敏華冰廳 (如心廣場二期)

营业中

休息中

喺餐廳半滿狀態之下，30分鐘都未出到一個公仔麵實在好難接受，未見過有一間咁慢嘅茶餐廳。趕時間千祈唔好食，要當自己去高級餐廳，同職員講佢只係叫你等吓，完全唔喺做生意！

昨晚屋企附近爆水管搞到幾條村都冇食水🚰，所以今日冇帶飯食自己😐😐，咁就搵埋🤴🏻一齊食晚飯先😛😛急問咗同事敏華有咩好食😋😋，同事就建議食蔥油豬🐖扒飯！好！試佢！😁😁～～～蔥油鴛鴦🐖🐥扒飯～～～鴛鴦扒係豬🐖扒同雞🐥扒，但相差好遠，雞🐥扒得豬🐖扒一半份量😗😗，雞🐥味幾好雞皮有煎香味😙😙豬🐖扒果然如同事介紹一樣十分鬆軟，好香豬🐖肉味，同埋冇乜豬骨🙂🙂P.S唔使全部蔥油都拌飯如果唔係會好鹹😝😝～～～雞🐥湯三色雜菜～～～跟扒飯嘅菜湯，裏有滿滿嘅蘿蔔、西蘭花🥦、椰菜，雞🐥湯雖然唔係好濃味但飲落幾舒服☺️☺️～～～敏華黯然銷魂飯🍚～～～招牌之一，先有流心煎雙蛋🍳，篤穿後橙色嘅蛋🥚液可以用嚟撈飯但可惜蛋🥚味一般唔夠濃😅😅。有幾塊大大嚿嘅叉燒，睇落乾乾地但咬落肥瘦適中仲會有肉汁添🤭🤭～～～自家頭抽時蔬～～～冇乜特別嘅蔬菜😐😐

近排搬屋在附近住，看見敏華有人排隊食早餐，我都排隊入坐食早餐，手機入單食物好快有，早餐好食過一般茶餐廳，員工好有禮貌。第二天買外賣早餐3個套餐，買咗行去7-11買D東西才回去取早餐，買出單到取餐就要等半小時，今日買外賣早餐1個套餐，等等吓25分鐘，問收銀員工，只答等多陣，再吹收銀員，才去跟進。我在這一邊等一邊看處理外賣員工包裝食品，真係好慢，看到廚房出食物都慢，外賣員工包得又慢，咁真係唔會再買外賣。

今晚，我去左敏華食古法枝竹炆鴨煲個鴨煲真心難食又多骨，又好鞋我仲以為食緊湯渣咁都要$68，仲冇野飲不如唔好叫「古法枝竹炆鴨煲」，改叫「古法枝竹煲鴨」啦！反正啲鴨煲完湯咁

喺荃灣搵早餐食，點知大商場唔係好多餐廳開咗，於是揀咗有名氣嘅敏華冰廳。🔴炒滑蛋雙腸拼歐式軟多士$33滑蛋真心口感幾好，腸仔係西式雞肉腸，軟多士厚切得來焊面質地軟熟，行高檔路線嘅茶餐廳的確喺細節位做得唔錯。🔴沙茶牛肉公仔麵拼炒滑蛋歐式軟多士 $37沙茶醬唔會夾硬用生粉整杰，牛肉厚薄適中一啲筋都冇。唯獨麵就真係腍左啲。順帶一提，咖啡同奶茶都有水準。🏠敏華冰廳 (荃灣)📍荃灣大河道98號如心廣場二期1樓109號舖

今早一家到如心敏華食早餐，伙記要求自己用QR code落單，落完單睇返枱面餐牌，發現原來跟早餐code (例如C)落單，會變咗單點再另外加錢加蛋同飲品（仲要無左多士）。最值得留意嘅係，連個價錢同餐牌都唔一樣。個人覺得極之誤導，甚至有涉嫌違反商品說明條例之嫌。大家留意！

今早諗住嘆番個早餐去行超市 叫左個濃湯雞湯火腿通胡椒粉塞晒 倒唔到出黎 我咪搵姐姐拎 點知被個阿姐話我 咁無禮貌嫁 我黎食野 唔係受氣嫁 另外叫左杯熱嘅好立克甜到飛起 飲完一啖 已經飲唔到第二啖

今天外賣早餐自取，有時電話落單，電話打唔通，打通後要超快講要咩餐，如果唔係姐姐唔高興，另外今日杯凍奶茶的杯比平時的唔同左，細杯左好多，佢哋無用自己logo既杯，感到敏華服務和食物質素甚至包裝都有所退步，希望佢哋可以改善下啦！

食過朗豪坊敏華覺得唔錯，所以經過如心呢間就入去食喇，第一次幫襯已經漏單成半個鐘，最後冇食激氣走左。今日男友話想去食又再試多次啦，點知都係漏單，追啲侍應淨係嗌你等多陣，唔會去幫你跟，懶懶閑咁既態度，過左半個鐘都仲未有得食，再次追啲侍應既時候佢竟然答我塊豬扒要煎！其實睇返呢度既食評已經有好多都話服務態度差，平時我從來都唔會特登去寫食評，但今次真係好嬲，入面啲員工真係要培訓下點樣對待客人，經過兩次唔愉快既經歷，唔會再次幫襯敏華呢間野！！

如心廣場二期分店收銀阿姐12點前有兩三台吉位唔叫人入，12點5分先叫入，就話早餐無咗。又唔一早出聲，由得客人白等。真心體貼，優質服務！之前見有曱甴出沒都算，快脆食完走人。今次唔贊唔得。

去食早餐，問阿姐拎杯水一句話「等陣丫」，然後用力放喺桌上，好彩我同朋友都俾作出準備，否則彈到成身係。差不多食完嘢 ，餐飲品仲未到，同另一阿姐講，又係一句「等陣丫」。好聲好氣問你，你咁回應，講真一早就咁態度對待別人，不如辭職唔好撈早日俾自己解脫啦。食物唔係特別出色，但咁嘅服務我真係唔會再幫襯喇，行多幾步去紅茶幫襯好過，食物同服務都好過呢間！睇番其他嘅comment，原來職員態度差都並非我一個人嘅想法。

入到去阿姐有少少惡....😅通常去到敏華都會食佢嘅茶餐....好少會叫其他野...今日有少少想食飯...咁就叫一個茶記日常——芙蓉蛋飯黎試吓啦...買相就中規中矩... 即叫即做係好夠熱嘅... 鑊氣十足....食落入邊呢就係勁多芽菜同洋蔥🧅....反而叉燒同埋火腿就少咗少少啦🥲... 飯嘅份量算係叫足..！ 我只係食得落大半個.....我重揀咗好多洋蔥出嚟😅49蚊... 一個快食午餐.. 叫做簡簡單單..

去到荃灣 求其搵間餐廳食 跟住見到哩間敏華一入到去 想揀餐 問多2問 個職員態度又差勁吾耐煩 又吾多想答你 導致成個餐都已經吾覺得好食 好老實 我第一次寫食評 一間公司員工態度決定間公司質素 我以後都吾會再黎

當我第一次租住荃灣如心酒店，好姊妹聽見住酒店一晚送一晚優惠，有見及此！她也租住一間！實行拍住隔離一齊住！ 她住兩日便回家！在第三日的晚上，知己好友約我食晚飯！他專登就我，由鰂魚涌過來荃灣，所以我請他食飯吧！原先，我們打算去海之戀的海底撈食火鍋，可惜要等一小時！ 我們放棄了！便在附近找餐廳食飯，由於，他走到荃灣站落車，我由荃灣西站行到荃灣站那邊接他，行返荃灣西站，來回我要一個鐘，還要穿上高踭鞋，行得快，我都有點攰啊！我們一起走到酒店附近的荃灣如心廣場二期茶餐廳 <敏華冰廳> 食晚飯！ 若非他告知，我也不知道敏華冰廳是太興集團！星期六晚上 8:00 入座，未入座時，店員已跟我們講明，豬潤及叉燒已售罄！眼見附近多間餐廳門外也有人排隊等位，意想不到！豪宅區茶餐廳反而少人幫襯！熱杏仁霜 $17 跟餐不用加錢香濃奶滑！超大雞扒飯 $60雞扒超大塊， 看起來比我好友塊面更大塊呢！肉質柔軟又入味！蔥油豬扒煎雙蛋飯 $60豬扒亦超大塊，肉質柔軟入味！蔥油令口味提升不少呢！

今日order左一個早餐B10沙嗲牛肉麵轉通粉炒蛋加多士。我有一排無來，今日再食返真係令人失望。一上菜我見到呢碗野，啲泡泡好似係食物殘渣再加洗潔精跟住阿姐見到我黑面，仲特登走過來問我有冇咩問題我就問佢呢碗係咪沙嗲牛肉通？佢答話係呀！不過啲罐頭未溶咋嘛。我唔明白點解咁樣都可以拎出嚟俾人覺得冇問題，既然係連鎖店，公司更要多培訓下員工公司既standard 最後我就好勉強咁樣我諗食晒佢就走人但係我諗我以後都唔會再嚟。