斗斗台灣料理

营业中

休息中

準備去蘭桂坊日本祭，未知有冇野啱食，先去上環信德中心打打底。一直好想帶友人黎試下呢個怪味雞，基本上我每星期都食一次，不過就好少堂食。嫩滑白切雞件鋪上滿滿一層蔥蒜，混上豉油姜茸醋，甜、酸、鹹、辣、香，每一啖蔥蒜都能拌上一大口飯，非常惹味！雞件嫩滑皮下沒多餘脂肪，配上滋味怪味汁令人食唔停口。套餐有飯、麵、米粉選擇，建議選擇白飯，試過配米粉，不但等候嘅時間增加，兩者更未能合襯，始終配飯更好！另外，外賣更有9折優惠，上班族可以拎返公司慢慢食!

剛去完澳門回來，船上已經餓死了，但信德會有什麼好吃的？上openrice一看，原來這裡有很多選擇。我們來到了這家叫斗斗的小餐廳。餐廳店面比較小，但外面還能放三桌，我們也是坐在外面的其中一張前用餐。看看餐單，價格很便宜，而且點飯麵能用優惠價格加配小吃。小吃看起來很吸引，所以我們三個人點了飯麵各一客，再點了多個小吃。我們點了涼拌茄子，微辣口味非常惹味。剁椒皮蛋挺辣的，但在吃飯前能吃到，真是胃口大開。這家的辣不是同樣的辣，每種都不同，麻辣也是真的麻。這張我晚了拍，因為太想吃了，吃了快一半才記得拍照。😅花雕醉雞飯的醉雞汁非常濃郁，而且很冰，吃得很爽！九層塔醬油雞麵的雞稍為鹹一點，不過這份不是我的，我只嚐了一口。👻台式小吃一定有花枝丸，炸得很香～最重要的是，吃了這麼多才$181，非常划算！😆

上環上班間唔中都會去信德果邊食午餐，諗住試呢間台灣料理好耐，最後今日係下午茶時段試左，唔使排隊，店舖不算很大，舖入面出面加埋大概可以坐20人左右，同同事叫左一個鹽酥雞肉燥飯，一個香酥豬扒肉燥飯，等待上餐時間需要大概10分鐘左右。餐牌內除了飯類還有其他粉麵小食可供選擇香酥豬扒肉燥飯 $50包茶一杯，野飲要另加錢，加一款小食$10，等到上餐時一見到男生應該會覺得偏細碗，肉燥份量亦偏小，有花枝支八角既味道，味道正常，至於豬扒份量都算多，外表同肉質都不錯，至於菜配搭好像不太配合！而汁都屬於一般水平。至於食台灣野每次都會試下鹽酥雞肉燥飯，同樣肉燥不夠多，雞的份量也不多，食落去都算脆口，可以一試，最後食完都唔係好飽，結賬時有85折優惠，因為2:30pm後有折！

最近都係去信德中心食，因為鄰近辦公室和選擇多，符合了方便快捷的原則，而這次介紹的就是這間台灣食店。我點了豬扒擔擔麵，擔擔麵是中國四川的特產，得名於挑擔叫賣的傳統，相傳為1841年一個小販創製，因為早期是用擔挑在肩上沿街叫賣，所以叫做擔擔麵，擔擔麵的麵條一般都較細滑，主要的佐料有紅辣椒油，芝麻醬，肉末，碎花生，花椒面，紅醬油，蒜末，蔥花等，口味油香麻辣。這次食到的擔擔麵也是這些佐料，食落有先甜後辣的感覺，麻辣味是從麵條和肉末慢慢摻出，故初時不覺辣，但吃了一會舌尖上便感受到麻辣的味覺，還有一股辛辣的氣流從鼻喉湧出來，幾乎嗆到了，喝了幾啖茶才回復過來，炸豬扒薄得來不算太乾身，只是擔擔麵和豬扒夾起來油了點，如果有菜或其他清淡佐料會更好。

上環信德中心係一個遊客區, 高級寫字樓區。2樓一向係食肆集中地, 但自從早幾個月開咗3樓呢個廣場之後, 選擇從此多咗好多。其中一間就係台灣料理。我點咗黑醋豬軟骨飯，每個堂食嘅都會送一杯茶。呢間鋪好細, 位唔多, 大概坐滿都係20個左右。午飯時間, 有唔少外賣返樓上OFFICE食, 都有我呢D堂食嘅人。黑醋冇想像之中咁酸, 亦唔會太甜, 味道適中，豬軟骨好淋，骨亦都唔會太難咬碎, 食得出廚師花咗心機煮, 有幾條白烚菜, 清淡唔油膩，飯嘅量好多呀, 女仔細食只食到一半, 大食既都好飽。$42 有咁既份量算唔錯喇。

最近，經過上環信德中心，順道走上 3樓澳門廣場新美食街，看看有無什麼新餐廳進駐！ 恰巧！見到一間新開試業的 <斗斗台灣料理>！  連招牌仍貼上紅紙！ 上星期四前來幫襯買外賣，當日正是店子開張！門外已放上花籃！ 店子細小，平日中午時段，已經座滿！ 供應：台式飯類、麵類、小食、飲品另有套餐 (飯/麵+小食+飲品)當我付款時，才得知試業期間有 9折優惠，實在太驚喜嘞！ 肉燥豆腐飯 $41肉燥份量不少，調味得幾合胃口，惹味得來卻不會重口味！ 豆腐有好幾塊，質感略為挺身， 豆味濃郁！配上柔軟的椰菜，有菜又有肉營養均衡！ 略嫌白飯軟腍一點， 對我來說份量都幾多！香酥花枝丸 $12一客 3粒！花枝丸就是墨魚丸，剛剛炸好熱辣辣！外層炸至金黃酥香，內裡爽彈帶墨魚肉的嚼感！蘸上酸辣就算怕熱氣，也令人難以抗拒！ 食 3粒都不過份啦！芭樂汁 $5來自台灣的芭樂汁，香港人稱之為石榴汁！ 加入 15% 石榴汁，帶有石榴的香甜，酸甜清新，口味些許似石榴，勝在入口沒有真材實料的石榴汁那種沙沙口感！原先要付款 $58，試業期間有 9折優惠，付上 $53 就可以嘞！