斗來香 (已結業)

11點多....店舖門外已擺滿砵仔糕...看其他食評..推介這個.就打算買一個試下 @$3..負責的男店員 or 店東問..1個定2個, 說買2個 $5由於已在麥堡買了蛋糕麵包..我回答:1 個可以了..等他打開盒蓋取出砵仔糕時又問第2次..依舊回答他: 一個夠了..及後他gut 起砵仔糕, 隻手想繼續gut 起第2個砵仔糕時, 又問1次..買個砵仔糕姐...哥哥仔駛唔駛為左賺多少少柑hardsell....幾好吃都令人厭煩...況且砵仔糕表面係好多豆...但糕身偏立口+粉..沒有蔗糖味..亦不太衛生..放砵仔糕下面, 見到一盤盤大膠盒載著砵仔糕, 應該工場運來..就柑放係度, 很易變壞亦多塵,,,無下次!

下午5時許, 肚子空空...本想去光顧"低調高手", 點知拉左閘, 貼張紙寫內部裝修, 是否結業了?記得早兩日有人係forum 推介此店...於是特登走來這裡..買碟腸粉燒賣試下..$10 兩樣, 燒賣6pcs + 腸粉5-6條..果嬸嬸好好人..下了很多醬..知道是外賣, 膠紙下還有一塊較厚身的膠紙載著, 再放入膠袋...真係點都唔會漏...腸粉有咬感...最正係醬汁....燒賣就普通左d...實一點....嬸嬸一邊賣一邊大聲sale 佢既腸粉燒賣砵仔糕...熱辣辣wow...前2者就係...砵仔糕見佢地放係張毛巾上, 似乎已經凍了....唔知砵仔糕幾時出爐既呢? 要熱先好食嘛!

12月16日, 下午四五點時份繼續叮叮遊，叮叮的總站在筲箕灣，我們就在筲箕灣下了車，下車後我們見到不遠處有熱烘烘的車仔檔，檔口位於斜路之上，已被很多客仔包圍著。在冰冷的天氣下，人人都想靠近熱爐啊！見到腸粉和魚肉燒賣比較人氣，我們便毫不猶豫要了腸粉和魚肉燒賣。我又見到有砵仔糕賣，而上面亦有很多豆，為食的本性又再次驅使我買下了兩個。最後，雙手各拿著一袋食物，先吃了熱的，本來不期望這些檔口的腸粉有幾好吃，但吃下第一口後便覺驚喜，一般腸粉檔位處於旺區的，那些腸粉不是太淰便是硬過頭，淰到一夾便散，硬有硬到似食膠。但這兒的腸粉絕對會令大家喜愛，雖然沒有新鮮製作腸粉那樣有著薄薄的粉皮和麵粉味。但這裡有著另一種味道，腸粉充滿咬口，軟硬適中，適合任何人食用。而魚肉燒賣就異常大件，燒賣裡不似一般麵粉魚肉燒賣，有著魚丸的味道，我還吃到有魚鱗啊！真的真材實料。砵仔糕上面舖滿粒粒紅豆，咬下去很有𡁻頭，用竹籤拿來吃，食到最後也不怕個砵仔糕會跌下。而甜度來說正正合我心意，不太甜，現在一般人亦不愛太甜啊。唯一是冬天實不宜食砵仔糕，食落似食雪糕般凍冰冰。

經常成日黎依到買野食,依到出好多新野,但糕點個d唔係自己整所以普通,自家製既有:豆腐花,豆漿,砵仔糕等 最好味係豆腐花. 真係幾好味架~但近排好似轉左黃豆,豆漿(傑)左,變左一般.提示:佢有時會唔開檔架~仲有佢d豆漿唔好係早上買,有d豆漿係過夜架!

差唔多2 3日就去買下野食 好多野食 樣樣都唔錯 最好食係d腸粉同豆腐花 超正抵食就係(茨)飯+豆漿 10蚊ONLY 幾惹味個老闆同老闆娘好好人 成日都同你傾2句美中不足係有時候好多人 要等 同埋要等到好晚晚先有想食O既野

小店經營,見佢有枝裝豆漿,好似幾新鮮咁.買咗有糖既黑豆漿,估唔到佢即裝俾我.仲係熱辣辣ga.(啱啱煲起).好香濃既豆味.好有屋企feel.好新鮮!正! 下次要試吓無糖先得.

第一個寫食評呀 !!! 之前食過黑豆腐花，好香豆味好好味 ! 今次行過見到有炸雞軟骨 ($10) 就試下唔係新鮮炸但有 keep 住溫暖都 ok 雖然唔係即炸但食落依然好脆掂呀 !