敏華冰廳 (新達廣場)

营业中

休息中

聽到冰室兩個字就覺得好懷舊嘅味道，敏華冰廳都好似係人氣茶餐廳，未開張已經有點期待，經常經過門口都排長龍，真係咁好吃?今日趁放假就來吃個早餐，可能平日所以唔洗等位。座位都算闊落，麵包出爐會敲鐘，麵就好一般，奶茶都唔算特別好飲，整體感覺叫合格，無驚喜，要排長龍就要考慮了!不過有機會都想試下個菠蘿包。

食蛋撻當然新鮮出爐最好食，睇著時間等蛋撻出爐。敏華蛋撻採用全蛋，並無加入牛奶，不但令蛋味更加突出，敏華更以味道較清甜嘅冰糖取代一般砂糖，酥皮外脆內暖， 蛋味香濃。

今日一早早食了東西，可是未到十點又肚餓，等左個幾鐘，準備到十二點中午，趕去食早餐。我喜歡食早餐是因為有湯面，有包，食埋唔會特別油我點了火腿通粉，忘了拍照，我唔習慣相機食先餐單跟炒蛋，多士。我轉了太陽蛋值得一讚，多士超軟，趣口好好食！太陽蛋同其他店無分別加左兩個包，凍左少少，唔夠熱，包熱食最好的雞尾包餡料夠，唔甜，製作有質素相比之下，菠蘿麵包失色了，希望下次有運食到熱辣辣菠蘿麵包凍奶茶，原味上，好飲！同集團太興既差不多

有一晚突然間好想食菠蘿油，就去咗呢間冰室。點知Order咗冇耐，侍應先過嚟同我講賣晒，嗚⋯當堂有一下失落。【Toast with Kaya Coconut Jam馬來三叔公咖吔多士$15】麵包外層烘得金黃香脆，內裏依然鬆軟。配上邪惡嘅牛油同咖吔醬，真係幾Yummy；如果啲咖吔醬俾得慷慨啲會更滋味。【BBQ Pock with Egg and Rice黯然銷魂飯$52】餐廳用上自家製嘅厚切叉燒，外面焦香配上大量蜜汁，內裏軟腍；雖然比外面食到嘅稍甜但我都幾鍾意。先將流心蛋蛋黃篤穿，等啲豐富蛋汁、甜豉油同金鳳香米混為一體，係”撈飯控”首選。【Scrambled Egg and Sausage with Butter Toast炒滑蛋雙腸及歐式軟多士$24】炒滑蛋的確幾滑而且有蛋汁，略嫌油膩咗啲。【Iced Lemon Tea】凍檸茶茶底清澈，唔會用浸透太耐嘅茶膽，算唔錯。敏華冰廳陸續喺各區插旗，總有一間喺你附近。餐廳更設有包餅櫃，定時定候會有新鮮出爐嘅麵包同蛋撻；我會為咗菠蘿油再次到訪！

假期要訓晏小小，然後食好小小，仲可以唔使食快餐，可以食個冰廳早餐。沙嗲牛肉公仔麵配炒滑蛋，厚多士，凍檸茶。沙嗲牛肉味濃，湯頭濃郁，麵是福麵，炒滑蛋依然有水準，有蛋汁。

自從大埔開左敏華冰廳之後，已經食左好多次啦！天氣有點乾，想吃點湯類的，今次就試下食常餐。點左叉燒湯意粉，炒滑蛋配雙腸，多士。叉燒湯意粉，湯底是雞湯，非常濃郁。意粉的口感也剛好。但叉燒就不及 銷魂飯的叉燒，是很乾很廋的那種叉燒，真是大打折扣。幸好滑蛋非常滑，而且有蛋汁😋

敏華冰廳在各區陸續插旗這次就開在我家附近初開業就吸引好多人排隊～～裝潢光猛整潔，加上一些大埔區的地標名，令分店多一點大埔味！此分店還設有包餅櫃枱定時定候會有新鮮麵包﹑撻出爐！今次和妹妹來吃晚飯大約等位15~20分鐘就能入座我選了港式鐵板餐 - 珍寶大雞扒(蒜蓉汁)，配羅宋湯及歐式軟多士妹妹選常餐 - 夠薑豬潤牛肉湯米粉拼炒滑蛋及歐式軟多士多士一塊烘得夠金黃夠脆，另一塊相對沒那麼脆口炒滑蛋，炒得夠嫩滑，帶有一點蛋汁，而且很香！羅宋湯普普通通，不會太鹹，酸度剛好～珍寶大雞扒(蒜蓉汁)，鐵板夠熱，一淋醬汁就zaza聲，香氣飄逸！！雞扒夠大塊，肉質夠嫩，不會粗糙，幾有咬口！蒜蓉汁好香好惹味～～薯格好脆口，但略鹹了一些！！夠薑豬潤牛肉湯米粉，賣相一點都不討好！豬潤牛肉的份量都算多～～薑味好足，豬潤不會腥，灼得很熟！牛肉都是平常沙嗲牛麵那類牛肉，普通，質感不會太韌～凍檸茶，茶底都OK，不會太淡檸檬酸味恰好合格的檸檬茶！！總結而言，食物味道都算不錯鐵板餐CP值OK！鐵板一定要夠熱是重點！！常餐算是略貴，就炒蛋算好味～～米粉的質素一般！偶爾可以光顧～笑臉是給鐵板餐和炒蛋～～

與朋友吃午餐，選來選去揀咗好耐都唔知食咩好，朋友最後揀咗呢個蔥油豬扒雙蛋飯，分量一上到黎都嘩咗一聲，一個女仔應該食唔晒😂 好肚餓可能會食得晒嘅。雞蛋係流心嘅，豬扒好鬆軟，可能落咗鬆肉粉，不過整體唔影響口感嘅，連埋蔥油一齊食一級棒呢朋友嗌咗個飯，我就嗌個米粉冇咁heavy la😄米粉個湯底幾好，奶黃色的，是否味精湯找不得而知啦，但係雞翼係幾好味嘅，雞翼炸到好脆身，醃得好入味，雞肉係有味道嘅，同埋米粉都幾大碗，Total都夠飽

在肚餓與唔太肚餓之間，食一個茶餐又好似食唔落，不如去食塊多士。自從大埔開左敏華冰廳之後，想吃茶餐方便很多。果占牛油鬆脆厚多士，多士烤得香脆，配上士多啤梨果醬，它的味道偏酸，搭配鹹牛油，吃起來酸味會更突出，這便是油占多的巧妙之處。

約了好友去慈山寺，搭車前趕時間，在火車站商場食個快午餐，選了呢間冰室，去到唔使等位，比予中央位置四人枱（預了要搭枱）桌椅較迫，店內是色彩鮮豔的茶餐廳，光猛乾淨，餐牌是壓在枱面玻璃下，清楚但不好拍攝，而且當我們食物已到，後至搭枱食客就看不到餐牌了！落單店員很爽，因我不太肚餓，只點一碗麵+熱飲，她很好的提醒我，茶餐有我的麵，只多一元就可以多一份炒蛋多士，我最後選擇散叫夠薑豬潤牛肉湯米粉（$42）血氣不好的我，要食呢類肉類補救下，上菜賣相真的不討好，啲濁汁泛滿湯面，好在湯底薑味真的平衡到肉類的內臟的重口味！不會有腥味，豬潤較硬，牛肉片薄身唔韌，米粉要大讚，綣曲掛湯爽口唔硬，好味，湯底夠濃，不會一口味精味，好味熱檸茶（$16）茶底對茶餐廳來講不算濃，檸檬唔澀，茶不會澀，幾好朋友食：叉燒湯意粉拼炒蛋雙腸、歐式軟多士（$57）熱奶茶（$16）講真食呢類茶餐廳簡單食品，埋單$115偏貴，幸好水準是不錯的！加上店員溫馨提醒，會感到為客人方面出發的窩心！有水準偏貴茶記

喺未開張之前，暗然銷魂飯嘅宣傳，響商場內作為廣貼，佢寫上五大特色：分別係使用金鳳，荷包留心蛋，自家製豉油蔥汁，厚燒叉燒，仲有一項忘記了平日無機會食，今日起身諗起，於是等中午時間一食整個感覺我覺得係極為普通，雖然用到金鳳米，米飯比較有口感，但係返嘅靈魂在於餸菜，即係叉燒同埋流心荷包蛋。首先我都會用更整穿流心蛋，因為可以將蛋嘅醬汁落飯，都令到米飯更加香。我認為蛋做得非常之好因為起碼留心蛋上下都冇一個好窿嘅感覺至於飯嘅靈魂就係叉燒，叉燒係厚切嘅，至於肉質我就覺得麻麻地，因為好明顯佢係用咗鬆肉粉製成，先可以令到肉質變得滑口。值得一讚嘅就係叉燒表面有種燒烤嘅味道係幾香嘅，一共四件，麻麻地足夠！整體：唔係特別好食，出面既叉燒+蛋飯，也許更好，我食過幾間叉燒飯，真係好食！

朋友講佢黎敏華食下午茶，佢會選擇食榨菜雞翼公仔麵，我其實心思思想試一試，究竟雞翼榨菜公仔面有幾好食。今日仲有機會,感覺上呢度嘅榨菜肉絲，份量或者質量較其他嘅餐廳好味，原因係肉絲粗條而成，一睇就知同其他餐廳有分別，唔似係向人拎貨，肉絲唔鞋口，好入味！雞翼有兩隻，普普通通，如果分開湯上更加好，雞翼放入湯，變相唔趣口，失意了公仔面，份量少，我女仔一個，平時出面都食得好飽，今日唔肚餓，反而食唔飽。公仔麵似出前既口感，面質都幾好，差在份量少。一個餐要$38，幾費，食個下午茶要差不多$40

港式茶餐廳係香港的其中一個特色。餐牌集各家大成應有盡有，價錢更是豐儉由人。近日大埔新開左「敏華冰廳」當然要去試試。主打一定要試「黯然銷魂飯」荷包蛋加上四塊厚切梅頭肉叉燒，肉邊燒得焦脆，咬開即嘗到滿滿的肉汁和脂香，絕對對得起黯然銷魂之名。加配埋 「鹹檸七」簡直就是人生一大享受。

每次經過都好多人排隊既新茶餐廳！星期日同屋企人黎試下午茶。由於我地三個人，比哂二人入先，結果都等左半小時。餐牌:叫左三個茶餐旺角冰火菠蘿油拼炒滑蛋大大個菠蘿包夾住塊凍既牛油熱辣辣！外面好脆，咬入去又軟熟炒蛋好滑，有水準咸牛肉蛋治比想像中多料，好多咸牛肉，而且好熱，有驚喜好味道！茶餐包一杯飲品，茶餐廳必叫熱奶茶，都幾滑下，茶味可以再出d，但都Ok。脆皮叉燒包個皮再脆d就好，而且陣油味好重叉燒份量足夠，一般般。如果唔洗排咁耐隊，都值得一試。

今日黎到大埔新達廣場既敏華冰廳食早餐，成日聽人講有幾好味，滿心期待，誰知得到既係超級失望！首先係完全冇服務可言，餐廳既侍應黑口黑面，唔帶位，企左係到冇人理，要自己去搵位！好啦，坐低左舉手落單，完全冇人show你，叫又冇人應，明明係前面行過都可以睇唔到聽唔到！終於落左單，野食黎到，一打開個櫃桶，一枝叉都冇，叫人點食，又再次舉手叫人，點知又係冇人理你！！！野食偏鹹，抄蛋係超級油，成pet野咁，唔知食緊咩落肚！希望貴公司改善下員工既服務態度，就算野食幾好食都好，冇服務就係人都唔會想入去食！！！超級失望！