文薈館餐廳 (已結業)

原本想食午餐，但已經過了兩點，唯有吃下午菜ｏ兩個人叫了意粉及薄餅，整體不錯，但意粉淋左ｄ，下次要試下晚餐廳！

呢間嘢o既裝修以白色為主，簡單舒服！食物方面亦都唔錯，我叫咗個忌廉汁芝士焗海鮮薯蓉(本來想叫薯菜...可能睇錯咗menu)，D料幾新鮮、幾好味，賣相亦都幾得，個咖啡亦都唔錯！

環璄不是一流，檯與檯之間無遮無擋，無乜romanic。但食物水準OK，有高級餐室水準，不是冰鮮牛柳的味道，而且咖啡一流，值得推薦。侍應忙中都有出錯，生生硬，不過笑容可加，值得一讚。

今日小病，下午茶時間到了大埔一條橫街上一間餐廳吃東西，它全間白色裝修，個人覺得很『冷』，但食物還可以，咖啡就非常"正"，雖然不是用精緻小壺在人客面前"brew"的，但已很醇很香，值得一讚，但當時全店人客得7人，侍應連工作人員約10人，真是要快快介紹給大家試試，只怕它很快消失，但願老闆有『米』，給人客一個舒適的環境食東西。

此餐廳給人清新的感覺味道不錯侍應招呼好食物用料正我給90分每人$100左右都可以接受值得一試

悶悶地出去大埔行下,先食lunch。門口擺放一個魚缸。簡單的白色裝修,樓底頗高,有種闊落感覺。不過人客越來越多,來的時候唔係咁多人,走的時候居然差唔多滿坐,感覺上開始有點嘈雜。set lunch選擇唔太多,價錢都唔同,點左個中價的。羅宋湯:酸酸辣辣,其實個味都幾好,不過比較稀同料太少餐包k既,凍凍的,都幾鬆軟紫蘇什菌天使麵:天使麵有點腍,什菌入味,加上紅黃青三椒同紫蘇葉,不過個麵底真係有少少油。整體上ok,只係份量唔太多咖啡:夠濃但唔夠香服務方面其實唔錯的,除左好禮貌,面帶笑容之外,都幾細心。主動斟水,食的食物唔需要用刀就同你收番把刀,上菜時唔小心整郁左d餐具小小又幫你擺番正佢...食畢,落大埔墟。笑面係比服務的。

裝飾簡單, 但給人舒服的感覺. 待應生制服好有日本feel, 態度一流. 食物- set dinner, 湯+ 麵包麻麻, 因覺得是返丁,沙拉初初食幾好味但再食有點酸, 因份量不多, ok, 主菜- 牛排好味, 羊排味道ok, 甜品普通, 可能係set 關係.......埋單兩個set dinner $350, 因主菜味道好, 所以值得. 重要係睇下同邊個食, keke.......註:因附近係住宅關係, 朋友說人多了, 好有茶樓街坊feel, interesting!

一人叫一個set lunch。羅宋湯和包都是一般。包是涼涼的，對我個人來說亦不夠chewy(但比Oliva那些乾爭爭無味道的好)。上司叫的龍俐柳，配有炸薯塊及翠肉瓜及甘筍類蔬菜，味道我想是OK的，起碼她把魚和菜都吃光了。我的忌簾雞肉意粉，意粉不淋但口感可以更好。忌廉汁幾杰下，所以食落好heavy，令我吃不完意粉。此店最大問題是上菜打衝風。一個如此relaxing的地方配上如此服務，令人失望-- 未把湯喝完就上主菜，上司的龍俐柳很快就涼了，非常煞風景。我未把意粉吃完就要我叫餐茶-- 店內有的是位子，實在不明白為何他們總不能讓我們悠悠閒閒嘆個lunch？不過我們之後坐著談天，倒也是沒有人打擾。環境是高樓底以白色為主，挺清新舒服的。不知晚市如何-- 但午市就可說是乏善足陳。

上個星期六踏完單車，專登去試一吓這間新舖，去到街頭，都見唔到個招牌，附近啲老人院招牌重清楚．大約７點鐘到達，唔係太多人，叫咗二個set dinner．一個蝦天使麵，一個加菲羊．set dinner有沙津，湯，主菜，甜品和荼．沙津係一個黑醋汁撈雜菜，普普通通，都ok．湯有兩款，一個雜菜湯和大蒜磨茹湯，個雜菜湯普通，個磨茹湯比較滑啲．主菜終於出場，加菲羊得三件，無\'蘇\'味，食多兩啖會覺得有啲咖啡味，幾得意．個天使麵都幾香，麵質都唔會太淋，不過食到落底時，有啲油油地的感覺．個甜品有兩個款任選，一個士多啤梨慕士蛋糕或香芒布甸．每款要了一個，個慕士較為\'實咗\'少少，個布甸都幾好．啲待應的服務態度真係好好，其中有一位著黑色衫的女士更為特出．

年初三到新界親友處拜年, 睌上被邀請到"Culture Shock" 呢間意大利餐廳睌餐, 本來一向對西餐不是太喜好的我(尤其是意大利菜) , 袛本著以少數服從多數的心態而來, 誰不知竟有意外收獲, 讓我品嚐了一餐飽響色香味的西餐.踏足門口時, 感覺是餐廳面積很寛敝, 樓底十分之高, 不會有侷促感, 裝修以銀;白為主, 氣氛非常之和諧舒服, 配合侍應生的洽當兼温和的笑容, 洽到好處. 再看清楚門口正中擺置了一個Size適中的珊瑚缸,可能是新開張不久, 雖未有大量的珊瑚供觀賞, 我老公已樂在其中呢!當然新開張總會有點點亂, 但侍應生的招呼總算恰到好處.我地臨走時, 那位女經理都有話"佢地會繼續努力" 的.至於食物方面嘛? 一個字---> (((((((掂!)))))))因為我地是一大班人去的, 所以一致贊成order 各式各樣的意粉; 扖頪 ; 海鮮類& 甜品等等. 事關"太多野食" , 一時都未能盡嚐, 短時間內一定會再去, 然後慢慢品嚐再逐一推介, 至於價錢方面嘛? 是見仁見智; 但豐儉隨意呢! , 總有一款o岩你的! 當日我地個個都食得好開心! 已經約定再去, 雖然簽

一大班人去呢間新店食野, 食物都不錯, 裝修就一般咁啦, 服務就真的得好, 個個waiter都好有禮貌. 價錢有部份略貴了一點, 但都值得一試. coffee一流, 好正!大蒜忌廉湯: 好味, 如果大碗d更好, 跟湯bread就好一般啦!三文魚扁意粉: 個汁好好味, 意粉略為淋了一點(可能習慣食硬一點的)燒羊架: 本身的肉質好好, 開頭燒得略生, 再叫廚房弄熟一點得熟了一點, 但肉質仍然很淋, 幾好40oz牛扒(連骨): 超級大塊, 開頭睇餐牌個價錢都會嘩一聲覺得貴, 但呢個扒可以大班人一齊share, 除開又好抵食, 件牛扒肉質好淋, 好juicy, 好有牛味, 但如果可以除左連燒汁一齊上外, 加2塊香草牛油, 相信會更加正!燒rib: 燒得好好, 好熱辣, 味道不錯, 如果汁可以多d仲好.瑞士雞翼: 好好味ar, 好大隻!心太軟: 外鬆脆, 內流出的朱古力漿都很好, 但如果隻朱古力更香會仲正.炸生果: 反而呢個有d驚喜, 又幾好食wor!coffee: 好多種類選擇, 不知選擇那款好, 老細問我鍾意那種口味, 我話鍾意甘香d o既, 幫我order左杯"山度士", 真的好正, 好熱

年初二唔駛拜年，週街搵野食，咁見到佢地個易拉架，橫掂都唔知食咩，就去試下啦。我叫個藍青口天使麵，我男朋友就叫個set dinner, 即係煎鵝肝拼肉眼扒，因為我地叫滿二百所以再送半打田螺。set dinner有前菜有甜品，男友個前菜好快到，係吞拿魚沙律，都ok，再來個忌廉湯，太杰。男朋友個main course來到，食一半，個waitress先同我講冇晒藍青口，死死地氣叫個set dinner，係海鮮墨魚汁意粉，等兩個字先來個湯，然後再來沙律。男朋友已經食完甜品都埋，我個意粉先到....先講男朋友個肉眼扒，收$168，但係塊扒真係....好似大家樂鐵版餐個d囉....鵝肝得個"so"字，唔好食....我個意粉，海鮮多料，但係得青口係好食，魚係腥，蝦係硬，帶子有渣，要好耐先得，意粉太林，唉，$98，唔太值囉....甜品係new york cheese cake，惟一可以讚食物...總括講，食物水準唔值我地食成三百蚊，惟一可以讚係服務態度真係好好，其中一個女waitress全程都笑容滿面，又會同我地say sorry，不過咁大間餐廳竟然唔簽得咭，好在帶夠錢，唔係就麻煩啦..