敏華冰廳 (奧海城一期)

营业中

休息中

今次試咗夠薑豬潤牛肉米粉，真係好味！米粉滑爽，搭配薑味濃郁嘅豬潤和牛肉，令整碗米粉更加香濃。湯底清甜，啖啖都係鮮味。全熟炒蛋鬆軟可口，火腿亦帶有咸香，令早餐更加豐富。多士外脆內軟，抹上牛油後更加美味，配搭一齊食真係好開心。整體而言，呢間餐廳嘅早餐選擇多樣，食材新鮮，值得推介！

今天真是呢,夜晚來食飯都很開心，反而今天下午來食飯真的亂到不知所謂，1來亂，2來很嘈，好像去了街市這，見到她的衣服跟其他同事不同應該是高級，收拾枱面去下欄位置很大聲，簡直是我不應該叫她做，可能我不對走去叫佢幫我汁枱，呼喝同事做呢野做個樣，有一位同事幫我追個叉燒飯，佢竟然叫走個同事，我以為呢位高級同事幫我追一追個飯啦，誰知只懂埋怨同事不在外面睇場，難道你只懂得站在收銀呼喝你的同事嗎？你不如幫手追一追客人d飯仲好啦

敏華冰廳，位於大角咀海輝道11號奧海城1期UG樓UG22號舖。 常餐$59 ～ 惹味五香肉丁 通心粉， 軟多士，煎雙腸＆太陽蛋， 凍檸樂$6， 熱齋啡$20。 ▪️惹味五香肉丁通心粉 $59 ～ 五香肉丁份量好少， 湯底太多水汪汪的，下次都係食返牛肉公仔麵了！ ▪️軟多士，煎雙腸＆太陽蛋 ～ 軟多士厚切香脆美味， 雙腸和太陽蛋做得不錯， 太陽蛋煎得幾靚。 ▪️凍檸樂$6 ～ 凍檸樂解渴美味。 ▪️熱齋啡$20～ 咖啡味道完全唔夠濃， 唔好飲。 平時食開沙茶牛肉公仔麵， 今次食五香肉丁， 個人感覺比較失色。 🏷️溫馨提示～ 整個用餐體驗均屬個人分享意見， 只作參考😊。

每日朝早都會去食早餐，店面乾淨唔洗講有個叫娟姐既員工好好態度，對所有客都係笑笑口平時都記得我食啲咩 好似飲野走甜咁仲會留意到佢會記住常客既喜好同唔中意咩呢啲細節位真係加曬分

敏華已是我長期的飯堂，每天放工後都會黎敏華食飯，因為夜更的同事比我感覺就好似家人回到家一樣有講有笑，繁忙的時候，佢地不會好像早上的某位同事咁這麽急，呼喝同事工作不會體諒同事們的辛苦，好像大家姐一樣（其實可能是大家姐）站在收銀指揮這樣，真心希望早班同事好像夜班同事一樣當客人或同事是家人或者朋友，真心希望夜班同事繼續保持

無諗到食個飯都要受氣 門口個凸眼啊姐態度勁差 問野又唔答 語氣惡劣一副欠左佢咁既黑面樣 入去又唔帶位 就咁隊個QR code俾你 啲野又唔好食份量又少 今時今日仲係呢啲咁既服務態度 唔好話點解啲人唔留係香港消費啦 又貴又難食又要受氣 貼錢買難受

敏華冰廳，位於大角咀海輝道11號奧海城1期UG樓UG22號舖。 其實已經食過很多間不同分店的敏華冰廳， 價錢唔算平，但總算有質素。午餐 ～ 潮式沙茶牛肉公仔麵，雙腸煎雙蛋， 歐式軟多士$59、 凍奶茶$3、 敏華公司三文治，啡走$50。🔸潮式沙茶牛肉公仔麵 ～ 彈牙爽口的麵， 沙茶醬湯底香甜帶點鹹香，香濃惹味的湯底， 牛肉夠軟腍。 🔸雙腸煎雙蛋 ～ 太陽蛋煎得靚， 腸仔是脆皮的。 🔸歐式軟多士 ～ 多士配上牛油， 軟綿好味。 🔸敏華公司三文治 ～ 餡料超豐富，三文治仲係熱辣辣的，新鮮美味。 🔸凍奶茶 ～ 奶茶上枱的時候， 好似冇咗幾啖😅， 味道偏淡， 茶味唔香，冰塊太多。 🔸啡走 ～ 喜歡煉奶是令上的， 咖啡味香濃。 敏華冰廳是一間水準穩定的茶餐廳，雖然價錢不算抵，但有品質的保證。 🏷️溫馨提示～ 整個用餐體驗均屬個人分享意見， 只作參考😊。

這個蛋撻令人驚艷！外皮酥脆，呈現完美的金黃色澤，一咬下去，蛋撻內的馅料濃郁香滑。蛋黃香濃，口感豐富柔滑，和蛋白的蓬鬆結合得恰到好處。馅料的甜度剛好，不會過分甜膩，讓人欲罷不能。這個蛋撻絕對是甜點愛好者的最愛，每一口都是一個美味的享受，令人回味無窮！

晚黑又要ot，先落來覓食，又唔想食飯，咁就叫小食醫下肚啦，一於試試敏華個鹹牛肉滑蛋三文治。原本以為會好鹹，但食落就啱啱好，而且d蛋熟度啱啱好，加埋軟棉個方包，入口即化，真係好正。

$73一碗嘅叉燒飯，加黯然兩個字就買到貴一貴，叉燒得五舊、如圖碗飯得半碗仲要係凍嘅😒嗰幾舊叉燒係幾好食嘅，不過呢個價錢一啲都唔值得囉！啲飯少到當下午茶食都唔夠飽⋯仲有杯凍檸茶+$3 大半杯都係冰，兩啖飲晒！唔會再幫襯，完～～

用餐日期：2024/01/20用餐時段：晚餐用餐費用(每人）：$86.5餐廳環境：室內不少座位 檯與檯之間較近 人多時可能要搭檯服務：服務員服務態度正常味道：點了晚市套餐-敏華黯然銷魂飯+蠔油時菜+熱檸水1-敏華黯然銷魂飯-叉燒+雙煎蛋+飯 叉燒偏乾偏硬 雙煎蛋煎得求其也沒焦邊 飯偏硬 整味味道不好 不推薦 2-菜：份量足 生菜煮得剛好味道正常 蠔油直淋的菜面有點偏咸 3-飲品：熱檸水 味道正常總結：這家的黯然銷魂飯以往食過味道好 但這次叉燒肉乾硬鞋口飯偏硬不稔 食後感沒黯然銷魂只有傷心失望 整體味道不好 性價比低 不推薦

夜晚要ot，落樓食個飯先，未試過敏華嘅夠薑豬潤牛肉米粉，一於試下。等左一陣就上到，豬潤真心厚切，牛肉都好嫩滑，唔怕生，米粉吸左d湯好入味。個湯好濃薑味，夠辣，d薑好大粒下。正。

今日又要ot，遲左落來買飯食，落到來18:45左右，去敏華想叫豬潤米粉，點知冇晒，要叉燒又冇晒🤣🤣咁就叫多士同雞湯蔬菜。 第一次食咖吔多士，個包烘到好脆。揀啱個雞湯蔬菜來解滯，一流。

8月5號星期六下午約四時喺奧海城見到敏華，覺得佢食物吾錯，在荃灣和葵芳新都會都ok,雖然冇咩服務，但最緊要嘢好食，點知叫咗個常餐沙嗲牛通粉配埋雙腸炒蛋有塊多士，點知嚟到嘅時腸食落口係凍嘅，直程係放咗落啲油即刻拎返起佢，咁搵咗個侍應同佢講，個男士應木口木面咁換返兩條腸，點知再嚟兩條腸又係凍嘅！灰晒😱再同另一個女侍應講嘩你認真換過兩條煮好嘅腸來，如果唔係就取消個餐啦！咁佢就再換過兩條，想講埋佢嘅沙嗲牛通吾熱，暖暖地咁😓本人最怕啲嘢唔夠熱，奶茶亦都唔好飲，唔明點解呢間會比其他啲差咁多！呢間分店我以後都唔會再去食。

坐低諗住叫野食，無留意原來轉左QR CODE落餐。舉左手極耐，全部員工睇到都當睇唔到，態度極散漫，又唔喺上緊餐，而係傾計、發夢、行行企企。最後個經理過左陣先行埋嚟，先知要用CODE落餐。呢間野可一不可再。