文成記

营业中

休息中

朋友生日去打邊邊~一入去侍應倒左豉油比我地~有d蔥蒜個d可以加~不過一睇價錢~一人一碗仔豉油夠膽死收 $15 一碗!!~ 搶錢!~痴線~自己去超市買一支都唔洗咁貴!好啦~朋友生日算數照叫野食~湯底到~算係唔錯!~ 湯底我覺得質素ok!但係食物一到..............o my god!d珊湖蚌 d色唔鮮!~ 細舊! 少!d牛肉, 幾蚊一塊~ 普通的牛肉!其他d野食都係普通, 但好貴得少少!!!~我覺得去稻香個d9點前入去食都一定平d同埋值好多lor!~最後一人 (8個人) 200左右~ 但食唔飽咁走~之後仲要食多餐先飽~大家可以諗下你要用幾多錢先可以食飽!!!!!~

last night 同男朋友去左朋友仔介紹既"文成記"食打邊爐, 我地6:30pm去到, 佢地只係剛剛開門, 所以好多位, waiter話夏天打邊爐有湯送 (係飲個d, 唔係送湯底)跟住係到睇見咩好啦, 一睇個價錢, 都真係好貴, 不過諗住可能只係價錢貴姐, 點知一上菜就真係... 嚇親, 我地叫左, 牛丸 (只得4粒), 豬頸肉 (只得6-8細片, 熟左只有手指尾咁大), 牛肉 (只得8片) , 最後就係菜 (一細盤, 只得幾棵)... 我地只有兩個人食, 但食完同無食無咩分別, 但都已經HK$200喇, 之後仲要去食野.... 唉... 真係貴... 一定唔會再去食~~~ 除非我中左六合彩~~~

情人節嗰晚,男朋友book咗位到文成記打邊爐,因為年年情人節食西餐食到悶,想轉轉新意打邊爐.我最鍾呢度D象拔蚌,夠鮮甜,頂級手切鮮牛,真係好新鮮,好有牛肉味,响出面一D聲稱自己主打牛肉嘅火煱店,好難食到呢D咁好味嘅新鮮牛肉.所以我認為唔算太貴,最緊要好食!......原來兩個人打吓邊爐,傾吓偈都幾寫意.

以前成曰去幫襯,知佢貴架啦,次次去都見有加價,始終喜歡吃佢新鮮都無得計啦.昨天又去吃,好激氣.所以決定黑名單佢。訂左位, 2位,去度等左15分钟.坐底等左20分钟都冇人檯。見到張點菜紙,笑了- 又加價! 佢地好似唔覺唔覺個個月都加DD.叫了什瓜湯底, 桂花蚌, 特級手切肥牛,菜絞,生菜,鯪魚滑, 烏東, 魚蛋拼草蛄等左15分钟湯底到, 之後幾分钟生菜(大大paul冇撮), 鯪魚滑& 烏東係10分钟後到. 之後就一路等一路追, 過左30分钟桂花蚌到($88-得6舊). 打邊爐最主要既肥牛一直未見, 我地係咁追完一個又一個waiter,個個膚衍你話"好快就到". , 窩湯就好似係度水滚水咁. 再等左20分钟魚蛋拼草蛄到埋啦,枱面d野都就黎吃哂. 再追個老闆, 佢一樣話"就到". 過左約7分钟, 菜絞到.到全枱面野食哂, 再追, 過左2-3分钟徊個waiter返黎話"你地叫既果隻特級手切肥牛冇哂啦"火都泥埋, 我問個waiter, 我地追左成晚,個個都答好快就到, 將張點菜紙入完電腦攞返泥都冇講話冇, 依家等左個幾钟先話冇. 個waiter粒声唔出走左去添- 招呼真一流！再叫個老闆泥問,

星期五晚同同事原本去力奇打邊爐，但冇位，所以去左呢度。星期五晚食飯都預左上菜會耐，但呢間野真係勁耐，等成半個鐘先黎得果一碟仔邊爐料，加水又冇人招呼。10個人食左o的好普通好普通o既野，要成$2,200落樓，好過去搶。呢間野如果冇力奇佢一定生存唔倒，但就算力奇冇位，都真係要認真諗過先好去。

o個日行開大角咀, 人地介紹我地就去"文成記" 試下, 一睇個湯底已經要差$100, 我地揀個豬骨湯底$98, 醬油每位$15, 其他野都幾貴下, 我地叫左一碟肥牛($40) -- 係得6 片, 我地6 個人一人一片only, 牛丸等丸類就$30 (又係幾粒仔), 菜$20 (得好少), 我地再叫左魚咀, 鱔片, 生魚片, 花枝片, 墨魚丸,脆魚皮, 全部d 份量根本唔夠我地6 個人食, 又勁唔抵食, 食晒呢d 野我地就埋單, 淨係叫幾樣野都$100/位!! 十個唔抵食囉~雖然d 野都幾好食, 不過都品嚐唔真d 味,太少了....最後仲要去打冷先夠飽呀~當然冇下次啦, 仲會叫d fd 千萬唔好去, 除非你d 錢多都唔知點用!!!

2007-10-18 晚同女友兩個人到大角咀試唔駛次次唔係就噱老尖九龍城，諗住去力奇但係排晒隊。行過見門口個魚缸幾吸引咪試啦。地方係OK，個所估唔到咁乾淨。招呼都不過不失(除小問題，從後再講)湯底：節瓜章魚(本來OK，但越滾越咸)48蚊頂級手切細牛脊(都過得去油花均混) 98蚊花足蝦兩隻八刺身(25蚊)200蚊珍珠蠔四隻一份生食(估唔到咁好味，有海水味爽口唔creamy；如果仲意creamy就唔多適合) 68蚊；食完仲encore一份淖司蛤一份(細細粒都有廾幾粒)30蚊鮮草菇(一份十隻，完隻冇出水冇花)30蚊話係鮮鴨粉腸60蚊(得果十條仲出事，果碟明明係粉腸、個亞姐仲同我咬；不過最後都問我駛唔駛退返，其實乜粉我都食、見佢認巢就冇退)黑啤兩大支埋單七舊幾食品份量比較細，食味都OK，花足斤兩十足。論價錢就唔係咁扺食啦。

10月1日晚，一行八人同朋友預祝生日，晚上七時訂了文成記食火鍋，之前聽說這店食物很新鮮很多人，但這晚沒有等位情况出現，還有幾張空枱，環境一般，食物頗新鮮，但沒有什麽特別，因現在很多火鍋店食物都很新鮮，但這店價錢一點都不便宜，手切牛肉$198，桶蠔$108，半條生魚$108，其他大概$60-70，分量很少，最離譜生菜同油墨菜好似一棵菜切了菜頭所剩嘅分量，我哋連食物底下嘅菜都食埋，一啲都唔飽，埋單$15xx，一致覺得無乜特別，而且唔抵食。

雖然價錢略貴兼份量唔多,不過真係好新鮮. 一行4 人由8 點左右開始打邊爐. 今次第一次要鴛鴦湯底(沙爹同清湯, 其實烚下烚下咪又係一樣,自欺欺人).例牌都點了兩份大ge 頂級手切牛脊, 炸魚片,生根, 鱔片, 脆肉鯇片, 唐生菜另外仲有豬腰, 豬潤, 魚卜, 生腸, 牛柏葉, 雲吞, 水餃,西洋菜.要了支啤酒兩支綠茶加一支烏龍茶. 每次o黎食材料都係咁新鮮. 今次o黎食特別稱讚鱔片同脆肉鯇片一流, 不過魚卜就好韌...

約了朋友食飯，忽然想打邊爐，但朋友又唔想過海，最後便選擇了這間。我們叫了湯底，食物就叫了貢丸、菜肉餃、豬頸肉、白鱔片、雜錦海鮮和手切肥牛肉。節瓜章魚湯底–還是選擇了之前比較淡口的湯底，因唔想太濃味，搶去了海鮮的鮮味，而且味道都算幾好，清清淡淡。貢丸–材料比較少，所以感覺上粉了一點，唔多好食。菜肉餃–細細粒，菜肉也很新鮮，幾值得食。豬頸肉–唔算很肥，肉質都幾鮮嫩，可以一試。白鱔片–切得幾薄，又夠肥美和新鮮，又怎會唔好味道呢？雜錦海鮮–上次食過，覺得這是一個非常抵食的海鮮拼盤，今次當然要再叫啦，食物包括了很多不同種類的海鮮，價錢又唔貴，海鮮又新鮮，還想怎樣。但這拼盤比較識合三個人食，因部份食物只有三人份量。手切肥牛肉–朋友說很好味，雖然比較上偏瘦，但肉質鮮嫩很有口感，以這樣的價錢和份量來說，都算抵食。食物質數以價錢計都算幾好，平平又好味的選擇！

同朋友去左大角咀既文成記打邊爐, 地方算乾淨, 不過就好嘈.叫了番茄牛肉粒及章魚節瓜, 兩個湯底都麻麻地. 好似清湯還清湯, 料還料咁, 完全唔入味.食品質素麻麻, 尤其係鵝腸好韌. 最好笑係要了駝鳥肉, 居然大半小時都未到, 一問之下原來話溶緊雪! 溶到我地埋單都未到, 唔通全日都冇人叫過? 咁都唔會好食得去邊lu~

辣椒女上網看見這間食店食評幾好，早前和朋友食過感覺都幾好，早幾日我們倆個便再來一試；我們叫了節瓜章魚湯底、雜錦海鮮拼盤、新鮮墨魚滑和靚魚肚。節瓜章魚湯底- 湯底都幾清，節瓜就真係唔少，章魚就只得幾舊，比清湯底好點點吧了，但如主要食淡味的海鮮，感覺就唔錯。雜錦海鮮拼盤- 海鮮真的唔少，而且大部份都幾新鮮，味道也不錯，人少少都值得一試，因份量唔算多。新鮮墨魚滑- 比較失敗的一味，墨魚唔夠彈牙，又沒有鮮味，價錢又唔係平，不值一試。靚魚肚- 味道幾好，可惜份量又真係太少，倆個人食還可以接受，加多一個人就已經唔夠分了。價錢唔算平，但份量偏少，好在海鮮算新鮮。如份量加多一點就更加好了。要留意的是，雙拼要叫侍應落單或自已寫要1/2，如不是便可能每樣來一碟，到時收貴了就唔多抵了。

尋日去打邊爐,左穿右插後來到呢間鋪估唔到入面咁多人,但再深入去竟然別有洞天,非常之大,多多人都坐得耐!我地叫左個豬骨湯底,要左手切鮮牛(邊位),花枝片,粉絲,水餃,菠菜,牛柏葉,羊肉片,三支汽水,咁就已經over $400,仲要係冇計加一茶芥...以上配料雙拼加$5,但就算要一碟,d份量都實在太少了!大部份食物都ok,係羊肉冇味差d.鮮牛就好鮮甜,但等左好耐先上,而且只有邊位,肥位賣哂,同埋舊牛一定唔可以灼到啡,五成仲見紅就好食了.豬骨煲有六舊骨,同好多粟米,雞腳.煲到後期d粟米味太濃了,要早d食.我地八點幾去到,已經好多食物都冇哂,d食物份量仲少過人地任食火鍋o個d,但都收我地四百幾,我就覺得太貴了!

自問都食過唔少主打邊爐的食肆，料靚就超貴，平價既就冇好野食。但文成記我覺得最能做到平靚正。位置係幾隔涉，而且冇乜裝修，但環境尚算幾大，而且比較容易有位。尋晚同老婆去，個侍應帶我地穿來插去，去到最尾有好多空檯，而且張張都好闊落。坐低叫左個蕃茄薯仔牛肉粒湯底，墨魚滑，駝鳥肉，手切肥牛，牛柏葉，鵝腸，桂花蚌，半條生魚，脆肉鯇魚片，生菜同烏冬。碟碟份量都唔少，兩個人黎講真係叫得太多，可以太耐冇打，搏晒命之故。樣樣都好新鮮，係碟鵝腸可能去晒D肥糕，口感冇咁爽同香。最後飽到唔識郁咁滯，埋單都係六百。算經濟，下次再黎！

這是一間火煱店. 在金百利隔鄰.最近變成一間有刺身吃的火煱店.同事推介, 今天去了吃午餐.間店舖都幾大, 每張枱都幾大, 人不多, 不用等位真好.叫了個雜錦魚生飯. 有一支汽水.雖然都整了幾耐, 但很好吃, 很精美.魚生都幾新鮮...$32真的很值.下次要試埋其它午餐.