排頭餐廳

营业中

休息中

今日約了朋友到沙田嘅Home Sqare閒逛，經過呢間排頭餐廳門口，見到門口餐牌有下午茶，價錢都好平，於是試下。我哋點咗兩份下午茶：餐蛋麵+奶茶，餐蛋通粉+阿華田；兩份餐嘅質素同普通茶餐廳嘅差唔多，不過不失，但係喺呢個地區，30蚊一份餐真係好平，所以見到有好多附近商場嘅售貨員都嚟呢度開餐，如果唔要求高，呢度真係好抵食。

今晩約咗幾個朋友出來食飯聚一聚，我們去左沙田排頭餐廳食飯，喺沙田站附近，交通方便，我哋去到都唔使等位就可以即刻入去坐，店舖裝修雖然有點簡陋，不過勝在價錢平，性價比極高。餐牌有好多款不同的小菜，花多眼亂，全部奉送是日餐湯及白飯，如果需要熱飲加$2，凍飲加$3，罐裝可口可樂加$4。我地叫咗一個鹹蛋蒸肉餅$57，海味雜菜煲$62，涼瓜斑腩$60，全部都幾好味，好有香港傳統茶餐廳的味道同鑊氣，最重要係超級抵食。

今日同一大班朋友黎到新城市廣場，其中一個話想去食茶餐廳既下午茶，就黎左呢間茶餐廳- 排頭餐廳。以沙田新城市廣場既物價，呢間茶餐廳算平，而且好多位，除左有地下之外，仲可以上樓上一樓坐，方便一大班朋友一齊食野或者一齊嘆下午茶。呢度下午茶由兩點開始，直到六點，睇左個下午餐餐牌一陣之後，我點左一個煉奶加牛油多士，配凍檸茶，凍飲加3蚊。等左一陣，我既奶油多士就上台啦，味道同出面差唔多，不過我覺得d醬少左一點。

2018.3.31是日家族拜山日！去到沙田寶福山前，大家肚餓，於是去左附近的排頭餐廳食個tea先！我叫左個雞腿沙律餐，老公叫左雞腿薯條餐，但個雞腿炸得雖夠脆，但粉漿太厚！而且雞肉無嫩同juicy 感。但味道都ok的。

炎熱的下午......嘆個下午茶............下午茶餐.........多士不錯...........跟豬扒米線........豬扒幾滑.................或者跟叉燒公仔麵.............都幾多叉燒.......跟凍飲.............阿華田.......凍奶茶..........整個餐$42.......炎炎夏日嘆個下午茶..........不錯.......

沙田的排頭村作為沙田火車站同政府合署，沙田 IKEA，及沙田寶福山的必經之路，好多居民都趁這一個商機在村內做生意。近骨灰龕，賣元寶蠟燭的地方多的是，賣涼果的一個車仔檔更是歷史悠久。賣 Pizza 的小店亦已經是馳名全沙田。在親民食肆方面，村內當然有茶餐廳啦，惡劣的一間早已經結業，留下的，是真正的街坊店，把村名掛在店名上的《排頭餐廳》。早上在茶餐廳，食麵是我的一個基本動作，所以的要了一個豐富的豬扒麵餐。我說明是豐富的原因，是因為有一個可口的奄列。火腿絲混合了蛋漿，味道非常之香甜，而牛油多士香脆。套餐的前奏已經教人開心。麵，雖是普通的大光麵，但充滿豉油味的豬扒，令這個普通麵食的味道得到升級，值得一讚。最後點評的是奶茶，其茶味的確是夠濃，但奶唔係幾夠，也許是茶底太濃。我得到的是苦澀味。味道上不過不失啦。但服務夠親民，令食客開心，是可以加分的。

去開沙田排頭村，到夜晚一個人食飯，行上宜家傢俬餐廳，逼滿晒人，等都唔等諗都唔諗就落咗排頭村嘅村民飯堂食飯，叫咗碟穩穩陣陣嘅咸魚雞粒炒飯，再叫一罐無得偏差的罐裝可樂，今次應該無得輸。嚟到碟飯好大碟，味道正正常常，只是我以為無得輸的罐裝可樂，原來都會有輸的地方，就係輸在唔夠凍。而我食炒飯最鍾意就係落美極，我見每張枱面都無，於是我就問個職員有無美極啦，佢跟住答我話。。。怪事隨即發生。。。佢跟住喺近廚房出菜位攞咗樽用透明樽裝起的調味料比我，過往經驗一般茶餐廳都會以原支美極奉上，我開頭都怪我自己見識少，未遇過咁樣情況用另一種樽上，我亦諗會唔會因為餐廳入啲餐廳專用嘅大支裝美極，所以先要咁樣分開裝呢？？？當我淋落飯嘗一口，唔通我味蕾出咗問題，當定神後再嘗多口，明明係豉油點解可以當美極用呢，真係奇

中央廣場選擇的極少, 尤其茶記~ 下午茶時段打算買個幾個Tea食, 零選擇下去咗排頭餐廳, 叫咗一件奶醬多, 一件奶油多, 一件蛋牛治, 一碗雪菜肉絲米, +兩杯熱檸水, 佢夠膽100蚊。。。問佢點計, 個阿姐就支支gel gel係咁話啱啦！話係咁啦！ 以下係價錢 break down (單買/ 餐價): 一件奶醬多 ( ??/ 24)一件奶油多 (??/ 24)一件蛋牛治 (20/ 26)一碗雪菜肉絲米 (28/ 28) *係！唔知點解餐同散係同價兩杯熱檸水 *外賣加兩蚊阿姐死都唔肯講單買奶醬多加奶油多幾錢, 只係係咁將嗰兩杯熱檸茶加入去做餐, 其他計散 = 24+24+20+28+4(四個餐外賣各加一蚊)= 100。其實最抵係應該兩個多士散叫其餘配餐, 仲要用混亂法將我地打發, 太可惡! 我發誓唔會再幫襯!

同朋友星期六日行開沙田，想去萬佛寺祈福，又未食早午餐，當然要食左先有力上寺廟，我記得好似有人講這餐廳的食物係ok ge 同埋入面都坐左幾多人，就都有點信心係好食的行入去不過，一坐下我多數因為想不到食什麼，我一定係係茶餐廳食常餐，因為常餐多數不會太差當份餐黎到，見到d 色水，就開始令我有點失望，這是十分清淡，仲要我這不食辣的人都忍不住要落少少辣椒油，先見到有番少少顔色anyway 講句係有d 失望law

偶然我也會參加一些跑步比賽，這天參加了一個在白石角跑，雖然沒有吃早餐，但都總算有力完成。比賽順利完成後才去食早餐，但白石角附近沒有太多選擇，所以坐小巴去到沙田才算吧下車後最近就見到這間排頭餐廳，所以就進去吃，早餐都不外乎那些常餐，當然我都不例外，選了沙爹牛肉麵及煎蛋腸仔，煎蛋腸仔都煎得唔錯，不過帶點油膩。沙爹牛肉麵如果醬汁少一點就更好啦，其他味道都可以，飲品就點了好立克不過都尚算多人等位，急急食完就回家了。

I can't stand Shatin because every damn inch you have people in your face.It took me ages to decide whether or not to trek into Shatin to see the Starlight Garden.Anyway, decided to go after Christmas when there would be less people so I went on a weekday evening but still there were lots of damn people.I decided not to eat in the plaza because I would probably be too pissed on the way battling through zombies that I decided to go down to that village for food.There was not much to choose, a piz

招牌大大隻字寫住 外賣熱線:2697 3991,打電話禮貌上再問下送唔送外賣,點知一句呢到無人送外賣就CUT左線。之前堂食過一次乾炒牛河,垃圾無獲氣, 建議大家行多幾步去 瀝源村食,大把選擇,好過食呢D垃圾

本人住排頭村。為了方便飲食間唔中叫排頭餐廳外賣。食物尚可，尤其干抄牛河。不過服務態度比十級差勁。每次打電話叫外賣，我叫兩個外賣，講完－個未講第二個就掛斷電話或收店內客人錢先。唔會在電話講請等－等。又間唔中收錯錢。

去完Home Square看家俱，就在附近醫醫肚。某一次經過，已經見到這間茶餐廳，但總没機會試。吃膩了瑞典肉丸，就來個香港風味吧！位於丁屋地下，除了室內，室外也有數張枱可坐。大熱天時，我們當然選擇室內涼冷氣啦~ XD 一般小菜／套餐當時有，但這𥚃下午茶也全日供應。 2-6就跟餐牌價，其他時段只需加$10就可以吃 乾炒豬扒炒烏冬 $48 - ★★★★★  茶餐廳總有合心意的選擇~ +$10的All Day Afternoon Tea，還可以轉烏冬 小妹很喜歡吃炒烏冬，但試過吃到酸酸的烏冬之後就有點卻步。這烏冬炒得有鑊氣之餘，油膩感不重。 豬扒肉質鬆軟又入味，而且份量十足，抵吃！ 凍奶茶 - ★★★★☆  茶香奶滑，一貫茶餐廳好喝的奶茶味道。 西蘭花斑塊 - ★★★★★  斑塊煎得金黃，外表香脆，肉質嫩滑。底下的西蘭花亦炒得夠火喉、夠爽脆，用個配香軟白飯最合適。50元左右就吃到有鑊氣又夠分量的一餐，值得再來！

今天有同事萬歲下午茶, 就近叫了排頭的外賣, 是我第一次光顧它~等到三點三, 我們的外賣到了 我要的是沙爹牛肉包+熱杏霜, 一開盒 分量不小, 原來是用了大大的芝麻熱狗包, 塗了牛油烘底, 不過可能沿途焗在盒裡, 麵包來到時已變得有點軟腍, 但仍然是暖暖的~ 沙爹牛肉對比之下, 就變得小巫見大巫了, 因夾在大大的熱狗包中間, 分量看似很少, 但實際每一啖都能嚐到牛肉, 梳打粉味不重~ 不過沙爹汁實在遜色了, 無甚味道, 只有點點甜味...配角熱杏霜反而令我另眼相看 很濃很滑沒有渣, 相信是混了煉奶或淡奶之類, 如果杏仁味再重一點就更合我口味了 一份下午茶餐盛惠27元正, 以分量和質量來說, 算是成正價比啦~