敏華冰廳 (德福廣場1期)

营业中

休息中

除咗又一城店係勁難食之外, 敏華其他分店水準一向都好穩定~ 九龍灣德福店啲姐姐更加係勁 nice 添!每星期有 2日上堂前, 都會黎食佢~ 沙茶牛肉公仔麵老友同屋企人都推介 話好味無論係炒蛋定係烚蛋 都好正常冇嘢要擔心下午茶餐 呢個冬陰功豬扒米粉真係幾抵食味道都正路的 唔使擔心 加埋 $3 轉凍飲總共都只係 $41 咋~ 每次都忍唔住要買兩個包包外賣 晏啲食(今次, 同平時一樣都係買菠蘿包加雞尾包~)總係會買蛋撻但係佢哋嘅蛋撻真係唔好食總有層薄汁響撻面, 而且蛋漿超級薄, 仲偏甜口添…唔建議入手 XD

已經夜晚八點半先嚟食人朝已經散得7788我食過88蚊扒餐,都算ok嘅但服務差到令我大開眼戒全部匿埋曬水吧冇人出嚟叫任何嘢基本上都冇人理只有一個培訓員工落力應付其他人應咗你差不多都等於冇應過客人已經好少但係上菜速道仍然超慢扒餐旨明要黑椒汁就嚟蒜蓉汁奶茶小奶依然係多奶沖杯熱奶茶10分鐘都未到到?淨4台客㗎咋喎？之前食早餐落餐親單都錯漏百出諗住人比較少食個晚餐結果都係大失所望0服務唔緊要喇當我嚟乞食喇我走去水吧問人攞嘢仲比人叫我返埋位叫同事都唔知可以講乜.....

好後悔無去之前睇下食評唸住食個早餐姐差的去邊？點知就瀨曬野坐低點餐等左最少半個鐘連杯水都無叫左幾次人想問下個個都話等一陣唔肯過黎5、6個啊姐齊曬係出餐位扮忙但無出過餐，係度吹水傾電話同我地差唔多入黎坐既人全部都無野食全場齋坐最後等唔到走左之前去mikiki既敏華食開個度d人好好做嘢有效率估唔到唔同分店體驗感差咁遠

厲害！一間餐廳完全沒有服務可言，同一開始開業個陣比完全兩回事，明顯少左好多人食唔洗等位，自己求其搵張檯坐低 點知侍應又話張檯有人坐，叫我地坐另一張 坐低左一陣都冇人理，改左自助落單但係連QR code都冇比，水又冇杯叫左兩次先有，差啲要自己去後場斟水，但係餐廳當時人流稀小，價錢已經唔平性價比極低，野食份量極小超級雜扒飯完全感受到超級，份量超級少超級普通，下次一定唔會再幫襯！！！如果係i人歡迎去餐廳試下全部都自助，連埋單都係自助i人絕對適合👍

香港連鎖茶餐廳，但係阿姐啲服務態度好差，蔥油雞扒撈公仔麵，公仔麵煮得比較好食啲，啲蔥油係餐廳自己整嘅，雞扒煎得啱啱好，要煮一份好食嘅公仔麵其實都好考驗到廚師嘅能力，好香滑Q彈，不過啲蔥油少咗啲，後尾先知原來蔥油可以再加，蛋撻，蘇皮好脆個蛋液好香， $8一個，咁咪啱啱好唔會太甜，跟住再加杯凍檸茶，一餐就咁樣食飽啦。啲嘢還OK希望阿姐啲服務態度可以好啲啲。

一日之計在於晨，週日早餐場面熱鬧，甚至要排隊～一份早餐才醒神濃香雞湯火腿通粉$40個湯底係佢哋嘅招牌配上通粉湯底好飲包多士可烘或唔烘（牛油因應自己喜愛）烚蛋及飲品

服務真係好差.已經客人用QRcode 落單埋單時收銀員說要自已用自助埋單機埋單但收銀員是空閒的.是否想餐廳無人化.食物品質已不如以住.真係一肚氣..餐廳有兩種可以給客人再次光臨的理由.1. 餐廳服務品質2. 餐廳食品品質.兩樣都冇好快消失

待應們保持一貫作風——唔理唔招呼唔好黎食嘅態度搬到九龍灣第二次幫襯，門口呀姐每次當見唔到有客，自行搵位待應就鬧客唔應該自己搵位，執好枱嘅唔比客坐，坐未執嘅叫待應執就問點解你要坐呢度，唔比code人自然就叫待應落單，答案係load唔到你自己落啦😓下午茶時間餐廳得一半客都咁嘅態度，怪不得大家要北上消費。無嘢食都唔會再幫襯🙅🏻🙅🏻🙅🏻

見凍凍地，想食熱辣辣，見敏華新推菇丸煲，又有滑牛揀，所以一試，敏華人手欠奉，召呼欠奉，手機點餐後等了又等，牛肉先到，之後再來煲，好唔明白點解火猛但D湯唔會滾？飯腳已經食完他的茶餐，但煲湯仍然不冷不熱，所以我也不等個湯大滾，將三片滑牛及墊底菜都倒埋落去。當然食到最後，我都唔覺得煲湯有大滾過。湯底夠濃，除了三片滑牛，煲內附有3-4粒丸及菜，菇，如果要求健康之選，這是做到的。

雖然屋企附近一直有一家，但一直都冇食過聽人講味道OK，行過就想試下我叫左佢個黯然銷魂飯，三隻雞翅再加凍檬茶，上菜速度好快，落完單冇耐個飯就到咗但除咗杯嘢飲，都難以下嚥。。。嗰啲叉燒勁肥，我覺得味道都一般，調味唔係幾好食，啲飯又太油，個飯的確銷魂，因為我食完想死啲雞翼冇隔油，碟底有油，又油又鹹嗰調味又怪，食咗幾啖油到我想嘔雖然唔想嘥，但真係食唔落，食咗就幾啖算數好失望囉，百幾蚊食啲噉嘅嘢，咁鬼難食😅下次去普通茶餐廳食算數，嘥錢買難受

唔知係咪期望過高畢竟同食神黯然銷魂飯同名雖然呢個叉燒蛋飯份量十足價錢唔平加上係招牌菜雖然係宣傳手法不可盡信但係叉燒味道認真過於一般飯亦都冇甘香口感仍有好大改善空間改善

他們的菠蘿包配奶茶是一個經典的組合。菠蘿包的外層酥脆，內裡柔軟，配上香濃的奶茶，是一個完美的早餐或下午茶選擇。除了食物，敏華冰室的服務也非常出色。工作人員總是友善和專業，迅速處理訂單並確保顧客的需求得到滿足。餐廳的環境舒適，裝潢充滿著懷舊的香港風情，讓人感到溫馨和放鬆。總的來說，敏華冰室是一家值得推薦的餐廳。無論是冰品還是茶餐廳美食，他們都以高品質的食材和精湛的手藝製作，讓人回味無窮。如果你想要品嚐正宗的香港美食，並享受優質的用餐體驗，敏華冰室絕對是一個不容錯過的地方。

住喺呢頭附近，基本上諗唔到食乜都係揀敏華今次懶懶地嗌個外賣黯然銷魂飯一直都係我嘅必叫之選雖然啲叉燒同佢啱啱出嘅時候，好似真係冇咁好食不過都係好食過出邊嘅叉燒飯尤其是佢隻流心荷包蛋送飯一流，我嘅大愛💖💖💖💖💖💖💖凍檸檬茶有得揀走甜，平時出邊飲走甜嘅檸檬茶，會好澀口，但係呢度嘅會飲到檸檬嘅清新香味，所以係好飲嘅全家人都鍾意食，叫兩個一樣嘅飯唔出奇丫😆😆不過佢包嘢飲埋個價就有少少貴囉。

敏華餐廳是一家我喜愛的餐廳，他們的常餐選擇非常豐富。其中，我特別喜歡他們的五香肉丁公仔麵。這道五香肉丁公仔麵給人一種濃郁的滋味。肉丁經過五香調味，肉質鮮嫩多汁，與麵條完美結合。麵條本身彈性十足，入口滑嫩。這道麵食充滿了香氣和口感，每一口都令人回味無窮。除了五香肉丁公仔麵，敏華餐廳的多士也是一絕。多士外皮金黃酥脆，內部柔軟。無論是單吃還是蘸搭其他菜餚，都非常美味。多士的口感和味道讓我每次光顧這家餐廳時都必點這道美食。此外，他們的炒滑蛋也非常出色。滑溜的蛋液搭配適度的調味，口感順滑細膩，給人一種滿足感。這道簡單的炒菜展現了敏華餐廳對每道料理的用心。最後，我必須提到他們的香滑奶茶。這杯奶茶香氣濃郁，口感滑順。奶茶的甜度和濃度恰到好處，令人愛不釋手。每次品嚐這杯奶茶都能給我帶來一種放鬆和享受的感覺。總的來說，敏華餐廳的常餐選擇多樣，每一道菜餚都經過精心調味和烹飪。無論是五香肉丁公仔麵、多士、炒滑蛋還是香滑奶茶，都展現了餐廳對品質的追求和對客人味蕾的關愛。如果你想品嚐美味的常餐，我強烈推薦你光顧敏華餐廳。

今日一早就起左身，準備出去11點整頭髮，都預左要坐成手2-3個鐘染頭，所以去之前決定嘆返個豐富既早餐先。時間好早，10點都唔夠，見到樓下敏華開左，就好自然咁行左入去啦。雖然好早，但店內已經坐滿8成人，睇黎敏華既早餐唔會差得去邊，我今次就叫左個雞排，火腿，納豆，配多士餐，跟一杯熱鴛鴦，另外加多6蚊雞多隻太陽蛋開心一下，雞排都算大塊，有手掌咁大，雞排上面有茄汁配搭，都幾夾，而面包都夠熱，兩邊明顯熯一熯，有少少脆口，配上火腿同太陽蛋食，口感都算豐富，熱鴛鴦茶味濃，飲完一杯成個人都醒神晒，嘆完個30分鐘既早餐，都係54蚊，時間岩岩好可以出發扮靚，茶餐廳黎講敏華真係稱得上，快靚正