近就有呢间天妇罗居酒屋🏮 香港比较少见🙆🏻♀️ 钟意佢有得自己拣而且炸得出色🔥❣️鸡皮饺子 $48我嘅居酒屋必食 送酒一流🫢 即炸好够脆 大大份有五件🦫 馅料都好Juicy💦❣️自选天妇罗定食 $30❣️原条穴子 +$20❣️黑虎虾 +$13❣️皇帝蟹棒 +$13❣️芦笋 +$9❣️本菇 +$9❣️鲣鱼热汤荞麦面虽然佢都有set但系我更钟意自己拣 可以试匀晒钟意嘅嘢😙 穴子超级出色‼️ 食落反而系甜甜地而且鱼肉好嫩冇骨🐟 超级大一条 好震撼🙆🏻♀️虎虾要一人一条先爽 虾肉新鲜结实🦐 蟹棒啖啖肉🦀 本菇好正 面积够大四方八面都炸到好脆 但又做到唔油🔥自选仲可以拣配饭定面 荞麦面 夏天仲可以拣冻食🫶🏻 配个热汤感觉冇咁热气(?) 份量超大系男仔都食唔晒🙀❣️自选天妇罗定食 $30❣️软壳蟹 +$23❣️黑虎虾 +$13❣️帆立贝 +$13❣️紫菜虾胶 +$13❣️半熟蛋 +$13❣️日本番薯 +$9❣️海老味噌热汤乌冬炸软壳蟹应该都好多人钟意😆 非常松脆而且有软膏🦀帆立贝鲜味十足 炸过水份蒸发更甜🙆🏻♀️💦紫菜包住虾胶去炸 口感又脆又弹牙～日本番薯超级甜必点🍠 炸蛋好睇技巧 真系炸到啱啱流心 amazing🥚另外叫咗呢个乌冬嘅汤底竟然唔使加钱🥹 接近出出面乌冬专门店质素🍜 鲜味浓郁唔咸乌冬有质感🍤❣️Asahi $48食天妇罗真系要啤啤佢🍻呢度装修都好有日本风格 小店出品有诚意💕 性价比高‼️
继续阅读
之前去过旺角分店食过，简直系人龙店，发现尖沙咀呢间环境舒适好多，唔洗望住厨房啲滚油同烟食饭，最重要系唔需要排队👍🏻👍🏻👍🏻💸$30起就食到嘅天妇罗定食✨自选天妇罗定食已包括龙虾味噌汤及前菜，另外叫咗冷酢橘荞麦面 +$8，食落充满青柠🍋🟩嘅清香同酸爽，配番唔同嘅天妇罗，完全系解腻之前，好推荐大家要点冷食荞麦面或乌冬！绝对唔会后悔😋今次点咗好几种天妇罗🍤鱚鱼，半熟蛋，皇帝蟹棒，原条穴子，黑虎虾，南瓜最有记忆点系鱚鱼、原条穴子。鱚鱼出面比较少餐厅食到，之前喺omamkase见到呢款鱼，用天妇罗方式处理，食落外脆内嫩，肉质细滑。原条穴子果然系长得惊人，长过个碗，穴子口感软棉，仲keep到鳗鱼嘅独有味道👍🏻黑虎虾就唔洗讲，一定系天妇罗必点嘅配搭嚟！爽弹得嚟结实，系我最想再追加嘅自选款式。皇帝蟹棒同想像一样，软软嘅口感，略带蟹味。想特别讲一讲半熟蛋，呢个系朋友推介点嘅，外面炸衣脆香，入面流心口感非常特别，值得一试。南瓜比我想像中清甜☺️特盛海鲜天丼(虾x2、广岛蚝X1、鲜带子X1、虾胶X1、莲藕)如果唔想逐个配菜拣，推荐拣呢款海鲜天丼，食落好满足，钟意海鲜嘅朋友就啱晒啦！花尾龙趸由于朋友话佢嘅海鲜天丼冇咗鱼嘅部份，于是我哋就追加咗期间限定嘅龙趸，哗😳呢个好有惊喜，肉质非常结实，但一啲都唔柴，仲有鱼嘅清甜味，如果有朋友嚟到叫我拣一个推荐，一定系叫佢点呢款，唔会后悔系列🤣
继续阅读