揚英浦 (已結業)

早前見到揚英蒲食店，由灣仔搬咗過嚟觀塘，聽聞佢嘅豉油雞好正，所以今日Lunch走去試試先。首先當然必點「無骨豉油雞」，雞嫩肉滑，真係唔錯。再點「無骨豉油鴨」，不肥不膩的鴨片，咬落肉汁豐富啖啖肉，好味道。老闆介紹我食「豉油五花肉」，味道甜甜哋，加上少許啫喱狀的五花肉連皮，軟軟腍腍的口感，加汁撈飯一流。亦可配蝦子麵撈豉油汁，正呀！由於餐廳內只有3張方形枱，坐得12人。如果想去食嘅朋友，記得一定要訂位！

這家店之前在灣仔已經常和老婆幫襯，老婆至愛佢哋既五花腩，我就至愛豉油雞同埋溏心蛋。知道佢哋在新址重新開業，放假馬上去試吓。新舖比以前大，坐得比較舒服，很有家嘅感覺。今次我哋除咗都係例牌叫咗五花腩飯、豉油雞飯、溏心蛋、每人一個老火靚湯外，亦試咗佢哋嘅新菜式蝦醬金沙骨，食物質素依舊保持高水準，樣樣都好好味。香港專做純正中式豉油料理嘅食店不多，呢度真係試過最美味，沒有之一！有誠意做好食物的小店一定要多多支持！