影片
开饭介绍
来自台湾的餐厅，主打由台湾自家酒厂酿制的手工啤酒，并会不时更换酒款，配搭台式及西式佐酒小食也很合适。
继续阅读
营业时间
今日营业
15:00 - 03:00
星期一至日
15:00 - 03:00
以上资料只供参考，请与餐厅确认详情
有关奖赏计划
食家推介
非常多不同手工精釀啤酒供選擇，有酸有甜，menu都介紹得好清楚，可以因應喜好選擇，當天試的也十分出色。一杯300ml左右，飲完唔夠喉可以叫多杯另一隻味過口癮～我哋叫咗一份黑毛豬叉燒配酒食，真係可以用驚艷嚟形容呀！十分juicy，有香烤嘅味道，滿滿油香，差啲想額外打包一份返屋企食。缺點就係店面細咗啲，只有幾枱比人坐，亦都比較親密，不過都企理，但傾計比較唔方便，音樂好大聲，有多枱多幾個人已經要用喉嚨出聲先聽到。
继续阅读
啤酒拼盤 $238 ❤❤❤❤❤啤酒拼盤最適合「唔想諗」的你。拼盤內有多款不同口味的啤酒，每款啤酒都有其獨特的香氣和風味，從濃郁的黑啤到清爽的IPA，每一口都是一種享受。❤愈多愈推薦(最多5❤)龍豬情侶評價：環境很好，音樂不會太大聲，是與朋友飯後聊天的好去處。員工亦十分樂意先了解你的口味再推薦適合你的手工啤。推薦指數：8/10好味指數：8/10環境指數：8/10服務指數：8/10餐廳︰掌門精釀啤酒地址︰旺角染布房街12-14號依利大廈地下A號舖
继续阅读
難得放工後有時間梗係要同另一半去Chill下啦～ 我平時一向好少飲酒精，而我另一半就好鍾意佢就搵左間好野帶我去我對食幾有要求，無諗過串燒質素會咁有質素！一來熱辣辣係即燒，第二舊牛舌好爽口彈牙有口感！雞脾肉幾嫩滑而白鱔就一般般…杯柒拾肆俾到驚喜我，果種入口後既回甘係飲得出不同味道既層次。紅烏龍茶啤真係好似飲緊烏龍茶咁！下載Storellet app後登記做會員全單有8折(7pm前點餐) ，仲要下次再去有85折！飲完後成個人輕鬆晒，將所有工作壓力一掃而空。下次要帶其他朋友嘗試下(其實我係想食串燒多keke)
继续阅读
以下價錢須+1******************************掌門一直係我朋友們嘅愛店所以聚會不時都會黎朋友們鐘意佢嘅手工啤選擇多味道特別而且menu經常轉有新嘢試👍🏻我就偏愛佢嘅小食😗不過老實講雖然味道唔錯但係少貴😂***🥢西柚茉莉茶 $58我就唔鐘意酒嘅所以嗌左無酒精飲品🤭西柚味突出 餘韻帶茉莉甘香配炸物一流非常解膩***🥢炸牛腩 $98第一次食炸牛腩 意外地好食炸衣裏面嘅牛腩淋得黎又幾爽(?) 口感特別唔係好識形容總之好好食😂炸牛腩本身係椒鹽味配左一小碟超級正嘅秘製辣油🤤如果有賣辣油好想買一樽返屋企🤣***🥢燒魚骨干 $46呢個係我每次黎掌門嘅必點鍾意佢比普通嘅燒雞泡魚乾粗身但係一段時間冇嚟魚骨干比起以前幼左好多🥹雖然味道一樣好好但係變幼左令我超級失望😭
继续阅读
【2月14日】話說嗰日好多人岀街食飯，唔想排隊，另類啲去酒吧食😊隔咗一個星期，再戰旺角酒吧街；今次係「掌門」，平時去開尖沙咀，第一次嚟旺角店；食物中上，但菜上得比尖沙咀店慢，但預咗坐一陣，就無咩所謂啦！同埋，哩度員工嘅「能量低」，好似無咩「工作勁」🫣。🤎『掌門老水拼盤』$108次次都叫！滷水唔算好鹹，仲帶少少甘甜；但我係特別鍾意佢個辣椒油🌶️⋯⋯❤️『麻辣炸羊腩』$88無想像中嘅羊「蘇味」，但係有羊肉嘅香；都算炸得幾鬆脆；有少部份，略嫌脂肪比較多⋯⋯💚『掌門出招拼盤（二人)』$238入面有豬扒包、月亮蝦卷、芝士球、日式雞皮餃子、香脆薯角、香醋涼拌青瓜、台式鹽酥雞、台式炸花枝丸；追加啤酒，仲可以有九折；最驚喜係個「日式雞皮餃子」，本來以為嗰啲現成普通餃子，入面放雞皮；但原來佢係用雞皮包住啲料，個皮好彈牙，個餡算juicy！。小編嗰日鼻塞，叫杯杯都重口味 😢怕太淡飲唔岀個味：『9 老煙槍』—— smoky 『14 找茶』—— tealike『20 素蘭小姐』—— sour 。📍 掌門精釀啤酒 (旺角)旺角染布房街12-14號依利大廈地下A號舖。好味指數：🌕🌕🌕🌕🌑回味指數：🌕🌕🌕🌕🌑
继续阅读