敏華冰廳 (新太陽廣場)

营业中

休息中

等咗50幾分鐘，食唔到飯。今日我同同事中午搭12點正，堂食落咗2份餐，俾埋我小票。但最尾淨係上咗一份餐。我等咗25分鐘催店員，佢問我第二份係咩飯，話佢搵唔到單據，我答佢之後，等到12點35分再催佢，佢答我係廚師整唔見張單喔。之後我以為佢會幫我催，結果等到50分鐘都未有！又係覆我係廚師整唔見單，態度又惡又串。真係離曬大譜，明知有問題都唔解決，一直覆我廚師整唔見單據，我只要你快d解決問題。我真係好惱，佢仲走開唔彩我。曬咗我lunch時間，仲食唔到飯，之後搵收銀改單結賬。有冇投訴方法？

簡一個湯米粉，已经係自助下单及自取午餐！等咗50分钟都無得攞！堂食上餐時間只需10分钟，到收银台前外賣訂餐要15分钟！點解全自助就50分钟都無得攞！係咪要親自入厨房自己煮？要取消又唔可以！你哋想掂？服务差，服务員問極無反应！問幾時先有，永不只話，再等一陣！同时已经有顧客爆粗投訴！鬧咗15分钟之后，就可以退＄？要客人走入厨房問，都仲係無！一碗米粉有幾難！如果好難就唔好做外賣啦！一碗米粉要＄40幾，又唔係平！

已經唔止一次，人手少，態度服務又差，同一時間叫2碗火腿通粉，另外腸仔裡面係凍嘅，似未解凍係咁意碌2下，腿通上一碗，漏一碗，見到遲黎嘅客人都食緊火腿通粉，我朋友都差不多食完，我忍唔住追單，男侍應hea我…結果追左三次，佢話廚房人手少，我問，係米逐碗煮呢？啲腸仔裡面點解凍嘅？佢一句唔好意思都冇，就黑我面走左，講真，因為樓上番工，敏華開咁耐食咁耐，以前班員工好好多，有禮貌…呢班？唔承認漏單仲要黑我面，結果，黎左得半碗嘅通粉…感覺勁差囉…決定明天起，罷食敏華，你地大集團唔會理會少一個半個熟客，冇問題。。。但希望你地檢討下啲員工質素，大細都係咁……😡😠

減肥減咗幾個月，有一排冇食過邪惡食物。今日非常之肚餓，所以lunch time就嚟食過厚切蔥油豬扒飯。餐廳環境尚算清潔，因為喺呢寶太陽中心入邊，呢個商場而家改頭換面左，清潔咗好多，同埋開咗好幾間食店，下次可以試埋其他食店。厚切豬扒，連埋一舊肥膏，一齊食真係好正，蔥油好惹味，仲有隻煎蛋，蛋黃用嚟撈飯，超級邪惡，但係亦都好滿足。呢啲餐真係唔可以成日食。再加埋杯凍華田，令到減肥嘅日子過得好過啲。下次唔知幾時可以再食

疫情期間，禮拜日早上尖沙咀了無人煙，諗住啦啦聲買個三文治翻公司OT。十一點落單餐蛋治烘底，十一點半先俾我，明明間餐廳得兩三個客，等左20分鐘後走去問，話只蛋煎緊，煎只蛋原來要咁耐，翻到公司打開個盒發現d三文治全部散曬，根本冇心做生意，而且d三文治係凍嘅，姐係廚房好求其咁做完d嘢，前臺又好求其咁闊佬懶理。我唔知道係因為資本太雄厚唔休做定點，睇黎飲食業生意好差都唔係講緊你地，如果唔係順路貪快我真係唔會走黎買。點都好，可一不可再。

食左敏華都有一段時間，可惜水準實在係每況越下得好緊要... 好似上次同朋友嚟尖沙咀Dfs分店食豬潤米直情係難食到一個點.. 雖然職員見我哋食淨咁多問洗唔洗再整過，但我同朋友都完全無心情再食了。今次問題:炒蛋 (長期用好多油炒)多士 (唔知點解總係黐口)豬膶牛肉米 (豬膶又鞋又難食，牛肉無味，薑就用得越嚟越少無左以前既勁薑味) 其實已經有越嚟越多新茶記/冰室提供有質素既常餐，已經理由再幫襯又貴又唔好食既敏華... Bye....

常餐茶餐特餐都有的茶餐廳, 下午茶時段, 食晚飯時間還未到, 就來一個公仔麵多士, 這個時間沒有很多人, 只有附近店舖的店員, 原想點常餐的牛肉豬膶米粉, 可惜已沽清, 就點了茶餐馬來三叔公咖吔多士($34)及榨菜肉絲雞翼公仔麵($45), 咖吔不是很多茶餐廳, 餐牌有就必點, 多士新鮮烤焗, 牛油夾在方包內加上咖吔, 味道比奶油或奶漿多士豐富.  榨菜肉絲雞翼公仔麵加上檸樂, 這項目都不會令人失望, 這個價格在尖沙咀連飲品, 真的算不錯, 下一次再來試這裡的黯然銷魂飯. 

疫情間接影響到自己假期就多咗，無啦啦有日假，又係一個人行街嘅時候，就嚟去尖沙咀，搵到一間平時好多人排隊嘅敏華餐廳，見佢早上人少嘅時候決定去試吓佢。點左一個沙嗲牛肉麵，依！唔係，係沙茶牛肉公仔麵先啱，配煎雙蛋歐式食軟多士，轉做煎雙蛋諗住冇咁多油，。先來煎雙蛋及多士，反而多士比到驚喜我，好有質感好軟熟，喺麥包嚟嘅，煎雙蛋就有少少失望因為都幾多油（當然啦，唔落油點煎蛋啊老細😅），我都係一廂情願咁諗姐🤣🤣。再嚟沙茶牛肉公仔麵，我本着沙嗲牛肉麵既感覺去食，點知發現係辣嘅，先意會佢係沙茶牛肉麵😂，牛肉片的厚度啱啱好，軟熟又唔韌，太厚反而好適合好難咬開，敏華處理得唔錯。

雞扒size真係大得好驚人😂兩個女仔嘅份量先食得曬，有圖有真相以前食敏華，通常都係食佢嘅叉燒飯 ，但係今次試下佢佢豬排飯，真係超級有驚喜，高質豬排飯👍肉質好嫩滑，肉嘅口感鬆化，同埋火候控制得啱啱肉唔會太老😋唔驚唔覺 ，一個人食曬咁大塊豬排😂😂

見到招牌上面張相咁招積寫住黯然銷魂飯....再望一望張相都幾吸引，於是就行咗入去啦～ $73 一碗又睇吓有幾咁出色，今日星期三，order完之後大概等咗10分鐘, 就像送到你面前, 見到啲叉燒都有啲燒燶! 正！ 叉燒就係要食有少少燶！不過又估唔到佢面頭搽咗一㓎蜜糖。甜甜地又幾出色 ！加埋甜豉油，送飯簡直一流！都係一個comfort food~同行嘅朋友叫咗免治牛肉～都幾唔錯下次都會試吓！仲有佢新鮮出爐嘅蛋撻同埋鮮奶撻！下次都會試埋佢！

呢間餐廳好似整蠱人咁， 11:50嗌左外賣，然後等咗25分鐘，再話俾你知你個餐冇晒，轉乜乜乜餐啦！個餐究竟仲有冇都唔係要人等咗25分鐘先知啦，仲要求求其其叫你揀第二個餐，完全一啲都唔覺得唔好意思，一句對唔住都冇！等咁耐好肚餓，諗住是但叫佢轉第二個餐，結果佢話過咗早餐時間，唔係爭嗰$10 ，但真係谷鬼氣，而家做錯咗野仲要奉旨咁，唔係貪快洗咩食你間野！如果打工仔幫襯佢，預咗等半個鐘然後再話你知冇嘢食，你個lunch都唔使食啦！絕對絕對唔會再幫襯！負評x1000

12:25落單，13:05才來。中間多次反應也不理，只說就是會比較久，所以中午去吃要有心理準備，他們自己說的，出餐就是這麼久。到最後說不要了，要結帳了，他們好像才發現真的漏了，出餐後也沒有任何解釋，好像在說：反正我們就是那麼爛，生意還是那麼好，不爽不要來。提醒各位上班族，中午如果要吃這間的話，一定要有充足的用餐時間，並且帶著想細細品味港式冰室的心情，於喧囂中體會寧靜，於鬧市中尋找淨土，在繁忙的社會中，給自己一個機會，等待。

小弟從細到大都係鍾意食叉燒嘅人，但係近幾年啲燒味舖嘅叉燒通常都係又瘦又乾爭爭，似咬柴多個食肉，但自從試過敏華嘅暗然銷魂飯之後，就重燃返我對叉燒嘅感覺，佢啲叉燒半肥瘦而且肉質彈牙，配埋煎蛋同埋個豉油汁簡直係絕配！

見到尖沙咀新開左邊呢間，宣傳單張好吸引。12點30來到，見到大排長龍，於是改外賣。冇諗到12:37落個order， 1:10都未攞到。lunch Time嘅朋友食飯，唔好考慮呢一間，或者叫雞扒飯，唔好叫叉燒飯。同埋翻到公司打開黎，蛋其實無流心㗎，失望，只有暗然冇銷魂。