探客 (已結業)

去開油麻地，突然掛住東喜茶嘅芝士白桃烏龍，但又唔近，所以就試下探客白桃烏龍奶蓋🙈1. 白桃烏龍奶蓋(半糖少冰)（＄26)奶蓋味道偏淡，仲有少少提味嘅人會岩D，但如果你要濃奶味奶蓋就冇啦，烏龍都有幾香茶味，但都係唔濃茶香，最令我失望係白桃，又係藥水味，唔夠清甜😔彤樂評分：5/10探客 TANTEA地址：旺角廣華街1號仁安大廈地下1C號舖／元朗民合徑8號幸福樓2期地下1號舖營業時間：星期一至日：11:00 - 23:00／星期一至日11:30 - 22:00

呢排周圍飲品舖都開到周圍都係 想飲杯野仲方便過去7仔今次黎左新開既Tantea.試左佢地既奶蓋莓莓.價錢係$38.因為本人都比較中2奶蓋同士多啤梨.之前都試過好多間既莓莓. 今次呢Tantea呢杯莓莓真係有驚喜.飲落好天然.店員都有講冇落任何果醬.成杯飲哂都吾漏👍🏽但呢間最出名應該係桃膠.下次再試下先.最緊要係吾洗排太耐.岩哂我呢d冇乜耐性既人🤣仲有一點想讚下佢地 真係幾有禮貌👍🏽

今天行經旺角廣華街，發現有一間幾簡潔的台式飲品店。店子小小，但感覺企理。貪靚的我見到這家店有平民美容聖品的桃膠飮品供應，立刻要排隊試試看。這兒供應的飲品種類有好幾款，有大路的奶蓋、梳打、奶凍、清茶和奶茶，也有比較特色的桃膠同布里，價錢由$15-$30，定價親民。蝶豆玫瑰桃膠$28這杯蝶豆玫瑰桃膠大大杯，份量十足。可愛的粉藍色拼上白色，好比藍天白雲，感覺夢幻，顏值很高。可惜一飲之下，大失所望，完全沒有甜味，只有淡淡的蝶豆花味加奶水而已，難道店員忘記加入糖水？然而桃膠口感特別，有點兒像珍珠，但無咁QQ。顏值比味道高，感覺一般。

偶然經過好景，發現一間未飲過的台式飲品舖，超愛珍珠奶茶的我，決心一試。望一望menu，發現基本上奶茶類只得一款，就是琥珀珍珠奶茶。都好，不用睇到眼花撩亂又揀餐死。舖位不大，店內裝潢幾特別。等候期間，見到好多人嗌水果茶，不過原來呢間不是主打奶茶而係養生美容的桃膠，下次有機會先試🤣今次嗌左琥珀珍珠奶茶，走糖少冰。因為甜度要改，都預左要等一陣先有。佢既杯係好似咖啡店既杯🤣 琥珀珍珠係金黃色既珍珠並不是平時的黑珍珠。成杯份量不算大，但珍珠份量都多。珍珠咬落十分煙靭，好有咬口！我超級鐘意佢既奶茶，茶味同奶味都好夠，真係好好飲！而且呢間舖頭好有良心，我嗌左少冰，成杯真係得幾粒冰，證明奶茶份量係佔好多架！下次有機會一於要試下桃膠飲品！

🍑仙蜜百香果桃膠（$30)又一間新開既台式茶飲店 @tanteahk #探客 進駐左旺角廣華街！😍 呢度啲飲品最特別之處係顏色好鮮豔仲玩埋漸變，非常之靚😍 今次就試左佢地既主打仙蜜百香果桃膠，用天然既桃膠代替左珍珠，好有口感仲好似無珍珠咁肥，感覺又養顏又健康👍🏻 而成杯飲品主要飲到百香果味同埋淡淡既火龍果味，味道清新又唔會太甜，解渴一流😋 成杯飲品份量都幾多，唔會驚唔夠飲，經過可以一試👌🏻🍵🥤意式抹茶奶凍 ($30)呢度除咗有清新嘅水果茶之外仲有奶味飲品，叫咗意式抹茶奶凍，其實呢個有少少似Starbucks 既星冰樂，雖然抹茶味偏淡，但佢味道就無Starbucks 咁死甜，飲落岩岩好，面頭仲吱左勁多cream😍😍 飲飲下啜到底部既奶凍，整體幾好飲亦都性價比高😆

招牌鮮檸檬綠茶.HK $20.經過見到依間新開嘅「探客」冇乜人排隊，於是同 Friends 試依間。.我就揀左依本招牌鮮檸檬綠茶，飲落幾清新、好 fresh，而且五會太甜。

經過舖頭看見他們的飲品顏色十分鮮豔，原來不是走奶茶路線，應該是喜歡清新感覺，例如梳打、水果茶或清茶等夏天的時候，如果一身汗水，想冰涼一下，他們的口味應該比較refreshing，泰式青檸梳打是他們推介，要求小甜， 最值得讚的是真的能夠做到小甜。梳打入面有一支香茅，但香茅味道不是太出，如果青檸梳打能夠滲出香茅味道應該會更加解渴。

之前網上見到呢間新開既台式奶茶店有桃膠飲品，就去試下味道如何。點知去到見到有至愛既士多啤梨，就忍唔住叫左杯，叫做奶蓋苺苺，有草莓同藍苺。賣相好吸引！飲落果然無失望，就是我期待的味道，我諗佢地係咪落左成打士多啤梨^_^？良心小店店員全部著上白色T加藍色圍裙，加上裝潢用了黑白色為主題，感覺簡朴一點也不浮誇。店長好好人，等待杯奶蓋期間，同佢傾左一陣計，一一解答了我好多問題^_^我純粹R水吹鬼叫佢咁靚仔咩！

三十幾度高溫係旺角街頭，真係要飲番杯野解渴，呢度係新開過黎既飲品店，見到有好多漸層野飲好靚，又多生果茶幾健康。店面白色好光亮，少少空間都迫左幾個店員個個都做唔停，外面有個係整緊蝶豆花，隻紫色真係好鬼靚。有個牌仔教你點樣飲先最好飲，另外見到店員真係係旁邊即叫即切生果，仲有即時拎橙出黎榨汁，夠哂真材實料。叫左呢杯《蝶豆香橙柚子桃膠》($28)，蝶豆做成既紫色真係好靚，店員新鮮拎橙出黎榨汁，水果都係即切新鮮，叫左半糖飲落唔甜，用左健康桃膠，應該為左方便飲切到好碎咬落尚叫爽口。店名：Tantea 探客地址：香港旺角廣華街1號仁安大廈1C地舖餐牌: