斗滾 (寶輝閣)

营业中

休息中

一行四人，幸運地臨時訂到位，位置在佐敦道廟街交界，地點方便。上到去見人頭湧湧，已經知道差極有限，坐低先嚟一個雞煲，出奇意料地好食，味道媲美貴價雞煲，啲雞好滑，野味十足。原本諗住留肚可以食其他，點知忍唔住食晒。海鮮盛宴跟住出場，海鮮款式算多，有鮑魚聖子石斑蜆，中間仲有啲索晒味嘅烏冬，味道正常發揮，冇驚喜。再嚟一個足料燉湯，竟然有成隻烏雞喺裏面，味道唔似落咗味精，好似屋企煲咗三個鐘嗰啲老火湯咁，甜到黐咗線！飲完湯再任食牛肉打邊爐，d牛肉絕對對得住個價錢，出邊仲有芝心丸魚皮菜豬紅鵝腸等等！當然唔少得我最愛嘅韓國公仔麵，出前一丁和烏冬。呢個價錢完全係大陸嘅價錢，只能夠講性價比十足，味道唔錯👍

昨晚去斗滾食火煱，網上好評如潮！但弟一次食覺得雞煲好咸好乾，4个人食剩半煲！湯底選冬瓜花膠雞湯，花膠好細件，似魚肚多d，冇咩材料，但湯底好咸！蒸海鮮也覺得好咸😓如果海鮮新鮮，唔需要落咁多調味料，味精！勁失望，冇下次☹️

朋友介紹呢間打邊爐好抵真係好抵！$300都唔使首先已經有雞煲任食先揀咗中辣 辣度剛剛好你教我哋煮幾多分鐘可以開始食啲雞入味，而且嫩滑有少少孜然香食完雞煲就到戲肉！雖然唔係任食但係份量都超多嘅蒸海鮮拼盤以下係三個人嘅份量有蟶子扇貝鮑魚蜆蝦魚味道鮮甜完全食得出係新鮮而且無沙中間嗰個烏冬本身以為係普通嘢原來係超好食，好入味！最後嚟個椰子雞湯底打邊爐like咗佢哋嘅社交平台就可以任食牛！椰子雞湯本身就咁飲已經好清甜啲雞份量多飲湯都飲咗差唔多一半😂跟住先捨得拎嚟打邊爐同埋因為前面都已經食到好飽開始戰鬥力下降仲有啲任食嘅丸類蔬菜麵食每樣試過小小就飽到傻意想不到係最後竟然仲送甜品！！係椰汁雪燕！最後超級滿足之後一定會同啲朋友一齊再嚟食勁抵！

其實都真係唔洗多講，個個人黎到呢度差不多都係為咗呢一盤霸氣海鮮鍋，按人頭每人一份鮑魚、蟶子皇、大扇貝、花甲、海蝦及班腩片，極鮮味十足，簡簡單單用蒜茸粉絲蒸已經好滿足，個烏冬同粉絲吸曬海鮮嘅精華千祈唔好放過，真係超抵食無限時放題。其實呢盤無敵海鮮出場之前仲要食吓雞煲嘅，雞肉好嫩滑惹味，雞肉斬得細細件，入晒味，完全唔比食雞煲專門店差，雞煲可以揀辣度，我哋揀左BB辣，唔係好食得辣嘅我都覺得下次可以試小辣，雞煲點都要有少少辣先夠惹味。

🥘成餐飯分四部分1. 雞煲本身對佢冇乜期待，點知d雞出乎意料地滑，想留肚食其他野結果我地一口氣清曬成個雞煲我地揀左小辣，辣度岩岩好連我呢d唔食得辣既人都接受到😂同埋唔夠食仲可以追加🤤2. 海鮮盛宴有鮑魚蟶子扇貝海蝦龍躉花蜆，加埋海量蒜蓉，個烏冬墊底索曬d汁勁正3. 養生燉湯個湯勁真材實料，有成隻烏雞係入面，飲完湯就可以直接攞黎打邊爐4. 打邊爐我地果日去有個優惠like佢地個post就可以任食手切牛頸脊😍配料都好齊全，有菜菇丸豆腐等等，我最鍾意係麻糬丸同芝心丸子🤤整體黎講都我地平日去$268加一呢個價錢可以食到咁多樣野性價比真係好高，推薦一大班人去😍最驚艷係雞煲同燉湯，其他野就正常發揮😌Overall: 8/10

呢度真係性價比高，實在太豐富，我哋直程同服務員質疑，究竟佢哋點樣賺錢？😂首先一坐低，就嚟咗一個雞煲先，份量真係太多，我哋3個人都食唔到一半，可惜唔可以拎走，我哋問咗服務員，如果下次食我哋可以叫少啲份量，因為唔想太浪費，味道好好，雖然叫咗小辣，但係其實都幾辣㗎！食完雞煲之後，就上咗一大盆海鮮，包括有鮑魚、帶子、蝦、蜆，蟶子，仲有好入味嘅烏冬，雖然唔算得係好新鮮嘅海鮮，但係味道都OK，勝在份量多。之後又上咗一鍋湯俾我哋打邊爐，我哋揀咗烏雞，未食嘢之前一人飲咗碗湯先，十分之好味，跟住就開始任食打邊爐。由於今日朋友生日我哋就預訂咗個「和牛蛋糕」，期待嘅打卡位😂最後仲有糖水送，清甜好味。呢間餐廳都有多打卡位嘅，坐滿晒人，好熱鬧，服務員好好態度，值得讚！

一行九人book左間房，頭輪黎個雞煲先，雞煲啲量唔算多，但bb辣又幾惹味，食到小小辣既野大推，之後食哂再問原來可以加雞煲，第2煲叫左個唔辣，味道差好多，都係bb辣好食好多。第二輪上左海鮮，CP值好高👍🏻👍🏻之後就到邊爐，野食要出邊拎，都係個啲基本野，肉好似得牛1款，食哂可以再叫。質數都還好，呢個價錢對得起啲食物有突

朋友由外國返嚟，想食斗滾呢間一直都係我bookmark咗好耐嘅餐廳，但位置對我嚟講有啲遠，所以一直都冇食難得朋友想食，我時間又OK，終於可以出去食提提大家，如果想食的話，一定要預早book位，我食前三日先book, 只有8:30pm 嘅時間去到已經見到好多人，全場滿座，超級熱鬧第一道菜就係雞煲任食我唔鍾意食雞，但係入邊啲配料又辣又香，我都忍唔住食咗幾舊菇之後就到我最期待嘅海鮮，不得不說，真係好好食，雖然只係每人一件海鮮，但係都好夠之後再嚟一煲湯超！好！飲！拍得住屋企人煲嘅靚湯我係飲咗三碗的最後就係火鍋任食，配料都好足，有埋蝦滑同墨魚滑，又有魷魚等但係呢個時候，我哋四個已經好飽所以就冇食好多火鍋但係啲嘢飲，配料，醬都好正平均一人埋單加埋一300頭，食到四樣唔同嘅嘢，又好食，又夠，好抵啦！有機會，都想再去食🤣🤣🤣(唯一缺點就係，張枱太大，周圍又好熱鬧同朋友傾偈有啲難，聽到好辛苦)

首先食咗雞煲先，佢有雞煲非常惹味，而且有鑊氣，我覺得雞煲嘅調味非常好食，辣辣地唔會太搶！雞煲嘅份量亦都非常多， 我同朋友都好鍾意食，真係每人食完一舊又一舊！辣辣地其實亦都非常開胃，好味！蒜蓉粉絲蒸海鮮，非常適合打卡，排好晒好靚仔，鮑魚真係幾好食，幾爽口，而且食得出非常新鮮 ，絕對唔係隔夜嘅！粉絲亦都吸晒海鮮本身嘅精華，我同朋友都非常鍾意食佢嘅粉絲！亦都有聖子，聖子非常有咬口，幾好食！蒜蓉蝦就有啲失色，因為啲蝦本身可能唔係太新鮮有少少梅，不過整體呢一個海鮮都幾好嘅，我覺得都合格！

第一次去試呢個「斗滾四式」🍲朋友介紹下得知既。星期一至四$268 /位 星期五至日 $298/位🍽️第一式✨雞煲任食 雞煲好香 雞肉都嫩滑，仲可以揀辣度 有bb辣（唔食得辣既我岩岩好）第二式✨海鮮🦐：有蝦 鮑魚 蟶子 扇貝 蜆 全部有蒜蓉鋪面 中間仲有啲烏冬添第三式✨飲湯🥘我地揀左冬瓜花膠瑤柱湯 個湯就差啲了 比較清 冇咩料🥲第四式✨手切牛頸脊🥩牛肉唔錯 重牛味 冧身👍🏻follow 社交平台仲可以任加添🙆🏻‍♀️

今日一行四人去book 左6點半開始食，限時兩個鐘。由於同行朋友未到，咁我另一個朋友就一早上去先。上到去空間坐位比較窄。同隔離檯有半cm 的距離。咁上到去就即刻上左雞煲先，待應同朋友講話因為限時兩個鐘，所以都講話一定要上定先。咁後來10至15分鐘後就上埋個海鮮，呢個時間我同其他人岩岩先到。海鮮亦已經蒸完，後來又過左10分鐘又上埋個湯，湯岩岩飲哂就即刻加湯打邊爐。跟住就開始比張單叫人埋單。打左唔夠半個鐘已經上糖水，跟住到8點半就交檯。其實成餐飯野食係ok, 不過感覺同時間競賽，chur 住咁食，真係食慢少少都唔得。

一入到黎覺得環境好寬敞同乾淨不過冷氣真係好凍 一定要帶件衫😂😂雞煲簡左bb辣 但啲辣味都有啲料到好香好惹味，入面仲有牛肉炆到好淋好入味，直頭好味過啲雞（侍應哥哥好有耐性教點樣炒雞煲）仲有埋個計時器———————————————————————之後飲左個好濃好足料既湯唔記得左影相😂好鮮甜 飲完即刻成個人暖笠笠———————————————————————跟住到重頭戲：蒸海鮮有聖子、鮑魚、扇貝、開邊蝦，烏冬按人頭上全部都好鮮味好好食———————————————————————火鍋料選擇都幾多同埋分好哂一份份 好方便其實去到呢個位已經食到好飽～好多野都冇試到😅因為真係太多步曲 同埋前面既step太豐富😂最後仲有個椰汁燉燕窩糖水清涼解膩 好好飲一大班friend黎食真係一流！重點係價錢完全唔貴！一定會再黎！

#chuchu食在佐敦📍 斗滾 搬咗新舖後終於去到食！清一色好評！#chuchu推介 一直都好想去，但以前聽講話好難book到尖沙咀，所以就打消左念頭！屋企人幫🐷媽慶生竟然book到！💡真係一定要book‼️我哋食7:30，入去到已經座無虛席，中間食食吓走左一輪又入左一輪，到9:30走都仲有幾班人等緊！—————————————————————❣️ 斗滾四式仼食 $268 （星期五六日$298）雞煲+海鮮盛宴+邊爐+靚牛黑毛豬 +甜品·第一式· 🐥雞煲辣度可以自己揀！Total炒4次，每次2分鐘，有個qq timer計時，雞件份量都好多，唔夠可以再食！叫左bb辣，好香，平時🐷妹唔食辣都ok，雞肉都好嫩滑！.·第二式· 🦐海鮮有鮑魚、蟶子、扇貝、海蝦、花蜆 、龍躉，有讚岐烏冬墊係底！全部海鮮都有好多蒜蓉，好香，全部海鮮都好鮮甜，好爽口彈牙！海鮮精華都滲落烏冬到！.·第三式· 🍲火鍋三人以上就可以有🐷今次飲嘅呢個養生燉湯-海底椰燉烏雞，又或者有其他選擇！不過呢個燉湯真係超超超級好飲！飲落好清甜！.·第四式· 🥩靚牛黑毛豬任食手切牛頸脊、黑毛豬，只有like佢哋社交平台嘅post，就可以任食，啲

唔多講，298$ 一個價錢三食，野飲任飲（都幾多無糖選擇）Round 1 - 雞煲，佢會教你點炒（炒4次，每次2分鐘），鍾意既可以拎d 乾身配料撈埋一齊炒，建議食3-4輪好重要！！Pass 左就冇得返轉頭Round 2 - 蒸海鮮，佢幫你蒸埋。Ok 啦，唔好咁高要求，蟶子，扇貝，鮑魚，蝦，龍脷柳，蚌Round 3 - 叫湯打邊爐（唔建議用蘋果竹絲雞湯底，好飲既，但打邊爐唔係好夾），牛任食（不過要like 佢地社交媒體網站）

因為朋友介紹去試一試佢個「斗滾四式」主打雞煲海鮮飲湯打邊爐一次滿足晒咁多個願望首先黎一個雞煲我就叫左bb辣 份量適中比左個計時器要每兩分鐘自己兜一兜 兜四次就食得味道幾好味 個人覺得八角味有啲重重點係無限任食😁之後上蒸海鮮 普普通通 有蝦 扇貝 蟶子 鮑魚 跟人頭上每人一至兩隻 之後湯底有三款 簡左個芫荽皮蛋湯 正正常常任食既牛肉同豬肉有驚喜😆 牛肩肉易咬開一d都唔硬 連我出名係呀婆牙都咬得到 豬肉都幾新鮮有肉味配料自己出去拎 丸類都算幾多款同好味 唔係任食就比哂最cheap 既野你 菜都有4-5款 飲品大概15款～ 缺點就係無雪糕 每人有一碗雪燕糖水 主打任食抵食仲要唔限時 質素中上👍🏻👍🏻👍🏻最岩大班人一齊食下傾下