文利

营业中

休息中

去St. John 上急救班，放飯過對面女青大排長龍，索性行遠小少少，女青旁邊斜路下行，穿過球場，再穿過公園仔，係右手邊就係文利，買左個巴東牛肉飯試下。整體味道不錯，牛肉又入味又夠淋，睇牛肉紋理有點像牛𦟌啊。$55有飯、有炒豆角、重有三件牛肉，係呢區，又唔洗點排隊，真係算不錯的選擇了。

星期日嚟到St.John上堂 放lunch唔知有咩好食 對面YWCA社企餐廳冇開 openrice search nearby見到有幾間做外賣嘅港式飯店 經過YWCA側邊條斜路向下行 穿過球場行落樓梯向右邊行就會見到除咗飯 仲有豬扒包、三文治、飲品etc🍛洋蔥豬扒飯 💰40飯嘅份量唔少 加咗啲汁冇咁淡 兩大塊豬扒 仲有隻煎蛋 翠玉瓜粉絲

系附近辦事，見到文利店前排隊的人唔系好多，就揀左呢間叫個飯盒，見到招牌系印尼巴東牛肉飯，瞭解之後知道老闆原來系印尼華僑，所以呢度印尼食物系正宗的，牛肉飯裡面牛肉份量好多，而且煮得腍身入味，入口即溶，加上特質醬汁味道一流，值得推薦。

早前去St.John救傷會學急救，救傷會位於麥當勞道半山區，附近沒平價餐廳/商場，幸好走遠一點到堅尼地道有三間外賣飯盒的士多：分別是景成、文利和煊記 三間飯盒的價錢也是統一的$38，款式最多、最受歡迎的就是中間的文利。.原來老闆伯伯是印尼華僑🇮🇩👴🏼所以士多的印尼料理如巴東牛肉、咖哩等非常正宗～.圖中👇🏻👇🏻👇🏻.印尼巴東牛肉飯（$50）全店唯一不是$38的飯盒，因為是店家的招牌👑和朋友叫的是同一款飯，我叫了少飯，打開竟然發現老闆娘幫我加了隻煎蛋🍳好有愛啊😭💜 （少飯其實還有大半盒巴東牛肉用的竟然是大大件的牛𦟌，每盒還有5-6件，難怪賣得較貴。牛𦟌明顯經過長時間燉煮，炆得非常軟稔，入口很溶～自家調製的牛肉醬絕對是精髓！醬汁稠身，有很重的香料味，帶少少胡椒辛香。椰奶味偏弱，變相沒那麼膩，個人覺得問題不大。每件牛𦟌裏裏外外也吸盡醬汁精華超正，餘下的用來撈飯，禁不住一口接一口的吃光光🤤這個味道真的是街外餐廳吃不到，有機會值得一試。

午飯時間諗住去灣仔點之預正警車抄牌! 諗左陣, 就衝上半山買外賣。 本人未試過其他, 但就鍾情巴東牛肉。 之前黎應必定大排長龍及賣清。 現在巴東牛雖加了價, 但我仍然覺得合理。 因是大餐廳的水準, 卻是平民價。 會繼續支持!!

係麥當勞道2號上急救堂既朋友，可以去呢間，或附近兩間買飯盒一路行落去，你都會見到人食緊飯盒同一條路上面，有三間同類型既食店，但仍然可以繼續經營，已經係香港少見，因為你一行旺角 或 尖咀街頭，你會發現唔係連鎖店 就係 做內地人生意我揀文利，因為佢個時條隊少人啲眼見起碼有廿個唔同既飯揀我食呢個魚香茄子飯，佢原來跟一隻荷包蛋雖然佢啲餸係預制，但飯同茄子都唔會凍左，蛋就易凍啲ge茄子既油光係合理，唔會冧到爛，味道入味，有蝦米碎同肉碎，令茄子更香，配飯，佢除左放左餐具，佢仲比左2枝牙簽，太細心啦，被照顧既幸福感其實令我最想打呢篇食評係因為我見到 入面員工，見到最少有兩位60歲以上，彎住腰都問「阿妹食咩？」 「收你32蚊。」 ，身腳靈伶，自力更身，搵得一蚊得一蚊，捱得又拼得

在金鐘找食, 有時會往山上走. 不過通常都以花旗為終點. 今次, 得我一人留在公司, 自然地沒心機做野, 中午悶悶地, 便發勁行上山. 因為在堅尼地道同花園道交界的地方, 除了是地產鋪林立的一個角落及一間極高尚會所的據點, 亦是很多司機大佬, 學生哥兒的中午加油站.總共有三家外賣小店, 一名鐵騎警察停在文利門口, 買了兩、三盒飯放在車尾箱仔內便飛馳而去. 所以三選一當中, 今次就選擇了文利. 點了一個葡國雞飯, 奶茶, 是熱水壺的盛裝奶茶, 像極小時去遠足時媽媽一早為大家沖定的奶茶一樣. 含奶的熱飲在熱水壺放久了, 有一種怪怪的味道. 葡國雞飯多汁, 有少少辣, 對外賣快餐店的standard來作標準, 這家外賣店絕對不差. 汁多, 味道香, 雞塊嫩滑. 難怪騎警先生也特地為同袍買外賣. 離開前, 發現有外賣紙, 因為是星期五的關係而未能給我一張. 偷看中, 原來老闆正在為下星期的外賣紙update, 天天不同的外賣單, 保證客人不會食厭.